Uzpharmagency

🔴 Эрон Ислом Республикасининг Ўзбекистон Республикасидаги Фавқулодда ва Мухтор Элчиси Муҳаммад Али Искандарий жаноблари Фармацевтика тармоғини ривожлантириш агентлигига ташриф буюрди

❗️ Ташкил этилган учрашувда, Ўзбекистон ва Эрон ўртасидаги фармацевтика соҳасидаги ҳамкорликни янада ривожлантириш масалалари муҳокама қилинди. Агентлик директори Абдулла Азизов Ўзбекистонда фармацевтика саноатининг ҳолати ва сўнгги йилларда амалга оширилган ислоҳотлар, ривожланиш жараёнлари ҳақида маълумот берди.

✔️ Элчи жанобларига икки мамлакат ўртасидаги иқтисодий алоқаларни янада чуқурлаштириш ҳамда эронлик компанияларнинг Ўзбекистонга инвестиция киритиш имкониятлари ҳақида маълумотлар тақдим этилди.

✔️ Учрашув якунида, томонлар ҳамкорликни ривожлантириш, алоқаларни мустаҳкамлаш ҳамда Ўзбекистон фармацевтика компаниялар вакилларининг Эрон бўйлаб ташрифини ташкил этиш масаласини кўриб чиқишга келишиб олдилар.

Website | Telegram | Instagram | Facebook | Youtube

✅ Айни дақиқаларда Соғлиқни сақлаш вазирлигининг навбатдаги Ҳайъат йиғилиши бўлиб ўтмоқда.

📌 Унда вазирлик марказий аппарати ходимлари, Санитария-эпидемиологик осойишталик ва жамоат саломатлиги қўмитаси, Давлат тиббий суғуртаси жамғармаси, Фармацевтика тармоғини ривожлантириш агентлиги, Фармацевтика маҳсулотлари хавфсизлиги маркази ҳамда Стратегик режалаштириш ва саломатлик институти, ихтисослаштирилган марказлар, республика даволаш муассасалари ва тиббиёт олий ўқув юртлари раҳбарлари иштирок этяпти.

📍 Жойлардаги студиялардан барча ҳудудий бошқармалар ҳамда туман тиббиёт бирлашмалари масъуллари онлайн қатнашмоқда.

➡️ Йиғилиш Соғлиқни сақлаш вазири Асилбек Худаяров маърузаси билан бошланди. Вазир ўз чиқишида ўтган 2024 йилда бажарилган ишларни танқидий-таҳлил қилиб, 2025 йилда амалга ошириладиган устувор вазифаларга тўхталяпти.

Website | Telegram | Instagram | Facebook | Youtube

🔴 Қорақалпоғистонда қизилмия илдизидан Моноаммоний глицирризинат моддасини ажратиб олинади

✔️ Жорий йилнинг 29 январь куни, Фармацевтика тармоғини ривожлантириш агентлиги директори Абдулла Азизов Қорақалпоғистон Республикасида бўлиб, у ердаги фармацевтика корхоналар мавжуд муаммоларни ўрганди.

Ҳусусан, “Eco line root” MCHJ корхонаси томонидан Ўзбекистонда биринчи бўлиб, қизилмия илдизидан Моноаммоний глицирризинат моддасини ажратиб олиш лойиҳаси билан танишди. Моноаммоний глицирризинат – фармацевтика саноатида субстанция сифатида ишлатилади. Лойиҳа 2025 йил декабрь ойида ишга туширилиши режалаштирилган.

Website | Telegram | Instagram | Facebook | Youtube

🔴 Ўзбекистон-Франция бизнес-форуми

Бугун Тошкентда, Ўзбекистон ва Франция ишбилармон доиралари вакилларини бирлаштирган Ўзбекистон-Франция бизнес-форуми бўлиб ўтди.

Ушбу тадбир иқтисодий шерикликни мустаҳкамлаш ва икки мамлакат ўртасидаги инвестицион ҳамкорликни ривожлантиришда муҳим қадам бўлади.

Форум иштирокчиларига Ўзбекистондаги хорижий инвесторлар учун қулай шарт-шароитлар, уларнинг ҳуқуқ ва манфаатларини ҳимоя қилиш чора-тадбирлари, шунингдек, мамлакатнинг инвестиция салоҳияти ҳамда муҳим саноат фаолияти ҳақида маълумот берилди.

✔️ Форумда, Фармацевтика тармоғини ривожлантириш агентлиги директори Абдулла Азизов, “Tashkent Pharma Park” инновацион илмий ишлаб чиқариш фармацевтика кластерида амалга оширилаётган инвестицион лойиҳалар ва соҳада амалга оширилаётган ислоҳотлар ҳақида тақдимот билан иштирок этди.

Тадбир доирасида B2B ва B2G форматидаги икки томонлама учрашувлар бўлиб ўтди, унда иштирокчилар қўшма лойиҳалар истиқболлари ва янги келишувларни муҳокама қилдилар.

Эришилган келишувлар Ўзбекистон ва Франция ўртасидаги иқтисодий муносабатларни янада мустаҳкамлаш учун замин бўлади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Фармацевтика тармоғини ривожлантириш агентлиги биологик фаол қўшимчалар ва косметика маҳсулотлари саноатини ривожлантиришга, ишлаб чиқаришни маҳаллийлаштиришга, ушбу йўналишдаги соҳа корхоналарига илғор хорижий амалиёт ва стандартларни тадбиқ этишга кўмаклашади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Соҳа корхоналарига фармацевтика маҳсулотларини рўйхатдан ўтказиш ишларида кўмаклашиш, миллий ва хорижий стандартларни татбиқ этиш ишларида консультатив ёрдам кўрсатиш ҳамда маркетинг хизматларини амалга оширувчи “Pharm Service” давлат муассасаси ташкил этилади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Маҳаллий дори воситаларини яратишга қаратилган илмий лойиҳаларни ҳамда фармацевтика соҳасидаги стартап лойиҳаларни инкубация ва акселерация дастурларига киритишни молиялаштириш учун Давлат бюджетидан ҳар йили 20 миллиард сўм маблағ ажратилади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Тикланиш ва тараққиёт жамғармаси ва “Асакабанк” АЖ томонидан Фармацевтика тармоғининг истиқболли лойиҳалари инвестиция жамғармаси ташкил этилади. Жамғармага 100 миллион АҚШ доллари ажратилиб, унинг маблағлари фармацевтика йўналишидаги илмий-амалий ва инвестиция лойиҳаларини молиялаштиришга йўналтирилади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Фармацевтика соҳасининг биофармацевтика, ҳужайра технологиялари, онкология каби йўналишларидаги стартап лойиҳаларни молиялаштирадиган венчур жамғармаси ташкил этилади. Бунинг учун “Асакабанк” АЖ томонидан 10 миллион АҚШ доллари ажратилади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Экспортни қўллаб-қувватлаш мақсадида маҳаллий корхоналарининг дори воситаларини АҚШнинг FDA ёки Европа Иттифоқининг EMA ташкилотларида рўйхатдан ўтказиш билан боғлиқ харажатлари тўлиқ Савдога кўмаклашиш жамғармаси маблағлари ҳисобидан қоплаб берилади.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

✔️ Фармацевтика соҳасида қўлланиладиган, Ўзбекистонда ишлаб чиқарилмайдиган технологик ва лаборатория ускуналари, уларнинг бутловчи ва эҳтиёт қисмлари, шунингдек, хом ашё ва материаллар, тиббий буюмлар ва қадоқлаш материаллари учун берилган божхона имтиёзлари 2028 йил 1 январга қадар узайтирилди.

Website | Telegram | Instagram | Facebook | Youtube

🔴 Ўзбекистон Республикаси Президентининг “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Фармонидан (ПФ-13-сон, 28.01.2025 й.)

🗓 2025 йил 1 апрелдан:

🟢 чекланган савдо устамалари фақат рецепт билан бериладиган дори воситалари тоифасига нисбатан татбиқ этилади;

🟢 бир ишлаб чиқарувчи томонидан турли савдо номлари остида таркиби бир хил бўлган дори воситаларини ишлаб чиқаришда ушбу дори воситаларининг барчасига нисбатан энг паст референт нарх қўлланади;

✔️ Бунда, маҳаллий ва хорижий дори воситаларига нисбатан амалдаги референт нархни шакллантириш тизими сақлаб қолинади.

✔️ Рецепт ва рецептсиз дори воситаларини Ўзбекистонга етказиб берилган нархларини фуқаролар кўриш имкониятига эга бўлади.

✔️ Чекланган савдо устамалари фақат рецепт билан бериладиган дори воситалари тоифасига нисбатан тадбиқ этилади.

❗️ Дорихоналарда рецепт билан бериладиган дори воситалари, шифокор рецептисиз (ноқонуний) савдоси амалга оширилган тақдирда ҳам чекланган референт нарх амал қилади.

❗️ Бугунги кунда тиббиёт амалиётида қўллашга рухсат этилган давлат реестрида келтирилган 84 фоиз дори воситалари рецептли, қолган 16 фоизи рецептсиз дори воситалари ҳисобланади.

📌 Ушбу тартибни жорий этишда халқаро тажриба ўрганилди. Ўзбекистондаги ишлаб чиқарувчи, дистрибьютор корхоналар ва дорихоналар фаолияти билан шуғулланувчи йирик тадбиркор билан муҳокамалар ўтказилди.

📌 Халқаро тажрибада (Покистон, Туркия, Эрон, Хитой, Россия) рецептсиз дори воситалари ички савдосида нархлар назорат қилинмайди. Ушбу турдаги дорилар нафақат дорихоналарда, балки савдо дўконларида ҳам сотилади.

Website | Telegram | Instagram | Facebook | Youtube