Urikguli

💔🌱Namanganda 6-o’rta maktab direktori tomonidan 100 dan ortiq terak daraxtlari kesilgani haqida post joylagandim. Post e’lon qilingandan so’ng direktor shu teraklarni ekkan va kesishga qarshilik qilgan o’qituvchiga zug’um qilishni boshlagan. Uni ishdan olgan va bugun teraklarning to’nkalarini ham sug’urib olgan.

Holatni kim nazoratga oladi? Bunday mas’ul shaxslarni qanday qilib ta’lim tizimida qoldirish mumkin?

Bu yil birinchi marta COP’da qatnashdim.

COP - (Conference of Parties), taraflar konferensiyasi ma’nosini bildiradi. Konferensiya davlatlararo iqlim o’zgarishini nazorat qilishda eng yuqori qonunchilik organi hisoblanadi.
Oddiy til bilan aytganda unda dunyo davlatlari birlashib, iqlim o’zgarishi muammosiga yechim topishi kerak.

Oldingi COP Dubayda, bunisi Bakuda bo’ldi. Ikki davlat sanoati ham ekologiya uchun katta zarar keltiradigan neftga asoslangan.
Katta ehtimol bilan ikki davlat ham mezbonlikni olish orqali “greenwashing”ni ko’zlagan bo’lishi mumkin.
Tashrif buyurgan davlatlar iqlim o’zgarishini yengillashtirish uchun o’z takliflarini ilgari surishi kerak. Takliflar turlicha bo’ldi. Lekin eng asosiylari quyidagilar edi:
- har bir davlat chiqarayotgan emissiyasini (tabiatga zararini) qisqartirishi;
- ekologiyaga katta zarar keltirib ulgurgan rivojlangan, boy davlatlar rivojlanayotgan davlatlarga iqlim o’zgarishiga moslashishi uchun mablag’ ajratishi.
Agar davlatlar rostan ham takliflarga amal qilsa, yaxshi ko’rsatkichlarga erishish mumkin.

Mening hafsalamni pir qilgan holatlar:
- plastikdan qilingan beydjik;
- yoshlar lageridagi bir martalik stakan va choy xaltalari;
- doimiy yonib turgan chiroqlar;
- konferensiyadan keyin utilizatsiya qilinishi kerak bo’lgan juda ko’p pavilyonlar;
- sun’iy gullar;
- tushlik, qahva tanaffusidagi bir martalik idishlar;

Har qanday ekologik tadbirni rostan ekologiya uchun tashkillashtirilgan yoki aksincha ekanligini birinchi kun beriladigan beydjiklardan bilish mumkin))
Plastikdan qilingan beydjik tarqatayotgan tashkilotchidan ekologiya uchun qayg’urib tadbir qilishini kutish qiyin.

COP29 davomida Bakudagi katta binolarda hayvonlar tasviri chiroqlar yordamida hosil qilindi. Lekin tabiat uchun ana shu binolardagi keraksiz “bezak” chiroqlarini o’chirish foydaliroq. (Bu O’zbekistondagi binolarga ham tegishli. Chunki shu bezak chiroqlar yonib turishi uchun yo’qilg’i yoqilib, tabiatga zarar yetkaziladi)

Xulosam: Bunday tadbirlarni o’tkazishga juda katta mablag’ ishlatiladi va ko’pincha takliflar, va’dalar qog’ozda qolib ketadi (Parij bitimi haqida o’qing).
Agar shu mablag’ dunyo bo’ylab aktual ekologik muammolarni yumshatishga sarflansa ko’proq foyda keltiradi. Masalan, mening sayohat xarajatimga ketgan pulni, O’zbekistonning biron hududida daraxt ekishga sarflash yaxshiroq.

*COP29 hali davom etadi. Uni onlayn kuzatish mumkin. So’nggi kunlarda nodavlat notijorat tashkilotlari chiqishlari bor. Tinglashni maslahat beraman. Biroz bo’lsa ham protokoldan holi, obyektivroq qarashlar bo’ladi.

🍂🧹Sizni “Xazon — chiqindi emas, o’g’it” nomli ekologik aksiyaga taklif qilaman. Biz to’kilgan xazonlarni yig’ib, yerga ko’mamiz, ya’ni kompostlaymiz. Bahorgacha chirib, yerga o’g’it bo’ladi!

9-noyabr 15:00
📍Elbek bog’i
—
🍁⚡️Приглашаю вас принять участие в экологической акции “Листья — удобрение, а не отход”.
Мы с вами соберем листья и закапаем в землю, то есть компостируем. До весны они превратятся в удобрение!

9 ноября 15:00
📍Эльбек парк