Urgut sadosi gazetasi

#Бугун

Ургут Истироҳат боғи ҳудудида туман ҳокимининг навбатдаги қабули ўтказилди.

Қабулда ҳоким ўринбосарлари, сектор раҳбарлари, мутасаддилар томонидан 100 га яқин фуқароларнинг мурожаатлари кўриб чиқилди.

20 дан зиёд мурожаатлар жойида ҳал этилиб, ўндан ортиқ аризаларга ҳуқуқий тушунтиришлар берилди.

Уй-жой, алимент ундириш, моддий ёрдам кўрсатиш бўйича масалалар кўриб чиқиб, ҳал қилиш учун тегишли мутасаддиларга топширилди.



@Urgutsadosigazetasi

“ТАШАББУСЛИ БЮДЖЕТ”: ЖАЙРАТЕПА ВА ТОШАРИҚ ҒОЛИБЛАР САФИГА ҚЎШИЛДИ

Хабарингиз бор, “Ташаббусли бюджет”нинг жорий йилги 2-мавсуми якунларига кўра, юқори овоз тўплаб ғолиб бўлмаган 177 та лойиҳа учун қўшимча маблағ ажратилди.

Жумладан, Халқ депутатлари туман (шаҳар) Кенгашлари томонидан ғолиб бўлмаган навбатдаги лойиҳаларни молиялаштириш учун маҳаллий бюджетнинг қўшимча маблағлари ҳисобидан 56 та лойиҳа, лойиҳа қийматининг 20 фоизигача маблағ етмаган навбатдаги 25 та лойиҳа, маҳалладаги мавжуд аҳоли сонидан кўп овоз тўплаб ғолиб бўлмаган 96 та лойиҳа қўшимча равишда ғолиб деб топилди.

Хусусан, Ургут туманидаги Жайратепа маҳалласининг “Умумтаълим мактабларини таъмирлаш ва моддий-техника базасини ривожлантириш тадбирлари” лойиҳаси ҳамда Тошариқ маҳалласининг “Ички йўлларни (пиёдалар йўлакчаси, йўл ўтказгичлар) таъмирлаш билан боғлиқ тадбирлар” лойиҳаси қўшимча ғолиблар сирасига киритилиб, ҳар икки лойиҳа учун 1 миллиард 360 миллион сўмдан маблағ ажратиладиган бўлди.

@urgutsadosigazetasi

📊Samarqand viloyati eksportidagi TOP: 10 tuman va shaharlar

🏢 2024-yilning 8 oyi davomida Samarqand viloyati eksportida yuqori ulushga ega bo‘lgan tuman va shaharlar:

🔹Samarqand shahri – 159,6 mln. AQSh dollari.

🔹Samarqand tumani – 67,8 mln. AQSh dollari.

🔹Jomboy tumani – 48,0 mln. AQSh dollari.

🔹Kattaqo‘rg‘on shahri – 41,4 mln. AQSh dollari.

🔹Urgut tumani – 32,4 mln. AQSh dollari.

🔹Oqdaryo tumani – 14,9 mln. AQSh dollari.

🔹Tоyloq tumani – 12,5 mln. AQSh dollari.

🔹Ishtixon tuman – 9,5 mln. AQSh dollari.

🔹Pastdarg‘om tumani – 8,6 mln. AQSh dollari.

🔹Narpay tumani – 8,1 mln. AQSh dollari.

@urgutsadosigazetasi

Олий Мажлис Сенати раиси Танзила Норбоева ҳамда Ижтимоий ҳимоя миллий агентлиги директорининг биринчи ўринбосари Шаҳноза Мирзиёева АҚШ президентининг ногиронларнинг халқаро ҳуқуқлари бўйича махсус маслаҳатчиси Сара Минакара хоним билан учрашди. (https://t.me/ijtimoiyhimoya_agentligi/2070)

Мулоқот давомида ногиронлиги бўлган шахслар учун ижтимоий шарт-шароитларни яхшилаш ва бу борадаги ишларни халқаро стандартлар асосида ташкил этиш бўйича ҳамкорликдаги режаларга эътибор қаратилди.

Президент Шавкат Мирзиёев бошчилигида Ўзбекистонда амалга оширилаётган барча соҳалардаги ислоҳотлар «Инсон қадри учун» деган эзгу тамойил асосида ташкил этилаётгани алоҳида таъкидланди. Бу борадаги ишлар С.Минакара хоним томонидан ҳам эътироф этилди.

Имконияти чекланган шахслар учун мақбул муҳитни яратиш, жамиятда мавжуд стереотипларни бартараф этиш ҳамда бу борада давлат ва нодавлат ташкилотларининг вазифалари хусусида ҳам фикр алмашилди.

@urgutsadosigazetasi

Sportning voleybol turi bo`yicha “FVB boshlig`i kubogi”ning Urgut tumani bosqichi o`tkazildi.

Musobaqada 2-sektor hududidagi mahallalarda FVB xodimlari tomonidan otaliqqa olingan va uyushmagan yoshlardan iborat 8 ta jamoa g`oliblik uchun qizg`in bahs olib bordi.

Yakuniy natijalarga ko'ra, 1-o`rinni Nisbot mahallasi jamoasi qo`lga kiritib, viloyat bosqichiga yo`llanmaga ega bo`ldi.

@urgutsadosigazetasi