"URUG'CHILIKNI RIVOJLANTIRISH MARKAZI " DM

#Xalqaro_hamkorlik

TOJIKISTONGA 2.5MING TONNA CHIGIT EKSPORT QILINADI

🌲Urug'chilikni rivojlantirish markaziga Tojikiston Respublikasining O'zbekistondagi elchixonasi, Tojikiston hukumati vakillari hamda tojikistonlik tadbirkor va fermerlardan iborat delegatsiya tashrif buyurdi.

🤝Mehmonlar bilan markaz direktori Bunyod Mamarahimov uchrashuv o'tkazdi. Tojikiston vakillari joriy yil ekish uchun O'zbekistonning "Sulton" va "Buxoro 102" navlarini import qilib olib ketish bo'yicha shartnoma taklifini bildirdi. Kelgusi yilda esa ushbu navlarning 10ming tonnagacha urug'ligini import qilishni rejalashtirgani haqida aytib o'tdi.

🔗Bunyod Mamarahimov tojikistonlik hamkorlarga O'zbekistonda mahalliy navlarning kasallik va zararkunandalarga qarshi, gerbitsidga chidamlilik xususiyatini oshirish bo'yicha ilmiy tadqiqotlar olib borilayotgani va Bt texnologiyasini qo'llash orqali hosildorlikni oshirishga erishilishi haqida ma'lumot berdi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Yashil_makon

🌳"Yashil makon” umumilliy loyihasi doirasida Bo‘stonliqda bog' barpo etilmoqda

Urug'chilikni rivojlantirish markazi hamda markazning Toshkent viloyati boshqarmasi xodimlari Bo'stonliq tumanida ekotizimni yaxshilash va atrof-muhitni ko‘kalamzorlashtirish maqsadida mevali daraxt ko‘chatlari o‘tqazish ishlarida ishtirok etdi.

🔗Mazkur tadbir “Yashil makon” umumilliy loyihasi doirasida tashkil etilgan bo‘lib, u nafaqat ekologiyani yaxshilash, balki qishloq xo‘jaligini rivojlantirish, hosildor bog‘lar yaratish va hududdagi bioxilma-xillikni saqlab qolishga qaratilgan.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Hashar

🏡HAYRLI ISHNING ENG YAXSHI YER YUZINI TOZALASH

🌲Dono xalqimizda "Yer yuzini ochsang, Xudo yo'lingni ochadi" degan purma'no hikmat bor. Bu aynan uyushqoqlik bilan bahor faslida atrof-muhitni obodonlashtirish, daraxt ekish va ariq-zovurlarni tozalash kabi xayrli ishlarga nisbatan aytilgan. Qadimdan o'zbek xalqi bahor kelishi bilan hasharga uyushadi. Shunday uyushqoqlik bilan bugun Urug'chilikni rivojlantirish markazi xodimlari tomonidan ham Navro'z umumxalq bayrami oldidan markaz hududini obodlashtirish maqsadida hashar tashkil etildi.

✅Xodimlar markaz hovlisini tozalanib, daraxtlarni oqlash, ariqlarni tozalash ishlarini amalga oshirmoqda.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Xalqaro_hamkorlik

🎖"BAYER" KOMPANIYASI BILAN HAMKORLIK YO'LGA QO'YILMOQDA


✔️Urug'chilikni rivojlantirish markazi direktori Bunyod Mamarahimov jahonda qishloq xo'jaligi sohadagi yirik korporatsiyalardan biri bo'lgan "Bayer" kompaniyasi vakili Bekzod Aramov bilan uchrashuv o'tqazdi.

🤝Muhokama mavzusi: O'zbekiston sharoitida sabzavot ekinlarining geterozis "F1" duragaylari urug'chiligini tashkil etish.

📈Tomonlar bu hamkorlik orqali O'zbekistonga kirib keladigan sabzavot ekinlari importini qisqartish va mahalliy navlarning "F1" duragaylari yaratishni maqsad qilmoqda.

🖋Bunyod Mamarahimov bu boradagi ishlar qay tartibda amalga oshirilishi va davlat xususiy sherikchilik korxonalarini tashkil etish xususida mehmonlarni tanishtirdi. Sabzavot ekinlarining "F1" duragay navlariga talab yuqoriligini inobatga olgan holda bu kelishuv ikki tomon uchun ham manfaatli ekanligini ta'kidladi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube

#Xalqaro_hamkorlik

XITOYLIK OLIMLAR BILAN UCHRASHUV

🔣 Urug'chilikni rivojlantirish markazi direktori Bunyod Mamarahimov Xitoy Xalq Respublikasi Shinjon qishloq xo‘jaligi akademiyasining paxtachilik ilmiy tadqiqot instituti olimlari delegatsiyasi bilan uchrashuv o'tkazdi.

🔬Delegatsiya a'zolariga urug'chilik markazining faoliyati va amalga oshirilayotgan haqida ma'lumot berildi. Shuningdek, direktor Bunyod Mamarahimov joriy yilda Xitoy bilan amalga oshirilayotgan mahalliy g'o'za navlari hamda ko’sak qurtiga chidamlilikni ta'minlovchi Bt geni mavjud xorijiy g'o'za navlarining urug'chiligini tashkil etish borasida qilinayotgan ishlar haqida to'xtalib o'tdi.

📌Xitoylik olimlar kelgusida o'zaro hamkorlik asosida urug'chilik korxonasini tashkil etish taklifini bildirdi. Tomonlar bu hamkorlikning amaliy natijalari haqida o'zaro muloqot o'tkazdi.

🔗Urug'chilikni rivojlantirish markazining ijtimoiy tarmoqlardagi rasmiy sahifalari

📱WWW    📱Facebook 📱Instagram   📱Telegram    📱Youtube