Bugun samolarga to'lmaydi kaptar,
Sinfdosh sezmaydi yurak titrog'in.
Bugun so'nggi xatga to'lmaydi daftar,
Dil so'zi to'ldirmas oppoq varog'in.
Bilmam, necha yillik ana'na bekor,
Jajji qo'ng'iroqning tillari soqov.
Yuraklarni ezib yig'lar dil-dutor,
Quchog'iga olib yupatmas birov.
Darsxona bo'sh bag'rin tig'laydi, hayhot,
Sog'inchning zarbidan g'ichirlar pollar.
Hovlida atirgul bitmoqda bayot,
Dastro'molin tutib yig'laydi tollar.
Har bir sho'x bolasin kutar koridor,
Eshik tutqichlari asta qaltirar.
Yozuv taxtasida bo'rning izi bor,
O'chirg'ich ko'zida yig'i yaltirar.
So'nggi bor quchishni istab partalar
Sizning taftingizga ilhaq kutadi.
Chalinmas qo'ng'iroq -darddir qaytalar,
Bugungi tantana hissiz o'tadi.
Garchi tanbehlarni bergan bo'lsa ham,
Baringiz chin dildan suyadi Ustoz.
Sochlariga oppoq qirov qo'nsa ham,
Sizsiz qolganidan kuyadi Ustoz.
O'n bir yil sizlarga termulgan nigoh,
Bugun g'oyiblardan tilaydi oq yo'l:
" Bolam, o'zi seni qo'llasin Alloh,
Duoda yo'qlayman, doim baxtli bo'l.
Bugun qo'llaringda sochmaydi jarang
Yil bo'yi dars tomon chorlar qo'ng'iroq.
Men ham ko'z yoshimni tutyapman arang,
Mening yuragimda sendan ko'p titroq.
O'quvchim, nigohing olisga tikib ,
Nurli manzillarni ko'zlagin har choq.
Kelajakni kutgin dildan entikib,
Maqsad tomon yugur, bilmagin charchoq.
Biz seni sog'inib kutamiz doim,
Chalinmagan so'nggi qo'ng'iroq haqqi.
Umringiz sho'x jarang sochsin,ilohim,
Tole quyoshingiz porlasin balqib.
Sizga ishonaman: kuzning ilk kuni
Turli manzillarda turasiz o'ktam.
Qayerda bo'lsa ham unutmang shuni:
Faqat kamolingiz tilaymiz biz ham!
"Qo'ng'iroq chalmagan bitiruvchi" deb,
Nomingiz tarixga kiradi ilk bor.
O'qishdan to'xtamang, ichingizni yeb,
Qadrdon farzandim, Sizga Xudo yor!
Oz qoldi, imtihon fursati yaqin,
Bizning yuzimizni yorug' qilasiz.
Qo'ng'iroq chalmagan ey bitiruvchim,
Bilaman: sizlar eng baxtli bo'lasiz!"
Ziyoda Mamajanova
25.05.2020 Soat: 06-40
@Tergachiliklar_Uz
Sinfdosh sezmaydi yurak titrog'in.
Bugun so'nggi xatga to'lmaydi daftar,
Dil so'zi to'ldirmas oppoq varog'in.
Bilmam, necha yillik ana'na bekor,
Jajji qo'ng'iroqning tillari soqov.
Yuraklarni ezib yig'lar dil-dutor,
Quchog'iga olib yupatmas birov.
Darsxona bo'sh bag'rin tig'laydi, hayhot,
Sog'inchning zarbidan g'ichirlar pollar.
Hovlida atirgul bitmoqda bayot,
Dastro'molin tutib yig'laydi tollar.
Har bir sho'x bolasin kutar koridor,
Eshik tutqichlari asta qaltirar.
Yozuv taxtasida bo'rning izi bor,
O'chirg'ich ko'zida yig'i yaltirar.
So'nggi bor quchishni istab partalar
Sizning taftingizga ilhaq kutadi.
Chalinmas qo'ng'iroq -darddir qaytalar,
Bugungi tantana hissiz o'tadi.
Garchi tanbehlarni bergan bo'lsa ham,
Baringiz chin dildan suyadi Ustoz.
Sochlariga oppoq qirov qo'nsa ham,
Sizsiz qolganidan kuyadi Ustoz.
O'n bir yil sizlarga termulgan nigoh,
Bugun g'oyiblardan tilaydi oq yo'l:
" Bolam, o'zi seni qo'llasin Alloh,
Duoda yo'qlayman, doim baxtli bo'l.
Bugun qo'llaringda sochmaydi jarang
Yil bo'yi dars tomon chorlar qo'ng'iroq.
Men ham ko'z yoshimni tutyapman arang,
Mening yuragimda sendan ko'p titroq.
O'quvchim, nigohing olisga tikib ,
Nurli manzillarni ko'zlagin har choq.
Kelajakni kutgin dildan entikib,
Maqsad tomon yugur, bilmagin charchoq.
Biz seni sog'inib kutamiz doim,
Chalinmagan so'nggi qo'ng'iroq haqqi.
Umringiz sho'x jarang sochsin,ilohim,
Tole quyoshingiz porlasin balqib.
Sizga ishonaman: kuzning ilk kuni
Turli manzillarda turasiz o'ktam.
Qayerda bo'lsa ham unutmang shuni:
Faqat kamolingiz tilaymiz biz ham!
"Qo'ng'iroq chalmagan bitiruvchi" deb,
Nomingiz tarixga kiradi ilk bor.
O'qishdan to'xtamang, ichingizni yeb,
Qadrdon farzandim, Sizga Xudo yor!
Oz qoldi, imtihon fursati yaqin,
Bizning yuzimizni yorug' qilasiz.
Qo'ng'iroq chalmagan ey bitiruvchim,
Bilaman: sizlar eng baxtli bo'lasiz!"
Ziyoda Mamajanova
25.05.2020 Soat: 06-40
@Tergachiliklar_Uz