🇺🇿
O‘zbekistonda yana bir kripto birjaga litsenziya berildi
Istiqbolli loyihalar milliy agentligi (NAPP) "Asterium" MChJ kripto birja faoliyatiga litsenziya berdi. Bu haqida agentlik axborot xizmati ma'lum qildi
Agentlik direktorining 2025-yil 15-apreldagi 36-son buyrugʼiga asosan ''Asterium'' MChJ O‘zbekistonda qonuniy faoliyat yurituvchi uchinchi kripto birja bo'ldi.
Bungacha Uznex birjasi ("Kobea Group" MChJ) va Coinpay ilovalari orqali kripto-aktivlar savdosi bilan shug'ullanish mumkin edi.
Shuningdek, agentlik saytida
e'lon qilingan xabarga ko'ra, ''Asterium'' MChJ bir-yo'la kripto-depozitariy sifatida ham litsenziyani qo'lga kiritgan.
"Asterium" MChJ yagona ta'sischisi — Mahmudov Sanjar Yo'ldashevich hisoblanadi.
Kompaniya yuridik shaxs sifatida 2025-yil 30-yanvar sanasida ro'yxatdan o'tgan, ustav kapitali — 30 mlrd so'mga yetadi.
MChJ ijro organi rahbari sifatida Sultonov Komilxo‘ja Abdukarim o‘g‘li tayinlangan.
Eslatib o'tamiz, O'zbekistonda kripto aktivlar aylanmasi sohasida kripto birja sifatida faoliyat yuritishda yuridik shaxslar — BHM ning 73 400 barobari (27 milliard 525 million so'm) miqdorida litsenziya to'lovi undiriladi
@TechTradeNews - Bozor yangiliklarini biz bilan birga kuzating!