Toshkent viloyati sport boshqarmasi

Bugun Toshkent viloyatida qanday ob-havo kuzatiladi?

"O‘zgidromet"ning xabar berishicha, bugun, 22 yanvar kuni Toshkent viloyatida havo o‘zgarib turadi, ayrim joylarda yog‘ingarchilik bo‘lib, yomg‘ir qorga aylanadi, tuman tushishi mumkin. G‘arbdan sekundiga 7-12 metr tezlikda shamol esadi. Ba’zi joylarda shamolning tezligi sekundiga 13-18 metrgacha, ayrim tumanlarda sekundiga 20-23 metrgacha kuchayishi mumkin.  

Harorat kechasi va kunduzi 0-5 daraja iliq bo‘ladi.  

Tog‘li hududlarda havo o‘zgarib turadi, ba’zi joylarda qor yog‘ib, tuman tushishi kutilmoqda, qor ko‘chishi xavfi bor. G‘arbdan sekundiga 7-12 metr tezlikda shamol esadi. Ayrim joylarda shamolning tezligi sekundiga 13-18 metrgacha, ba’zi tumanlarda 20-23 metrgacha kuchayishi mumkin.

Kechasi 2-7 daraja sovuq, kunduzi 0-5 daraja iliq bo‘ladi.  

Maʼlumki, viloyatimizning barcha tuman va shaharlarida aholi oʻrtasida sogʻlom muhitni yaratish va sportga jalb qilish borasida keng koʻlamli ishlar amalga oshirilmoqda.

Oqqo'rg'on va Boʻka tumanlarida ham mahallalarda istiqomat qilayotgan xotin-qizlar o'rtasida sportning voleybol, darts, para stol tennisi sport turlari bo‘yicha musobaqalar tashkil etildi.

Ushbu musobaqalarning oʻtkazishdan asosiy maqsad, xotin-qizlar oʻrtasida sog‘lom turmush tarzini shakillantirish, ularni sportga bo‘lgan qiziqishlarini yanada oshirish va adaptiv sportga jalb etishdan iborat.

https://t.me/toshvil_sport

Andijon shaharidagi Universal sport majmuasida 7-17 yoshdagi maktab o‘quvchilari o‘rtasida o‘tkazilgan O‘zbekiston chempionati yakunlari bo‘yicha g‘olib va sovrindorlarni taqdirlash marosimi tantanali tarzda bo‘lib o‘tdi.

Ushbu musobaqada yuzlab iste’dodli yosh shaxmatchilar ishtirok etib, o‘z mahoratlarini namoyon etdilar.

Chempionatda Toshkent viloyati shaxmatchilari umumiy hisobda 7 ta medalni qo'lga kiritib, o'zlarining yuqori mahoratini namoyish etishdi.

Bu g'alaba viloyat shaxmatchilarining qat'iyatliligi, mehnati va iste'dodining yorqin isbotidir.

Ularning g'alabasi viloyat shaxmatini rivojlantirishda muhim rol o'ynaydi va kelajakda yana ko'proq g'alabalarga umid beradi.

G‘oliblar qimmatbaho sovg‘alar, diplom va medal bilan taqdirlandi. Ushbu mukofotlar ularning kelajakdagi yutuqlari uchun katta motivatsiya bo‘ladi. Ajoyib sport muhitida o‘tkazilgan bu musobaqa, shubhasiz, mamlakatimiz shaxmat sporti rivojiga katta hissa qo‘shadi.

https://t.me/toshvil_sport