#MUNOSABATBugun ELTUZ telegram kanalida "Nizomiy universitetida ro'mollilarga hujum boshlandi-mi?" sarlavhasi ostida xabar e'lon qilindi. Ushbu holat yuzasidan RASMIY MUNOSABAT
Haqiqatdan ham 2024-yil 9-aprel kuni rektor boshchiligida rektor maslahatchisi, yoshlar masalalari va ma'naviy-ma’rifiy ishlar bo‘yicha birinchi prorektor, 14 ta fakultetning yoshlar bilan ishlash bo‘yicha dekan o‘rinbosarlari ishtirokida yig'ilish bo'lib o'tdi.
Yig'ilishda universitet ichki tartib qoidalarida kiyinish madaniyatiga qo'yilgan talablar, yotoqxonalarda bajariladigan ishlar, tartib intizom masalalarini kuchaytirish maqsadida 14 nafar fakultet dekan o’rinbosarlaridan 10 nafar dekan o'rinbosarlariga muddat berilib, ushbu muddat ichida ish faoliyatini jonlantirish, yotoqxonalarda ma'naviy-ma'rifiy tadbirlarni samaradorligini oshirish, talabalarni kutubxonalarga jalb qilish, yoshlarning bo'sh vaqtini mazmunli tashkil etish, to'garaklar faoliyatini yaxshilash vazifalari yuklatilib, dekan o'rinbosarlari vaqtincha vazifa bajaruvchi lavozimiga o'tkazildi, hech qaysi dekan o'rinbosari ishdan bo'shatilgani yo'q.
ELTUZ telegram kanalida keltirilgan xabar
"Universitetda ro‘mol o‘ragan professor-o‘qituvchilar, hamda talaba-qizlar ko‘payib ketganligi bois barcha fakultet dekan o‘rinbosarilarini o‘z xohishlariga ko‘ra ariza yozdirib ishdan bo‘shatibdi." degan ma'lumot asossiz ekanligini hamda mazkur yig’ilishda bu haqida hech qanday so'z bormaganligini ma’lum qilamiz.
Hozirga qadar Nizomiy nomidagi Toshkent davlat pedagogika universiteti OAV lar bilan hamkorlikda faoliyat yuritib kelmoqda.
🔹Nizomiy nomidagi Toshkent davlat pedagogika universiteti matbuot xizmati sahifalarini kuzatishda davom eting!
@TDPU_UZ