Juda qiziq! Men yaqindagina jo'ralarim bilan mol boqib, osmonga qarab yotvolib, qo'y sotib qanday boyib ketishimiz haqida gaplashib o'tirgan kunlarimni eslayman. Maktabda oxirgi partaga o'tirvolib, she'r yozib o'tirganimni, jismontarbiyada kastim-burukda futbol o'ynaganimni eslayman. Qishda oyoq kiyimsiz uydan qochib ketganimni, uydagilar topib, birinchi yaxshi gapirib keyin chotki qilib urganini eslayman. Otamni menga Allohni tanidganini, keyin Umarali jo'ram bilan mol boqayotganda erta bahorda qorga choponni to'shab birinchi marta nomoz o'qiganimni eslayman. IELTS dan tayyorlanishni boshlaganimni, birinchi marta oyog'im qaltirab imtihon topshirganimni, 3 kun uxlamaganim uchun imtihonda uxlab qolib Listeningni yarmini o'tkizvorganimni eslayman. Jo'ralarimga o'qi, mehnat qil, men yolg'iz muvaffaqiyatga erishishni xoxlamiyman deganimni eslayman. Bollar menga ishonib umuman boshqa qishloqdan biznikiga kelib men bilan ertalabgacha dars qilib qaytib ketishini, men ertalab yana to'xtovsiz dars qilganimni eslayman. Har safar ayamni oyog'i og'rib yig'laganini, men esa hech narsa qilolmasdan kuzatganimni eslayman. Biron marta ham men yoke akamga juda jiddiy gapirmagan dadam, endi umidim sendan deganini eslayman. Ayamni Rassiyada mazasi bo'lmay qolganini, men esa yaxshi mehnat qilmaganim uchun IELTS dan past ball olganimni, keyin men ota-onamdan ko'ra vaqtimni o'yin kulguga isrof qilishni ko'proq yaxshi ko'rarkanman deb ertalabgacha yig'lab chiqqanimni eslayman. Boshqa narsalarni ham eslayman, men hammasini eslayman. O'zimga bergan va'dalarimni eslayman, boshqalarga bergan va'dalarimni ham!
Qayerdan kelganimni unutmayman, qayerga borishim kerakligini ham, qaysi yo'ldan yurishim kerakligini ham unutmayman! @WRITING_T
