Nima uchun g'ayridinlar bizdan vijdonliroq???
Koreyada yangi uyga ko'chdik. Avvalgi uyimizda deyarli 2 yil yashabmiz. Yangi uyimiz e'lonidagi rasmda pardasi ham bor edi. Uyga kelsak, pardasi yig'ib qo'yilgan ekan. Mayli keyinroq yuvib ilamiz deb o'ylagandim.
Ertasi kuni uy egasi chiqdi. Uyidan yetarli kir sodasi ko'tarib chiqib, pardalarni o'zi yuvib, o'zi quritib chiqdi. Ertaga o'zi iladi manimcha. Menga ta'sir qilgani, parda turibdi, o'zing qilarsan demagani, shunga yetarli kir sodaniyam idishchaga solib uyidan olib kelgani bo'ldi. Birovni haqqiga juddayam chiroyli amal qildi.
Men Toshkentda 4 yil o'qidim, bir nechta kvartira almashtirdim, shunaqangi insonlarni ko'rdimki, birovga yaxshi va samimiy bo'lishdan avval 5 karra o'ylab qiladigan bo'ldim. Haqqimni talab qilishni, o'zimga mahkam bo'lishni o'rgandim.
"Erim yo'q" deb bechoraaaadek ko'rinib uyiga 4 ta qizni olib, 2 kundan keyin "Ikkinchi xotinman, erim kep qoldi, shu xonadan chiqmaysizlar" degan ayolni ko'rdim. Bir oylik pulni avvaldan olib, bir xonaga 8 talab qizni qo'yib, bir oy bo'lmay uyidan chiqarganlarni ko'rdim. Kvartiraga "Yigitimmi chaqiraman qizla, ovqatlanib ketadi" degan qizlarni ko'rdim. MENI uyimdan kelgan narsalarni men kelguncha yeb tugatgan insonlar bilan yashab ko'rdimki birovni haqqiga amal qilish judayam ko'pchilikda shakllanmagan.
Ko'p chet ellik do'stlarim vaqtga amal qilishadi, aytilgan soat va minutda kelishadi, berilgan va'daga hecham xiyonat qilishmaydi, yolg'on gapirmaydi, mas'uliyatni his qilishadi. To'g'ri hammasi bunday emas. LEKIN ko'pchilikka bu maktabda va yoshlikdan singdirilgan bo'ladi.
Nimaga biz bunchalik orqada qolyapmiz? Ilm, iqtisod, fan, texnikada orqada qolganimizku mayli. Odamgarchilikchi? Iloji boooricha bir-birimizdan yulib olsak. Iloji boricha yutgan biz bo'lsak. Aslida BIZ vijdonli va sof bo'lishimiz kerak ediku.
Vijdonsizlashayotganimiz uchun nimalar sabab deb o'ylaysiz?
P. S Bizdayam insoflilar boruuu😏 deb Komment yozmang. Post umumiy insonlar haqida, jamiyatimizdagi tendensiya haqida, Sizni 4 ta qarindoshingiz haqidamas.
Sizni hayotingizdagi eng vijdonsiz vaziyat qaysi bo'lgan?
@Sojida_Karimova