Sirdaryo IIB | Rasmiy kanal

Sirdaryo tumanida tungi xizmatga biriktirilgan shaxsiy tarkib va jamoatchilik vakillariga masʼul rahbarlar tomonidan tungi yo‘riqnoma berildi.

O‘zbekiston Respublikasi Prezidentining “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida”gi PQ-1-son qarorida belgilangan talablar ijrosini taʼminlash maqsadida, shuningdek, “Xavfsiz hudud” profilaktik tadbiri doirasida Sirdaryo tumani hududiga tungi xizmatga jalb etilgan sohaviy xizmat xodimlariga Sirdaryo viloyati IIB boshlig‘i polkovnik Sandjar Djabarov hamda Milliy gvardiya Sirdaryo viloyati bo‘yicha boshqarmasi boshlig‘i polkovnik Nizomiddin Abduvaliyev tomonidan yo‘riqnoma berildi.

Xizmatni hushyor va sergak holda, qonunchilik talablari asosida, fuqarolar bilan xushmuomalalikda olib borish lozimligi alohida taʼkidlandi.

Yo‘riqnomadan so‘ng, YPX xodimlari tomonidan yo‘llarda reydlar, huquqbuzarliklar profilaktikasi va PPX xodimlari tomonidan jamoat joylari, kompyuter o‘yingohlari va boshqa maskanlarda jamoat tartibini saqlash yuzasidan profilaktik tadbirlar olib borildi.

Telegram/ Facebook/ Youtube/ Instagram/ Ok

Sirdaryo viloyati IIB boshlig‘i, polkovnik Sanjar Djabarov huzurida tezkor yig‘ilish o‘tkazildi

Unda viloyat Milliy gvardiya, Favqulodda vaziyatlar boshqarmasi boshliqlari sohaviy xizmat rahbarlari ishtirok etishdi.

Yig‘ilish davomida masʼul rahbarlar tomonidan viloyatning kriminogen vaziyati, jinoyat va huquqbuzarliklarning oldini olish borasida amalga oshirilgan ishlar tahlil etilib, yo‘l qo‘yilgan kamchiliklar muhokama etildi. O‘zbekiston Respublikasi Prezidentining 2025 yil 3 yanvaridagi «2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida»gi PQ-1-sonli qarori ijrosini o‘z vaqtida va sifatli taʼminlashga oid chora tadbirlar, «Xavfsiz ko‘cha», «Xavfsiz yo‘lak»larni tashkil etish yuzasidan topshiriqlar berildi.

Shuningdek, kiberjinoyatlarning oldini olishga qaratilgan targ‘ibotlarni yana-da kuchaytirish, fuqarolarning murojaatlariga o‘z vaqtida qonuniy javob qaytarish, huquqbuzarliklar profilaktikasi yo‘nalishidagi ishlarni yana-da kuchaytirish, jinoyatchilikni barvaqt oldini olish bo‘yicha qatʼiy topshiriqlar berildi. O‘tgan davrda viloyatda huquqbuzarliklarni barvaqt oldini olish bo‘yicha ishlab chiqilgan “Yo‘l xaritasi” asosida to‘liq ijro etilishini taʼminlash hamda ijtimoiy profilaktika tizimini samarali yo‘lga qo‘yish, jinoyat sodir etilishi ehtimoli yuqori bo‘lgan manzillarda kameralashtirish bo‘yicha amalga oshirilgan ishlar, ko‘ngilochar maskanlar, tungi klublar atrofida o‘rnatilgan videokuzatuv moslamalarini ishlash jarayonini nazorat qilish uchun profilaktika inspektori va ichki ishlar boshqarmasi vaziyatlar markaziga integratsiya qilish, ko‘p qavatli uylarning yo‘laklar kirish eshiklarida Milliy gvardiya Qo‘riqlash boshqarmasi tomonidan zamonaviy domofonlarni o‘rnatish, fuqarolar gavjum to‘planadigan joylarga markaziy avtomobil qatnov yo‘li yoqasiga (SOS) tezkor chaqiruv tugmasi o‘rnatish ishlarini masalalarini muhokama qilib, ichki ishlar organlari xodimlari tomonidan kelgusida amalga oshiriladigan vazifalarni aniq va ravshan belgilab berdi.

Yig‘ilish so‘ngida Ramazon oyiga puxta tayyorgarlik ko‘rish, muborak oyni diyorimizda ko‘tarinki kayfiyatda o‘tkazishda lozim bo‘lgan chora-tadbirlar xususida ham so‘z borib, aniq vazifalar belgilab olindi.

Sirdaryo viloyati IIB Axborot xizmati

Telegram/ Facebook/ Youtube/ Instagram/ Ok

Sirdaryo viloyati IIB huzuridagi Tergov boshqarmasi hamda boshqa soxaviy xizmat xodimlari bilan hamkorlikda Sirdaryo viloyati IIBda tashkil etilgan muzeyga tashrif buyurildi.
Shuningdek muzeyga Ichki ishlar vazirligi Akademiyasi va inson huquqlari bo‘yicha O‘zbekiston Respublikasi Milliy markazi xodimlari ham taklif etilib, ularga ichki ishlar organlari xodimlarining oldingi va hozirgi kundagi qiyofasi hamda boshqa muzey eksponatlari ko‘rsatildi.

Telegram/ Facebook/ Youtube/ Instagram/ Ok

Sardoba tumanida aholini ID-kartalar bilan ta’minlash davom etmoqda

Sardoba tumani IIB migratsiya va fuqarolikni rasmiylashtirish guruhi tomonidan O‘zbekiston Respublikasi Prezidentining 2020-yil 22-sentabrdagi PF-6065-sonli Farmoni talablari asosida aholini ID-kartalar bilan to‘liq ta’minlash bo‘yicha 2025 yilning fevral oyi  davomida 562 nafar fuqarolarga, shulardan 94 nafari 16 yoshga to’lishi munosabati bilan ID-kartalar rasmiylashtirilib berildi. Shuningdek, fuqarolarga ID-kartalarni olish va almashtirish o’z ixtiyoriga ko’ra yashash manziliga yaqin bo’lgan Ichki ishlar organlarining migratsiya va fuqarolikni rasmiylashtirish bo’limlariga murojaat qilishi uchun imkoniyatlar yaratilganligi to’g’risida muntazam ravishda targ’ibot ishlari olib borilmoqda.

Telegram/ Facebook/ Youtube/ Instagram/ Ok

“Yoshlar orasida giyohvandlik vositalari va psixotrop moddalar tarqalishining oldini olish mavzusida ochiq suhbat tarzida seminar tashkil etildi

Yangiyer shahar IIB hamda Yangiyer shahar prokuraturasi rahbariyati tomonidan 2025 yilning 1 fevral kunidan 1 mart kuniga qadar manfaatdor idora va tashkilotlar bilan hamkorlikda “Yoshlar orasida giyohvandlik vositalari va psixotrop moddalar tarqalishining oldini olish” kompleks tezkor profilaktik tadbir doirasida Yangiyer shahar shahar IIB JXX Probatsiya guruhi nazorati ostidagi shaxslarga Yoshlar giyohvandlikka qarshi mavzusida ochiq suhbat tarzida seminar tashkil etildi.

Tadbir davomida jazo o‘tayotgan shaxslar tomonidan giyohvandlik bilan bog‘liq jinoyatlarni oldini olish ushbu yo‘lga qaytib kirmaslik bu yo‘lning oxiri zavol ekanligi tushuntirilib, profilaktik suhbatlar o‘tkazildi.

Telegram/ Facebook/ Youtube/ Instagram/ Ok