Sirdaryo.uz

Сайхунобод туманида ёшларга ажратилаётган ер майдонларидан фойдаланиш самарадорлигини оширишга бағишланган амалий семинар бўлиб ўтди.

Унда соҳа мутахассислари, тажрибали томорқачилар томонидан экинларни “Бир контур – бир маҳсулот” тамойили асосида жойлаштириш, экин экиш ва парваришлаш тартиби юзасидан тавсиялар берилди. Семинар доирасида, шунингдек, «Гулбулоқ» маҳалласи ёшларига 50 сотихдан ер ажратилди.

Маълумот учун, туманда жорий йилда 800 нафар талабгор ёшга 400 гектар ер ажратилиши режалаштирилган.

Telegram | Facebook | Instagram

Сирдарёга катта футбол қайтмоқда!

Футбол ва мини-футбол бўйича "Давлат хавфсизлик хизмати кубоги" баҳсларининг туман ва шаҳар саралаш босқичига старт берилди.

Тантанали тадбирда сўз олган вилоят ҳокими мазкур турнирнинг аҳамияти ҳақида тўхталиб, барча жамоаларга омад тилади. Шунингдек, кўп йиллик тарихга эга "Янгиер футбол клуби" "Сирдарё футбол академияси" номи остида қайта тикланганини маълум қилди.

Қайд этилишича, вилоятимиз бош жамоаси 19 апрель куни Ўзбекистон Кубоги баҳслари доирасида Фарғонанинг “Нефтчи” клубига қарши майдонга тушади.

Шу ернинг ўзида вилоят сектор раҳбарлари иштирокида Гулистон шаҳри маҳаллалари жамоалар учун қуръа ташлаш маросими ҳам ўтказилди.

Тадбир турли куй қўшиқлар ҳамда ажойиб шоу дастурлар билан билан давом этди.

Telegram | Facebook | Instagram

Норбаев Равшанбек Хатамкулович Сардоба тумани прокурори этиб тайинланди.

Р.Норбаев мазкур тайинловга қадар вилоят прокурорининг катта ёрдамчиси лавозимида ишлаб келаётган эди.

Telegram | Facebook | Instagram

Боёвут туманига янги прокурор тайинланди

Адлия кичик маслаҳатчиси Уралов Азиз Уралович Боёвут тумани прокурори этиб тайинланди.

А.Уралов мазкур тайинловга қадар Сардоба тумани прокурори лавозимида ишлаб келаётган эди.

Telegram | Facebook | Instagram

Давлат мулки объектини арзон нархда сотиб олинг!

Сирдарё тумани Ҳикматли МФЙда жойлашган собиқ "Сирдарё дам олиш маскани"га қарашли бино ва иншоотлар 11 816,0 млн сўмдан 7 089,6 млн сўмга арзонлаштирилган ҳолда сотувга чиқарилди.

Талабгорларга, шунингдек, қуйидаги қўшимча имтиёзлар берилади:

— тўлов 1 ой ичида тўланган тақдирда 14 фоиз миқдорида чегирма;
— 3 ойдан - 3 йил муддатгача бўлиб тўлаш имконияти;
— тўловнинг дастлабки 35 фоизи тўланган тақдирда биноларни кредит таъминоти сифатида гаровга қўйиш хуқуқи.

Батафсил

Маълумот учун телефонлар:
(67) 226-53-25 | (99) 477-12-11
(99) 207-26-09 | (99) 207-36-09

Давлат активларини бошқариш виляот бошқармаси

Telegram | Facebook | Instagram

Ёқилғи-энергетика соҳасидаги ислоҳотлар юзасидан ҳукумат қарори қабул қилинди

Қарорга мувофиқ, ёқилғи-энергетика ресурсларининг 2024-2025 йилларда босқичма-босқич ўзгарадиган янги нархлари ҳамда шу йилнинг 1 май санасидан эътиборан, аҳоли учун электр энергияси ва табиий газ бир ойлик истеъмолининг базавий меъёрлари тасдиқланди.

Жорий йилнинг 1 майидан бошлаб, электр энергияси нархи истеъмолчиларнинг I ва II гуруҳларига кирувчи қисмига ўзгаришсиз – 1 кВт·соат учун 1000 сўм ҳамда 900 сўмдан қолмоқда.

Истеъмолчиларнинг III гуруҳи, шу жумладан, овқат тайёрлаш учун марказлашган ҳолда электр плиталари билан жиҳозланган кўп қаватли уй-жойлар ва ётоқхоналарда яшовчи маиший истеъмолчилар учун бир ойдаги истеъмолдан келиб чиқиб:

🔹ойига 200 кВт·соатгача – 225 сўм;
🔹ойига 201 кВт·соатдан 1 000 кВт·соатгача – 450 сўм;
🔹ойига 1 001 кВт·соатдан 5 000 кВт·соатгача – 675 сўм;
🔹ойига 5 001 кВт·соатдан 10 000 кВт·соатгача – 787,5 сўм;
🔹ойига 10 000 кВт·соат ва ундан юқори – 900 сўмдан этиб белгиланмоқда.

Қолган маиший истеъмолчилар учун эса бир ойдаги истеъмолдан келиб чиқиб:

🔹ойига 200 кВт·соатгача – 450 сўм;
🔹ойига 201 кВт·соатдан 1 000 кВт·соатгача – 900 сўм;
🔹ойига 1 001 кВт·соатдан 5 000 кВт·соатгача – 1 350 сўм;
🔹ойига 5 001 кВт·соатдан 10 000 кВт·соатгача – 1 575 сўм;
🔹ойига 10 000 кВт·соат ва ундан юқори – 1 800 сўмдан этиб белгиланмоқда.

Истеъмолчиларнинг IV гуруҳи учун ҳам нархлар ўзгаришсиз – 1 кВт·соат учун 900 сўмдан қолмоқда.

Telegram | Facebook | Instagram

Вилоят ҳокимининг навбатдаги қабули бўлиб ўтди

Гулистон шаҳар ҳокимлиги катта мажлислар залида ўтказилган қабулда вилоят бошқарма, ташкилот ва муассасалари раҳбарлари қатнашди.

Қабул давомида жисмоний ва юридик шахслардан келиб тушган 40 га яқин мурожаат тегишли тартибда рўйхатга олиниб, 17 таси шу ернинг ўзида ҳал қилинди. 6 та мурожаат юзасидан тушунтириш ва ҳуқуқий маслаҳатлар берилди, 13 таси эса тегишли масъуллардан иборат ишчи гуруҳи томонидан жойига чиққан ҳолда ўрганиладиган бўлди. Шунингдек, 4 та мурожаат амалдаги қонунчилик талабларига мос келмагани сабабли, асослантирилган ҳолда рад этилди.

Telegram | Facebook | Instagram

ЖССТ миссияси Сирдарёда давлат тиббий суғурта тизимини ўрганди

Батафсил

Telegram | Facebook | Instagram

Диққат эълон!

Эртага, 16 апрель куни соат 10:00 да Гулистон шаҳар ҳокимлиги катта мажлислар залида вилоят ҳокими Акмалжон Махмудалиевнинг жисмоний ва юридик шахслар учун навбатдаги қабули бўлиб ўтади.

📍Геолокация

Telegram | Facebook | Instagram

Сирдарёда маданият ва санъат ходимлари куни кўтаринкилик билан нишонланди

15 апрель – “Маданият ва санъат ходимлари куни” муносабати билан “Фаровон“ тантаналар уйида байрам тадбири ташкил этилди. Унга соҳада узоқ йиллар самарали фаолият юритган меҳнат фахрийлари, бугунги кунда фидойилик билан ишлаётган фаоллар таклиф қилинди.

Тадбирда иштирок этган вилоят ҳокими ўринбосари Шохрух Исакулов соҳа ходимларини қизғин табриклаб, сўнги вақтларда эришилаётган ютуқлар хусусида тўхталиб ўтди.

Тадбир давомида тизимда алоҳида ўрнак кўрсатган бир гуруҳ соҳа ходимлари вилоят ҳокимлигининг фахрий ёрлиғи ва эсдалик совғалари билан тақдирланди. Шунингдек, туман ва шаҳар маданият бўлимларига компьютер жамланмалари топширилди.

Байрам санъат усталари ва ёш ижрочилар иштирокидаги концерт дастури билан давом этди.

Telegram | Facebook | Instagram