Shofirkon.uz 🇺🇿

🟦🟦🟦

Sifat, hosildorlik va mehnat: Shofirkonning bodring yetishtirish tajribasi

Shofirkon tumanida qishloq xo‘jaligi yildan-yilga rivojlanib, ayniqsa, issiqxonachilik sohasida yirik natijalarga erishilmoqda. Bugungi kunda tumanda 11 ta issiqxona faoliyat yuritib, jami 15 gektar maydonda qishloq xo‘jaligi mahsulotlari yetishtirilmoqda. Ana shunday yirik xo‘jaliklardan biri Tezguzar hududida joylashgan "Haj Agro" MChJ bo‘lib, bu yerda sifatli va bozor sharoitida talabgir bodring yetishtirilmoqda.

1 gektar maydonda joylashgan ushbu issiqxona bodringning “Orzu”, “Qoplon” va “Super” navlarini yetishtirishga ixtisoslashgan. Mahsulot parvarishi tajribali mutaxassis Azima Ochilova boshchiligida olib borilib, parvarishda sifat va hosildorlikka qat’iy e’tibor qaratiladi. Ishlab chiqarish jarayonida 9 kishi doimiy band, mavsumiy ishlarda esa 30 nafarga yaqin ishchi jalb qilinadi.

Hozirgi kunga kelib, 17 tonna bodring yig‘ib olindi, mavsum yakuniga qadar esa bu ko‘rsatkich 30 tonnaga yetishi kutilmoqda. Yetishtirilgan hosil mahalliy bozorga yetkazilib, 1 kg bodring narxi 17-18 ming so‘m atrofida belgilangan.

Bu sabzavotning inson salomatligi uchun foydali jihatlariga eʼtibor qaratadigan boʻlsak, bodring shunchaki sabzavot emas, balki inson organizmi uchun tabiiy shifo manbai hisoblanadi. Uning tarkibining 95 foizi suvdan iborat bo‘lib, tanani toksinlardan tozalaydi va suvsizlanishning oldini oladi. Oshqozon va ichak faoliyatini yaxshilab, ovqat hazm qilish jarayonini tezlashtiradi. Bodring A, B, C, K vitaminlari hamda kaliy, magniy va fosforga boy bo‘lib, immunitetni mustahkamlaydi va organizmni quvvatlantiradi. Shuningdek, terining elastikligini oshiradi, ajinlarning oldini oladi va soch o‘sishini rag‘batlantiradi. Bodringning qon bosimini me’yorlashtirish xususiyati ham mavjud bo‘lib, yurak va qon tomir kasalliklariga chalingan insonlar uchun ayni muddao.

"Haj Agro" issiqxonasida yetishtirilayotgan bodringlar ham tabiiyligi va sifati bilan ajralib turgan holda aholining qishloq xo‘jaligi mahsulotlariga bo‘lgan ehtiyojini qondirishda muhim rol o‘ynamoqda.

Hududda issiqxona faoliyatini yanada kengaytirish, mahsulot yetishtirish hajmini oshirish va yangi ish o‘rinlari yaratish bo‘yicha doimiy chora-tadbirlar amalga oshirilmoqda. Ushbu tashabbuslar qishloq xo‘jaligini rivojlantirish bilan bir qatorda, mahalliy tadbirkorlik va iqtisodiyotning o‘sishiga ham turtki bo‘lmoqda.

Shunday ekan, Shofirkon tuprog‘ida barakali yetishtirilgan mahsulotlar bozorlarga chiqib, xalq dasturxoniga yetib borayotgani – bu yerdagi mehnatkash fermerlarning fidokorona harakati natijasidir.

😎Shofirkon tumani hokimligi axborot xizmati

Buxoro viloyatining savdo tarmog‘ida qancha qo‘shilgan qiymat yaratildi?

2024- yilning yanvar-sentabr oylari yakunlariga ko‘ra, Buxoro viloyatining savdo tarmog‘ida 3 136,5 mlrd so‘m miqdorda qo‘shilgan qiymat yaratilgan bo‘lib, bu ko‘rsatkich o‘tgan yilning mos davriga nisbatan 12,0 % ga yuqoridir.

😎Shofirkon tumani hokimligi axborot xizmati

#Byudjet

Shofirkon tumanining mahalliy byudjet daromadlarining 2024-yil davomidagi prognoz ko‘rsatkichlarining bajarilishi va xarajatlari to'g'risida ma'lumot

Batafsil: https://is.gd/IiyEOV

😎Shofirkon tumani hokimligi axborot xizmati

🟦🟦🟦
🟦🟦🟦

Ilm uchun yonib, qalblarni yoritgan ustoz

Ba’zi insonlar bor – hayot yo‘llari, mehnatlari va fidoyiliklari bilan boshqalarga o‘rnak bo‘ladigan. Ular nafaqat o‘z kasbining ustasi, balki kelajak avlod uchun yo‘l ochib beruvchi yo‘lboshchi hamdir. Shunday shaxslar safida Nigora Yoʻldoshevaning nomi ham alohida hurmat bilan tilga olinadi.

U butun umrini ta’limga, yosh avlod tarbiyasiga va pedagogik mahoratni oshirishga bag‘ishlagan fidoyi ustoz, ilg‘or rahbar va mehribon inson sifatida tanildi...

Batafsil: https://is.gd/f81CiL

😎Shofirkon tumani hokimligi axborot xizmati

#Xalq_deputatlari

Shofirkon tumani bo'yicha 2025-yilda yuridik va jismoniy shaxslardan undiriladigan yer solig'i, suv resurslaridan foydalanganlik uchun hamda yer qa'ridan foydalanganlik uchun soliqlari hisoblab chiqarishda qo'llaniladigan koeffitsentlarni tasdiqlash to'g'risida

Batafsil: https://is.gd/Yq3cE0

😎Shofirkon tumani hokimligi axborot xizmati

🟦🟦🟦
🟦🟦🟦

Ayni kunlarda mahallalarda ko'chalarni obod etish bo'yicha hududlarda hashar jadallik bilan olib borilmoqda.

O'z mahallasiga, ko'cha va xonadonining atrofiga befarq bo'lmagan fuqarolarimizdan olib borilayotgan amaliy tadbirlarda uyushqoqlik bilan ishtirok etishlarini so'rab qolamiz.

😎Shofirkon tumani hokimligi axborot xizmati

🟦🟦🟦

Shofirkon tuman qo‘shimcha manbalari hisobidan xarid qilingan tovarlar hamda xizmatlar, qurilish, rekonstruksiya qilish va ta’mirlash ishlari olib borilayotgan obyektlar ro‘yxati, shuningdek qurilish ta’mirlash ishlarining moliyalashtirilishi to‘g‘risida

😎Shofirkon tumani hokimligi axborot xizmati