Shofirkon.uz 🇺🇿

🟦🟦🟦

"Iqboli buyuk yoshlar" hamda "Akademiya detstva" da Navro‘z shodiyonalari

Bahor – yangi hayot, yangilanish va ezgulik fasli. Ayniqsa, Navro‘z bayrami insonlarga iliqlik, mehr-oqibat olib keluvchi ulug‘ ayyom. "Iqboli buyuk yoshlar" hamda "Akademiya detstva" nodavlat maktabgacha ta’lim tashkiloti tarbiyalanuvchilari ham bu bayram alohida shukuh bilan nishonlandi.

Bog‘cha rahbari Nilufar Nekqadamova boshchiligida o‘tkazilgan ushbu tadbir kichkintoylar va tarbiyachilar uchun haqiqiy bayram kayfiyatini tuhfa etdi.
Tadbir davomida bolajonlar milliy kuy-qo‘shiqlar ijro etishdi, o‘zbekona liboslarda sahna ko‘rinishlari namoyish qilishdi.

Bahoriy shodiyona bayram ishtirokchilarini sevintirib, ularni milliy qadriyatlar bilan yana bir bor yaqinlashtirdi.

Navro‘z sayli doirasida kichkintoylar turli milliy o‘yinlarda qatnashib, sumalak pishirish jarayonini tomosha qilishdi.

Raqs va qo‘shiqlar bilan yanada joʻshqin oʻtgan tadbir nafaqat bolalar, balki tarbiyachilar va mehmonlar uchun ham unutilmas taassurotlarga boy bo‘ldi.

✅Shofirkon tumani hokimligi axborot xizmati