Prezidentimiz Qarori bilan “Vatandosh” guvohnomasi va “Vatandosh” kartasini rasmiylashtirish, berish hamda bekor qilish tartibi to’g’risidagi nizom tasdiqlandi.

“Vatandosh” guvohnomasi va “Vatandosh” kartasi xorijda yashayotgan vatandoshlarni rag’batlantirish va ular bilan bog’lanishni mustahkamlashga qaratilgan muhim tashabbusdir. Ushbu hujjatlar orqali vatandoshlar mamlakatimiz iqtisodiy va ijtimoiy hayotida faol ishtirok etishlari uchun qulaylik va imtiyozlar yaratiladi.

“Vatandosh” guvohnomasi v

atandoshlarning iqtisodiy, ijtimoiy va madaniy hayotdagi hissasi uchun beriladigan minnatdorchilik va tashakkur belgisidir. Uni xayriya faoliyati, xalqaro do’stona munosabatlarni rivojlantirish, ijtimoiy faollik uchun beriladi.

“Vatandosh” kartasi esa

5 yilga beriladi, vatandoshning milliy pasporti amal qilish muddatidan oshmagan holda O’zbekiston Respublikasiga vizasiz kirish va chiqish imkonini beradi. (Chet el fuqarolariga qo’yilgan miqdoriy cheklovlar tatbiq etilmaydi.)
Qo’shimcha hujjatlarsiz mehnat qilish, tibbiyot, ta’lim va boshqa xizmatlardan mahalliy fuqarolar shartlarida foydalanish uchun asos bo’ladi.

Ushbu tashabbus vatandoshlarni yurt bilan yaqindan bog‘lashga, ularning huquq va imkoniyatlarini kengaytirishga, imkoniyatlarni birlashtirishga hamda yurtimiz taraqqiyotida kengroq foydalanishga va mamlakatimizni xalqaro obro‘sini mustahkamlashga xizmat qiladi.

@Shaxnoza_Xolmaxamatova