🍃Islomga Oshno Qalblar🍃

КУН_ҲАДИСИ

عَنْ أَبِي أُمَامَةَ البَاهِلِيِّ رَضِيَ اللهُ عَنْهُ قَالَ:
قَالَ رَسُولُ اللهِ صَلَّى اللهُ عَلَيهِ وَسَلَّمَ:

 «أَنَا زَعِيمٌ بِبَيْتٍ فِي رَبَضِ الجَنَّةِ لِمَنْ تَرَكَ المِرَاءَ، وَإِنْ كَانَ مُحِقًّا، وَبِبَيتٍ فِي وَسَطِ الجَنَّةِ لِمَنْ تَرَكَ الكَذِبَ، وَإِنْ كَانَ مَازِحًا، وَبِبَيتٍ فِي أَعْلَى الجَنَّةِ لِمَنْ حَسَّنَ خُلُقَهُ».

رَوَاهُ أَبُو دَاوُدَ بإِسْنَادٍ صَحِيحٍ. 

Абу Умома ал-Боҳилий розияллоҳу анҳудан ривоят қилинади:
Расулуллоҳ соллаллоҳу алайҳи васаллам:

«Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Хулқини чиройли қилган кишига жаннатнинг энг юқорисидаги бир уйга кафилман», дедилар.

Имом Абу Довуд саҳиҳ иснод билан ривоят қилдилар.

​​📝Эри Россияга кетган аёл ҳикояси

“Эрим Россияда. Қариндошларимдан келадиган ёрдам ҳам тугаган, эрталабки чойимизга бир бурда нон билан қаноатландик.
Қўшнимникига меҳмон келадиган бўлиб қолиб, бир ошхамирлик ун, 200 та чучварага етгулик қийма чиқариб: “Мана шуни тугушиб берсангиз” деб, ташлаб чиқиб кетишди.
Ёрдамим текканига бир хурсанд бўлсам, болаларимга овқат келганига минг хурсанд бўлиб, ишни бошладим. Хамирни ёйиб бўлдим, чучвара тугуш давомида хаёлимдан нималар ўтяпти, сувга қайнатаман, азгина ёғимиз бўлганда эди, қайлали қилиб пишириб берар эдим, деб турсам, бирдан бошқа хаёл келиб қолди.
Фарзандларимга ўғирланган овқат егизаманми, йўқ, бўлмайди, сўрашим керак. Шайтон ғулув қилади, сўрасанг аччиғи келади, озиб-ёзиб бир иш айтган эдим шунга ҳам суқланяпти дийди, иш айтганига пушаймон қилдирасанми?
Яна бири, бермасачи, мехмонга яраша эди, десачи? Нима деган одам бўламан, индамай 10-15 та олиб қолсам-чи деб, охири олиб ҳам қолмайман, сўрамайман ҳам деган қарорга келдим. Чунки ҳар тонг етти маротаба Аллоҳдан ризқ сўраб: ”Эй ҳамма жонзотга ризқ бергувчи Раззоқ, менга ҳам гўзал ризқ бер, дейман-ку, деб сабр қилдим. Шу пайт... Келин бўлиб тушганимга ўн йилдан ошган бўлса ҳам бирор маротаба келмаган, борди-келди фақат тўй маросимларда бўлган эримнинг узоқ қариндоши, Гўзалхон аммамиз бир сўмка хом ошлик, нон, гўшт, сабзи-пиёз ўнта нонга етгудай пул билан кириб келдилар. Мани ичим йиғига тўлган, қўлим ун, бир аҳволда кутиб олдим.
Гўзалхон аммамизни тушларига бизнинг ҳовлимизда ўтган бувилари кирибди экан, шунга йўқлаб келибди. Шу орада қўшнимизни қизлари чиқиб чучвараларни олиб кириб кетишди, меҳмонимни кузатиб ошхонага кирсам бир тавоқчада чучварадан ҳам қолдиришипти. Ана ҳалолим, берган ризқингдан ўргулай, Раббим.
Сал қолди нафсимнинг гапига кириб улкан гуноҳ, ўғирлик қилишимга.
Аллоҳ сақламаса, Аллоҳни доим ёдлаб турмасак, шайтон домига тушиб, гунохкор бўлиб қолишимиз, фарзандларимизга ҳаром бериб катта қилиб, яхшилик кутишимиз гумроҳлик.
Аллохга шукрона булсин
Нафсни жилолаш керак азизларим

​Йигит аёл-қизлари гўзал бўлган шаҳарда вояга етди. Ҳар куни кўча-кўйда кўзи фақат чиройли қизларга тушарди. Ўқишда синфдошлари орасида ҳам, кейинчалик курсдошлари орасида ҳам ҳусни-жамолда бири биридан қолишмайдиган қизлар...
Вақти етиб, уйланишни истади. У Аллоҳдан солиҳа жуфт сўрай бошлади. Ҳа, чирой ҳам керак. Лекин унга айтилган солиҳа қизларда олдин кўрганидек чиройлилари йўқ эди. Солиҳа қизларнинг ҳам чиройлилари кўп, лекин йигитга ундайлари учрамади. Йигит эса Аллоҳдан фақат диндор солиҳа, қиз сўрайверди. У ҳар дуосида ибодатли, одоб-ахлоқли жуфт сўради. Ҳажда, умрада каъбапўшга тирмашиб, намозларида сажда қилиб фақат диндорини сўрайверди. Вақт ўтиб Аллоҳ таоло унга бир жуфт берди. Қизнинг отаси йигитнинг отасига қизини тавсия қилиб келди. Уйланди. Йигит айтади: «Мен аёлимда қандай сифатлар бўлишини сўраган бўлсам, ҳудди шундай бўлди. Ўзим кечаси намозга туролмасдим, то бомдодгача ухлар эдим. Бир куни ярим тунда уйғониб кетдим. Қарасам, аёлим хонанинг четроғида қиёмда турибти, намоз ўқияпти. Мен буни билмас эдим. Уйғонганим учун кўриб қодим, холос. Қайтиб ухладим. Шу билан кўчада бирор чиройли аёлга кўзим тушса, аёлимнинг тундаги намозини эслайман. Кўз ўнгимда, қоронғу хона четида қиёмда турган аёлим гавдаланади. Аллоҳга қасам, бу манзарани дунёдаги ҳеч қандай чиройга алишмайман!»

Йигит ушбу ҳадисни эшитиб, диндор аёл истаган эди:
«Аёл киши тўрт нарса учун никоҳланилади: моли учун, насаби учун, жамоли учун ва дини учун. Диндорини танла, қўлинг тупроққа қорилгур!»
(Имом Бухорий раҳимаҳуллоҳ ривояти.)

@sevgilim_sevgisi