SAYYID SAFO | Расмий канал

Абдуллоҳ ибн Абу Авфо розияллоҳу анҳудан ривоят қилинади:

«Набий соллаллоҳу алайҳи васаллам:
«Жума куни менга салавотни кўпайтиринглар. Албатта, менга етказилур ва мен эшитурман», – дедилар».
Шофеъий ва Ибн Можа ривоят қилишган.

✅ “Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади.

✅Аллоҳумма солли ва саллим ва баарик ъала Муҳаммад ва ъала олиҳи ва асҳабиҳи ажмаъийн!

✅Бу маълумотни яқинларингизга ҳам улашинг, кўп саловот ва салом айтилишига сабабчи бўлинг.
👉Эслатиш мўъминларга манфаат берур.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

Сўзлашаётганимизда гапларимизга диққат қилайлик, ахир биз Имом Бухорий авлодимиз.

- Бўлди, Ок – демайлик
+ ИншаАллоҳ! – деб айтайлик.

- Вааауув даҳшат, қойил! – деманг,
+ Субҳаналлоҳ! – деб айтайлик.

- Супер, гап йўқ! – деманг,
+ МашаАллоҳ! – деб айтайлик.

- Чўткиман, зўрман! – деманг,
+ Алҳамдулиллаҳ! – деб айтайлик.

- Спасибочки, раҳмат – деманг,
+ Раҳмат, Жазакуммулоҳ хойр (Аллоҳ мукофатласин) – деб айтайлик.

- А давай, пока! Бай-бай – деманг,
+ Аллоҳнинг паноҳида бўлинг, кўришгунча – деб айтайлик.

- Салом, қалайсан? – деманг,
+ Ассалому алайкум ва роҳматуллоҳи ва баракатуҳ (Сизга соғлик саломатлик, омонлик, Аллоҳнинг раҳмати ва барокоти бўлсин!) – деб айтайлик.

Ҳар биримизни гап сўзларимиздан ким эканимиз ва ҳаракатларимиз кўринмайдиган хулқимизни ошкор қилиб қўйяди ва биринчи хунук оҳанг одамни дилини хира қилади.
Қиёмат кунида ҳар бир сўз учун ҳисоб – китоб қилинамиз.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

Намозда нега Иброҳим алайҳиссаломга салавот айтамиз?

Ҳар намозда Ташаҳҳуддан сўнг салавот айтаётиб: "Иброҳим (алайҳиссалом)га салавот йўллаганингдек..." деган жумла бор.
Аслида шу жумла орқали ҳаиқақатн Иброҳим алайҳиссаломга салавот айтиладими?амиз.
Намозда Иброҳим алайҳиссаломга ва Пайғамбаримиз Муҳаммад соллаллоҳу алайҳи ва салламга ва у зотларнинг оила аҳлларига ҳам салавот айтамиз. Яъни ташаҳуддан сўнг: “Аллоҳумма солли ала Муҳаммадин ва ала али Муҳаммадин кама соллайта ала Иброҳима ва ала али Иброҳима иннака ҳамидун мажид. Ва барик ала Муҳаммадин ва ала али Муҳаммадин кама барокта ала Иброҳима ва ала али Иброҳимма иннака ҳамидун мажид” саловатини ўқиймиз. Ундаги "кама соллайта ала Иброҳим" жумласи "Иброҳимга салавот айтганингдек" деганидир.
Иброҳим алайҳиссаломга саловат айтишимизнинг сабаби Қуръони каримнинг Шуъаро сурасида келган:"Ва менга кейин келгувчилар ичида содиқ мақтовлар бўладиган қилгин" (84-оят). Яъни, бу оят ўтиб кетганимдан кейин ҳам одамлар мени қиёматгача яхшилик билан эслаб юрадиган қилгин деганидир. Иброҳим алайҳиссалом доим ушбу дуони ўқиб юрар эдилар. Аллоҳ таоло у зотнинг дуоларини ижобат қилди ва: "Ва кейингилар ичида унинг учун (олқишлар) қолдирдик" деди (Вассоффат сураси, 108-оят). Яъни, “Биз то қиёматгача келадиган инсонлар ичида Иброҳимни яхши хотира билан, унга мақтов айтиб эслашликни қолдирдик” деганидир.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

#сийрат_дарси

63-дарс

301. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Бирортангиз таҳорат қилса, бурнига олган сувни чиқариб ташласин, ким тош билан истинжо қилса, тоқ қилсин. Агар уйқусидан уйғонса, қўлини уч марта ювмай туриб, уни идишга солмасин, чунки бирортангиз қўли қаерда тунаганини билмайди», дедилар».
Бухорий ва Муслим ривоят қилишган.
302. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам айтдилар: «Бирортангиз уйқусидан уйғонса, бурнини уч марта чайсин. Албатта шайтон унинг бурни ичида тунайди».
Муслим ривоят қилган.
303. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Албатта, умматим Қиёмат куни таҳоратнинг асаридан пешоналари оппоқ ва оёқ-қўлларидан нур таралиб турган ҳолларида чақирилишади. Демак, сиздан ким ўз пешонасидаги қашқасини узайтиришга қодир бўлса, шуни қилсин», дедилар».
Бухорий ва Муслим ривоят қилишган.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

#Ривоят

🔻«ОТА-ОНА ТИРИКЛИГИДА ЖАННАТГА КИРА ОЛМАГАН ОДАМ ҲАҚИДА»🔻

Абу Ҳурайра (розияллоҳу анҳу)дан ривоят қилинади:

«Набий соллаллоҳу алайҳи васаллам:

«Бурни ерга ишқалансин, бурни ерга ишқалансин, бурни ерга ишқалансин», дедилар.
«Эй Аллоҳнинг Расули, кимнинг?» дейишди.
«Ота-онаси ёки улардан бири кексалигида улар билан бирга яшаб, дўзахга кирган кишининг», дедилар».

Ушбу ҳадиси шарифдан олинадиган фойдалар:

1. Тингловчининг эътиборини тортиш учун бир ишнинг оқибатини такрор-такрор айтиш мумкинлиги.

2. Олим ва раҳбар кишидан бирор масала оқибати ҳақидаги гапни эшитганда, бу оқибат ким учун эканини сўраш лозимлиги.

3. Ота-онаси бўлса туриб, уларнинг розилигини топиб, жаннатга киришга сазовор бўлолмай қолган одам бахтсиз шахс экани.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

Фақирга ҳам, бойга ҳам саховат қилар эдилар

Ибн Аббос розияллоҳу анҳумо ривоят қилади: “Расулуллоҳ соллаллоҳу алайҳи ва саллам инсонларнинг энг сахийси эдилар. Айниқса, Рамазонда Жаброил алайҳиссалом билан учрашганларида сахийликлари янада ортар эди. Жаброил алайҳиссалом У зот билан Рамазоннинг ҳар кечасида учрашар ва биргаликда Қуръонни ўқиб ўтказар эдилар. Расулуллоҳ соллаллоҳу алайҳи ва саллам Жаброил алайҳиссалом билан учрашганларида эсувчи шамолдан ҳам сахийроқ бўлиб кетар эдилар”.
Расулуллоҳ соллаллоҳу алайҳи ва салламнинг сахийликлари сахийликнинг барча кўринишларини ўзида мужассам қилган эди. Яъни, у зот илм, жон ва молини Аллоҳнинг йўлида, динни қувватлаш ва умматини ҳидоят қилиш ҳамда уларга манфаат етказиш учун сарфлар эдилар. У зот жоҳилларга таълим берар, ҳожатмандларнинг эҳтиёжларини қондирар ва очларни тўйғизар эдилар.
Ҳадисдаги “эсувчи шамолдан ҳам сахийроқ” деган жумла Расулуллоҳ Рамазонда яхшилик қилиш, инсонларга фойда етказиш ва сахийлик борасида худди тез эсувчи шамолдек жуда шошилар эдилар. Чунки шамолнинг эсиши барчага бирдек етиб боради.
Ибн Мунаййир раҳматуллоҳи алайҳ мазкур ҳадиснинг шарҳида бундай деган: “Расулуллоҳ соллаллоҳу алайҳи ва салламнинг яхшиликлари фақирлару ҳожатмандларга ва ҳатто бойларга ҳам эсувчи шамолдан пайдо бўлган ёмғир каби бирдек етиб борар эди” .

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

АЛЛОҲ ТАҚВОДОРЛАР БИЛАН БИРГАДИР

▫️ Банда фақат тақвоси билангина ҳурматли бўлади.
“Албатта, сизларнинг Аллоҳ наздидаги энг ҳурматлиларингиз тақводорроғингиздир. Албатта, Аллоҳ Билгувчи ва Огоҳдир”. (Ҳужурот сураси, 13-оят мазмуни).

▫️ Аллоҳ тақво қилганларни яхши кўради.
“Йўқ! Балки ким аҳдига вафо қилса ва тақводор бўлса. Бас, Аллоҳ тақводорларни хуш кўради”. (Оли Имрон сураси, 76-оят мазмуни).

▫️ Аллоҳ тақводорлар билан.
“Албатта, Аллоҳ тақво қилганлар ва гўзал ишлар қилганлар биландир”. (Наҳл сураси, 128-оят мазмуни).

▫️ Аллоҳ тақводоларнинг ишини енгил қилади.
“... Ким Аллоҳга тақво қилса, У Зот унинг ишида осонлик қилиб беради”. (Талоқ сураси, 4-оят мазмуни).

▫️ Аллоҳ тақводорларнинг гуноҳларини авф этади ва савоб ишларининг ажрини кўпайтиради.
“Ким Аллоҳга тақво қилса, унинг гуноҳларини кечирур ва ажрини кўпайтириб берур”. (Талоқ сураси, 5-оят мазмуни).

▫️ Аллоҳ тақводорлардангина қабул қилади.
“Уларга Одамнинг икки ўғли хабарини ҳақ ила тиловат қилиб бер. Икковлари қурбонлик қилганларида, бирларидан қабул қилинди, бошқасидан қабул қилинмади. У: “Албатта, мен сени ўлдиражакман”, деди. Бириси: “Албатта, Аллоҳ тақводорлардангина қабул қиладир”. (Моида сураси, 27-оят мазмуни).

▫️Тақводорларга барака эшиклари очиб қўйилади.
“Агар қишлоқлар аҳллари имон келтирганларида ва тақво қилганларида эди, Биз, албатта, уларга осмону ердан баракотларни очиб қўяр эдик. Лекин улар ёлғонга чиқардилар, бас, уларни қилган касблари туфайли тутдик”. (Аъроф сураси, 96-оят мазмуни).

▫️Тақво қилган банданинг йуллари очилади ва ўйламаган тарафидан ризқ ато этилади.
“...Ким Аллоҳга тақво қилса, У Зот унинг йўлини очиб қўюр. Ва унга ўзи ўйламаган тарафдан ризқ берур...”. (Талоқ сураси, 2–3-оятлар мазмуни).

▫️Аллоҳ тақводорларга илм беради.
“Аллоҳга тақво қилинг. Ва Аллоҳ сизга илм беради. Аллоҳ ҳар бир нарсани билувчи Зотдир”. (Бақара сураси, 282-оят мазмуни).

▫️Тақводорларнинг мукофоти жаннатдир.
“Албатта, тақводорларга ютуқ бордир: боғ-роғлар, узумзорлар бордир. Ва янги бўйи етган бир хил ёшдаги қизлар бордир. Ва тўлдирилган қадаҳлар бордир. У ерда бекорчи гапларни ҳам, ёлғон гапларни ҳам эшитмаслар. Раббингдан мукофот, совға ҳисобидандир”. (Наба сураси, 31–35-оятлар мазмуни).

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo

ҚИРҚ ФАРЗ

Ислом беш фарзни ўз ичига олади:
1. Имон.
2. Намоз.
3. Рўза.
4. Закот.
5. Ҳаж.

Имон еттита фарздан иборат:
1) Аллоҳга;
2) Аллоҳнинг фаришталарига;
3) Аллоҳнинг китобларига;
4) Аллоҳнинг пайғамбарларига;
5) Охират кунига;
6) Тақдирга, яъни яхшилик ҳам, ёмонлик ҳам Аллоҳдан эканига;
7) Ўлимдан кейин қайта тирилмоққа ишониш..

Таҳоратнинг фарзлари тўртта:
1. Юзни сочлардан холи жойларини ияк остигача ва икки қулоқ орасидаги қисмини ювиш.
2. Қўлларни тирсаклари билан бирга қўшиб ювиш.
3. Бошнинг тўртдан бирига масҳ тортиш.
4. Оёқларни тўпиқлари билан бирга ювиш.

Ғуслнинг фарзлари
1. Оғизни яхшилаб чайиш.
2. Бурунни ачишгунча яхшилаб чайиш.
3. Баданнинг ҳамма жойини қолдирмасдан ювиш.

Таяммумнинг фарзлари
1. Ният.
2. Пок тупроқни қасд қилиш.
3. Икки қўлни пок тупроққа уриб юзга суриш.
4. Қўлларни яна тупроққа уриб, тирсак билан қўшиб қўлларга суриш.

Намознинг фарзлари ўн иккитадир.
Олтитаси намоз ташқарисида, олтитаси намоз ичида.
Намоз ташқарисидагилар «шарт», ичидагилар «рукн» дейилади.

Намознинг олти шарти
1. Таҳорати йўқнинг таҳорат олиши, жунуб бўлганнинг ғусл қилиши.
2. Бадан, кийим ва намоз ўқиладиган жой тоза бўлиши.
3. Аврат ёпиқ бўлиши.
4. Қиблага қараб туриш.
5. Ўз вақтида ўқиш.
6. Ўқийдиган намозига ният қилиш.

Намознинг олти рукни
1. Ифтитоҳ такбири.
2. Қиём.
3. Қироат.
4. Руку.
5. Сажда.
6. Қаъда (сўнгги ўтириш).

Қуйидагилар ҳам фарздир:
1. Илм олиш.
2. Амри маъруф, наҳйи мункар.
3. Ҳалол меҳнат қилиш.
4. Ризқни ҳалол йўл билан топиш.
5. Шариат ҳалол деб белгилаган нарсаларни ейиш.

📲Яқинларга ҳам улашинг

🔗Каналимизга обуна бўлиш учун⬇️⬇️⬇️
@SayyidSafo