44

###

Онамни қаритма эй кўҳна дунё,
Кўзидан ёшлари оқмасин дарё.
Ҳар куни йўлимга боқади қиё,
Борим ҳам, йўғим ҳам, онамдур, онам.

Муштипар меҳрли инсоним ўзи,
Ажинга бурканди бечора юзи.
Малҳамлар бўлади ҳар битта сўзи,
Борим ҳам, йўғим ҳам, онамдур, онам.

Дард кетса ногаҳон қалқони бўлай,
Ётса гар бемажол ҳолини сўрай.
Мен учун жаннатий пойини ўпай,
Борим ҳам, йўғим ҳам онамдур, онам.

Қўлини тутаман титрайди унсиз,
Дунёда ягонам борлиғим ёлғиз.
Тордур менинг учун бу дунё усиз,
Борим ҳам, йўғим ҳам, онамдур, онам.

Қўлларин тутганча дуолар қилган,
Омадим юришса беғубор кулган.
Баҳтим осмонида ойдайин тўлган,
Борим ҳам, йўғим ҳам, онамдур, онам.

Шундай улуғимни асрагин аллоҳ,
Дуоси ҳамиша йўлимда ҳамроҳ.
Гуноҳкор мундурман унда йўқ гуноҳ,
Борим ҳам, йўғим ҳам, онамдур, онам

Борим ҳам, йўғим ҳам, онамдур, онам

Armonim Onam