Yuqoridagi postga izoh:
Bu xabarni aslo xayp uchun yozganim yo‘q. Shunchaki, Khusanovni ko‘rib, o‘zimning yoshligim yodimga tushib ketdi.
Aynan 17 yoshimda men ham Amerikaga borib qolgan edim. FLEX dasturi orqali imtihonlardan muvaffaqiyatli o‘tgan bo‘lsam-da, til barrieri meni juda qiynagan. Taxminan 3-4 oy vaqt kerak bo‘lgan, lekin bu davr mobaynida tilni yaxshi tushunmaganim sababli turli xijolatli holatlarga tushganman: sinfdoshlarimning hazillarini tushunolmaslik, tushunganlikka olib, o‘zimni noqulay his qilishlarim…
Ammo, Khusanovning holati mendan o‘n barobar qiyin. Men oddiy o‘quvchi bo‘lib shuncha qiynalgan bo‘lsam, Khusanov jahon yulduzi sifatida barcha nigohlarni o‘ziga qaratgan holda turibdi. Undagi bosimni biz hatto tushimizda ham his qilmagan bo‘lsak kerak. Eng achinarlisi, u ingliz tilida hatto boshlang‘ich bazaga ham ega emas (menda esa, kamida B1 daraja bor edi).
Shu narsalarni o‘ylab, yuqoridagi postni yozdim. Balki hozirda uning yonida ingliz tili o‘qituvchilari allaqachon ishlayotgandir, lekin agar mening taklifim qabul qilinsa, bu mas’uliyatni to‘liq o‘z bo‘ynimga olishga tayyorman.
