ФЕРМЕРЛАР КАНАЛИ

@Respublika_Fermerlari

Kanal geosi va tili: O‘zbekiston, O‘zbekcha

Toifa: Tabiat

Республика Фермерлари гурухининг махсус канали
Мухокамалар гурухи
@RespublikaFermerlari
@AgronomMaslahati
@TexnikaXizmati
@mineral_ugit_bozori
@donbozorim
https://t.me/+FI1J6-35v2YyNTBi

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Tabiat

Statistika

Saralanganlar

Postlar filtri

O‘chirilganlarni yashirish

Repostlarni yashirish

ФЕРМЕРЛАР КАНАЛИ

21 Feb, 09:34

⚡️ФОРВАРД ШАРТНОМАЛАРИ

Фермерлар ёки Кластерлар Қишлоқ Хўжалиги Вазирлигининг https://cabinet-crop.agro.uz/ дастури орқалик ФОРВАРД шартномалари бўйича таклифларни Биржа савдоларига чиқаришлари мумкин.(олдин фақат биржада очиларди).

Эътибор беринг:

-Икки томон хам шартларни батафсил келишиб (бўнак пули, моддий ресурслар таъминоти,ташиш харажатлари)шартнома шартларига киритишлари мумкин;

-Залог суммасини икки томон келишган холда 0.1фоиздан 10 фоизгача деб белгилашлари мумкин;

-Жарималар шартноманинг бажарилмаган қисмига 25% миқдорида;

-Форвард шартномалари учун имтиёзли кредитлар ажратилмайди.

-Форвард шартнома тузган фермерларга 10 фоизлик субсидиялар ажратилади;

-Амалдаги тартибга кўра Форвард шартномалари 1 мартгача тузилиши керак, хозирда кўплаб фермерлар айнан Форвард шартномасига қизиқиш билдираётганини инобатга олиб @RESPUBLIKA_FERMERLARI канали маъмурияти Қишлоқ Хўжалиги Вазирлигига Форвард шартномалари тузиш муддатларини 1 майгача суриб беришда амалий ёрдам беришни сўраб таклиф киритди.

Фермер бўлсангиз, ушбу каналга уланиб қўйинг:
👉 @RESPUBLIKA_FERMERLARI

Бошқа саволларни қуйидаги гуруҳда муҳокама қиламиз:
👉 @RespublikaFermerlari

7.9k 2 102 18 57

ФЕРМЕРЛАР КАНАЛИ

20 Feb, 14:17

GENERALISSIMUS dan repost

✅Фермерларни кенгашга мажбурий аъзолигини бекор қилишга оид қонун қачон қабул қилинади?

Ҳуқуқий шаклига кўра, нодавлат нотижорат ташкилоти бўлган Ўзбекистон Фермерлари кенгашига барча фермерлар яна мажбурий аъзо қилинмоқда.

Бу бахсли. Чунки, "Нодавлат нотижорат ташкилотлари тўғрисида"ги қонунга кўра, расмий ҳужжатларда у ёки бу нодавлат нотижорат ташкилотига аъзолик ёки унинг фаолиятидаги иштирокнинг кўрсатилиши талаб қилинишига йўл қўйилмайди.

Аммо шунга қарамай, 2019 йили "Фермер хўжалиги тўғрисида"ги қонун ўзгартирилиб, фермерларнинг Ўзбекистон фермер ва деҳқон хўжаликлари ва томорқа ер эгалари кенгашига аъзолиги мажбурий этиб қўйилди.

Қизиғи, Президентнинг 2024 йил 4 мартдаги ПҚ-109-сон қарорида 2024 йил апрелгача фермерлар кенгашига мажбурий аъзоликни бекор қилиш ҳақида қонун ишлаб чиқиш кўрсатилган. Масъуллар Қишлоқ хўжалиги ва Адлия вазирлари.

Бироқ, бу қонун туғилмай, энди янги ҳужжат билан фермерларни номи ўзгараётган янги кенгашга мажбурий аъзо қилиш белгиланмоқда.

@generalissimo_marshal

5.3k 0 23 3 67

ФЕРМЕРЛАР КАНАЛИ

20 Feb, 08:40

⚡️ПАХТА 2024 -12850 сўм.
Фермер судда ғалаба қозонди.

Қарши тумани "Ахмад ТЕМУР" фермер хўжалиги @RESPUBLIKA_FERMERLARI телеграм гурухининг махсус адвокатлари, хамда Фермерлар Кенгаши томонидан "Хилал Кластер” билан 2024 йил январда имзоланган пахта хом ашёсининг хар бир килограми учун 12850 сўмдан бўлган шартномаси бўйича маблағларни ундириш бўйича суд жараёнида тўлиқ ютиб чиқди.

Ушбу фермер хўжалиги рахбари босимлар бўлишига қарамасдан 6800сўмлик қўшимча шартнома(келишув битими)ни имзоламаган.
Одил Суд ишни кўриб чиқиб Кластер хеч қандай гап сўзсиз Темурийзода Фермерга хар бир кг пахта учун 12850 сўмдан тўлаб бериши шартлиги тўғрисида қарор чиқарди.

Фермер бўлсангиз, ушбу каналга уланиб қўйинг:
👉 @RESPUBLIKA_FERMERLARI

Бошқа саволларни қуйидаги гуруҳда муҳокама қиламиз:
👉 @RespublikaFermerlari

13.3k 1 302 10 188

ФЕРМЕРЛАР КАНАЛИ

19 Feb, 17:04

Энди, Томорқасини қаровсиз қолдирган хонадон эгалари уч карра юқори солиқ тўлайди

Аҳоли томорқаси ва ижарага берилган ер майдонларидан самарали фойдаланиш бўйича ҳоким ёрдамчиси томонидан ҳар чоракда ўрганиш олиб борилади.

Ўрганиш давомида хонадондаги томорқа ва ижара ерларида экин экилмаган ва қаровсиз қолдирилган бўлса қуйидаги чоралар қўлланилади.

1. Имтиёзли кредитлар ажратилмайди.
2. Ижтимоий ҳимоя ягона реестрига киритилган фуқаролар учун ёрдамлар (моддий ёрдам ёки бола пули каби) тўхтатилади.
3. Ер солиғи уч карра юқори миқдорда ҳисобланади.

Каналга уланиш👇
👉@RESPUBLIKA_FERMERLARI

18k 1 103 14 37

ФЕРМЕРЛАР КАНАЛИ

19 Feb, 08:00

⚡️ ПРЕЗИДЕНТ ФАРМОНИ
22-сон.(одинги қарорларга ўзгартиришлар бўйича мухим саволлар)

Фармондаги Кенгашга чексиз "имкониятлар" ёки тушуниш қийин жойлари бўйича саволлар:

26.04.2018 даги ПҚ-3680 га ўзгартириш киритилган ва қуйидагича баён қилинган:

б) 3-банд қуйидаги таҳрирда баён қилинсин:
“3. Белгиланcинки:
барча фермер хўжаликларининг Ўзбекистон фермерлари кенгашига
(кейинги ўринларда Кенгаш деб юритилади) аъзолиги мажбурий, бошқа
қишлоқ хўжалиги корхоналари учун эса ихтиёрий ҳисобланади;

фермер хўжаликларининг Кенгашда аъзолиги туман фермерлари кенгаши
раёсат қарорига мувофиқ тугатилиши ер участкасига эгалик қилиш, ундан
доимий ёки муддатли фойдаланиш ҳуқуқи ёхуд уни ижарага олиш ҳуқуқи
бекор бўлиши учун асос бўлади;

фермерлар кенгашлари қишлоқ хўжалигида шартнома
мажбуриятларининг бажарилиши юзасидан мониторинг ҳамда жамоат
назоратини амалга оширади.”

в) 4-бандда:
иккинчи хатбоши қуйидаги таҳрирда баён этилсин:
“Пахта ва ғалла етиштиришга ихтисослаштирилган фермер хўжаликлари
томонидан етиштириладиган пахта хомашёси бўйича биржада эълон
қилинадиган бошланғич нархидан ҳамда доннинг шаклланган ўртача нархидан
0,6 фоиз миқдорида.”

---

🪓 Буни қандай тушунайлик?

Яқиндагина ЎРҚ-973 билан бекор қилинган Кенгашга мажбурий аъзолик яна қайтадан жорий қилиндими?

Ер кодексида ер ижара ҳуқуқи фақат суд қарорига асосан бекор қилиниши белгиланган. Энди эса Кенгаш аъзолигидан чиқарилса, ер ижара ҳуқуқи бекор бўладими?

Энди фермер "шартнома мажбуриятини" бажармаса, Кенгаш хулоса тайёрлайдими?

Пахтанинг биржадаги баҳосидан 0,6%/кг – бу янги солиқ турими? Ўзи кимдир уни ҳисоблаб чиқдими?

7720 × 0,6% = 46,32 сўм
Бир гектардан 40 ц ёки 4000 кг
4000 × 46,32 = 185 280 сўм

Энди фермер ҳозир белгиланаётганидек гектаридан камида 40 ц пахта олса,
Кенгашга бир гектар ердан 185 280 сўм бадал тўлайдими?
Бу Республика миқёсида қанча бўлади?

887 000 гектар пахта → 165 млрд сўм

1 млн гектар ғалла (60 ц/га, 2500 сўм/кг) → 90 млрд сўм

Бир йилда 235 млрд сўм!

(Энергетика вазирлигининг йиллик бюджети 123 млрд,
Адлия вазирлигиники 325 млрд сўм.)

Фермерлар бахтига "кластер" деган тушунча бор экан (чин маънода).
Фермерлар ўз ташкилий-ҳуқуқий шаклини худди кластерлардек
МЧЖ шаклига ўзгартирса бўладими?
Шунда улар худди кластерлар каби ер ижара ҳуқуқларини судларда ҳимоя қила оладими?

---

Муҳим савол:

ПФ-18 га асосан катта маблағ сарфлаб сабзавотчиликка ер ижара ҳуқуқини бир йўла пул тўлаб сотиб олган фермерлар ҳам (мажбурий) Кенгашга аъзоликдан чиқарилса,
ер ижара ҳуқуқи бекор бўлиб, тўлаган пулига куядими?

(Масалан, тумандаги бир мутасадди билан айтишиб қолса ва у мутасадди туман Кенгаши раҳбарини
бевосита "тавсия" билан лавозимга тайинлайдиган шахс бўлса, нима бўлади?)

---

Балки саволларимиз эҳтиросли ва хатодир,
лекин Кенгашдан кимдир фермерлар олдига чиқиб,
баралла тушунтириб берса яхши бўларди.

Ушбу ташаббуслар фермерлар фойдасига ишлайди ва энди айрим мутасаддилар истаган пайтида фермернинг ерини тортиб олиш учун баҳонага айланмайди деган умиддамиз.

2016 йилгача вазият қандай эди эслайлик...

---

Оқибатлари ҳақида асосли фикрлар ҳам бор, канални кузатиб боринг.

Фермер бўлсангиз, ушбу каналга уланиб қўйинг:
👉 @RESPUBLIKA_FERMERLARI

Бошқа саволларни қуйидаги гуруҳда муҳокама қиламиз:
👉 @RespublikaFermerlari

10.4k 2 178 34 107

ФЕРМЕРЛАР КАНАЛИ

19 Feb, 07:53

ПФ-22.pdf

14.3Mb

🇺🇿22-СОНЛИ ПРЕЗИДЕНТ ФАРМОНИ.

ФЕРМЕРЛАР ФАРМОННИ АСОСИЙ МАВЗУСИ ЭМАС, БАЛКИ ФЕРМЕРЧИЛИКДА ҚАНДАЙ ЎЗГАРИШЛАР БЎЛГАНЛИГИГА СИНЧКОВЛИК БИЛАН ҚАРАБ ҚЎЙИШЛАРИ ШАРТ. АЙТИШ МУМКИНКИ ФЕРМЕРЧИЛИК БЎЙИЧА 2016 ЙИЛДАН БЕРИ АМАЛГА ОШИРИБ КЕЛИНАЁТГАН ИСЛОХОТЛАРДА ТЕКТОНИК ЎЗГАРИШЛАР СОДИР БЎЛДИ.

Фермер бўлсангиз каналга уланиб қўйинг:
👉@RESPUBLIKA_FERMERLARI

гурухимиз:
👉@RespublikaFermerlari

9k 2 68 1 18

ФЕРМЕРЛАР КАНАЛИ

18 Feb, 22:15

🇺🇿ПРЕЗИДЕНТ ФАРМОНИ 22-СОН. 14.01.2025.

Президентнинг тегишли Фармони билан:
🟢Фермер,дехқон ва томорқачилар кенгаши иккига бўлинди.

Энди янги ном билан Ўзбекистон Фермерлар кенгаши ва Камбағалликни қисқартириш вазирлигига Дехқон ва томорқачилар кенгашивазифалари юкланиб алохида фаолият юритади.

Шунингдек олдинги Республика Кенгаши қошидаги жамғарма хам иккига бўлинади ва маблағларнинг катта қисми Камбағалликни қисқартириш вазирлиги қошидаги тегишли жамғармага ўтказилади.

Шинингдек махаллаларда томорқачиликни ривожлантириш учун "ЎзАгроСтар" холдинг корхонаси тузилади ва бу ташкилот махаллаларда томорқачиликни ривожлантириш билан бирга хонадонларда етиштирилган махсулотларни экспорти билан шуғулланади.

КЕНГАШ ФАОЛИЯТИДА АЙРИМ ЎЗГАРИШЛАР БЎЙИЧА КЕЙИНГИ ПОСТДА БАТАФСИЛРОҚ ...

.Фермер бўлсангиз ушбу каналга уланиб қўйинг.
👉@RESPUBLIKA_FERMERLARI

Бошқа саволларни қуйидаги гурухда мухокама қиламиз:

👉@RespublikaFermerlari

9.1k 1 121 58

ФЕРМЕРЛАР КАНАЛИ

18 Feb, 14:48

⚡️ Қўшниларда субсидиялар қанча?

Блоггер-Тадбиркор Алишер Касимов ёзмоқда:

Фермер ва агро корхоналарга қишлоқ хўжалиги техникаси хариди учун бериладиган субсидиялар

Ўзбекистонда ишлаб чиқарилган қишлоқ хўжалиги техникаси учун техника сотиб олинадиган нархининг 15% фермерга субсидия кўринишида қайтарилиб берилади.

Бундан ташқарии мазкур техникани кредит еки лизинг орқали олинса фоиз ставкасининнг бир қисми ҳам қоплаб берилади.

Ўртача қишлоқ хўжалиги техникаси учун лизинг фоизи 19% ни ташкил қилса, шундан 9% давлат томонидан фермер учун тўлаб берилади ва қолган 10% ни фермер ўзи тўлайди.

Лизинг богланғич тўлови Ўзбекистонда қайси лизинг ташкилоти беришига қараб 20%-30% ни ташкил қилади.

Барча субсидия ва имтиёзлар фақат маҳаллий техника учун берилади, ташқаридан импорт қилинган юқори сифатли замонавий техникаларга бундай имтиёзлар берилмайди.

Энди мазкур субсидиялар бизнинг яқин бўлган қўшни давлатларда қандай.

Қозоғистон

Маҳаллий техника учун 30% субсидия берилади. Импорт қилинган техника учун 15% дан (агар ўзида аналоги ишлаб чиқарилса), 25% гача (агар аналоги ўзида ишлаб чиқарилмаса) берилади.

Қишлоқ хўжалиги техникаси учун лизинг фоизи 17% ни ташкил қилса, шундан 10% давлат томонидан фермер учун тўлаб берилади ва фермер эса қолган 7% ни ўзи тўлайди. Бу субсидия ҳар қанақа ҳолатда: техника маҳаллий ишлаб чиқарилган ёки чиқарилмаганлигига қарамасдан берилади.

Агар техника маҳаллий ишлаб чиқарилган бўлса яна қўшимча лизинг устамасининг 1-2% давлат томонидан қўшимча тарзда қоплаб берилади.

Агар техника Беларусияда ишлаб чиқарилган бўлса, Қозоғистонда сотиладиган Беларусия техникаларига ҳам техника нархининг 25% га субсидия берилади, лизинг фоизининг 10% Қозоғистон ҳукумати томонидан, 6% эса Беларусия ҳукумати томонидан қоплаб берилади. Ва шунда фермер 1% ни холос тўлайди. Бошқача қилиб айтадиган бўлсак, Беларусия қишлоқ хўжалиги техникаларини Қозоғистонда 7 йиллик лизинг муддатга, йиллик 1% лизинг устамаси билан сотиб олиш мумкин.

Лизинг бошланғич тўлови Қозоғистонда барча лизинг ташкилотларида 0% ни ташкил қилади.

Озарбайжон

Бу давлатда барча қишлоқ хўжалиги технкаларига қаерда ишлаб чиқаришига қарамасдан техника сотиб олинадиган нархидан 40% га субсидия берилади.

Хар бир фермер хохлаган техникасини сотиб олиш учун 20% бошланғич тўловни амалга оширган ҳолда, қолган 40% давлат томонидан тўлаб бериладаи, ва яна қолган 40% га эса давлат қишлоқ хўжалигини ривожлатириш банклари томонидан 5 йиллик имтёзли кредит раймийлаштириб берилади.

40% субсидиянинг мавжудлиги сабабли, озербайжон фермерлари энг юқори сифатли ва дунёда номи кенг таралган техникаларни олишади.

© @alitoshkandi

Фермер бўлсангиз ушбу каналга уланиб қўйинг.
👉@RESPUBLIKA_FERMERLARI

Бошқа саволларни қуйидаги гурухда мухокама қиламиз:

👉@RespublikaFermerlari

9.8k 1 75 10 87

ФЕРМЕРЛАР КАНАЛИ

18 Feb, 13:35

ПАХТА 2025 - ФОРВАРД!

Султон текс ўз маблағидан ёки тижорий кредит асосида пахта етиштирувчиларга 1.2 пахта хом ашёси учун 8772 сўмдан(1 ёки 9000 дан 1.1) Форвард шартномалари тузишни таклиф қилади. Ушбу шартнома тури учун фермерларга 10 фоиз субсидия ажратилиши белгилаб қўйилган.(9000+900=9900, шунингдек ташиш учун хам алохида қўшимча маблағ берилса 10 мингдан ошади).

Шунингдек Султон текс билан шартнома қилган фермерларга бўнак сифатида арзонлаштирилган нархда уруғлик чигит тақдим этилиши хам кўзда тутилган.

Фермер бўлсангиз ушбу каналга уланиб қўйинг.
👉@RESPUBLIKA_FERMERLARI

Бошқа саволларни қуйидаги гурухда мухокама қиламиз:

👉@RespublikaFermerlari