198-maktab hayoti | Rasmiy kanal

O‘qituvchi kasbiy charchoqlardan qanday saqlanishi mumkin?

O‘qituvchilik kasbi uchuvchi, havo harakatini boshqaruvchi va o‘t o‘chiruvchi kabi qiyin kasblardan biri hisoblanar ekan. Tadqiqotlarga ko‘ra, bu kasblarning barchasida stress darajasi bir xil ekanligi aniqlangan.

Doimiy topshiriqlar, dars yuklamasi, o‘quvchilar bilan ishlash va hujjatlar bosimi charchoq va ruhiy toliqishga olib kelishi mumkin. Kasbiy charchoqning oldini olish uchun quyidagi oddiy, lekin samarali usullarni qo‘llash tavsiya etiladi:

✅Imkon qadar ishni maktabda tugatishga harakat qiling va uyga olib ketmang

Dam olishga va oilangizga vaqt ajrating. To'g'ri, balki bunga jismonan ulgurmassiz. Agar sizdagi vaziyat shuni taqazo qilsa, unda uyga olib ketiladigan ish hajmini biroz kamaytirishga harakat qiling.

✅O‘zingizni har doim mukammal bo‘lishga majburlamang

Ba'zi pedagoglar o‘z ishiga o'ta mas’uliyatli yondashadi va har bir kichik ishlarni ham ideal bo'lishi kerak deb hisoblashadi. Ammo har doim mukammallikka intilish insonni ruhiy va jismoniy jihatdan charchatadi.

Shu sababli, ba’zan kichik kamchiliklarni tabiiy qabul qilishga harakat qiling. Bu stressning oldini olishga yordam beradi.

✅O‘quvchilar bilan hamkorlik aloqalarini rivojlantiring

Hamma narsani faqat o‘zingiz hal qilishga harakat qilmang. O‘quvchilarga mas’uliyat yuklash, mustaqil ishlashga o‘rgatish sizning yukingizni biroz bo‘lsa ham kamaytiradi.

✅Maktabdagi ijobiy muhitdan bahramand bo‘ling

Hamkasblaringiz bilan samimiy suhbatlar qiling, o‘zaro do'stona muhit yarating. Maktab jamoasi qanchalik jips bo'lsa, shunchalik stress darajasi kam bo'ladi.

👉@stressiz_talim

O‘qituvchilar uchun samarali vaqt boshqaruvi

Ko‘pchilik o‘qituvchilar kun davomida juda ko‘p ishlarni bajarishga harakat qiladi, lekin o'zlarini hech narsaga ulgurmayotgandek his qilishadi.

Bu esa ortiqcha stress va charchoqqa olib kelishi mumkin. Buning asosiy sababi – vaqtni to‘g‘ri rejalashtirmaslikdir.

Quyidagi tavsiyalarimiz oz bo'lsa-da, kuningizni samaraliroq tashkil qilishga yordam beradi:

Vazifalarni ustuvorlik darajasiga qarab ajrating

Har kuni bajarilishi shart bo‘lgan ishlar va keyinroq ham uddalasa bo‘ladigan vazifalarni ajratib oling. Muhim va shoshilinch topshiriqlarga birinchi o‘rinda e’tibor bering.

Rejalashtirishga 10 daqiqa ajrating

Har kuni ertalab yoki kechqurun ertangi kun uchun reja tuzing. Bu odat vaqtni nazorat qilishga yordam beradi.

"Yo‘q" deyishni ham o‘rganing

Ba’zan ortiqcha yuklama olishdan bosh tortish ham muhim. Hamkasblar yoki o‘quvchilarga yordam berish yaxshi, lekin o‘zingizning asosiy vazifalaringizni e’tiborsiz qoldirmang. Shuning uchun ba'zida "Yo‘q" deb ham turing.

Dars vaqtidan samarali foydalaning

Dars jarayonida muhim vazifalarni optimallashtiring. Masalan, ayrim savollarga javob berishni o‘quvchilarning o‘zaro muhokamasiga topshirish yoki topshiriqlarni guruhlarga bo‘lib bajarish orqali vaqtni tejash mumkin.

Ish va shaxsiy hayot orasida muvozanat saqlang

Ishdan keyin dam olish va o‘zingizga vaqt ajratish ham muhim. Faqat dars va hujjatlar bilan band bo‘lish tez charchashga olib keladi.

Unutmang, samarali vaqt boshqaruvi nafaqat sizga, balki atrofdagilarga ham ijobiy ta’sir qiladi!

Siz ham o‘z tajribangiz bilan bo‘lishmoqchimisiz? Unda izohlarda fikringizni qoldiring!

👉@stressiz_talim