Davlat Test Markazi


Kanal geosi va tili: O‘zbekiston, O‘zbekcha
Toifa: Ta’lim


Taʼlimga oid eng so‘nggi yangiliklarni bilib borish uchun bizni kuzatib boring!
Yangiliklarni norasmiy sahifamizda sodda hamda barcha tushunadigan tilda o‘qib borishingiz mumkin.
Reklama uchun: @DTMda_Reklama

Связанные каналы

Kanal geosi va tili
O‘zbekiston, O‘zbekcha
Statistika
Postlar filtri


Ustama belgilash test sinovi sanalari belgilandi

✅ Chet tillar o‘qituvchilarining bazaviy lavozim maoshlariga oylik ustama belgilash uchun o‘tkaziladigan test sinovi sanalari belgilandi.

📆 Unga ko‘ra test sinovlarining birinchi bosqichi 2021-yil 26-27-28-may kunlari Qoraqalpog‘iston Respublikasi, viloyatlar va Toshkent shahrida bo‘lib o‘tadi.

👨🏻‍💻 Talabgorlar test joyi, kuni va vaqtini my.dtm.uz saytidan shaxsiy kabineti orqali bilib olishlari mumkin.

🖥 Mazkur ma’lumotlar “Chet tillar o‘qituvchilari uchun test sinovlari” bo‘limining “Mening arizalarim” qismida berilgan.

⏳ Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat – pasport (ID-karta) bilan kelishlari so‘raladi.

📌 Test sinoviga kechikkan yoki kelmagan talabgorlar uchun qo‘shimcha test sinovi o‘tkazilmaydi.

Batafsil ma'lumot
https://t.me/joinchat/AAAAAE6JbSV7-rkZQ54BLA


​​⚡️Samarqandda yangi OTM tashkil etildi

✅ Hukumatning tegishli qarori bilan (307-son, 18.05.2021 yil), Samarqand davlat universitetining Kattaqoʻrgʻon filiali tashkil etildi.

Shuningdek, qarorga koʻra:

👉 Filialda taʼlim faoliyati 2021/2022 oʻquv yilidan boshlanadi;

👉 Samarqand viloyati, Kattaqoʻrgʻon shahar, Amir Temur koʻchasi, 27-uy manzilida joylashgan sobiq Samarqand davlat chet tillar instituti huzuridagi 2-son akademik litseyining bino va inshootlari Filialga operativ boshqaruv huquqi asosida bepul beriladi;

👉 kelgusi yillarda Filial uchun qoʻshimcha oʻquv binosi, 2 ta talabalar turar joyi binolari, sport inshooti quriladi;

👉 Samarqand viloyati hokimligi Filial faoliyatini samarali tashkil etish maqsadida faoliyat yuritish uchun jalb etiladigan malakali professor- oʻqituvchilarni belgilangan tartibda xizmat uylari bilan taʼminlaydi.

Batafsil ma'lumot
https://t.me/joinchat/AAAAAE6JbSV7-rkZQ54BLA


Video oldindan ko‘rish uchun mavjud emas
Telegram'da ko‘rish
⏰ABITURIYENTLAR diqqatiga!
Eng yaxshi va zamonaviy kasb tanlashda adashmang!

📈 ABCO Xalqaro Buxgalteriya va Moliya Akademiyasi sizga xech bir ta'lim maskani berolmagan imkoniyatni beradi, ya’ni 1-kursni bitiriboq soha bo‘yicha ishlaysiz va o'qish jarayonida ham tajriba orttirib boraverasiz.

🎓 4 yillik akademik ta’limdan so‘ng siz Xalqaro darajadagi (ACCA) diplomiga egalik qilasiz hamda Xalqaro mutaxassis sifatida mustaqil ish faoliyatingizni boshlaysiz.

🧑‍💻 Sizda yoshlik, shijoat, intilish, qiziqqonlik va asosiysi VAQT degan imkoniyatlar bor. Ulardan foydalanib, kerakli va ayni damda dolzarb kasblardan birini egallang. Buning uchun ABCOga murojaat qilavering.

🎉 Shuni bilingki, birinchi kursni bitirishingiz bilan ishlash imkoniyatiga aga bo'lasiz!

📞 Murojaat uchun:
+99871 2008485
+99899 8028485

Onlayn ro'yxatdan o'tish: @Abco_uzbot


⚡️ Umumta’lim fanlaridan test topshiriqlari to‘plamlari nashr etildi

📚 Davlat test markazi tomonidan barcha umumta’lim fanlaridan o‘zbek va rus tillarida test topshiriqlari to‘plamlari nashr etildi.

📌 To‘plamlardan 2020-2021-o‘quv yili uchun oliy ta’lim muassasalariga kirish test sinovlarida foydalanilgan test topshiriqlari o‘rin olgan bo‘lib, ular o‘qituvchilar, oliy ta’lim muassasalariga kirish uchun tayyorgarlik ko‘rayotgan abituriyentlar va keng jamoatchilik uchun mo‘ljallangan.

✅ To‘plamlarni hududlardagi kitob do‘konlaridan xarid qilish mumkin.

📤 Test topshiriqlari mazmuni bo’yicha takliflar va fikr-mulohazalaringizni test@dtm.uz elektron manziliga yuborishingiz mumkin.

Batafsil ma'lumot
https://t.me/joinchat/AAAAAE6JbSV7-rkZQ54BLA


⚡️Chet tilini bilish darajasini baholash imtihonlari iyun oyida ham o‘tkaziladi

📌 Ko‘plab talabgorlarning murojaatlariga binoan chet tilini bilish va egallash darajasini baholash imtihonlarini iyun oyida ham tashkil etish belgilandi.

✅ Bunda imtihonlar ingliz, nemis va fransuz tillaridan B2 tilni bilish darajasi bo‘yicha o‘tkaziladi.

👨🏻‍💻 Talabgorlarni ro‘yxatga olish my.dtm.uz sayti orqali 7-iyunga qadar davom etadi.

📆 Hujjatlar esa 1-iyundan 7-iyunga qadar qabul qilinadi.

📍 Ro‘yxatdan o‘tish vaqtida talabgorlar imtihon topshirish hududi sifatida Qoraqalpog‘iston Respublikasi, viloyatlar va Toshkent shahridan birini tanlab, o‘zlari tanlagan hududda test sinovlarida ishtirok etishlari mumkin.

🔖 Ro‘yxatdan o‘tish bo‘yicha yo‘riqnoma bilan bu yerda tanishish mumkin.

❕ Eslatib o‘tamiz, iyun oyida o‘tkaziladigan chet tilini bilish va egallash darajasini aniqlash test sinovlari 2021-yilning 1-yarim yilligi uchun so‘nggisi bo‘lib, mazkur imtihonlar 2021-2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlaridan so‘ng davom ettiriladi.

Batafsil ma'lumot
https://t.me/joinchat/AAAAAE6JbSV7-rkZQ54BLA


Namanganda tibbiyot fakulteti ochiladi

Namangan Davlat universitetida joriy yildan tibbiyot yoʻnalishi ochiladi.

2021/2022 oʻquv yilidan Namangan davlat universitetining bakalavriatning kunduzgi taʼlim yoʻnalishida tibbiyot yoʻnalishlari uchun qabul jarayonlari boshlanadi. Jumladan:

Davolash ishi - 25 nafar;
✅ Pediatriya ishi - 25 nafar.


Ushbu har bir taʼlim yoʻnalishlari uchun 12 nafar grant, 13 nafar kontrakt asosida talabalar qabul qilinadi.
Yangi ochilayotgan taʼlim yoʻnalishlari universitetdagi mavjud qoʻshma dasturlardan farq qilib, bakalavriatning kunduzgi shaklida tashkil etiladi hamda talabalar taʼlim muddatini oliygohning oʻzida yakunlaydilar.

Batafsil ma'lumot
https://t.me/joinchat/AAAAAE6JbSV7-rkZQ54BLA


⚡️ Kimyo va biologiya fanlari bo‘yicha talabgorlarni onlayn ro‘yxatga olish boshlandi

🔰 Ma’lumki, 2021-yil 3-martdan 3-aprelga qadar kimyo va biologiya fanlari bo‘yicha milliy test tizimi uchun talabgorlar onlayn ro‘yxatga olinib, 11-may kuni kimyo fanidan 12-may kuni esa biologiya fanidan test sinovlari o‘tkazildi.

⏳ Bugun 17-may kuni kimyo va biologiya fanlari bo‘yicha navbatdagi milliy sertifikatlash imtihonlari uchun talabgorlarni ro‘yxatga olish boshlandi.

👨🏻‍💻 Ro‘yxatga olish Davlat test markazining my.dtm.uz sayti orqali onlayn tarzda amalga oshirilmoqda.

🖥 Buning uchun talabgorlar “Milliy sertifikatlar” bo‘limidan tegishli fanni tanlab test sinoviga ariza berishlari mumkin.

📆 Talabgorlarni ro‘yxatga olish 27-mayga qadar davom etadi.

Batafsil ma'lumot
https://t.me/joinchat/AAAAAE6JbSV7-rkZQ54BLA


​​​​​🧐 DTM imtihonlarida tushadigan qiyinlik darajasi eng yuqori test savollari qanday boʻladi?

Maʼlumotlarga koʻra, DTM test topshirigʻi hozirda 3⃣ qiyinlik darajasi asosida tuziladi:

🟩 1-qiyinlik daraja – abituriyentning xotirlash qobiliyatini aniqlovchi, fanga oid u qadar murakkab boʻlmagan bir necha atama, hodisa, qoida yoki qonuniyatni bilishni talab qiluvchi daraja;

🟨 2-qiyinlik daraja – abituriyentdan tahlil qila olish va mantiqiy fikrlashni, fanga oid ikki-uch atama, hodisa, qoida yoki qonuniyatni bir vaqtda qoʻllay bilishni talab qiluvchi daraja;

🟥 3-qiyinlik daraja – abituriyentning toʻgʻri javobni topish uchun zarur boʻlgan uch va undan ortiq atama, hodisa, qoida va qonuniyatlarni bir-biriga bogʻlab ishlata olish qobiliyatini, shuningdek, mantiqiy fikrlashni talab qiluvchi daraja.

Batafsil ma'lumot
https://t.me/joinchat/AAAAAE6JbSV7-rkZQ54BLA


Toshkent shahridagi 11-sinf o‘quvchilarining 85 foizi OTMlarda o‘qimoqchi

▪️Bu – 24 mingdan ortiq o'quvchi degani. Qolgan o‘quvchilar kollej, texnikumda o‘qishni, ishlash va armiyada xizmat qilishni xohlaydi, deb ma’lum qildi poytaxt XTBB bo‘lim boshlig‘i Farog‘at Ahmadjonova.

O‘tgan yili toshkentlik bitiruvchilarning 36 foizi talaba bo‘lgan.

Batafsil ma'lumot
https://t.me/joinchat/AAAAAE6JbSV7-rkZQ54BLA


Qadrli yurtdoshlar!

O‘zbekiston Respublikasi Vazirlar Mahkamasi huzuridagi Davlat test markazi dillarimizga quvonch, dasturxonlarimizga qut-baraka, oilamizga tinchlik ne’matlarini olib keluvchi, mehr-oqibat, ezgulik va saxovat ramzi bo‘lgan Ramazon hayiti (Iyd al-Fitr) bilan samimiy muborakbod etadi!

Xalqimizni marhamatli Alloh ezgulik va shukronalik, Haq yo‘lida sobitqadamlik bilan siylasin! Orzularingiz ijobatini ziyodasi bilan tuhfa etsin! Ramazon oyining muqaddas kunlarida qilingan savob ishlaringiz, pok niyatlaringiz, ibodatlaringiz va ezgu duolaringiz ro‘yobi nasib etsin!

Ramazon hayitingiz muborak bo‘lsin!

Batafsil ma'lumot

https://t.me/joinchat/AAAAAE6JbSV7-rkZQ54BLA


Ilk bor kimyo fanidan milliy sertifikat uchun test sinovlari o‘tkazildi

⏳ 2021-yil 11-may kuni ilk bor kimyo fanidan milliy sertifikatlash tizimi uchun test sinovlari bo‘lib o‘tdi.

👨🏻‍🎓 Unda 2021-yil 3-martdan 3-aprelga qadar my.dtm.uz sayti orqali onlayn ro‘yxatdan o‘tgan va test sinovi uchun to‘lovni amalga oshirgan 700 nafardan ziyod talabgor ishtirok etdi.

📌 Test sinovlari Qoraqalog‘iston Respublikasi, viloyatlar va Toshkent shahrida sanitariya-gigiyena talablariga rioya qilingan holda tashkil etildi.

📆 Biologiya fanidan milliy sertifikatlash tizimi uchun test sinovlari esa 12-may kuni o‘tkaziladi.

Davlat test markazi barcha test topshiruvchilarga muvaffaqiyat tilaydi!

Batafsil ma'lumot
https://t.me/joinchat/AAAAAE6JbSV7-rkZQ54BLA


Test topshiriqlari qo‘shimcha ekspertizadan o‘tkazilmoqda

Davlat test markazi tomonidan vazirlik va idoralar bilan hamkorlikda oliy ta’lim muassasalariga kirish test sinovlarini sifatli tashkil etish va o‘tkazish bo‘yicha tayyorgarlik ishlari davom etmoqda.

Jumladan, 2021-yil 3-may kuni test topshiriqlarini qo‘shimcha ekspertizadan o‘tkazish ishlari boshlandi.

Oldingi yillarda test topshiriqlarini ekspertizadan o‘tkazish faqatgina Davlat test markazi tomonidan amalga oshirilgan bo‘lsa, joriy yilda qo‘shimcha tarzda Ta’lim sifatini nazorat qilish inspeksiyasi, Xalq ta’limi vazirligi, Oliy va o‘rta maxsus ta’lim vazirligi va Davlat test markazi hamkorligida ham amalga oshirilmoqda.

Buning uchun Xalq ta’limi vazirligi hamda Oliy va o‘rta maxsus ta’lim vazirligi tomonidan tavsiya etilgan respublikamizning yetakchi pedagoglaridan iborat ishchi guruh shakllantirildi va ishchi guruh tomonidan oliy ta’lim muassasalariga kirish test sinovlarida foydalaniladigan umumta’lim fanlari bo‘yicha test topshiriqlarining sifati yana bir bor qo‘shimcha ekspertizadan o‘tkazilmoqda.

Test topshiriqlarini qo‘shimcha ekspertizadan o‘tkazish ishlari may oyi yakuniga qadar davom etadi.

Batafsil ma'lumot
https://t.me/joinchat/AAAAAE6JbSV7-rkZQ54BLA


#Live

Har bir viloyatda bittadan universitet chet tillari boʻyicha tayanch oliygoh sifatida belgilanadi

🕟 Ayni vaqtda Prezident rahbarligida chet tillarini oʻqitishni takomillashtirishga bagʻishlangan videoselektor oʻtkazilmoqda.

- “Chet tillarini oʻqitishga urgʻuni boshqacha qoʻyish kerak. Katta korxonalar qurilyapti, texnologiyalar oʻrnatilyapti. Xorijiy tilni mukammal bilish zarurati yuzaga kelyapti. Barcha hududlar rahbarlari, taʼlimga aloqador tashkilotlar oʻzbek tiliga boʻlgan eʼtiborimizni chetda qoldirmay, chet tillarini oʻrgatish boʻyicha jiddiy shugʻullanishi kerak. Maktab, litsey, kollej va oliygoh bitiruvchilari kamida 2 ta chet tilini mukammal bilishlari shart” - deydi Prezident.

🔹Prezident Vazirlar Mahkamasi huzurida Xorijiy tillarni oʻrganishni ommalashtirish agentligi tashkil etilishini maʼlum qildi. Agentlik dunyoda samarali natija bergan oʻqitish metodikalari, dastur va darsliklarini bogʻcha, maktab, litsey, oliygoh va oʻquv markazlarida joriy etib, xorijiy tillarni mukammal oʻzlashtirishga koʻmaklashadi.

🔹Har bir viloyatda bittadan universitet chet tillari boʻyicha tayanch oliygoh sifatida belgilanishi taʼkidlandi.


Kelgusi yildan magistratura va doktoranturaga kiruvchilarga chet tilini bilish xalqaro sertifikatiga ega boʻlish talabi qoʻyiladi

🔰Prezident raisligida chet tillarni ommaviy oʻrganish masalalariga bagʻishlab oʻtkazilayotgan yigʻilishda taʼkidlanganidek, bundan buyon maktab, litsey, kollej va oliygoh bitiruvchilari kamida 2 ta chet tilini mukammal bilishi shart boʻladi.

🔹Bugungi kunda Oʻzbekistondagi 25 ta oliygohda oʻqitish chet tilida olib boriladi. 2016 yilda ular soni 7 ta boʻlgan. Oʻzbekistonlik 60 ming yigit-qiz yetakchi xorijiy oliygohlarda tahsil olmoqda. Bu 2016 yil bilan solishtirganda 12 baravar koʻp.

🔹Shunga qaramay yigʻilishda chet tillarini oʻqitish boʻyicha joylardagi haqiqiy ahvol qoniqarsiz ekani qayd etildi.

🔹Shuningdek, taʼlim tizimida 2 mingdan ortiq chet tili oʻqituvchilari lavozimi vakant boʻlib qolayotganini tanqid qildi. Eng koʻp boʻsh oʻrinlar Qashqadaryo (380), Samarqand (287), Jizzax (1400, Toshkent (120), Surxondaryo (90) viloyatlari hissasiga toʻgʻri keladi.

✔️ Kelgusi yildan boshlab magistratura va doktoranturaga kiruvchilar chet tilini bilish xalqaro sertifikatiga ega boʻlishi talab etiladi.


Chet tiliga boʻlgan eʼtibor yanada kuchaydi !

Yangi oʻquv yilidan boshlab, oliygohlarda tegishli mutaxassislik fanlarini xorijiy tillarda oʻqitish tizimi joriy etiladi.

✅ Yangi oʻquv yilidan boshlab, chet tillari boʻyicha qabullar soni 2 baravarga oshirilib, 16 mingtaga yetkaziladi, davlat granti esa 3 baravarga oshiriladi (4,5 mingta). Bu haqda bugungi prezident videoselektorida maʼlum qilindi.

Shuningdek, keyingi yildan davlat idoralariga ishga qabul qilish va yangi lavozimga tayinlashda xorijiy tilni bilish majburiy boʻladi.

Batafsil ma'lumot
https://t.me/joinchat/AAAAAE6JbSV7-rkZQ54BLA


Qoraqalpogʻiston qishloq xoʻjaligi va agrotexnologiyalar instituti tashkil etildi

Vazirlar Mahkamasining 2021 yil 4 maydagi 275-sonli qarori bilan qishloq xoʻjaligi sohasi uchun kadrlar tayyorlash sifatini yaxshilash hamda fan-taʼlim va ishlab chiqarishning integratsiyasini taʼminlash maqsadida Qoraqalpogʻiston qishloq xoʻjaligi va agrotexnologiyalar instituti tashkil etildi.

Oliy va oʻrta maxsus taʼlim vazirligi xabar berishicha, bu oliygoh Toshkent davlat agrar universitetining Nukus filiali negizida tuzildi.

🔹 Institutda taʼlimning kredit-modul tizimi joriy etilib, unda haftada besh kunlik oʻqish va haftaning shanba kuni mustaqil oʻzlashtirish kuni deb belgilanadi.

🔹 Institutga qabul parametrlari belgilangan tartibda har yili tasdiqlangan respublika OTMlariga oʻqishga qabul qilishning davlat buyurtmasi parametrlaridan kelib chiqqan holda aniqlanadi.


Malaka oshirish kursining navbatdagi tinglovchilari malaka sertifikatlariga ega bo‘ldilar

🔰 Ma’lumki, Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari yo‘lga qo‘yilgan bo‘lib, muntazam tarzda har oy o‘tkazib kelinmoqda.

📌 Navbatdagi malaka oshirish kursi Toshkent davlat transport universiteti va Toshkent arxitektura-qurilish institutida faoliyat yuritayotgan professor-o‘qituvchilar hamda nodavlat ta’lim muassasalari mutaxassislari uchun tashkil etildi.

📆 Malaka oshirish kursi 29-apreldan 5-mayga qadar har kuni Davlat test markazida o‘tkazildi.

✅ Unda 60 nafar talabgor ishtirok etib, malaka sertifikatiga ega bo‘ldilar.

👨🏻‍💻 Ma’lumot uchun, malaka oshirish kursiga talabgorlarni ro‘yxatga olish my.dtm.uz sayti orqali amalga oshirilmoqda.

Batafsil ma'lumot
https://t.me/joinchat/AAAAAE6JbSV7-rkZQ54BLA


​​IELTS imtihoni xarajatlari qoplab berilishi uchun kimga murojaat qilmoq kerak?

Imtihon xarajatlari qoplab berilishi uchun yoshlar qayerga murojaat qilishi kerak? AOKAda o‘tkazilgan matbuot anjumanida mavzu yuzasidan ma’lumot berib o‘tildi.

«Tartibga ko‘ra, imtihon topshirish xarajati kompensatsiya qilinadigan xalqaro imtihon tizimlari ro‘yxati tasdiqlangan. Mazkur ro‘yxatga GMAT, IELTS, TOEFL, GRE, SAT kabi imtihonlar kiritilgan. Imtihon topshirish xarajati 2021-yil 1-maydan boshlab kompensatsiya qilinishi boshlaydi.

Ariza beruvchi imtihon topshirish vaqtida 31 yoshga kirmagan O‘zbekiston fuqarosi yoki fuqaroligi bo‘lmagan shaxs bo‘lishi mumkin.

Imtihon xarajatlari Yoshlar ishlari agentligi tomonidan qoplanadi.

Ushbu davlat xizmatini olish uchun Davlat xizmatlari markazlari yoki Yagona interaktiv davlat xizmatlari portali orqali murojaat qilishi mumkin.

So‘rovnomaga imtihon topshirish xarajati to‘langanini tasdiqlovchi kvitansiya hamda maxsus sertifikat PDF shaklida ilova qilinishi kerak.

Yoshlar ishlari agentligi 15 kunda arizachining sertifikatini verifikatsiyadan o‘tkazadi.

Sertifikatning haqiqiyligini verifikatsiya orqali aniqlash imkoni bo‘lmasa, Yoshlar ishlari agentligi 30 kunda maxsus sertifikatning haqiqiyligini tasdiqlashni so‘rab xorijiy tashkilotga so‘rov yuboradi».


May oyi uchun hujjatlarni qabul qilish boshlandi

2021-yil 3-may kuni Davlat test markazi va uning hududiy bo‘limlarida may oyida bo‘lib o‘tadigan chet tilini bilish va egallash darajasini aniqlash test sinovlari uchun talabgorlarning hujjatlarini qabul qilish boshlandi.

📆 Hujjatlarni qabul qilish 7-may kuniga qadar (7-may kuni ham) davom etadi.

✅ Qabul uchun taqdim etiladigan hujjatlar ro‘yxati:

👉 pasport (pasport yoshiga yetmaganlar tug‘ilganlik haqida guvohnoma) va uning nusxasi;
👉 onlayn arizaning chop etilgan nusxasi;
👉 to‘lov amalga oshirilganlik to‘g‘risida hujjat nusxasi (kvitansiya).

📌 Hujjatlarni topshirishdan oldin talabgorlar test sinovi uchun ro‘yxatdan o‘tishlari lozim.

👨🏻‍💻 Ro‘yxatga olish biometrik pasport yoki ID-kartaga ega bo‘lganlar uchun my.dtm.uz sayti orqali, biometrik pasport yoki ID-kartaga ega bo‘lmaganlar uchun esa Davlat test markazi va uning hududiy bo‘limlarida amalga oshirilmoqda.

Batafsil ma'lumot
https://t.me/joinchat/AAAAAE6JbSV7-rkZQ54BLA


⚡️Oʻzbekistonda Fuqaro aviatsiyasi uchuvchilarini tayyorlash maktabi ochiladi

Oʻzbekiston Respublikasi Prezidentining qarori (PQ-5100, 30.04.2021 y.)ga asosan Fransiya Fuqaro aviatsiyasi milliy maktabi (ENAC) bilan birgalikda Toshkent davlat transport universiteti tarkibida Fuqaro aviatsiyasi uchuvchilarini tayyorlash maktabi tashkil etiladi.

✅Qarorga koʻra, maktabda taʼlim faoliyati 2021/2022 oʻquv yilidan boshlanadi hamda dastlab, qoʻshma taʼlim dasturlari (double degree) asosida “Havo kemalarining parvoz eyespluatatsiyasi” bakalavr taʼlim yoʻnalishi boʻyicha kadrlar tayyorlanadi.

Maktabda talabalar oʻqishi uchun toʻlov-kontrakt miqdori Fransiyaning Fuqaro aviatsiyasi milliy maktabi bilan kelishilgan holda Toshkent davlat transport universiteti tomonidan belgilanadi.

Maktab bitiruvchilariga Fransiyaning Fuqaro aviatsiyasi milliy maktabining belgilangan namunadagi diplomi beriladi va u Oʻzbekistonda oliy maʼlumot toʻgʻrisidagi hujjat sifatida eʼtirof etiladi.

https://t.me/joinchat/AAAAAE6JbSV7-rkZQ54BLA

20 ta oxirgi post ko‘rsatilgan.

511 131

obunachilar
Kanal statistikasi