Qur'on va Koinot

Tasbeh avvalda bo‘lganmi?

Savol: Masjidlarda, ko‘chada, majlislarda ba'zi kishilarning tasbeh o‘girib turganini ko‘ramiz.Tasbeh avvaldan bo‘lganmi yoki keyinchalik urfga kirganmi?

Javob: Tasbeh, ya'ni «Subhonalloh», deb Allohni zikr etish ham dinimizda ibodat sanaladi. Rasululloh (s.a.v.) hayotliklaridayoq sahobiylar Allohni zikr etish, aytgan tasbeh, tahmid, takbir va tahlillarining sanog‘ini belgilashda turli vositalar: mayda toshlar, xurmo danaklari, g‘alla donalari, turli marjonlardan foydalanishgan. Masalan, mashhur sahobiy Abu Hurayraning ipni bir-biriga tugib ikki ming tugunli tasbeh yasab olganlari, keyinchalik aytgan zikrlarini sanashda toshcha va xurmo danaklarini alohida xaltaga joylab foydalanganlari rivoyat qilingan. Rasulullohning (s.a.v.) qizlari hazrati Fotimaning ham zikrlarni sanash uchun ipga tizilgan bir marjonlari bo‘lgan. Keyinchalik xurmo, zaytun danaklarini teshib, ipga tizib yoki marjon va toshchalardan hozirda siz bilan biz biladigan tasbehlar yasala boshlangan. Zikrni ma'lum miqdorga yetkazib, qalb huzuriga erishilgani uchun ham musulmonlar tasbehdan foydalanganlar va u keng ommalashgan.

Dinda savolim bor

Кибр 🌱

Тўфон дарахтларни илдизи билан суғуриб ташласада,
пастаккина ўтга раҳм қилади. Қудратли шамол унинг
заифлигига ачинади. Кўнгил, энди сен қувватдан лоф урма.
Болта дарахтларнинг, шохларнинг кўплиги, қалинлигидан қўрқадими? Ҳаммасини чопади, парчалайди. Аммо ўтга майсага
тегмайди.

Жалолиддин Румий ✔️

Йиғлаш 🌱

Булут кўз ёш тўкмаса, майсалар қандай кўкаради? Гўдак
йиғламаса, сут қандай оқади? Бир кунлик мурғак ҳам буни
билади. “Йиғлай-да, меҳрибон энагам келиб қарасин” дейди.
Сен эса билмайсан, энагалар энагаси текинга сутни оз беради.
Қулоқ сол. “Кўп йиғланг” деди. Йиғланг-у яратганнинг эҳсон
сути оқсин. Дунёнинг устуни булутнинг йиғиси-ю қуёшнинг
куйдиришидир. Сен шу икки ипни маҳкам тут. Қуёшнинг
ҳарорати ва булутнинг кўз ёши бўлмаганида тана ва унинг
аъзолари қандай ривожланган бўлар эди? Шу ҳарорат ва йиғи
бўлмаганда тўрт мавсум бўлармиди? Қуёшнинг тафти ва олам
булутининг кўз ёши дунёнинг оғзини лаззатлантиргани,
жаҳонни кўркамлаштирганидек, сен ҳам ақл қуёшини ишга сол,
кўзингни йиғлаган булут ҳолига келтир. Мурғак бола каби
сенинг ҳам кўзларинг ёшли бўлсин.

Жалолиддин Румий ✔️

Ислом рукнлари!

40 фарз 

Исломда 5 фарз бор
Иймонда 7 фарз бор
Намозда 12 фарз бор
Тахоратда 4 фарз бор
Таяммумда 4 фарз бор
Ғуслда 3 фарз бор
Амру маъруфда 1 фарз бор
Нахий мункарда 1 фарз бор
Хайзда 1 фарз бор
Нифосда 1 фарз бор
Илм излашда 1 фарз бор

Исломдаги 5 фарз
1.Иймон
2.Намоз
3.Рўза
4.Закот
5.Хаж

Иймондаги 7 фарз
1.Аллох Таолога иймон келтириш
2.Фаришталарга иймон келтириш
3.Аллохнинг китобларига иймон келтириш
4.Пайғамбарларига иймон келтириш
5.Қиёмат кунига иймон келтириш
6.Яхшилик ва ёмонлик хам Аллохдан эканлигига иймон келтириш
7.Ўлгандан сўнг қайта тирилишга иймон келтириш

Намоздаги 12 фарз
Намоздан ташқаридаги 6 фарз
1.Намоз ўқувчининг бадани катта ва кичик бетахоратликдан пок бўлиши
2.Жойи пок бўлиши
3.Кийими пок бўлиши ва авратларининг берк бўлиши
4.Қиблани топиши
5.Ният
6.Ўз вақтида ўқиш

Намознинг ичидаги 6 фарз
1.Такбири тахрима (Дунё ишларини харом қилиб охират ишларини халол қилувчи такбир.Аллоху Акбар деб намозга кирилади)
2.Қиёмда туриш
3.Қироат қилиш
4.Руку
5.Сажда
6.Қаъдаи охир (Аттахиёти миқдорида ўтириш)

Тахоратдаги 4 фарз
1.Юзнинг соч чиққан жойидан иякнинг остигача ва икки қулоқнинг юмшоқларининг ораларини бир марта ювиш
2.Икки қўлнинг чиғаноқлари билан бир марта ювиш
3.Бошнинг тўртдан бирига масх тортиш
4.Икки оёқнинг тўфиқлари билан бир борадан ювиш

Таяммумнинг 4 фарзи
1.Намоз ўқишни ният қилиб таяммум қилиш
2.Тоза тупроқни қасд қилиши (Ер жинсидан бўлган,тупроқ,тош,қум кабилар)
3.Икки қўлини тупроққа уриб юзига масх тортиш
4.Икки қўлини яна уриб иккала қўлининг чиғаноқларини қўшиб масх тортиш

Ғуслдаги 3 фарз
1.Оғизга сув олиб ювиш
2.Бурунга сув олиб ювиш
3.Бутун баданга сув етказиб ювиш

Амру маъруфда 1 фарз бор
Яхши амалларни ўзи бажариб,бошқаларга хам буюриш

Нахий мункарда 1 фарз бор
Ёмон амаллардан аввал ўзи сақланиб бошқаларни хам қайтариш

Хайзда 1 фарз бор
Хайз хукмларини билиш.Хайз кунларининг ози уч кун кўпи ўн кун.Хайздан пок юришнинг энг ози ўн беш кун,кўпининг чегараси йўқ.(Бир умр хайз кўрмаса,намоз ўқийверади)
Хайз кунларида намоз ўқилмайди,рўза тутмайди,жинсий алоқа қилмайди.Хайз тўхташи билан ғусл қилиб покланиб намозини давом эттиради,рўзасини тутади.Хайзли кунларининг намозларини қайта ўқимайди.Рўзанинг фазоларини тутади.Хайзли аёл Қуръон тиловат қилмайди Мусхафни ушламайди ва Каъбани тавоф қилмайди.

Илм излашда 1 фарз бор
Илм излаш, ўқиш фарз.

@Islom_dinini_organaylik

Ишқ 🌱

Ошиққа бир лаҳзалик айрилик бир йилдек туюлади. Бир
йиллик висол эса хаёлдан иборатдир. Ишқ ташнадир, ташнани излайди. Булар кеча ва кундуз каби бир-бирининг изига тушган. Кундуз кечага ошиқ, усиз туролмайди. Лекин қарасанг кўрасан- ки, кеча унга ундан зиёда ошиқдир.

Жалолиддин Румий ✔️

Ишқ 🌱

Ишқ денгиздир, осмон шу денгизнинг кўприги. Ишқ
Юсуфга мубтало Зулайҳо каби инсонни мафтун этади.
Кўнгилнинг яйраши ишқдандир. Ишқ бўлмаганида дунё тўхтаб
қолган бўлар эди. Ишқ бўлмаганида жонсиз бир нарса қандай қилиб ўсимликка айланар, унда маҳв бўлар эди: барқ уриб ўсган наботот ўзини жонлиларга қандай фидо қилган бўлар эди?

Жалолиддин Румий ✔️