ALGORITM ZIYO-NUR umumtaʼlim fanlar

⚡️Vergulning ishlatilishi.

⭐️1. Uyushiq bo‘laklar orasida:
🟣A). Bog‘lovchisiz bog'langan uyushiq bo‘laklar orasida:
M: Andijon, Namangan, Qo‘qon, Marg‘ilon – O‘zbеkning chamani, bog‘-u bo‘stoni.
🟣B)Takror kelgan bog‘lovchi bilan bog'langan uyushiq bo‘laklar orasida:
M: U goh menga qaraydi, goh unga qaraydi.
🟣C) Zidlov bog‘lovchi yordamida bog'langan uyushiq bo‘laklar orasiga:
M:U bu voqeani eslaydi, ammo buni hech kimga aytmadi

✅2.Undalmani gapdan ajratish uchun:
🟣Ertaga, azizim, toqqa jo‘naymiz.

✅3. Kirish so‘zni va tuzilishiga ko‘ra murakkab bo‘lmagan kirish gapni ajratish uchun:
🟣A) Xullas, ertaga shu yerda yotiladigan bo‘ldi.
B)Mеn sizga aytsam, odamning yomoni bo‘lmaydi.

✅4.Ha va yo‘q so‘zlarini gap bo‘lagidan ajratish uchun:
M:Ha, bu gapingiz to‘g‘ri. Yo‘q, ertaga kеla olmayman.

☑️5.Gapning ajratilgan bo‘lagini ajratib ko‘rsatish uchun:
M:Uztozim, Ra'no opa bu haqida bilardi

🔃6.Bog‘lovchisiz bog‘langan qo‘shma gaplarda:
M:O'qituvchi keldi, bolalar hurmat bilan salom berdi

✅7.Ergash va bosh gapni ajratish uchun:
M:Kim yaxshi o'qisa, u o'qishga kiradi

⚡️8.Muallif gapini ko‘chirma gapdan ajratish uchun:
❤️ Bugungi qilgan ezgu ishlarimiz, – dеdi ota, – kеlajak uchun mustahkam poydеvor vazifasini bajaradi.

📚Bizdan uzoqlashmang 🩷

✅@Axmatov_Behzod_A_B

🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿

⚡O‘zbekiston Respublikasining fuqaroligi quyidagilar oqibatida tugatiladi:

🔴O‘zbekiston Respublikasining fuqaroligidan chiqish;

🟡O‘zbekiston Respublikasining fuqaroligini yo‘qotganlik.

====================

Fuqarolikdan chiqish haqida:

🔴O`zbekiston Respublikasi fuqarosining O`zbekiston Respublikasi fuqaroligidan chiqish to`g`risidagi iltimosnomasiga asosan amalga oshiriladi;

🔴O‘zbekiston Respublikasining fuqaroligidan chiqish to‘g‘risidagi iltimosnoma O‘zbekiston Respublikasi Prezidenti nomiga ariza beruvchi tomonidan shaxsan beriladi.

🔴O‘zbekiston Respublikasining fuqaroligidan chiqish to‘g‘risidagi iltimosnomaga quyidagilar ilova qilinadi:

1️⃣ so‘rovnoma;
2️⃣ pasport yoki identifikatsiyalovchi karta;
3️⃣ nikoh tuzilganligi yoki nikoh bekor qilinganligi
to‘g‘risidagi guvohnoma;
4️⃣ bola iltimosnomada ko‘rsatilgan taqdirda, uningtug‘ilganlik to‘g‘risidagi guvohnomasi va agar mavjud bo‘lsa pasporti yoki
identifikatsiyalovchi kartasi.

O‘zbekistonRespublikasining fuqaroligidan chiqish to‘g‘risidagi iltimosnoma va unga ilova qilinadigan hujjatlar ariza beruvchitomonidan ularning tuzilish sanasi ko‘rsatilgan holda imzolanishi kerak.

====================

Fuqarolikni yo`qotish quyidagi 6 ta holatda bo’ladi:

🟡shaxs chet davlatning harbiy xizmatiga, xavfsizlik organlariga, huquqni muhofaza qiluvchi organlariga, davlat hokimiyati va boshqaruvi organlariga xizmatga kirganligi oqibatida;

🟡agar xorijda doimiy yashovchi shaxs 7 yil mobaynida uzrli sabablarsiz doimiy konsullik hisobiga turmagan bo‘lsa;

🟡agar O‘zbekiston Respublikasi fuqaroligiga qabul qilish bila turib yolg‘on ma’lumotlar yoki soxta hujjatlarni taqdim etish natijasida amalga oshirilgan bo‘lsa;

🟡agar shaxs chet davlatning foydasini ko‘zlab faoliyat ko‘rsatgan holda yoki tinchlik va xavfsizlikka qarshi jinoyatlar sodir etish yo‘li bilan jamiyat hamda davlat manfaatlariga jiddiy zarar yetkazgan bo‘lsa;

🟡agar shaxs ixtiyoriy ravishda chet davlatning fuqaroligini olgan bo‘lsa;

🟡agar shaxs chet davlatining fuqaroliginitug`ilganlik bo`yicha yoxud chet davlat fuqarosi bo`lgan otasining yoki onasining fuqaroligi asosida, voyaga yetmagan yoshida olgan bo`lsa va 21 yoshga to`lguniga qadar chet davlat fuqaroligidan chiqishni rasmiylashtirmagan bo`lsa.

📕Asos: “O’zbekiston Respublikasining fuqaroligi to’g’risida” gi qonun

⭕️⭕️⭕️

Qachon tire ishlatilmaydi?

Bilasiz, ot kesimli gap bogʻlamasiz qoʻllanganda ular orasiga tire qoʻyiladi:

Asosiy maqsadim – mohiyatni tushuntirish.

🟢 Lekin ot kesimli gapda har doim ham tire ishlatilavermaydi. Xoʻsh, qaysi holatlarda tire kerakmas?

1⃣ Ot kesim inkor shaklida boʻlsa; ot va kesim orasida kirish soʻz, undov soʻzlar, yuklamalar kelsa:

Bundan maqsad oʻquvchini chalkashtirish emas.
Eng yaxshi sovgʻa, menimcha, kitob.
Piyoda ham odam.

2⃣ Ot kesimli gap turgʻun birikmaga – ibora yoki idiomaga aylangan boʻlsa:

Insonning qoʻli gul.

3⃣ Ega kishilik olmoshlari bilan; ot kesim sifat, ravish, tartib son, qoʻshimchali miqdor son yoki egalik olmoshi bilan ifodalanganda:

Sen Lutfiyning soʻlim gʻazali.
Daftarning rangi yashil.
Uning harakati tez.
Sening navbating toʻrtinchi.
Matndagi xatolar soni sakkizta.
Eti sizniki, suyagi bizniki.

4⃣ Ot kesim soʻroq olmoshlari yoki yuklamali soʻzlar bilan ifodalanganda:

Imtihon qachon?
Savol bergan kim?
Eng ilgʻor oʻquvchi Saidami?

5⃣ Ot kesimga kelishik qoʻshimchalari qoʻshilgan boʻlsa:

Kuch adolatda!
Kuch bilim va tafakkurda!

♦️ Ammo bogʻlovchisiz qoʻshma gap tarkibidagi ikkinchi gapning kesimi tushib qolsa, ikkinchi gapdagi egadan keyin tire qoʻyiladi:

Ayrilgan yoʻlda qolar, boʻlingan – doʻlda.
Bulbul chamanni sevar, odam – vatanni.

Bog'lanishlar ikki turga bo'linadi:
1. Teng bog'lanish( so'z qo'shilmasi)- kitob va daftar.
2. Tobe bog'lanish. Tobe bog'lanish o'z navbatida yana ikki turga bo'linadi:
A) Ega va kesim munosabati:
Men keldim.
B) So'z birikmasi: Kitobning varag'i, yashil sumka, maktabdan keldi.
Agar testda tobe bog'lanishlar soni so'ralsa,  ega va kesim munosabati bilan bir qatorda so'z  birikmasi ham olinadi.
Agar testda grammatik bog'lanishlar soni so'ralsa:
1. Ega va kesim munosabati;
2. So'z birikmasi;
3. So'z qo'shilmasi kabi birliklar topilishi  kerak bo'ladi.