Uktamdjanov


Kanal geosi va tili: O‘zbekiston, O‘zbekcha
Toifa: Telegram


✒️Diplomatiya. Xalqaro munosabatlar. Siyosat. Tarix. Jamiyat. Qarashlar.

Связанные каналы  |  Похожие каналы

Kanal geosi va tili
O‘zbekiston, O‘zbekcha
Statistika
Postlar filtri


Yarim kechasigacha futbol koʻrishning oqibati...

https://t.me/Political_Insight


Nima deb oʻylaysiz, keyingi bosqichga kim chiqadi endi ?
So‘rovnoma
  •   Manchester City
  •   Real Madrid
  •   Xudo biladida endi, biz qagʻdan bilardik. Endi oʻshanga qarab yashoʻramizda qanaqa boʻsada.
17 ta ovoz


Ovoz berganlarning koʻpchiligi Quvayt variantini tanlapti. Aslida esa, Kuvayt boʻladi, yaʼni K harfi bilan yoziladi.

Universitetda arab tilini oʻrgangan paytimda ustozlarimiz ham Kuvayt deb oʻrgatishgan, chunki barcha arab tili darsliklarida shunday berilgan. Ushbu davlatning nomi prezidentning kechagi tashrifi arafasida oʻrtaga chiqdi va prezident saytida ham Kuvayt deb yozilgan.

Vikipediyada ham xuddi shunday. Va eng asosiysi, ushbu davlat aholisi ham Kuvayt deydi, Quvayt emas.

https://t.me/Political_Insight


Qaysi biri toʻgʻri?
So‘rovnoma
  •   Quvayt
  •   Kuvayt
20 ta ovoz


🇸🇦 Saudiya Arabistoni Rossiya-Amerika muzokaralarini qabul qilishga tayyorlanmoqda

AQSH davlat kotibi Marko Rubio Saudiya Arabistoniga yetib bordi va u yerda Rossiya rasmiylari bilan seshanba kuni bo‘lib o‘tadigan muzokaralar arafasida valiahd shahzoda Muhammad bin Salmon bilan uchrashuv o‘tkazar ekan. Moskva tomonidan boʻlajak muzokaralarda Rossiya TIV rahbari Sergey Lavrov va milliy xavfsizlik bo‘yicha maslahatchi Yuriy Yushakov ishtirok etadi. Ushbu uchrashuvda katta ehtimol bilan Ukraina taqdiri hal etiladi.

E’tiborlisi, Ar-Riyod nafaqat muzokaralar uchun maydon taqdim etmoqchi, balki to‘g‘ridan-to‘g‘ri vositachi ham bo‘lmoqchi. Ukraina tomoni bo‘lajak uchrashuvga taklif qilinmagan, biroq ayni vaqtda BAAda tashrif bilan bo‘lib turgan prezident Zelenskiy keyinroq Saudiya Arabistoniga borishni rejalashtirayotganini ma’lum qilgan.

Menimcha, Saudiya Arabistoniga Gʻazo masalasi umuman qiziq emas, agar qiziq boʻlganida muzokaralarga qoʻshilardi yoki boshchilik qilardi. Bu ishni esa Qatar oʻz zimmasiga oldi va amalda bajardi. Saudiyaga kelsak, Gʻazo ular uchun savdolashish vositasi xolos.

https://t.me/Political_Insight


Urikguli dan repost
Video oldindan ko‘rish uchun mavjud emas
Telegram'da ko‘rish
#BIZGATOZAHAVOKERAK


🇺🇸🇮🇱🇮🇷NYT: Eron yadro qurolini yaratishni tezlashtirish yoʻllarini qidirmoqda

The New York Times manbalariga ko‘ra, bunday xulosa prezident Bayden ma’muriyatining so‘nggi oylarida Amerika razvedkasidan olgan ma’lumotlariga asoslanadi.

AQSh razvedka agentliklariga koʻra, eronlik "harbiy muhandislar va olimlar yadro yoqilgʻisi zahiralarini bir yil yoki undan koʻproq muddat ichida emas, balki bir necha oy ichida haqiqiy qurolga aylantirish imkonini beradigan yoʻlni izlamoqda".

Nashr taʼkidlaganidek, bu masala Trampning seshanba kuni Isroil bosh vaziri Binyamin Netanyahu bilan uchrashuvida muhokama qilindi.

https://t.me/Political_Insight


⚡️AQSh Kongressining 145 aʼzosi va amerikalik 350 nafar yahudiy ravvin Trampning falastinliklarni koʻchirish boʻyicha rejasiga qarshilik bildirib, unga xat yoʻllashibdi.

https://t.me/Political_Insight


Xalqaro munosabatlar va siyosatda ingliz tilidan olingan “deep state” degan tushuncha bor. Bu ibora rus tiliga toʻgʻridan-toʻgʻri – “глубинное государство” deb tarjima qilingan.

Bu iboraning oʻzbek tiliga tarjimasi boʻyicha noaniqliklar bor edi. Bunga siyosatshunos Kamoliddin Rabbimov “soyadagi kuchlar”, “yashirin davlat”, “koʻrinmas boshqaruv” degan yaxshi variantlarni beribdi.

Aslida ham tarjima yoʻnalishida boshqa tildagi hamma soʻzlarni ham oʻzbek tiliga toʻgʻridan-toʻgʻri tarjima qilib boʻlmaydi, chunki tilimiz biroz nozik. Avval, bunday soʻzning maʼnosini ochiqlab, keyin maʼnoviy jihatdan tarjima qilish kerak boʻladi.

https://t.me/Political_Insight


Kim ko‘rubdur, ey ko‘ngul, ahli jahondin yaxshilig‘,
Kimki, ondin yaxshi yo‘q, ko‘z tutma ondin yaxshilig‘.
Gar zamonni nayf qilsam ayb qilma, ey rafiq,
Ko‘rmadim hargiz, netoyin, bu zamondin yaxshilig‘!
Dilrabolardin yomonliq keldi mahzun ko‘ngluma,
Kelmadi jonimgʻa hech oromi jondin yaxshiligʻ.
Ey ko‘ngul, chun yaxshidin ko‘rdung yamonliq asru ko‘p,
Emdi ko‘z tutmoq ne ma’ni har yamondin yaxshiligʻ?
Bori elga yaxshilig' qilgʻilki, mundin yaxshi yo‘q
Kim, degaylar dahr aro qoldi falondin yaxshiligʻ!
Yaxshiligʻ ahli jahonda istama Bobur kibi,
Kim ko‘rubdur, ey ko‘ngul, ahli jahondin yaxshiligʻ?

https://t.me/Political_Insight


🆕 AQSh Xalqaro jinoyat sudi prokurori Karim Xonga nisbatan sanksiya qoʻllabdi. Sanksiya nimalarni koʻzda tutishini aniqlay olmadim.

Esingizda boʻlsa, Karim Xon Ukrainaga bostirib kirgani uchun Putinni va Gʻazodagi qirgʻini uchun Netanyahuni hibsga olish boʻyicha order bergan edi.

Kuchlilar nima qilsa qilsin, lekin tarix Karim Xonning jasoratli va vijdonli ekanligini hech qachon unutmaydi. Unga qanday bosimlar va oʻlim tahdidlari boʻlmadi deysiz, lekin u adolat uchun chiqadi va butun dunyo, xususan kelajak avlod oldida oʻz yuzini yorugʻ qildi.

https://t.me/Political_Insight


🇷🇺🇺🇸Putin va Tramp oʻrtasidagi uchrashuv Saudiya Arabistonida bo‘lib o‘tadi

AQSh prezidenti Donald Tramp Saudiya Arabistonida Rossiya prezidenti Vladimir Putin bilan uchrashishini aytdi. Kecha chorshanba kuni ikki prezident Ukrainadagi urush bo‘yicha muzokaralar o‘tkazilishini tasdiqlagan edi.

Saudiya Arabistoni va BAA sammit oʻtkaziladigan asosiy joylar sifatida koʻrilgan boʻlsa, bu safar Ar-Riyodning diplomatik qoʻli baland keldi. Xabar berishlaricha, yetakchilar uchrashuvida Saudiya Arabistoni valiahd shahzodasi Muhammad bin Salmon ham ishtirok etadi va tabiiyki, Yaqin Sharqda yuz berayotgan voqealar ham muhokama qilinsa kerak, ayniqsa Trampning jinnicha gaplari va rejalari.

Sammit sanasi esa hali belgilanmadi.


“Inqiroz ostonasidagi xalqning qahramonlari hamma vaqt bir xil boʻladi - sportchi, xonanda va aktyor.”

Ser Jon Glubb

https://t.me/Political_Insight


Misrdagi hukumat uning hududiga Gʻazo sektoridan falastinliklarni koʻchirish boʻyicha reja AQSh va Isroil tomonidan qabul qilinsa, davlat toʻntarishidan qoʻrqyapti, deya xabar berdi The Middle East Eye (MEE).

Qohira parda ortidagi muzokaralarda Trampning noaniq muddatga deportatsiya qilish g‘oyasiga muqobil variantlarni lobbi qilmoqda.

Bularga Gʻazoni bosqichma-bosqich, maqsadli rekonstruksiya qilish va falastinliklarni anklav ichida koʻchirish kiradi. Yana biri unchalik yoqimli boʻlmagani - migratsiya shlyuzlarining qisman ochilishi va hech qanday ortiqcha shovqin-suronsiz falastinliklarning maʼlum bir qismini qabul qilish.

Qohiraning qo‘rquvi o‘rinli. Isroil va HAMAS oʻrtasidagi urush mahalliy Misr iqtisodiyotiga jiddiy zarar yetkazdi. Damashqdagi hokimiyatning oʻzgarishi esa Qohiraga "marsh" uyushtirishga uringan Misrdan boʻlgan baʼzi suriyalik jangarilarni juda ilhomlantirdi.

https://t.me/Political_Insight


Niderlandiya kabi Eron ham lolalar yurti sanaladi

Islom Respublikasida lola gulining koʻplab navlari yetishtiriladi. Shuningdek, har yili aprel oyida ayniqsa poytaxt Tehronda lolalar festivali oʻtkazilar ekan.

https://t.me/Political_Insight


🇺🇸 Nima deb oʻylaysiz, Tramp prezidentligi davrida arab mamlakatlarining Isroil bilan munosabatlarni normallashtirishiga erisha oladimi?
So‘rovnoma
  •   Xa, bu ketishda erishadi
  •   Yoʻq, erisha olmaydi
  •   Faqat bosim qiladi xolos
20 ta ovoz


Insoniyat tarixidagi eng katta qirgʻinlardan biri

🇷🇼 Ruanda genotsidi — 1994-yilda sodir bo'lgan insoniyat tarixidagi eng fojiali sahifaslardan biridir. 1994-yil apreldan to iyulgacha bo‘lgan 100 kun davomida mamlakatda salkam 1 million odam, asosan, tutsi etnik guruhi vakillari, shuningdek, zo‘ravonliklarni to‘xtatishga uringan mo‘tadil hutular halok bo‘ldi. Ushbu genotsid 20-asr tarixidagi eng yirik va eng qonli qirgʻinlardan biriga aylandi.

Genotsidning sabablari

Tutsi va xutu etnik guruhlari o'rtasidagi ziddiyat Ruanda mustamlaka qilingan davrdan boshlangan uzoq tarixga ega. Belgiya hukmronligi davrida tutsilar mamlakatning ijtimoiy-siyosiy hayotida imtiyozlarga ega bo'ladi, bu esa xutular orasida norozilikni keltirib chiqaradi. 1962-yilda Ruanda mustaqillikka erishgach, hokimiyat hutular qo'liga o'tdi va tutsilar dushman sifatida qabul qilina boshladi. Bu, esa navbatida yillar davomida keskinlik va zo'ravonlikni keltirib chiqardi.

1990-yillar boshida, asosan, tutsi qochqinlaridan tashkil topgan transmilliy armiya – Ruanda Ozodlik fronti (RPF) xutu rejimiga qarshi qurolli kurash boshlaganida vaziyat keskinlashdi. 1993-yilda tinchlik bitimi tuzilganiga qaramay, siyosiy vaziyat beqarorligicha qoldi.

Genotsidning boshlanishi

Genotsid 1994-yilning 6-aprelida Hutu vakili bo‘lgan prezident Juvenial Xabyarimanani olib ketayotgan samolyot otishma natijasida urib tushirilgandan so‘ng boshlangan. Bu harakat esa ommaviy zo'ravonlikni boshlash uchun bahona sifatida ishlatilgan. Radikal hutu elementlari tutsilarni, shuningdek, zo'ravonlikka qarshi bo'lgan xutularni muntazam ravishda yo'q qilishni boshladi.

Zo'ravonlikning ko'lami

Genotsid taxminan uch oy davom etdi, bu deyarli 1 millionga yaqin odamlar oʻldirilgan. Bundan, eng ko‘p – tinch aholi jabr ko‘rdi: ayollar, bolalar va qariyalar. Zo'ravonlik juda shafqatsiz edi - odamlar pichoqlar, chopqilar, qiynoqlar bilan o'ldirilgan, shuningdek zo'rlangan. Ba'zi hollarda qo'shnilarini o'ldirish uchun chopqilar bilan qurollangan tinch aholi guruhlaridan foydalanilgan.

Jahon reaksiyasi

Xalqaro hamjamiyat, jumladan, BMT zo‘ravonlikning oldini olish yoki to‘xtatish uchun yetarlicha harakat qilmaydi. Kanadalik general Romeo Daller boshchiligidagi BMTning Ruandadagi missiyasi (UNAMIR) yetarlicha tayyorgarlik ko'rmagan va kuch ishlatish vakolatiga ega emas edi. Natijada mamlakatda tinchlikparvar kuchlar bo‘lishiga qaramay, qirg‘in to‘xtovsiz davom etdi.

Genotsidning tugashi va oqibatlari

Genotsid 1994-yil iyul oyida Pol Kagame boshchiligidagi RPF armiyasi poytaxt Kigali ustidan nazoratni o'z qo'liga olgani va radikal Xutu rejimini ag'dargani bilan yakunlandi. Shundan so‘ng, asosan eski tuzum tarafdorlari bo‘lgan millionlab qochqinlar mamlakatni tark etishi bilan gumanitar falokat boshlandi.

Genotsidning oqibatlari Ruanda uchun halokatli boʻldi. Mamlakat vayron bo'ldi, iqtisodiyoti va infratuzilmasi izdan chiqdi, jamiyat bilan aloqalar katta zarar ko'rdi. Biroq, hukumatning sa'y-harakatlari va xalqaro yordam tufayli Ruanda asta-sekin iqtisodiyotini tikladi va ijtimoiy barqarorlikni yaxshilab bordi.

Xalqaro sud

Genotsiddan so'ng, genotsid paytida sodir etilgan jinoyatlarni tergov qilish uchun Ruanda bo'yicha Xalqaro jinoiy sud (ICTR) tashkil etildi. Sud ko'plab sud jarayonlarini o'tkazdi, ular davomida esa ko'plab muhim shaxslar, jumladan, yuqori martabali amaldorlar, harbiy ofitserlar va ekstremistik guruhlar rahbarlariga hukmlar oʻqilgan.

Ruanda genotsidi – etnik nafratning halokatli oqibatlari va favqulodda vaziyatlarda xalqaro institutlarning samarasizligi haqida dahshatli eslatma bo'lib qoldi.

https://t.me/Political_Insight


Mubaşşir Ahmad dan repost
"Ўлимимдан икки ой ўтиб ўғлим уйланди.
Олти ой ўтиб, қизим туғилган кунини нишонлади.
Бир йил кечиб хотиним бошқага турмушга чиқиб кетди.
Лекин вафотимга ўн йил бўляпти-ки, онам ҳали-ҳануз йиғлайди".

@MubashshirAhmad


📹 Rossiyada migrantlarga nisbatan boʻlayotgan ishlar – bu alamzada, kambagʻallashayotgan va kambagʻallashadigan xalqning diqqatini chalgʻitish xolos.

Hozir ruslar urushdan zerikkan, sanksiyalardan toʻygan va dunyodan uzilgan. Bunday ahvolda albatta ruhiy zoʻriqish va nafrat paydo boʻladi. Bu salbiy hissiyotlarni esa qayergadir yoki kimgadir sochish kerak. Nishon sifatida huquqsiz migrantlar juda qoʻl keladi.

https://t.me/Political_Insight


“Fuqaro” degan soʻzning kelib chiqishiga hech eʼtibor berganmisiz?

Ushbu soʻzning ishlatilishi qoʻpol tusga ega. Gap shundaki, bu soʻz arab tilidagi “faqir” (oʻzbek tilida asli holicha ham ishlatiladi, shuningdek, kambagʻal deb ham tarjima qilinadi) soʻzining koʻplik shakli hisoblanadi.

Bu borada boshqa mamlakatlardagi holatni oʻzimcha tekshirib chiqdim. Masalan, Turkiyada xalq bizdagi kabi “faqir” deb emas, vatandosh deyilarkan, Qozogʻistonda “azamat”, Tojikistonda “hamvatan” deya atalarkan. Shaxsan menga bular juda yoqdi va qandaydir iliqlik his qildim.

Yana bir savol paydo boʻladi menda: balki tepadagilar atayin va ongli ravishda shunday qoʻllashar bu soʻzni. Axir Oʻzbekiston ham dunyodagi eng kambagʻal mamlakatlardan biri-ku.

Nima boʻlganda ham bu soʻzni almashtirish kerak deb oʻylayman. Taklifim, millatdosh yoki vatandosh (yoki boshqa shunga oʻxshash dilga yaqin soʻz) variantlaridan biriga oʻtish lozim. Bu boʻyicha sizning fikringiz qanday?

https://t.me/Political_Insight

20 ta oxirgi post ko‘rsatilgan.