Uktamdjanov

Isroilning okkupant milliy xavfsizlik vaziri qirgʻiy Itamar Ben-Gvir:

Gʻazo va Gʻarbiy Sohildagi bayramlarni kuzatayotib, bu urushda aslida kim boʻyin ekkanini va taslim boʻlganini tushunsa boʻladi. Bu kelishuv — Isroil uchun sharmandalik va mag‘lubiyatdir.

https://t.me/Political_Insight

Shu yoshimgacha olgan xulosalarimdan biri:

Tarbiya — hech qachon trenddan qolmaydigan hislatdir. Minglab yillar oʻtsa ham, u oʻz ahamiyatini yoʻqotmaydi va har doim modada qolaveradi.

https://t.me/Political_Insight

Gʻazoda oʻt ochish toʻxtatilibdi. Umid qilamanki, kelishuvga sotqinlik boʻlmaydi.

Xudoga shukur!

https://t.me/Political_Insight

Qarshilik oʻqi, jumladan HAMAS qilgan eng katta ish va muvaffaqiyat — sionist Isroilni dunyo boʻyicha yakkamohov qilib qoʻygani boʻldi. Bundan tashqari, HAMAS haligacha oʻta noteng boʻlgan kurashda yengilmadi va Gʻazo boʻylab qarshilik koʻrsatishda davom etmoqda.

https://t.me/Political_Insight

Gʻazoda oʻt ochishni toʻxtatish boʻyicha muzokaralar yakuniy bosqichga kirdi

Qatar Tashqi ishlar vazirligi matbuot kotibi Majid al-Ansoriyning aytishicha, HAMAS va Isroil oʻrtasidagi muzokaralar yakuniga yetmoqda va soʻnggi oylardagi "Gʻazo boʻyicha kelishuv bitimi imzolanishga har qachongidan ham yaqin".

Qatar vositachilari dushanba kuni kelishuvning yakuniy versiyasini ikki tomonga topshirdi. 60 kun davom etadigan kelishuvning birinchi bosqichida HAMAS 33 nafar garovdagini ozod qilishi, Isroil esa 1000 dan ortiq mahbusni ozod qilishi va qoʻshinlarining bir qismini anklavdan olib chiqib ketishi kerak.

HAMAS vakillari muzokaralarning bu raundi kelishuvga olib kelishiga umid bildirdi, ularning fikricha, bu kelishuv “shu kunlarda” imzolanishi mumkin.

https://t.me/Political_Insight

"HAMAS va Isroil oʻrtasida sulh tuzilishi yaqin" deb xabar beryapti dunyoning koʻplab manbalari

https://t.me/Political_Insight

AQSHning Kanada, Panama kanali va Daniyaga tegishli boʻlgan Grenlandiyaga daʼvolarini eshitgan boʻlsangiz kerak. Koʻpchilik bu xabarlardan qoʻrquvga ham tushib qoldi. Lekin bir narsani unutmaslik kerak, Tramp biznesmen odam, biznesmen boʻlganda ham avantyurist odam va bu hislatlar aslida biznesmen insonga xos. U risk menejmenti hamda tavakkal qilishni yaxshi biladi. Demoqchimanki, u global siyosatni ham biznes prizmasidan koʻradi, shuning uchun, u aytgan va aytayotgan gaplardan hayron qolmaslik kerak. Yaʼni, uning bunday vahimali gaplari bosim oʻtkazish xolos. Bir kunda tinchlik oʻrnataman degan populistik gaplari ham shular jumlasidan.

Ammo, agar Amerikadagi siyosiy institutlar kuchli boʻlmaganda albatta Tramp ham u yoki bu davlatga bostirib kirardi. Yana bir muhim jihat shuki, Tramp hududlariga daʼvo qilayotgan mamlakatlar (Daniya va Kanada) NATO boʻyicha AQSHning ittifoqchilari hisoblanadi.

Kelasi 4 yil AQShdagi siyosiy institutlar uchun juda ogʻir keladi va ular katta bosim ostida ishlaydi. Chunki, hamma joyni respublikachilar egallagan. Dunyodagi eng kuchli deya taʼriflanadigan siyosiy institutlar Tramp, uning qirgʻiy sheriklari va partiyadoshlarining bosimiga chiday oladimi yoʻqmi, buni endi vaqt koʻrsatadi.

https://t.me/Political_Insight

🇮🇷🇸🇦Global Firepower Index boʻyicha Eron va Saudiya Arabistonining harbiy salohiyati

📍Fors koʻrfazi mamlakatlari orasidagi reytingda Eron (16-oʻrin) va Saudiya Arabistoni (24-oʻrin) yetakchilik qilmoqda. Keyingi o‘rinda 43-o‘rinni egallagan Iroq.

📍Eronda zaxiradagi va harbiylashtirilgan tuzilmalar askarlarini qoʻshib hisoblaganda harbiy xizmatchilar soni 1,180 mln. Saudiya Arabistonida – 407 ming kishi.

📍Saudiya Arabistonining harbiy budjeti 74 milliard dollarga, Eronniki 15 milliard dollarga yetadi.

📍Eronda jami samolyotlar soni 551 ta, Saudiya Arabistonida 917 ta.

📍Eronda deyarli 3 barobar koʻp dengiz kemalari mavjud. Shuningdek, dronlar boʻyicha ham Eron oldinda.

📍 Eron Islom Respublikasining logistika imkoniyatlari (aeroportlar, portlar) ham yuqoriroq baholangan.

P.S. Oʻzbekiston ushbu reytingda 58-oʻrinda qayd etilgan.

https://t.me/Political_Insight

Bzejinskiyning kitobini xalqaro munosabatlar yoki jahon siyosati yoʻnalishida tahsil olayotganlar va olganlar albatta oʻqishi kerak. Shuningdek, global siyosat hamda diplomatiyaga qiziqadigan oddiy insonlar ham oʻqishlari mumkin. Kitob hozir oʻzbek tilida mavjud, biror bir kitob doʻkonidan xarid qilsangiz boʻladi.

https://t.me/Political_Insight

Zbignev Bzejinskiy oʻzining "Buyuk shaxmat taxtasi: Amerika tashqi siyosatining asoslari" (1997) kitobida Ukrainaning geosiyosiy strategik oʻyindagi roliga katta eʼtibor bergan. Uning taʼkidlashicha, Ukraina Gʻarb va Rossiya oʻrtasidagi munosabatlar kontekstida asosiy oʻyinchi hisoblanadi. Ukraina, Bjezinskiyning soʻzlariga koʻra, Rossiya va Yevropa oʻrtasida bufer boʻlib, strategik joylashuvga ega va uning taqdiri koʻp jihatdan Sharqiy Yevropaning kelajagini belgilab beradi.

Bzejinskiy Ukrainani qitʼaning markazida joylashgan "Yevrosiyo yadrosi" ning muhim qismi sifatida koʻrgan va uning mustaqilligi hamda G'arbga moʻljal olishi Yevropa barqarorligi va Rossiyani ushlab turish uchun juda muhim ekanligini taʼkidlagan. Bzejinskiyning nazarida agar Ukraina Rossiya taʼsirida qolsa, bu butun Markaziy va Sharqiy Yevropa xavfsizligiga tahdid soladi.

Shuningdek, u Ukrainani mustaqillikka erishish va G‘arbga integratsiya yo‘lida qo‘llab-quvvatlash zarurligini ta’kidlab, bu G‘arbning mintaqadagi strategik nazoratini kuchaytirish uchun muhim qadam bo‘lishiga ishongan. Shu bilan birga, Bzejinskiy Rossiya Ukraina manfaatlarini hisobga olishi va u yerda oʻz taʼsir doirasini tiklashga harakat qilmasligi kerakligini taʼkidlagan.

https://t.me/Political_Insight

🇸🇾⭕️Suriyadagi Turkiya va Isroil oʻrtasidagi ziddiyat?

So‘nggi kunlarda Suriyada Turkiya va Isroil o‘rtasida yuzaga kelishi mumkin bo‘lgan mojaroga katta e’tibor qaratilmoqda. Ammo bu yerda bir nechta muhim tafsilotlarga eʼtibor berish kerak.

Birinchidan, Anqara mojaroga aralashmaslik uchun Joʻlaniyga Isroilning Suriyadagi tajovuziga javob bermaslik uchun bosim oʻtkazgan.

Ikkinchidan, Turkiyaga dushman boʻlgan kurd tuzilmasini ajratib koʻrsatuvchi Suriyani boʻlish rejasi Isroil razvedka hamjamiyatining tubida pishib yetilgan va Netanyahu rejimi tomonidan qoʻllab-quvvatlangan.

Shuning uchun, agar Isroil va Turkiya oʻrtasida Suriya boʻyicha qandaydir toʻqnashuv yuzaga kelishi mumkin boʻlsa, bu faqatgina Isroil noadekvatligi va paranoyasi natijasida sodir boʻladi.

Isroil tahdidlarning oldini olish bahonasida Suriyaning yangi hukumatiga qarshi tajovuzni boshlabgina qolmay, bundan keyingi rejalar tuzishga ham kirishgan.

Va sionistlar Suriyadagi tajovuzi natijasida paydo boʻladigan tahdidlarni toʻxtatish uchun yanada oldiga siljishga, aniqrogʻi, mamlakatni boʻlib olishga qaror qilib boʻlgan.

Tabiiyki, bu paranoya Turkiya va Isroilga qarshi hech qanday dushmanona rejalari boʻlmagan Suriyaning yangi rasmiylari bilan ziddiyatga olib kelishi mumkin.

Isroilning Suriyadagi tajovuzi arab koʻchasi eʼtiborini yana yahudiy davlatiga qaratib, arab davlatlari rahbariyatini mana shu omilni inobatga olgan holda muayyan qarorlar qabul qilishga majbur qilgani haqida gapirmasa ham boʻladi.

https://t.me/Political_Insight

Oligarx degan jonivorlarni vatani boʻlmas ekan. Ular borgan va turgan mamlakatini kalamushdek kemiradi. Yaʼni, insofli oligarx boʻlmaydi, ularni bari xalq mulkini talagan oʻgʻrilardir.

https://t.me/Political_Insight

O‘zbekneftegazning hamkoriga AQSH sanksiyalari joriy etilibdi

Kecha AQSH Rossiyaning Ukrainaga qarshi agressiyasiga javoban yangi sanksiyalarini e’lon qildi. Ushbu sanksiyalar asosan Rossiyaning energetika sektoriga yo‘naltirilgan boʻlib, birinchi marta Gazprom neft va Surgutneftegaz kabi Kremlga bog‘liq kompaniyalar, shuningdek ularning rahbarlari va bir qator sho‘ba tuzilmalari ham qora ro‘yxatga tushgan. Ushbu sanksiyalardan keyin, Buyuk Britaniya ham rus energetikasiga sanksiyalar joriy qilgan.

E’tiborli jihati, sanksiyaga tushgan Gazprom neft va uning asosiy burg‘ulovchi bo‘linmasi — Gazpromneft-Noyabrskneftegaz O‘zbekneftegaz bilan yaqin hamkorlikda ish olib boradi.

Shuningdek, AQSH bir qator neft va gaz kompaniyalarini ham qora ro‘yxatga kiritgan, ular orasida O‘zbekistondagi neft va gaz konlarini ta’mirlash va burg‘ulash bilan shug‘ullanadiganlar ham mavjud.

Ro‘yxatga, shuningdek, O‘zbekistonda AES qurishni rejalashtirayotgan Rosatom bosh direktori Lixachev va uning yettita o‘rinbosari ham kiritilgan.

Bu sanksiyalarning ahamiyati shundaki, sanksiyaga tushgan kompaniyalar bilan hamkorlik qilgan boshqa subyektlar ham sanksiyalarga uchraydi.

https://t.me/Political_Insight

Abduqodir Husanovning transfer jarayonini kuzatib borayotganlar bormi?
Oxirgi xabarlarga qaraganda bu Manchester Cityga 50 mln dollarga tushgan. Bu degani, Osiyo futbol tarixida bunday mablagʻdagi transfer hali boʻlmagan.

Xatto, Osiyoning eng zoʻr oʻyinchisi Son Hyon Min ham bunday katta pulga sotilmagan edi. Ehtimol, hozirgi transfer narxi ham bunchalik emasdir.

https://t.me/Political_Insight

Eron harbiy rahbarlari mamlakat siyosiy rahbariyatining Suriyadagi vaziyat boʻyicha asosiy narratividan chetga chiqmoqda. Shu kunlarda brigada generali Behruz Esbatiyning bir hafta oldin qilgan nutqining audioyozuvi ommaviy axborot vositalariga sizdirildi. Unda general Damashqdagi hukumatning qulashi Tehron uchun strategik mag‘lubiyat boʻlganini ochiq aytgan.

Esbatiyning qayd etishicha, Eron qo‘mondonligi va hokimiyatdan ag‘darilgan prezident Bashar al-Assad o‘rtasidagi munosabatlar 8-dekabrgacha nihoyatda keskin bo‘lgan. Eron hamda unga yaqin shia tuzilmalari rahbarlari uzoq vaqtdan beri Asadni Gʻazo sektori uchun oʻch olish maqsadida Isroilga qarshi front ochishga koʻndirishga harakat qilgan, biroq prezident saroyi barcha iltimoslarni eʼtiborsiz qoldirib kelgan.

Esbatiy nutqidagi muhim nuqta: General Moskva Suriya kampaniyasining bir qismi sifatida Tehronni muntazam ravishda aldagan deb hisoblaydi. Uning fikricha, Rossiya tomoni Suriyada "zarur" boʻlgan narsalarni bombardimon qilmadi va yahudiy davlati havo hujumlarini boshlagan paytda "radarlarni oʻchirib qoʻyib" Isroil operatsiyalariga amalda yoʻl qoʻyib bergan.

Demak, Suriya boʻyicha ittifoqchilarning bir-biriga boʻlgan ishonch inqirozi nafaqat Eronning "qarshilik oʻqi" ichida, balki Rossiya-Eron tandemida ham pishib yetilgan boʻlishi mumkin.

Qiziqarlisi, bularning bari Eron prezidenti Maʼsud Pezeshkiyonning Moskvaga tashrifi arafasida yuz bermoqda. U yerda esa ikki tomonlama muhim shartnomalar imzolanishi kutilayotgan edi.

https://t.me/Political_Insight

Falastinlik yozuvchi Ahmad al-Hilaning fikricha, Eron Gʻazo sektorida Falastin qarshilik koʻrsatish harakati janglarining dastlabki oylarida Hizbullohning Isroilga keng koʻlamli hujumini boshlashiga toʻsqinlik qilib, strategik xatoga yoʻl qoʻydi.

Bu haqda urushning birinchi kunlarida ham, undan keyingi kunlarda ham atroflicha yozilgan edi, yaʼni Eron va Hizbulloh Falastin xalqini genotsid qilinishiga amalda yoʻl qoʻyib bergan.

Unga koʻra, Al-Qassam brigadalari va boshqa Falastin qarshilik koʻrsatish harakatlari oʻz kuchining eng yuqori choʻqqisiga chiqqan bir paytda, Isroilni tiyib turishi lozim edi. Bu esa oʻz navbatida, oʻrtada siyosiy muvozanat yaratishga hamda "Qarshilik oʻqi" va Falastinga harbiy yordam berishga imkon berardi.

Bu yerda esa Asad rejimining Falastinni qo‘llab-quvvatlashdagi o‘rni haqida juda qiziq material berilgan.

https://t.me/Political_Insight

Suriya oʻtish davri hukumatining ilk xorijiy tashriflari

Suriya oʻtish davri hukumati tashqi ishlar vaziri Asaad Hasan al-Shiboniy mintaqa davlatlariga ilk tashrifini amalga oshirdi. Shu haftada u BAAga rasmiy tashrif bilan bordi va u yerda tashqi ishlar vaziri Abdulla bin Zoid Ol Nahayon bilan muzokaralar o‘tkazdi. Vazirlar “mamlakatlarning qardoshlik munosabatlarini mustahkamlash yo‘llarini muhokama qildilar”. BAA tashqi ishlar vaziri “Amirliklar Suriya mustaqilligi va suverenitetini qo‘llab-quvvatlash borasidagi qat’iy pozitsiyasini tasdiqladi”.

Birlashgan Arab Amirliklari Suriyaning yangi hukumati mamlakatdagi rejim oʻzgarishidan keyin tashrif buyurgan uchinchi davlat boʻldi. Bungacha Suriya oʻtish davri hukumati vakillari Qatarga tashrif buyurgan, yanvar oyi boshida Ar-Riyodda Saudiya Arabistoni tashqi ishlar vaziri Faysal bin Farxon bilan muzokaralar oʻtkazgan edi. Suriya delegatsiyasi yaqin kunlarda Iordaniyaga tashrif buyurishni ham rejalashtirmoqda ekan.

Suriya yangi hukumatining birinchi xorijiy tashrifi sifatida Fors koʻrfazi monarxiyalarining tanlanishi tasodif emas. Iqtisodiyotni tiklash, tan olinish va siyosiy vaznga ega boʻlish uchun Suriya nufuzli, kuchli hamda moliyaviy jihatdan xavfsiz mintaqaviy oʻyinchilarning yordamiga muhtoj.

https://t.me/Political_Insight