Telegramda har xil testlar bazasi aylanib yuribdi. Mishmishlarga ko’ra shu testlardan imtihonda tusharmish… Kimdirlar esa shu testlarni sotib pullamoqda. Achinarlisi, sodda xalqimiz bunga ishonib, xarajat qilib, sotvolib yuribdi. Xuddi X variant chiqib ketganday…

Tushsa, tushmasa, siz uchun ilindik. Imtihondan oldin ko’rib chiqish tavsiya etiladi.

Agar imtihon materiallari tarqagan bo’lsa, quyidagi uch holatni taxmin qilishimiz mumkin:

1. Kelayotgan imtihonda ham shu fayllardan test olinsa, bu holat agentlik uchun o’ta mas’uliyatsizlik sanaladi. Tarqagan fayl o’rniga boshqa eski variantlar ham imtihonga qo’yilishi mumkin! Eski bazadan test shakllantirilsa, agentlik xalq oldida yana o’z obro’yini yo’qotadi.

2. Haqiqatda shu fayllardan test shakllantirilib, tayyor holda bo’lsa, dekabrdagi imtihon kechiktirilishi va yangi test varianti tuzilishi ham mumkin. Bu nisbatan yaxshi yechim. Natijada agentlikdagi mas’ullar maxfiylik borasida yana ham mustahkam harakat qiladi.

3. Barchasi uydirma gaplar va soxta fayllar bo’lishi mumkin. Bu ham yaxshi yakun. Umid qilamizki, mana shu uchinchi taxminimiz to’g’ri bo’lib chiqadi.

Nima bo’lganda ham mas’ullardan rasmiy munosabat kutamiz!

Ona tili ustozlar kengashi