KUZGI NIDO...
O‘rtada qahraton qilichin qayrar,
Sakrab o‘tib bo‘lmas kuzdan bahorga.
Bir kun yetib borsak, dil balki yayrar,
Salom aytib qo‘ying bizdan bahorga!
Ey mahzun nigohlar, ey gul og‘ochlar,
Qahraton qo‘ynidan toping ilojlar.
Janub tomon uchgan, ey qaldirg‘ochlar,
Salom aytib qo‘ying bizdan bahorga!
Maysalar, sarg‘ayib chekursiz firoq,
Ko‘zlarni ishqalab uyg‘oning biroq...
Siz yetib borasiz bizdan oldinroq,
Salom aytib qo‘ying bizdan bahorga!
Ey samo gullari – go‘zal yulduzlar,
Yer qa’rida yupun ingrar ildizlar.
Tunda ham bemalol ko‘rolasizlar,
Salom aytib qo‘ying bizdan bahorga!
Ko‘tarib xilqatning bori yukini,
Ko‘z yumar kuzning ham oxirgi kuni...
Bevafo bo‘lsa ham sevamiz uni –
Salom aytib qo‘ying bizdan bahorga!
✍🏻 Xayrulla Hamidov
✅ @OnYettiBlog
O‘rtada qahraton qilichin qayrar,
Sakrab o‘tib bo‘lmas kuzdan bahorga.
Bir kun yetib borsak, dil balki yayrar,
Salom aytib qo‘ying bizdan bahorga!
Ey mahzun nigohlar, ey gul og‘ochlar,
Qahraton qo‘ynidan toping ilojlar.
Janub tomon uchgan, ey qaldirg‘ochlar,
Salom aytib qo‘ying bizdan bahorga!
Maysalar, sarg‘ayib chekursiz firoq,
Ko‘zlarni ishqalab uyg‘oning biroq...
Siz yetib borasiz bizdan oldinroq,
Salom aytib qo‘ying bizdan bahorga!
Ey samo gullari – go‘zal yulduzlar,
Yer qa’rida yupun ingrar ildizlar.
Tunda ham bemalol ko‘rolasizlar,
Salom aytib qo‘ying bizdan bahorga!
Ko‘tarib xilqatning bori yukini,
Ko‘z yumar kuzning ham oxirgi kuni...
Bevafo bo‘lsa ham sevamiz uni –
Salom aytib qo‘ying bizdan bahorga!
✍🏻 Xayrulla Hamidov
✅ @OnYettiBlog