REGISTRATOR OFIS Bo'limining rasmiy kanali.

❔ "Otchisleniya" bo‘lgan talabalar ham o‘qishini ko‘chirishi mumkinmi?

✔️ Xorijiy davlatlarda va Respublikamizdagi nodavlat oliygohlarda tahsil olayotgan ayrim talabalar o‘z vaqtida to‘lov-kontrakt pulini to‘lamaganligi yoki boshqa sabablarga ko‘ra o‘qishidan chetlatilgan holatlar yo‘q emas. Ushbu toifadagi talabalar ham o‘qishini davlat OTMlariga ko‘chirishi mumkinmi?

🗂 Buning uchun talabadan o‘qigan davri ko‘rsatilgan transkripti (yoki akademik ma’lumotnoma) hamda talabalar safidan chetlatilganligi to‘g‘risida buyruq kerak bo‘ladi. Ushbu hujjatni o‘qishni ko‘chirish arizasiga ilova qilgan holda imtihonlarda bemalol ishtirok etishi mumkin. Bunda huquqiy tomonlama hech qanday cheklov mavjud emas.

Shuningdek, o‘qishdan chetlatilgan talabalar o‘qishini qayta tiklash muddati quyidagicha belgilangan:

➖ 5 yilgacha — rektor buyrug‘i bilan;
➖ 5 yildan 10 yilgacha — tegishli vazirlik yoki idora qarori asosida;
➖ 10 yildan ortiq — idoralararo komissiya qarori bilan.

❕ Ushbu tartib 2017 yil 20 iyundagi Vazirlar Mahkamasining 393-sonli qarori bilan tasdiqlangan nizomga asoslanadi.

🔔 Xulosa qilib shuni aytish mumkin-ki, o‘qishdan chetlatilgan talabalar ham Respublikadagi davlat oliygohlariga o‘qishini ko‘chirishi mumkin.
@Ofis_registratori

Oliygohingizda hujjatlarni bir zumda olish mumkinligini bilasizmi?

2024-2025-o‘quv yilidan boshlab O‘zbekiston oliy ta’lim tizimida “Registrator ofisi” faoliyati yo‘lga qo‘yilib, bu oliygohlarda talabalarning o‘quv jarayoni bilan bog‘liq barcha ma’lumot va hujjatlar elektron shaklda yuritadigan bo‘lim hisoblanadi.

Hozirga kelib, 40 ta oliygohda ushbu tizim joriy qilingan va natijada dekanatlar va bo‘limlardagi shtatlar 20 foizga qisqargan shuningdek 30 ta xizmat turi raqamlashgan.

Sizningcha Registrator ofislari talabalarga qanday qulayliklarni beradi izohlarda yozib qoldiring.

@Ofis_registratori

Oson dars tayyorlash usullari

O‘qishdan oldin o‘zingizga savol bering: “Bu ma’lumotning eng muhim 20% qismi qaysi?”

— Konspekt tayyorlang, ammo faqat eng kerakli faktlarni yozing.

— Avval eng muhim mavzularni o‘rganing, keyin tafsilotlarga o‘ting.

Imtihonga tayyorgarlik: Ko‘proq vaqt emas, to‘g‘ri strategiya!

Ko‘pchilik imtihondan oldin 10-12 soatlab o‘qishga harakat qiladi, lekin bu har doim ham natija bermaydi. Sababi, inson miyasi cheklangan va samarali o‘rganish uchun diqqat bilan yondashish kerak.

@Ofis_registratori
@tfi_hemis

Qayta topshirish osonmi yoki sessiya?

Ko'p oliy ta'lim muassasalarida yakuniy nazorat imtihonlari tugaganiga bir oycha bo'ldi. Yakuniy nazoratdan qoniqarsiz baho olgan va uzrli sabablarga ko'ra imtihonda ishtirok eta olmagan talabalar uchun bir martalik qayta topshirishga imkoniyat beriladi.

Sir emas, talabalarning ayrimlari "qayta topshirish oson bo'ladi"- deb ataylab, yakuniy nazoratni qoniqarsiz topshiradi. Chunki, qayta topshirishda o'sha savolar takror beriladi va talabaga bu javobni topish, endi qiyinchilik tug'dirmaydi.

Sizningcha qay biri oson qayta topshirishmi yoki yakuniy?

@Ofis_registratori
@tfi_hemis

Talabalar uchun akademik ta’til olish tartibi qanday?

Qachon talabaga akademik ta’til beriladi?

Istalgan paytda. Ha talaba o‘qish davrining xoh o‘rtasida, xoh oxirida bo‘lsin akademik ta’til olishi mumkin. Bu talabaning qonun asosida belgilangan huquqidir.

Akademik ta’til berish toʻgʻrisidagi nizomga muvofiq, talabalar oʻz ixtiyoriga koʻra, qaysi ta’lim shaklida tahsil olishidan qat’iy nazar akademik ta’til olish huquqiga ega.

Kerakli hujjatlar

Akademik ta’til olish uchun talaba tomonidan OTM rektori (direktori) nomiga ariza yozadi. Murojaat bir haftalik muddatda ko‘rib chiqilib, ta’til berish OTM rektori (direktori)ning buyrug‘i bilan rasmiylashtiriladi. Unda akademik ta’tilning boshlanish va tugash sanasi ko‘rsatiladi.

Akademik ta’til quyidagi hollarda berilishi mumkin:

–harbiy xizmatni o‘tash uchun;
–salomatligini tiklash uchun;
–homiladorlik va tug‘ish uchun;
–bolalarni parvarish qilish uchun;
–oilasining betob a’zosini (otasi, onasi yoki ularning o‘rnini bosuvchi shaxslar, turmush o‘rtog‘i, farzandi) parvarish qilish uchun.

Qancha muddatlarga beriladi:

–harbiy xizmatni o‘tash uchun — qonunchilik hujjatlarida belgilangan harbiy xizmatni o‘tash muddatiga;

–homiladorlik va tug‘ish, shuningdek, bolalarni parvarish qilish uchun — qonunchilik hujjatlarida belgilangan homiladorlik va tug‘ish, shuningdek, bolalarni parvarish qilish ta’tillari muddatiga;

–salomatligini tiklash hamda oilasining betob a’zosini parvarish qilish uchun — keyingi yilning talaba tomonidan to‘liq o‘zlashtirilmagan semestri boshlanishiga qadar bo‘lgan muddatga (agar mazkur Nizomning 11-bandiga muvofiq talaba akademik ta’til muddatiga ta’limning sirtqi yoki masofaviy yoki eksternat ta’lim shakliga o‘tkazilsa, navbatdagi semestrning boshlanishiga qadar bo‘lgan muddatga).

Bunda, qayd etilgan muddatlardan biri talabaning arizasiga muvofiq oliy ta’lim muassasasi rektori (direktori) tomonidan belgilanadi.

Arizaga akademik ta’til olish uchun sabab bo‘lgan holatni asoslovchi hujjat (talabani harbiy xizmatga chaqirish haqidagi chaqiruv qog‘ozi yoki talaba doimiy tibbiy nazoratda turgan tibbiyot muassasasi xulosasi yoxud oilasining betob a’zosi doimiy tibbiy nazoratda turgan tibbiyot muassasasi xulosasi) ilova qilinadi.

Talabaga akademik taʼtil berilishi uni oliy taʼlim muassasasidan chetlashtirish deb hisoblanmaydi. Shuningdek, talabalarga akademik taʼtil davrida stipendiyalar toʻlanmaydi.

Akademik taʼtildan belgilangan muddatda qaytgan talabalarga ilgari oʻzlashtirilgan fanlarni qayta oʻzlashtirish majburiyati yuklatilmaydi.

Aziz talaba! Akademik ta’til olish bilan bog‘liq tartib qoidalar Vazirlar Mahkamasining 03.06.2021 yildagi 344-son qarori asosida belgilangan. Bu borada qo‘shimcha ma’lumotni kerak bo‘lsa, ushbu hujjat sizga as qotadi.

@Ofis_registratori
@tfi_hemis

#raqamlashtirish #shaffoflik

🖥 Talabalarga stipendiya tayinlash jarayoni raqamlashtirildi

📂 “UzASBO” DM, “HEMIS”, “Billing” va Ijtimoiy himoya milliy agentligining tegishli axborot tizimlari o‘zaro integratsiya qilinib, talabalarga moddiy yordam va stipendiya tayinlash jarayonlari to‘liq raqamlashtirildi.

📂 Talabalarning to‘lov-shartnoma ma’lumotlari, oxirgi semestr yakuni bo‘yicha fanlardan olgan baholari hamda moddiy rag‘batlantirish olishga asos bo‘luvchi imtiyozlarini aniqlashda inson omili aralashuviga chek qo‘yilib, ma’lumotlarni avtomatik aniqlash yo‘lga qo‘yildi.

📣 Shuningdek, tegishli hujjatlarni, jumladan, stipendiya komissiyasi yig‘ilish bayoni va buyruqlarni “HEMIS” axborot tizimida elektron hisobini yuritish tartibi joriy qilindi.

⌨️ Natijada nazorat darajasi yanada kuchaytirilib, stipendiya tayinlash jarayonlarining shaffofligi ta’minlandi.

ℹ️ Ma'lumot uchun, bugungi kungacha “HEMIS” va “Billing” axborot tizimlari orqali 100 dan ortiq oliy ta’lim muassasalarining 300 mingdan ortiq talabasiga oyma-oy stipendiya tayinlanishi ta’minlandi.

😀😃😄😁😆🥹😅😂

RAQAMLI TA'LIM MARKAZIDAN,
RAQAMLI TA'LIM XIZMATLARI

@Ofis_registratori
@tfi_hemis

#ESLATMA

⚡️Nodavlat oliygohlar faoliyatini tartibga solish uchun kiritilgan o'zgarishlar haqida muhim eslatmalar

➖Hemis dasturida asosida faoliyat olib borish. Hemis dasturiga kiritilmagan talabalarga diplom berilmaydi;

➖Kontrakt shartnomalari kontrakt.edu.uz sayti orqali berish. Ta'lim krediti faqat ushbu sayt orqali berilgan shartnomalar uchungina amal qiladi;

➖Nodavlat oliygohlar yilda bir marotaba (iyun-sentabr oylarida) qabul jarayonlari amalga oshiradi xolos;

➖ Nodavlat oliygohlar 2025 o'quv yilidan xoxlagan miqdorida talaba qabul qila olmaydi. Kunduzgi ta'lim shakliga qabul qilingan talabalar sonidan ortiq boshqa ta'lim shakllariga talabalarni qabul qilishi mumkin emas. Ya'ni kunduzgi = sirtqi+kechki+masofaviy;

➖Nodavlat oliygohlar har 4 yilda kompleks davlat akkreditatsiyadan o'tkaziladi.

@ofis_registratori

❓Nega talabalar alkogol va tamakidan koʻra zararliroq mahsulotlarni iste'mol qilishadi?

🔵Kuzatuvlarga koʻra talabalarning 80%i aynan fast food kabi tez tayyorlanuvchi taomlarni istemol qilishar ekan. Qolgan 10% talaba sog'lom ovqatlanishga amal qilgan holda bu turdagi ovqatlarni iste'mol qilishmas ekan.

❗️Shifokorlar, bu turdagi mahsulotlar alkagol va tamakidan ko'ra zararliroq ekanligini ta'kidlashadi:

1. Chipslar va kartoshka fri
2. Konserva va arzon kolbasalar
3. Ketchup va mayonez
4. Fast food va Xotdoglar
5. Popkorn
6. Shirinlik va shokoladlar
7. Margarin
8. Oq non
9. Gazli va shirin suvlar
10. Tez tayyorlanuvchi makaron mahsulotlari.

❗️Bu mahsulotlar ichki kasalliklar hamda ortiqcha vazn muammosiga sabab bo‘ladi.

Sizning ovqatlanish ratsioningizda ushbu mahsulotlar bormi?

@Ofis_registratori

❔Nima uchun studentlar sessiyadan o’tisha olmaydi?

🔣Keling, bunga matematik yondashamiz.
◀️Bir yilda 365 kun bor. Ulardan 52 kuni yakshanba. 313 kun ilm olish uchun.
◀️Yozgi tatil oʻrtacha 85 kun. Bizda 228 kun dars tayyorlashga qoldi.
◀️Har kunlik 8 soatlik uyqu 122 kun degani. Bizda 106 kun qoldi.
◀️Har bir kishi 1 kunda kamida 1 soat dam olishi kerak va bu 15 kunni anglatadi. 91 kun qoldi.
◀️2 soat ovqatlanish uchun ajratishga majbursiz va bu bir yilning 30 kunini egallaydi. Bizda 61 kun qoldi.
◀️Gaplashish insonga xos tushuncha va bu bir kunda bir kishidan kamida 1 soatni talab qilsa, 1 yilda 15 kun demak. Atiga 46 kun ilm uchun.
◀️ Bayramlar, kutilmagan xursandchiliklar va koʻngilsizliklar 40 kunni har bir kishidan band qilar ekan. 6 kun qoldi.
◀️Issiq jonni isitmasi bor deyishganidek, hammamiz bir yilda kamida 3 kun kasal boʻlsak. Nahotki kinoga tushish, instagramda oʻtirish, uchrashuvlarga bir yilda 2 kun ajratmasak qanaqa odammiz. Ha, atigi 1 kun qoldi.
◀️Oʻsha bir kun meni tugʻilgan kunim-ku. Tugʻilgan kunimda dars qilishga balo bormi !!!

😄Kursdoshlar guruhiga yuborib qoʻyamiz.

@ofis_registratori

⚡️Talabalar 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

Ushbu tartib davlat va nodavlat OTM talabalari uchun birdek amal qiladi.

@ofis_registrstori