Раскрутка без денег

Новый способ от 0 до 8792 пдп.

Как бесплатно раскрутить канал

Новый способ от 0 до 8792 пдп.

Сообщество xChief

Свежие новости и аналитика Форекс и криптовалют

Statistika Saralanganlar

꧁O͜͡N͜͡A͜͡M͜͡G͜͡A꧂

Kanal geosi va tili: O‘zbekiston, O‘zbekcha

Toifa: San’at

✍️Ota-Onalar haqidagi go'zal she'rlar va audio ijrolar muallifi Zohid Ziyoning rasmiy kanali...
📝She'rlarimizning mualliflik huquqi himoyalangan ruxsatsiz foydalanmang !!!
@ZohidZiyo (aloqa uchun)
@ONAMGAA

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

San’at

Statistika

Postlar filtri

O‘chirilganlarni yashirish

Repostlarni yashirish

꧁O͜͡N͜͡A͜͡M͜͡G͜͡A꧂

9 May, 03:30

🔥ОНАМ...

Кўнглим кўчасида бўлиб тантана,
Дилим яйраб кетар болам десангиз...
Шакарсиз чойим ҳам шириндир Она,
Агарда уни сиз дамлаб берсангиз...

Тонглар уйғотасиз юзимдан силаб,
-Турақол ишинга кеч қолма болам...
Дуолар қиласиз менга бахт тилаб,
Ўзингизга ҳеч не сўрамай Онам...

Эртадан кечгача кўзингиз гирён,
Кутасиз эшикдан узолмай кўзни...
Мени шу мехрингиз қилади ҳайрон,
Нега ўйламайсиз бир бора ўзни...

Кафтдек ҳовлимизни гулларга ўраб,
Уйимиз кўркига қўшасиз чирой...
Мен кулиб қўяман гулларга қараб
Росдан яшнар экан Онам турган жой...

Буларнинг ҳаммаси яхшидир бироқ,
Бир хис осмонимни айлайди қаро...
Юрагим ичида пайдо бўлди доғ,
Оқлар кўпайибди сочингиз аро...

Менку улғайибман сиз бундан шодсиз,
Сиз қариб, улғайиш менга не керак...
Онажон бунчалар мўътабар зотсиз,
Бунчалар мехрли сиздаги юрак...

Келинг муштипарим бағримга босай,
Илиқ мехрингизни соғиндим яна...
Буюринг ўғлингиз ҳаммасига шай,
Нималар хоҳлайди кўнглингиз Она...

Кўнглим кўчасида бўлиб тантана,
Дилим яйраб кетар болам десангиз...
Шакарсиз чойим ҳам шириндир Она,
Агарда уни сиз дамлаб берсангиз...

📝Муаллиф: Зоҳид Зиё...

➪ @ONAMGAA
🍂Ота онасига мехрибонлар канали

Яқинларингизга улашинг, обуна бўлишни унутманг!!!

937 1 47 11 22

꧁O͜͡N͜͡A͜͡M͜͡G͜͡A꧂

8 May, 19:17

#ПРЕМЬЕРА

🔥Соғинмадингми...?

Ёшлар тўкиб ёмғирлар ости,
Йўқлигимдан оғринмадингми...
Сен яхшини соғиндим рости,
Мен ёмонни соғинмадингми...?

Қалбинг қолиб оҳлар ичида,
Озорланиб андуҳ кучида,
Ҳеч бўлмаса кўнгил учида,
Мен ёмонни соғинмадингми...?

Шу бўлдими севгим оҳири,
Зуҳросига муштоқ Тоҳири,
Эй, ёлғонлар уста моҳири,
Мен ёмонни соғинмадингми...?

Манзилини йўқотган нолам,
Баъзан тошар кўзимдан жолам,
Қара сенсиз зулматда олам,
Мен ёмонни соғинмадингми...?

Ўкинчлардан увишар тана,
Армон яқин, кўринди ана,
Келсанг эди жоним деб яна,
Мен ёмонни соғинмадингми...?

Бундай дарднинг давоси висол,
Керак бўлса бор будимни ол,
Фақат келгин келгин келақол,
Мен ёмонни соғинмадингми...?

Ёшлар тўкиб ёмғирлар ости,
Йўқлигимдан оғринмадингми...
Сен яхшини соғиндим рости,
Мен ёмонни соғинмадингми...?

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

995 2 43 7 23

꧁O͜͡N͜͡A͜͡M͜͡G͜͡A꧂

8 May, 07:09

🔥Онам билан...

Турли туман гап-сўзларни тинглар қулоқ,
Давраларга чорлайдилар яқин - йироқ,
Сўзлашаман ҳамма билан дўстлар бироқ,
Суҳбатларнинг энг яхшиси Онам билан....

Дуосидан қўлим ойни тутиб турар,
Эшигимда бахтлар навбат кутиб турар,
Ютқазмайди кўнглим доим ютиб турар,
Омадларнинг энг яхшиси Онам билан...

Болам деса юраккинам дарддан ҳоли,
Буколмайди қаддимни ҳеч ғам шамоли,
Бошим баланд мағрурликда тоғ мисоли,
Савлатларнинг энг яхшиси Онам билан...

Топганимга минг барака берар худо,
Беҳудага қайғурмайман чекиб нидо,
Борликлари бойлигимга жоним фидо,
Давлатларнинг энг яхшиси Онам билан...

Тиззасига бошим қўйсам яйрар таним,
У бор мени енголмайди ҳеч бир ғаним,
Оҳ ёнимда туришлари бахтим маним,
Рағбатларнинг энг яхшиси Онам билан...

Турли туман гап-сўзларни тинглар қулоқ,
Давраларга чорлайдилар яқин - йироқ,
Сўзлашаман ҳамма билан дўстлар бироқ,
Суҳбатларнинг энг яхшиси Онам билан....

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

1.4k 1 73 7 31

꧁O͜͡N͜͡A͜͡M͜͡G͜͡A꧂

5 May, 18:22

#ПРЕМЬЕРА

🔥Сенга ишонаман деб қўйинг Дада...

Мендан ҳаловатлар юз бурган маҳал,
Аламлар кўксимга ин қурган маҳал,
Ҳаёт тасодифан мушт урган маҳал,
Сенга ишонаман деб қўйинг Дада...

Гоҳида бир ишга бормаса қўлим,
Ҳавотир чулғаса ўнгиму сўлим,
Қўрқувлар тўпланиб тўсганда йўлим,
Сенга ишонаман деб қўйинг Дада...

Бир гиёҳ унмаса кўнгил боғимда,
Ўзимни қовурсам ўкинч ёғимда,
Омадни тополмай сарсон чоғимда,
Сенга ишонаман деб қўйинг Дада...

Қўлимдан келади осмонни қучиш,
Қушлардан тепароқ баландроқ учиш,
Фақат юрагимда бор бироз чўчиш,
Сенга ишонаман деб қўйинг Дада...

Айтган ҳар сўзингиз ҳикмат мен учун,
Ҳар ҳарфи дунёдан қиммат мен учун,
Ҳам шараф ҳам шону ҳиммат мен учун,
Сенга ишонаман деб қўйинг Дада...

Мендан ҳаловатлар юз бурган маҳал,
Аламлар кўксимга ин қурган маҳал,
Ҳаёт тасодифан мушт урган маҳал,
Сенга ишонаман деб қўйинг Дада...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

2.3k 0 69 14 35

꧁O͜͡N͜͡A͜͡M͜͡G͜͡A꧂

30 Apr, 08:41

00:42

Video oldindan ko‘rish uchun mavjud emas

Telegram'da ko‘rish

🔥 UKAMGA...

🎙️ Shoyad Shuxratovich
📝 Zohid Ziyo she'ri

➪ @ONAMGAA
🍃Ota onasiga mexribonlar kanali

Yaqinlaringizga ulashing, obuna boʻlishni unutmang!!!

2.7k 0 61 13 28

꧁O͜͡N͜͡A͜͡M͜͡G͜͡A꧂

27 Apr, 01:45

🔥Мехрингиз ўзгармай турибди Она...

Денгизлар ўзгарди тоғлар ўзгарди,
Гоҳ гуллаб гоҳ қуриб боғлар ўзгарди,
Ойнинг юзидаги доғлар ўзгарди,
Мехрингиз ўзгармай турибди Она...

Ҳамон бағрингизда ҳаловат хисси,
Ёнингиздан кетмас райҳонлар иси,
Қалбингизда йўқдир ёмонлик туси,
Мехрингиз ўзгармай турибди Она...

Бошимни силаган қўллар ўшадир,
Бахтимни тилаган қўллар ўшадир,
Сиз мени кутгувчи йўллар ўшадир,
Мехрингиз ўзгармай турибди Она...

Доим хавотирим қалбингиз ёқиб,
Баъзан кўзларимга қўясиз боқиб,
Кетди қанча йиллар сувдайин оқиб,
Мехрингиз ўзгармай турибди Она...

Баъзан ёр алдади баъзан дўст сотди,
Ғанимлар қилмиши юракга ботди,
Не-не юмшоқ бўлган кўнгиллар қотди,
Мехрингиз ўзгармай турибди Она...

Бергану бермаган ураверар дўқ,
Кўплар отишади маломатли ўқ,
Дунёда биргина сизда миннат йўқ,
Мехрингиз ўзгармай турибди Она...

Денгизлар ўзгарди тоғлар ўзгарди,
Гоҳ гуллаб гоҳ қуриб боғлар ўзгарди,
Ойнинг юзидаги доғлар ўзгарди,
Мехрингиз ўзгармай турибди Она...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

3.2k 0 97 9 25

꧁O͜͡N͜͡A͜͡M͜͡G͜͡A꧂

26 Apr, 16:27

🔥Ёлғончингман Она...

Ҳолимни сўрадинг ўздан ортиниб,
Яхшиман дедиму, жилмайдим яна...
Дардларим айтмоққа бироз тортиниб,
Мен сени жуда кўп алдадим Она...

Ёмонлар дастидан оғийверди жон,
Базан ситамлардан бўлдим паришон,
Дардларим беркитиб, кўриниб шодон,
Мен сени жуда кўп алдадим Она...

Айтсам озорларинг ортмасин дея,
Қўлингдан аламлар тортмасин дея,
Кўнглинга ташвишим ботмасин дея,
Мен сени жуда кўп алдадим Она...

Ҳар куни меҳмонман ғамлар юртига,
Жимгина кўникдим ҳаёт шартига,
Жоламни яшириб киприк ортига,
Мен сени жуда кўп алдадим Она...

Ёнингда тинмайин кулдим шарақлаб,
Чорласанг нурсизмас бордим чарақлаб,
Ичимда зулмату сиртдан ярақлаб,
Мен сени жуда кўп алдадим Она...

Ёлғонлар бобида устозим ўзинг,
Яхшиман дейишдан ортмаган сўзинг,
Дилингда изтироб, кулганди кўзинг,
Мен сени жуда кўп алдадим Она...

Оҳ менинг тинчимни кўзлаганингдек
Кечалар билдирмай бўзлаганингдек,
Ҳаммаси яхши деб сўзлаганингдек,
Мен сени жуда кўп алдадим Она...

Ҳаммаси яхши деб сўзлаганингдек,
Мен сени жуда кўп алдадим Она...

📝Муаллиф: Зоҳид Зиё...

➪ @ONAMGAA
🍂Ота онасига мехрибонлар канали

Яқинларингизга улашинг, обуна бўлишни унутманг!!!

2.2k 0 48 11 21

꧁O͜͡N͜͡A͜͡M͜͡G͜͡A꧂

24 Apr, 19:06

🔥Кел...

Кўнгил нотинч, билолмаяпман,
Ўз дардимни айтмас ўз тилим...
Мен ўзимни асролмаяпман,
Келиб асра мени севгилим...

Фақат, фақат саволга тутма,
Холим кўриб озорлар ютма,
Боролмайман боришим кутма,
Келиб асра мени севгилим...

Ҳаловатни йўқотдим чоғи,
Юрагимда андуҳлар доғи,
Гуллармикин ишқимнинг боғи,
Келиб асра мени севгилим...

Аламларим кўплигига боқ,
Қўлимдамас кўксимда қадоқ,
Нигоҳларим йўлинга муштоқ,
Келиб асра мени севгилим...

Яшаяпман яна билмасам,
Наҳот энди сира кулмасам,
Сен чорлаган жойга юрмасам,
Келиб асра мени севгилим...

Эртагани кутолмайман хўп,
Ҳар сониям қалбга ботар чўп,
Сенга айтар хасратларим кўп,
Келиб асра мени севгилим...

Ҳамон қадрим излаб ҳалакман,
Гоҳи ерман гоҳо фалакман,
Сендан бошқа кимга керакман,
Келиб асра мени севгилим...

Сендан бошқа кимга керакман,
Келиб асра мени севгилим...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

2.3k 0 56 12 19

꧁O͜͡N͜͡A͜͡M͜͡G͜͡A꧂

22 Apr, 17:01

#ПРЕМЬЕРА

🔥Отасини йўқотганларнинг...

Қалқиб турар кўзидан ёши,
Соғинчлардан чиқмайди боши,
Кўнгли тўла аламлар тоши,
Отасини йўқотганларнинг...

Ҳаёти бут тўкис бўлса ҳам,
Туюлади нимасидир кам,
Қалби аро кетмайдиган ғам,
Отасини йўқотганларнинг...

Суянгани елка топмай гоҳ,
Кечалари тортиб чиқар оҳ,
Юзи бунча мунгли-а эй воҳ,
Отасини йўқотганларнинг...

Баъзан ёлғиз қолишиб атай,
Туришади дод дейишга шай,
Дардларини қандай таърифлай,
Отасини йўқотганларнинг...

Овунади Онасин қучиб,
Уйғонади тушлардан чўчиб,
Қолар ҳикмат чироғи ўчиб,
Отасини йўқотганларнинг...

Ҳеч кимда йўқ Ота қиёси,
Тунлари кўп камдир зиёси,
Остин-устун бутун дунёси,
Отасини йўқотганларнинг...

Жудоликнинг энг оғири шу
Чап кўксини босар бир қайғу,
Ярим кўнгли тўлмайди мангу,
Отасини йўқотганларнинг...

Дардларини таърифлаб бўлмас...
Отасини йўқотганларнинг...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

3.1k 0 86 16 37

꧁O͜͡N͜͡A͜͡M͜͡G͜͡A꧂

17 Apr, 17:17

🔥Дуогўйим Онам борлиги учун...

Андуҳлар бош эгиб турар пойимда,
Тошиқиб омадлар оқар сойимда,
Бахтлар кутиб турар борган жойимда,
Дуогўйим Онам борлиги учун...

Бошимга келмайди ғамнинг тошлари,
Юзларим ювмайди алам ёшлари,
Беҳуда кетмайди сабрим дошлари,
Дуогўйим Онам борлиги учун...

Қай ишга қўл урсам кетар юришиб,
Одамлар мақтарлар четда туришиб,
Юрмайман дард билан асло уришиб,
Дуогўйим Онам борлиги учун...

Ҳаётга айтаман қўрқмай сўзимни,
Қувончлар эгаллаб олган кўзимни,
Энг бахтли санайман дўстлар ўзимни,
Дуогўйим Онам борлиги учун...

Ўзга мехрларга кўнглим эмас зор,
Ҳеч қачон келмаган дунёлари тор,
Ҳаловатлар билан ошнолигим бор,
Дуогўйим Онам борлиги учун...

Уйимдан келади жаннат ифори,
Қалбим совутолмас қишларнинг қори,
Юракнинг ҳеч кимга тушмайди зори,
Дуогўйим Онам борлиги учун...

Бу нодон нафсимдан юзим буриб ман,
Бугун хизматига тайёр турибман,
Аллоҳга шукурлар айтиб юрибман,
Дуогўйим Онам борлиги учун...

Андуҳлар бош эгиб турар пойимда,
Тошиқиб омадлар оқар сойимда,
Бахтлар кутиб турар борган жойимда,
Дуогўйим Онам борлиги учун...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

4k 0 119 21 47

꧁O͜͡N͜͡A͜͡M͜͡G͜͡A꧂

16 Apr, 17:21

#ПРЕМЬЕРА

🔥Ёмғирлардан...

Бир осмон остида яшаймиз аммо,
Ёнинга боролмай чарчадим хордим...
Бугун томчиларга ишқим айлаб жо,
Сенга ёмғирлардан салом юбордим...

Булутга дардимни қилгандим баён,
Сўради борайлик қаерга қаён,
Осмонинг булутми ҳаммаси аён,
Сенга ёмғирлардан салом юбордим...

Ошиқнинг висолга шошмоғи тайин,
Соғиниб кетяпман сония сайин,
Юрагинг чалмасин ўкинчнинг найин,
Сенга ёмғирлардан салом юбордим...

Нега келмадинг деб қилмагин гина,
Ҳижрондан чарчади тоқатим сина,
Томчига юзингни тутгин жимгина,
Сенга ёмғирлардан салом юбордим...

Бу йўллар сабримни тамом қилди бил,
На алам на хасрат айтолмайди тил,
Ўзим боргунимча жоним қабул қил,
Сенга ёмғирлардан салом юбордим...

Бир осмон остида яшаймиз аммо,
Ёнинга боролмай чарчадим хордим...
Бугун томчиларга ишқим айлаб жо,
Сенга ёмғирлардан салом юбордим...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

3k 0 63 12 37

꧁O͜͡N͜͡A͜͡M͜͡G͜͡A꧂

15 Apr, 16:34

#ПРЕМЬЕРА

🔥Дадамга ўхшайман дадамга...

Эголмас бошимни синовлар,
Шерикмас юрагим аламга...
Мен учун ўрнакмас бировлар,
Дадамга ўхшайман дадамга...

Омадни қидирсам ёнда бор,
Шижоат дадиллик жонда бор,
Қонда бор биродар қонда бор,
Дадамга ўхшайман дадамга...

Осмонга илганман шаънимни,
Буколмас душманлар танимни,
Нигоҳим титратар ғанимни,
Дадамга ўхшайман дадамга...

Менда бир яхшилик кўрсангиз,
Ким экан бу дея сўрсангиз,
Айтайми? Билмоқчи бўлсангиз,
Дадамга ўхшайман дадамга...

Ҳикмати дилимга мисли шам,
У борки енголмас мени ғам,
Замоннинг энг зўри бўлсам ҳам,
Дадамга ўхшайман дадамга...

Эголмас бошимни синовлар,
Шерикмас юрагим аламга...
Мен учун ўрнакмас бировлар,
Дадамга ўхшайман дадамга...

📝Муаллиф: Зоҳид Зиё...

(Qo'shiq uchun berildi)

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

3.1k 0 94 31 29

꧁O͜͡N͜͡A͜͡M͜͡G͜͡A꧂

12 Apr, 16:12

🔥Сени қайта яхши кўриб қолсаммикан...

Юрагимга яна ишқни солсаммикан,
Дил ёнига яна бир дил олсаммикан,
Яна бир бор ошиқ бўлгим келмоқда-эй,
Сени қайта яхши кўриб қолсаммикан...

Бошқасига қалбим сира кўнмайдида,
Чин муҳаббат мангу олов сўнмайдида,
Кўнгил қушим ўзгасига қўнмайдида,
Сени қайта яхши кўриб қолсаммикан...

Ёнимдасан ҳижроним йўқ армоним ёқ,
Дардларимга сендан бўлак дармоним ёқ,
Бошқасини севмоқликка фармоним йўқ,
Сени қайта яхши кўриб қолсаммикан...

Йўғимга ҳам кўнаябсан боримга ҳам,
Малҳаминг бор ҳатто кўнгил зоримга ҳам,
Парво қилмай сочимдаги қоримга ҳам,
Сени қайта яхши кўриб қолсаммикан...

Яна ошиқ бўлмоқликка бордир чора,
Иккитасини севсанг бўлар юрак пора,
Севиш мумкин бир инсонни икки бора,
Сени қайта яхши кўриб қолсаммикан...

Юрагимга яна ишқни солсаммикан,
Дил ёнига яна бир дил олсаммикан,
Яна бир бор ошиқ бўлгим келмоқда-эй,
Сени қайта яхши кўриб қолсаммикан...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

3.6k 0 79 21 35

꧁O͜͡N͜͡A͜͡M͜͡G͜͡A꧂

6 Apr, 16:07

#ПРЕМЬЕРА

🔥Қачон сизга ширин гапирдим Она...

Энг яхши сўзларим оламга сочиб,
Минбарлар бошида ҳайқирдим Она...
Ёнингизга шошиб нафсимдан қочиб,
Қачон сизга ширин гапирдим Она...

Товланса, ошиқиб чиркин дунёга,
Мехрингиз алишдим ишрат яллога,
Топиб бўлмайдику сизни тиллога,
Қачон сизга ширин гапирдим Она...

Кўпларнинг кўнглига йўллар изладим,
Қўллаб юборгувчи қўллар изладим,
Мансаб деб денгизда чўллар изладим,
Қачон сизга ширин гапирдим Она...

Эргашиб кетибман чорласа гардун,
Ҳасратим йўллари узундан-узун,
Боғзимга тиқилиб турибди бир ун,
Қачон сизга ширин гапирдим Она...

Гоҳида жеркидим бақирдим гоҳи,
Самони тутгандир кўнглингиз оҳи,
Ердаги фариштам қалбимнинг моҳи,
Қачон сизга ширин гапирдим Она...

Барини англадим тушуниб етдим,
Бўйсунмас нафсимни кишанбанд этдим,
Бугун мен ўзимдан уялиб кетдим,
Қачон сизга ширин гапирдим Она...

Бугун мен ўзимдан уялиб кетдим,
Қачон сизга ширин гапирдим Она...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

4.8k 0 85 17 35

꧁O͜͡N͜͡A͜͡M͜͡G͜͡A꧂

26 Mar, 16:26

🔥Она сизни...

Ёзаверсам мехрингизни қалам қилиб,
Ўтса умрим кетмайди ҳеч алам қилиб,
Шеърларимни пойингизга гилам қилиб,
Она сизни асраш учун яралганман...

Парвонадек қошингизда гирён таним,
Мен борманки енголмайди дардлар ғаним,
Пойи жаннат беминнатим Онам маним,
Кўнглингизга қараш учун яралганман...

Боламанми ё қирқдан ўтсин ёшим,
Хизматдаман қаршингизда эгиб бошим,
Бир ўзингиз бу ҳаётда кўнгилдошим,
Корингизга яраш учун яралганман...

Номингизни такрорлайман забонимда,
Йироқдами, турсангиз ҳам гоҳ ёнимда,
Қайда бўлмай симлар қоқиб ҳар онимда,
Ҳолингизни сўраш учун яралганман...

Юрагингиз ғамларини териб бир-бир,
Андуҳингиз бир умрга айлаб асир,
Мен дунёга нега келдим Она ахир,
Сизни бахтга ўраш учун яралганман...

Мен дунёга нега келдим Она ахир,
Сизни бахтга ўраш учун яралганман...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

6.4k 0 111 23 48

꧁O͜͡N͜͡A͜͡M͜͡G͜͡A꧂

24 Mar, 15:40

🔥Бизни соғинганлар...

Бизни соғинганлар, шундай соғинсин,
Ҳаёл эшикларин чертаверайлик...
Бизни соғинганлар, шундай соғинсин,
Қалбларин ҳижронга элтаверайлик...

Бизни соғинганлар, шундай соғинсин,
Висол кўчаларин изласин ҳар кун,
Бизни соғинганлар, шундай соғинсин,
Дардини самога сўзласин ҳар кун...

Бизни соғинганлар, шундай соғинсин,
Ёнсин аламларда, ўзин унутиб...
Бизни соғинганлар, шундай соғинсин,
Яшасин бир умр бизларни кутиб...

Бизни соғинганлар, шундай соғинсин,
Қолсин армонларнинг қийноқларида...
Бизни соғинганлар, шундай соғинсин,
Куйсин ишқ ўтининг фироқларида...

Бизни соғинганлар, шундай соғинсин,
Биргина сўзимиз муштоқи бўлиб,
Бизни соғинганлар, шундай соғинсин,
Кўнглида қолайлик қийноқи бўлиб...

Бизни соғинганлар, шундай соғинсин,
Ҳар кеча дилига бўлайлик меҳмон...
Бизни соғинганлар, шундай соғинсин,
Дейишсин бу соғинч бунчалар ёмон...

Бизни соғинганлар, шундай соғинсин,
Йетади дўстларим соғинганимиз...
Бизни соғинганлар, шундай соғинсин,
Фойдаси йўқ экан оғринганимиз..

Бизни соғинганлар, шундай соғинсин...

📝 Муаллиф: Зоҳид Зиё....

➪ @ONAMGAA
🍂Ота онасига мехрибонлар канали

Яқинларингизга улашинг, обуна бўлишни унутманг!!!

5.3k 1 99 19 34

꧁O͜͡N͜͡A͜͡M͜͡G͜͡A꧂

23 Mar, 10:28

꧁O͜͡N͜͡A͜͡M͜͡G͜͡A꧂ dan repost

🔥Она қучоқласам майлими сизни...

Турли ташвишлардан чалғиб, ортиниб,
Кўнглингиз тўқласам, майлими сизни,
Ёнизда турибман бироз тортиниб,
Она қучоқласам майлими сизни...

Ўзимни ўйлабман қадрингиз билмай,
Нимадан ғамгинсиз, дардингиз билмай,
Бугун қаршингизда жимгина турмай,
Она қучоқласам майлими сизни...

Дилингиз оғритиб, қилмадим парво,
Сизга соғинчларни кўрибман раво,
Ўксик қалбингизга бўларми даво,
Она қучоқласам майлими сизни...

Кутдингиз бормадим сизни куйдириб,
Юрибман қизларни суйиб суйдириб,
Бу телба танамга бахтни туйдириб,
Она қучоқласам майлими сизни...

Боқаман жуда ҳам мунгли кўзингиз,
Билдим бахт экансиз фақат ўзингиз,
Хатоларин билди, шоир ўғлингиз,
Она қучоқласам майлими сизни...

Кел болам дейсиза, кўзингизда ёш,
Мен ҳам йиғлаб олай, йетмади бардош,
Эриб кетармикан дилимдаги тош,
Она қучоқласам майлими сизни...

📝Муаллиф: Зоҳид Зиё...

➪ @ONAMGAA
🍂Ота онасига мехрибонлар канали

Яқинларингизга улашинг, обуна бўлишни унутманг!!!

3.6k 0 98 8 31

꧁O͜͡N͜͡A͜͡M͜͡G͜͡A꧂

19 Mar, 02:01

🔥Сиздан баҳорларнинг қарзи бор Она...

Сиз юрган йўлларда гуллар ифори,
Сиз бормаган жойнинг арзи бор Она...
Ҳуснингиздан ҳусн олган баҳори,
Сиздан баҳорларнинг қарзи бор Она...

Жамийки гўзаллик юзингизда жам,
Қуёшнинг нурлари нурингиздан кам,
Сизку бу ҳақида ўйламайсиз ҳам,
Сиздан баҳорларнинг қарзи бор Она...

Ўзин мақтайверар уялмай сира,
Гўзалман деб қўяр кўксига ура,
Кимдан олганини унутгандира,
Сиздан баҳорларнинг қарзи бор Она...

Кунлар шамол каби тинмай елади,
Йиллар сочингизни оққа белади,
Қарзингни бер дея айтгим келади,
Сиздан баҳорларнинг қарзи бор Она...

Бўлмасангиз ўша баҳор не керак,
Шодликлар улашган анҳор не керак,
Тонг, сизни кўрмасам наҳор не керак,
Сиздан баҳорларнинг қарзи бор Она...

Сиз юрган йўлларда гуллар ифори,
Сиз бормаган жойнинг арзи бор Она...
Ҳуснингиздан ҳусн олган баҳори,
Сиздан баҳорларнинг қарзи бор Она...

📝Муаллиф: Зоҳид Зиё...

➪ @ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!

5.8k 0 105 27 29

꧁O͜͡N͜͡A͜͡M͜͡G͜͡A꧂

18 Mar, 20:27

02:12

Video oldindan ko‘rish uchun mavjud emas

Telegram'da ko‘rish

🍃ONA...

✍🏻 Zohid Ziyo

🎙Tohir

@ONAMGAA

4.2k 0 45 5 14

꧁O͜͡N͜͡A͜͡M͜͡G͜͡A꧂

18 Mar, 05:55

Zoxid Ziyo ijodi — Baxtning Sevari

🔥Onam...

🎙Baxtning Sevari
✍Zoxid Ziyo

@ONAMGAA

3.7k 0 19 5 11

20 ta oxirgi post ko‘rsatilgan.

4 398

obunachilar

Kanal statistikasi

Kanalda mashhur

🔥Дуогўйим Онам борлиги учун... Андуҳлар бош эгиб турар пойимда, Тошиқиб омадлар оқар сойимда, Ба...

🔥Сени қайта яхши кўриб қолсаммикан... Юрагимга яна ишқни солсаммикан, Дил ёнига яна бир дил олса...

🔥Мехрингиз ўзгармай турибди Она... Денгизлар ўзгарди тоғлар ўзгарди, Гоҳ гуллаб гоҳ қуриб боғлар...

#ПРЕМЬЕРА 🔥Дадамга ўхшайман дадамга... Эголмас бошимни синовлар, Шерикмас юрагим аламга... Мен ...

#ПРЕМЬЕРА 🔥Отасини йўқотганларнинг... Қалқиб турар кўзидан ёши, Соғинчлардан чиқмайди боши, Кўн...