Namangan davlat pedagogika instituti Aniq va tabiiy fanlar fakulteti

#tahlil
#XULOSA_OZINGIZDAN...

O‘quvchini jazolashning dunyo tajribasi

AQSH

Eng daxshatli jazo — bu darslarga borishni taqiqlash. Amerikada maktab o‘quvchisi uchun bu fojea. Chunki yomon baho olganlar keyingi yilga qoldirib yuboriladi. Baholar esa kompyuter dasturi yordamida qo‘yiladi. Jiddiy maktab qoidabuzarliklari bilan politsiya va sud tizimi shug‘ullanadi.

Yaponiya

Yaponlar bolani kichik yoshidan mehnatga o‘rgatadi. Sinfxonalar va maktab hovlisiga qo‘shib hojatxonani ham o‘zlari tozalaydi. Maktablarda intizomga qat’iy rioya qilinadi. Kech qolish, bo‘yanish yoki formasiz darsga kirish jismoniy mehnat yoki darra bilan jazolanadi.

Germaniya

O‘quvchi darsdan  qochsa, voyaga yetmaganlar xizmati aralashadi. Agar ta’lim intizomi buzilgan bo‘lsa, maktab ma’muriyati politsiyaga xabar beradi. Oyiga 3 kundan ortiq sababsiz dars qoldirganlarga 1000-2500 yevro jarima solinadi.

Janubiy Koreya

O‘qituvchi itoatsiz o‘quvchilarni jismoniy jazolash huquqiga ega. Masalan, kaftlarga kaltak bilan urishi mumkin. Buning uchun ota-onalar hech qanday e’tiroz bildira olmaydi.

Buyuk Britaniya

Dars paytida o‘quvchilarni maktab hududidan chiqarish taqiqlanadi. Faqat ota-onalar yoki sinf rahbarining yozma iltimosi bilan ruxsat etiladi. Shu bilan birga, ota-onalar o‘z farzandini maktabdan olib ketgani uchun jarimaga tortilishi mumkin. Agar jarima 28 kunda to‘lanmasa, jinoiy javobgarlikka tortiladi.

Fransiya

Agar o‘quvchi oyda to‘rt martadan ko‘p dars qoldirsa 150 dollargacha jarima solinishi mumkin. Agar o‘qishni qoldirish bolaning ta’limiga ta’sir qilayotgan bo‘lsa, ota-onalar 2 yillik qamoq jazosi va 33 ming dollardan ortiq miqdorda jarimaga tortiladi.

O‘ZBЕKISTON

Bizda o‘quvchini jazolagan o‘qituvchini jazolashadi...

https://t.me/TvTalimKasaba

♻️ Kanalga ulanish👇
🌐 https://t.me/namspii

Namangan davlat pedagogika institutida rektori B.Xusanov tomonidan talaba-yoshlar uchun "Maʼrifat darsi" oʻtildi.

♻️ Kanalga ulanish👇
🌐 https://t.me/namspii

🟦🟦🟦
#agrotexnologiya
NamDPI dotsentining suvtejamkor texnologiyasi amalda

🔺Namangan davlat pedagogika instituti Tabiiy fanlar kafedrasi dotsenti (v.b.) M.Qoriyev tomonidan ishlab chiqilgan suvtejamkor agrotexnologiya hayotga tadbiq etilmoqda.

Bugun Namangan viloyat ekologiya, atrof-muhitni muhofaza qilish va iqlim o‘zgarishi boshqarmasi tomonidan "yashil makon" umummilliy loyihasi doirasida Namangan viloyat Pop tumaniga 500 tup sada qayrag‘och ko‘chatlari M.Qoriyevning kichik xandaqlar va mulchalash agrotexnologiyalarini birgalikda qo‘llash asosida ishlab chiqilgan suvtejamkor agrotexnologiya asosida ekildi.

Mazkur agrotexnologiyaning afzalligi shundaki, qish va bahor oylaridagi yog‘ingarchilik taʼsirida tuproqda to‘plangan namlikni uzoq vaqt saqlab turish imkonini beradi. Natijada ko‘chatlarni sug‘orish uchun sarflanadigan suvning bir qismini tejab qolishga yordam beradi. Shu bois sug‘orish taʼminoti murakkab bo‘lgan hududlarga mevali va manzarali daraxtlardan bog‘ tashkil etishda ushbu agrotexnologiyaning ahamiyati kattadir.

♻️ Kanalga ulanish👇
🌐 https://t.me/namspii

🎉🎉🎉🎉🎉
Bugun Namangan davlat pеdagogika instituti Art pedagogika kafеdrasi katta o'qituvchisi, Pеdagogika fanlari bo'yicha falsafa doktori Tajiboyev Elmurod Mahmudjonovichning tavallud ayyomi.

💐Bugungi kun munosabati bilan Elmurod Mahmudjonovichni
butun institut jamoasi muborakbod etadi. Hamda kasbiy va shaxsiy hayotida zafarlar tilaydi.

♻️ Kanalga ulanish👇
🌐 https://t.me/namspii

Namangan davlat pedagogika instituti rektori
Bahodir Xusanovning Xalqaro xotin-qizlar kuni munosabati bilan BAYRAM TABRIGI

Assalomu alaykum, aziz ayollar, qadrli opa-singillar, bilimli talaba-qizlarim!

Ayol azaldan mehr-shafqat va sadoqat timsoli boʻlib kelgan. Inson, oila, ayol tushunchalarini bir-biridan ajralgan holda tasavvur etib boʻlmaydi. Oilani ham, jamiyatni ham birlashtirib, unga fayz-u barokot kiritadigan xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida moʻtabar onalarimiz, munis opa-singillarimizdir. Ulugʻ donishmandlar Vatanga eng munosib taʼrif izlaganda, uni Ona siymosiga qiyos etganlari ham bejiz emas, albatta.

Oila va jamiyat ustuni, hayotimiz fayzi va ko‘rki bo‘lgan ayollarni eʼzozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan.

Yurtimizda bahor nafasi va bayram shukuhi kezib yurgan ayni kunlarda ezgulik va go‘zallik bayrami 8-mart – "Xalqaro xotin-qizlar kuni” bilan barcha ayollarimiz, muhtarama onalarimiz, munis opa-singillarimiz va dilbar qizlarimizni samimiy tabriklab, eng ezgu tilaklarimni izhor etaman.

Bugungi kunda mamlakatimizda xotin-qizlarga munosib eʼtibor qaratilib, ularning davlat va jamiyat hayoti, ilm-fan, taʼlim-tarbiya, tadbirkorlik, ayniqsa, pedagogik faoliyatida yuqori natijalarga erishayotgani barchamiz uchun quvonarli holdir.

Muhtaram Prezidentimizning “Maʼlumki, har qanday jamiyat va davlatning qay darajada xalqparvar hamda adolatli ekani uning xotin-qizlarga bo‘lgan munosabati va g‘amxo‘rligi bilan belgilanadi” degan chuqur maʼnoli so‘zlari ayollarimizga eʼtibor va g‘amxo‘rlik ko‘rsatishni insoniy burchimiz ekanligini eslatib turadi.

Bugun Namangan davlat pedagogika institutida jami professor-oʼqituvchilar va xodimlarning 42,4 foizini ayollar tashkil qiladi. Ularning har birining institutda oʻz oʻrni va aytar soʻzi bor. Ilmiy-tadqiqot sohasida ham izlanishlar olib borib, oliygoh nufuzini oshirishga oʻz hissalarini qoʻshib kelmoqdalar.

Siz, aziz va moʻtabar opa-singillarimizni yana bir bor 8-mart — "Xalqaro xotin-qizlari kuni" bayrami bilan chin dildan qutlab, barchangizga sihat-salomatlik, xonadonlaringizga tinchlik-xotirjamlik, fayz-u baraka tilayman.

Bayramingiz muborak bo‘lsin, aziz ayollar!