Namangan yoshlari | Yoshlar ittifoqi

Namangan garnizonida "Navro‘z sayli" ko‘tarinki ruhda o‘tkazildi!
Bugun O‘zbekiston yoshlar ittifoqi Namangan viloyati kengashi hamkorligida Mudofaa vazirligiga qarashli 07648-harbiy qismda "Navro‘z sayli" tantanali tarzda nishonlandi. Tadbir doirasida harbiy xizmatchilar va yoshlar ishtirokida qator qiziqarli tanlov va musobaqalar tashkil etildi.

Dastlab, oshpazlik mahoratini sinovdan o‘tkazish maqsadida "Osh tayyorlash" musobaqasi hamda "Milliy va bahoriy taomlar" ko‘rik-tanlovi bo‘lib o‘tdi. Shuningdek, milliy sport o‘yinlari bo‘yicha ko‘ngilochar bellashuvlar o‘tkazilib, ishtirokchilarga yuqori kayfiyat ulashildi.

Tadbirning badiiy qismida esa harbiy qism orkestr jamoasi tomonidan kuy-qo‘shiqlar ijro etilib, bayramga yanada fayz va zavq bag‘ishlandi. Harbiy xizmatchilar va tadbir mehmonlari Navro‘zning ezgulik, ahillik va yangilanish timsoli sifatida o‘tgan ushbu bayramdan iliq taassurotlar bilan qaytishdi.

Bizning sahifalarimiz:
📱Telegram | 📱Instagram | 📱Facebook

Koordinatorlar_faoliyati
📚Namangan davlat pedagogika institutida talaba-yoshlarning boʻsh vaqtlarini mazmunli tashkil qilish hamda kitob oʻqish madaniyatini keng targʻib qilish maqsadida "Kitobxon talaba" tanlovi o'tkazildi.

💫 Tanlovni Namangan davlat pedagogika instituti Yoshlar masalalari va maʼnaviy-maʼrifiy ishlar boʻyicha birinchi prorektori Alisher Isoqboyev ochiq deb eʼlon qildi hamda barcha ishtirokchilarga omad tiladi.

📁Tanlovda 50 nafarga yaqin talabalar Ahadquli Xolmuhammad oʻgʻli qalamiga mansub boʻlgan "Savdogarlar ustozi yoxud haqiqiy omad kaliti 1" asari yuzasidan mushohada yuritib bilimlarini sinovdan o'tkazdilar.

🏆 Tanlovda eng yuqori natija qayd etgan 8 nafar talaba-yoshlar final bosqichiga yoʻllanmani qoʻlga kiritdilar.

Bizning sahifalarimiz:
📱Telegram | 📱Instagram | 📱Facebook

Viloyat hokimi NamDTU tomonidan tashkil etilgan bayram ko‘rgazmasi bilan tanishdi

Davlatobod tumanidagi “Afsonalar vodiysi” tematik parkida bo‘lib o‘tayotgan katta Navro‘z sayli doirasida Namangan viloyati hokimi Shavkatjon Abdurazzoqov Namangan davlat texnika universiteti tomonidan tashkil etilgan bayram ko‘rgazmasini ko‘zdan kechirdi.

Ko‘rgazmada talabalar va yosh olimlarning innovatsion ishlanmalari, milliy hunarmandchilik namunalari, bahoriy taomlar, shuningdek, universitet jamoasi tomonidan tayyorlangan turli badiiy va ilmiy loyihalar taqdim etildi.

Viloyat hokimi universitet jamoasining faol ishtirokini yuqori baholab, ta’lim, fan va innovatsiyaning ahamiyati haqida fikr bildirdi.

Bizning sahifalarimiz:
📱Telegram | 📱Instagram | 📱Facebook