O‘zbekiston Milliy universiteti talabalari! | Rasmiy xabarlar

❗️Nogironligi bor shaxslarga magistraturaga kirishda sertifikat talab qilinmaydi

Nogironligi boʻlgan shaxslarga magistraturaga kirishda imtiyoz mavjud. Biroq bu barcha toifadagi nogironligi boʻlgan shaxslar uchun emas.

Oʻzbekiston Respublikasi Prezidentining 20.10.2022-yildagi PQ-407-son qarori 4-bandiga koʻra, davlat oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga oʻqishga qabul qilishda koʻrish, eshitish va nutqida nuqsoni boʻlgan shaxslar tomonidan xorijiy tilni bilish boʻyicha milliy yoki unga tenglashtirilgan xalqaro sertifikatni taqdim etish talab etilmaydi.

Aynan shu qoidaga koʻra imtiyoz koʻrish, eshitish va nutqida nuqsoni boʻlgan shaxslarga taqdim etiladi.

@NUU_students

❗️Talabalar stipendiyasi nega kechikmoqda?

Shu mazmunda talabalardan bir qator murojaatlar kelib tushdi. Ushbu masala bo‘yicha Oliy ta’lim vazirligining tegishli mas’ullari bilan bog‘lanib, vaziyatga oydinlik kiritishga harakat qildim.

Sababi nimada?

Stipendiya kechikayotganining sababi, ayni kunlarda oliy ta’lim muassasalarining moliyaviy tizimini to‘liq raqamlashtirish ishlari yakuniy bosqichda ekan. Xabaringiz bor, raqamlashtirish jarayonlari bir necha yildan buyon davom etmoqda. Masalan, kontrakt to‘lovlari ilgari faqat bankka borib to‘lanardi, talabaning hisobini (yoki qarzini) onlayn ko‘rib ham bo‘lmasdi, marketing bo‘limi eshigida sarg‘ayish kerak edi. So‘nggi yillarda bu to‘liq raqamlashdi, hozir bitta JShShIR raqamini kiritib, kontraktni onlayn to‘lasa bo‘ladi.

Endi navbat stipendiyaga kelibdi. Va bu ham to‘liq raqamli tizimga o‘tyapti. Shu sababli texnik tomondan kechikayotgan ekan.

Asosiy maqsad, oliy ta’lim tizimida talon-toroj va pul "yeyish"larning oldini olish, deyishdi mas’ullar.

Qachon to‘lanadi?

Hozirda tizim deyarli tayyor bo‘libdi, hatto bugundan to‘lov boshlanibdi ham. Masalan, 3 ta OTMda — Guliston davlat pedagogika instituti, Namangan davlat chet tillari instituti va Namangan to‘qimachilik sanoati institutida to‘lov qilingani aytildi.

Mas’ullar uzog‘i 3 kun ichida boshqa OTMlarda ham bosqichma-bosqich to‘lovlar amalga oshirilishini aytishdi. Katta qismi ertaga o‘tar ekan.

@NUU_students

❗️O‘qishini qayta tiklamoqchi bo‘lganlar uchun ESLATMA!

Talabalar o‘qishini bahorgi semestrga qayta tiklash bo‘yicha ariza topshirish – 20-dekabrdan 20-yanvarga qadar davom etadi.

Arizalar 21-yanvardan 31-yanvargacha ko‘rib chiqiladi va tegishli qaror qabul qilinadi.

O‘qishga qayta tiklash to‘lov-kontrakt asosida amalga oshiriladi.

Quyidagilar o‘qishga davlat granti asosida qayta tiklanishi mumkin:

➖ boquvchisini yo’qotganlar, I va II guruh nogironligi bo‘lganlar;
➖ muddatli harbiy xizmatni o‘tagan (zaxiraga bo‘shaganidan 3 yilda) akademik ta’tildan belgilangan muddatda qaytganlar;
➖ davlat buyurtmasi bilan xorijga o‘qishga yuborilgan va belgilangan muddatda qaytganlar.

@NUU_students

❗️Talaba oliy taʼlim muassasasida telefondan foydalanishi mumkinmi?

🔹Oliy taʼlim muassasalarida tahsil olayotgan talabalarning uyali aloqa vositalaridan foydalanishining bir nechta shartlari mavjud:

↪️Taʼlim muassasasiga kirib kelishdan kelishda har bir taʼlim oluvchi, xodim, keluvchi va boshqa shaxslar telefonini “ovozsiz” rejimga o‘tkazishi shart.
↪️Taʼlim muassasasida o‘tkaziladigan o‘quv mashg‘ulotlari va tadbir boshlanishidan oldin taʼlim oluvchilar telefonini o‘chirib qo‘yishi; telefonini portfeli, sumkasi va shu kabilarga solib qo‘yishi shart.

📌Taʼlim oluvchilarga quyidagilar qatʼiyan taʼqiqlanadi:

➡️a) telefonni bo‘yniga osib olish, ko‘krak cho‘ntaklarida, shim, yubkalari cho‘ntaklarida saqlash;
➡️b) telefon akkumulyatorini zaryadlash uchun taʼlim muassasasi elektr tarmoqlariga ulash;
➡️d) telefoni yordamida: atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;
➡️e) o‘quv mashgʻulotlari vaqtida: telefon orqali so‘zlashish hamda SMS (MMS) va boshqa turdagi xabarlarni jo‘natish; telefonni stol ustiga qo‘yish; musiqa, shu jumladan naushniklar orqali tinglash.

Taʼlim muasasasida taʼlim oluvchilarga mashg‘ulotlar va tadbirlar oralig‘ida faqat asosli va kechiktirib bo‘lmaydigan zarur holatlarda ota-onasi, yaqin qarindoshlari bilan zudlik bilan bog‘lanish maqsadida telefonlardan foydalanishga ruxsat etiladi.

Favqulodda vaziyatlar vujudga kelganda taʼlim muassasalarida telefondan foydalanish cheklanmaydi.

@NUU_students

Test shaklida o‘tkaziladigan yakuniy nazorat imtihonida bitta fan uchun 50 ta savol va har bir savol uchun 1,5 daqiqa vaqt belgilanadi.

Har bir savol 2 foizni tashkil etadi, jami 50 ta savolga eng yuqori 100 foiz olish mumkin. 60 foizdan kam natijaga erishganlar qoniqarsiz baholanadi.

@NUU_students

❗️Yakuniy nazorat shakli test boʻladigan fanlardan testlar HEMIS platformasi orqali oʻtkaziladi.

Qatnashuvchilar HEMISdagi login va parollarini bilishlari kerak. Yakuniy nazoratlarda shaxsni tasdiqlovchi hujjat (ID karta yoki pasport) orqali ishtirok etish mumkin

@NUU_students

❗️Ertaga 13-yanvardan yakuniy nazoratlar boshlanadi.

Imtihonga boshlanish vaqtidan oldinroq keling. Oʻzingiz bilan shaxsingizni tasdiqlovchi hujjatni olib kelishni unutmang.

@NUU_students

❗️Oʻzbekiston Milliy universitetida yakuniy nazorat imtihonlari quyidagi tartibda o‘tkaziladi:

1. Talabalar yakuniy nazorat imtihonlariga shaxsni tasdiqlovchi hujjat (pasport, ID karta, talabalik guvohnomasi) ko‘rsatilgandan so‘ng kiritiladi;

2. Yakuniy nazorat imtihonlari vaqtida talabalarning auditoriyadan chiqishi ta’qiqlanadi va auditoriyadan chiqqan talabalar ushbu imtihonga qayta qo‘yilmaydi;

3. Imtihon jadvalida belgilangan imtihon vaqti rasman boshlangandan so‘ng kechikib kelgan talabalar imtihonda ishtirok etishga ruxsat etilmaydi;

4. Yakuniy nazorat imtihonlariga talabalar tomonidan turli xil vositalar, jumladan, uyali aloqa vositalari, mikro quloqchin, planshet, kompyuter hamda ko‘chirmachilikka sabab bo‘ladigan har qanday vositalarni olib kirilishi va foydalanilishi qat’iyan ta’qiqlanadi. Mazkur (shu jumladan universitetning ichki idoraviy hujjatlarida belgilangan boshqa tartiblarni buzish holatlari) holatlar aniqlanganda, talabaga nisbatan dalolatnoma rasmiylashtirish orqali imtihondan chetlashtiriladi. Ushbu holat imtihon jarayonlari yakunlangandan so‘ng aniqlangan (kuzatuv kamerlaridagi tasvirlar orqali aniqlanganda) taqdirda talabaning imtihon natijasi bekor qilinadi;

5. Yakuniy nazorat imtihoni savollarining 40-50 foizi bevosita auditoriyada o‘tilgan mavzular bo‘yicha, 50-60 foizi mustaqil ta’lim mavzularidan iborat bo‘ladi.

6. Test shaklida o‘tkaziladigan yakuniy nazorat imtihonida bitta fan uchun 50 ta savol va har bir savol uchun 1,5 daqiqa vaqt belgilanadi. Har bir savol 2 foizni tashkil etadi, jami 50 ta savolga eng yuqori 100 foiz olish mumkin. 60 foizdan kam natijaga erishganlar qoniqarsiz baholanadi.

7. Yozma shaklida o‘tkaziladigan yakuniy nazorat imtihonida fan uchun 80 daqiqa vaqt belgilanadi. Yozma ishni baholash har bir fan bo‘yicha tasdiqlangan o‘quv dasturida (sillabus) belgilangan baholash mezonlari asosida amalga oshiriladi.

8. Yozma shaklida o‘tkaziladigan yakuniy nazorat imtihonida berilgan savollarga talabalarning bergan javoblari shifrlanadi, keyin baholovchi professor-o‘qituvchilarga taqdim etiladi.

9. Talaba yakuniy nazorat imtihoni natijasi bilan HEMIS axborot tizimidagi o‘zining shaxsiy kabineti orqali tanishishi mumkin;

10. Talaba yozma imtihonlar bo‘yicha baholash mezonlari bilan har bir fan bo‘yicha tasdiqlangan o‘quv dasturi (sillabus) orqali tanishish mumkin;

11. Talaba qo‘yilgan bahodan norozi bo‘lgan taqdirda, yakuniy nazorat imtihoni natijalari HEMIS axborot tizimida qayd qilingandan so‘ng 24 soat davomida fakultet dekani nomiga apellyatsiya shikoyatini berishi mumkin.

12. Test sinovlari natijasi talabaning imzosi orqali nazoratchi tomonidan qayd qilinadi.

Yozma shaklda o‘tkaziladigan yakuniy nazorat imtihoniga talabalar o‘zlari bilan ko‘k rangli (sharikli) ruchka olib kelishlari zarur.

@NUU_students

❗️Talabalardan olinadigan yakuniy nazoratlarning yangicha tartibi belgilandi

Universitet Kengashining 2024-yil 31-oktyabrdagi 3-sonli yig‘ilish qarori bilan quyidagilar belgilandi:

1. 2024-2025 o‘quv yilidan boshlab, universitetga 1-kursga qabul qilingan kunduzgi ta’lim shakli (boshqa ta’lim shakllari uchun zaruratdan kelib chiqib) talabalari uchun yakuniy nazoratlar quyidagi tartibda:

⏺fakultetlararo o‘qitiladigan fanlar bo‘yicha yakuniy nazoratlar test shaklida;
⏺fakultetlararo o‘qitiladigan fanlardan boshqa fanlar bo‘yicha yakuniy nazoratlar yozma shaklda (shifrlash orqali) amalga oshiriladi.

2. Yakuniy nazoratlar o‘tkazilishining shaffofligi hamda ularning natijalari baholanishining obyektivligi va adolatliligini ta’minlash maqsadida:

⏺yakuniy nazoratlar O‘quv-uslubiy boshqarma tomonidan tashkil etiladi;
⏺yakuniy nazoratlarni belgilangan tartibda shifrlanishi Registrator ofisi tomonidan amalga oshiriladi.

3. Nazorat natijalari bo‘yicha baholar tegishli professor-o‘qituvchilar tomonidan yakuniy nazorat o‘tkazilgan keyin 3 kun muddatda HEMIS axborot tizimiga kiritiladi (HEMIS axborot tizimida testlar olingan holatlar bundan mustasno).

@NUU_students

❗️"Bizga oʻtilmagan mavzudan savol tushdi" kabi eʼtirozlar uchun izoh

Oliy taʼlim, fan va Innovatsiyalar vazirining Oliy ta’lim tashkilotlarida talabalar bilimini baholash va nazorat qilish tartibini takomillashtirish xususidagi 452-son buyrugʻining Oliy ta’lim tashkilotlarida yakuniy nazorat turini tashkil etish va o‘tkazishning tashkiliy chora-tadbirlari toʻgʻrisida ilovasiga koʻra, yakuniy nazorat imtihoni topshiriqlari (savollari) fanning o‘quv dasturi (sillabusi) asosida imtihon jarayonlari boshlanishidan kamida bir oy oldin tegishli kafedra professor-o‘qituvchilari tomonidan ishlab chiqilib, kafedra muhokamasidan o‘tkaziladi hamda tegishli fakultet dekani hamda tegishli kafedra mudiri tomonidan tasdiqlanadi.

Bunda, savollarning 40-50 foizi bevosita auditoriyada o‘tilgan mavzular bo‘yicha, 50-60 foizi mustaqil ta’lim mavzularidan iborat bo‘lishi tavsiya qilinadi.

@NUU_students

❗️Darsga kelmagan “akademik qarzdor talaba”ning kursdan qoldirilish tartibi

(kredit-modul tizimi boʻyicha)

✅ 1 ta fan uchun 6 kredit ajratilgan.
✅ 1 kredit 30 soatga teng.
✅ 1 ta fanning 6 krediti 180 soat
✅ 180 soatning 40 foizi (72 soat) auditoriya soatiga, qolgan 60 foizi (108 soat) esa mustaqil taʼlimga ajratilgan.

Talaba auditoriya uchun ajratilgan 72 soatning ¼ qismini (yaʼni 18 soatni) qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

@NUU_students

❗️Kontraktni to’liq to’lamaganlarni yakuniy yoki oraliqlarga kiritmaslikka OTM mas’ullarining haqqi bormi?

Yo’q bunga haqqi yo’q, yakuniy va oraliqlarga talabani kiritmaslik uchun kontraktni to’lamaslik asos bo’la olmaydi. Agar talaba umuman kontrakt to’lamagan bo’lsa uni talabalar safidan chetlatishi mumkin xolos.

Talabani oraliqqa yoki yakuniyga kiritmaslik, ataylab fandan yiqitish, darsga kiritmay nb qo’yib qo’yish, va boshqa g’ayriqonuniy harakatlar amalga oshirish umuman mumkin emas.

Kontrakt to'lash muddatlari:

👉 belgilangan to‘lov miqdorining kamida 25 foizini talabalikka tavsiya etilgan abituriyentlar uchun 15-sentabrgacha (yoki Davlat qabul komissiyasi belgilagan muddatgacha) hamda ikkinchi va undan keyingi bosqich talabalar uchun 1-oktyabrgacha (yoki OTM rahbariyati uzaytirgan muddatgacha);

👉 belgilangan to‘lov miqdorining kamida 50 foizi 1 yanvargacha, 75 foizi 1-aprelgacha va 100 foizi 1-iyulgacha (yoki OTM rahbariyati uzaytirgan muddatlargacha);

👉 xorijiy fuqarolar uchun OTM rahbariyati belgilagan muddatlargacha;

@NUU_students

❗️Talaba ham oʻqib, ham ishlasa boʻladimi?

Talaba mehnat shartnomasi asosida haq toʻlanadigan ishlarda ishlashi mumkin.

Buning uchun qonunlarda cheklov yoʻq.

Oliy taʼlim toʻgʻrisida nizomning 50-bandiga koʻra kunduzgi taʼlim shaklida oʻqiyotgan talaba darsdan boʻsh vaqtlarida (kunning ikkinchi yarmida) ham oliy taʼlim muassasasida, ham boshqa tashkilotlarda mehnat shartnomasi boʻyicha ishlashga ruxsat etiladi.  

Amaldagi Mehnat kodeksining 248-moddasiga koʻra taʼlim muassasalarida oʻqiyotgan xodimlarga ishni taʼlim bilan birga qoʻshib olib borishlari uchun ish beruvchi zarur sharoitlar yaratib berishi shart.

Talabalar nechinchi bosqichdan boshlab maktabda dars berishga haqli va necha soatgacha?

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berildi.

@NUU_students

❗️Talabalarga 8-yanvardan darslar boshlanadi.

Qishki ta’til 7-yanvar kuni tugaydi. 2025-yilning 8-yanvaridan boshlab barcha oliy va professional ta’lim muassasalarida darslar davom etadi.

@NUU_students