🔮Munajjimlar Bashorati🔮

ТАРОЗИ (24. 09 — 23. 10)

Бугунги кун сизга бир олам илҳом ҳамда ишонч ҳадя этади. Азалий орзуларингиздан бири ҳақиқатга айланади. Ҳамкасблар орасида обрўйингизга обрў қўшилганини ҳис этасиз. Тушдан кейин анчадан бери кўришмаган дўстингиз билан учрашиб суҳбат қуришингиз кутилади. Ижодкорлар бугундан кўп нарса кутсалар ярашади. Сиз нафақат мухлисларга ёқиб тушадиган навбатдаги асарни яратасиз, балки бу амалдан қўшимча руҳий озуқа ҳам оласиз.

ЧАЁН (24. 10 — 22. 11)

22 феврал куни қандай ишга қўл урманг, бор истеъдодингизни ишга солишингиз тавсия этилади. Ташаббускор, фаол бўлишда сизга ҳеч ким халал бера олмайди. Моддий аҳволингиз яхшиланиб, даромадлар харажатларни қайта тўлдиради. Фақат қўлингизга катта пул тушиши билан дўкон айланишга тушиб кетмасангиз бас. Об-ҳаво яхши бўлмаса, олис сафарга отланишни бошқа кунга қолдиринг. Асабни асранг. Кекса ва ўсал ётган қондошлар ҳолидан хабар олинг.

ЎҚОТАР (23. 11 — 21. 12)

Иш бошлашдан олдин ўйланг. Мўлжални тўғри олишингиз керак. Бошқа йўналишга ўтиб кетиб қолсангиз, бунинг интиҳоси яхши бўлмайди. Қўшимча муаммолар бошингизга ёғилиши мумкин. Қайғуларингиз, ички сирларингизни бировларга ошкор қилманг. Танаси бошқа дард билмас деб бекорга айтишмаган. Молиявий масалада бугун омад сиздан юз ўгириши мумкин. Аммо ташвиш чекманг. Бугунча заҳира пулларингиздан фойдаланиб турсангиз ҳам зиён кўрмайсиз.

ТОҒ ЭЧКИСИ (22. 12 — 20. 01)

22 февралда дўстлар, танишлар тасаввурида гўё бегона ниқоб кийиб олгандек кўрина бошлайсиз. Эҳтиёт бўлинг. Севимли хоббингизга берилганда, жуфтингиз ёки бўлғуси жуфтингиз билан муносабатларда фантазиядан унумли фойдаланинг. Кечқурун қариндошлардан бирининг моддий аҳволи билан боғлиқ жиддий муаммоларни бартараф этишингизга тўғри келади. Саломатлигингизни эҳтиётланг. Юқумли вируслар яқин келишига йўл қўйманг.

ҚОВҒА (21. 01 — 19. 02)

Эрталаб дангасалик деган бало елкангизга осила бошлаганига гувоҳ бўласиз. Ҳайдаб солинг-у, ишга жўнанг. Дангасаликнинг бети қурсин! Шундоқ ҳам маошингиз камлигидан нолий бошлагансиз. Дангасаликни орттириб олишингиз ортиқча. Дўстлардан бири кун давомида сизга қўшимча даромадли иш таклиф қилиши мумкин. Олдин қанча тўлашларини суриштириб билинг ва ундан кейингина розилик билдиринг. Ишхонангиздаги мартабангизни ошириш пайида бўлсангиз ҳам зиён кўрмайсиз.

БАЛИҚ (20. 02 — 20. 03)

22 феврал куни эрталабданоқ хушомадлар, мақтовлар, олқишлар денгизида чўмила бошлайсиз. Бу жуда яхши ва ёқимли. Лекин асосий ишларингизни бажаришга халал бермаслиги керак. Агар ишингизда яхши маънода туб бурилиш ясамоқчи бўлсангиз, ҳаракатни бошланг. Бировларнинг даромадини ҳисоблашдан қочинг ва ўзингиз улардан кўпроқ даромад кўриш учун интилинг. Кечки пайт айримлар сафарга отланиши мумкин. Сафар муваффақиятли кечади.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza

ҚЎЙ (21. 03 — 20. 04)

Бугун кайфиятингиз ҳар кунгидек кўтаринки бўлмаслиги мумкин. Бу ишдаги фаоллигингизга ҳам, шахсий ҳаётингизга ҳам салбий таъсир кўрсатмай қолмайди. Ёлғиз қолишга, яқин ўтмишда бўлиб ўтган ёқимли ҳодисаларни эслашга, шу баҳонада қайта куч йиғишга ҳаракат қилинг. Акс ҳолда бундай кайфият билан боши берк кўчага кириб қолишингиз турган гап. Агар шахсий бизнесингиз бўлса, максимум кучингизни шу бизнесга бағишланг. Ана шунда албатта кўзланган даромадга эга бўласиз.

БУЗОҚ (21. 04 — 21. 05)

22 февралда ишхонадаги бажарадиган юмушларингизда инқилоб ясанг. Янгилик яратинг. Шундай қилингки, ҳеч ким сизни танқид остига ола билмасин. Фақат олқишларгина қалбингизга ташриф буюрсин. Ишда ўта масъулиятлилик ҳам сизнинг шиорингизга айланиши лозим. Куннинг иккинчи ярмида ажойиб инсонлар билан учрашиб танишишингиз кутилади. Оиласиз бўлсангиз, уларнинг бири билан орангизда романтика пайдо бўлиши ҳам эҳтимолдан холи эмас.

ЭГИЗАКЛАР (22. 05 — 21. 06)

Қалбингизни эрталабданоқ шубҳа-гумонлар қуршаб олиши кутилади. Лекин бу ҳам яхшиликка. Агар ҳаётга, атрофга реал кўз билан боқа олсангиз, сиз яна муваффақиятлар қозона бошлайсиз. Башарти ишда хатоликларга йўл қўйсангиз, ўша жой ва вақтнинг ўзида бу хатоларни тўғрилай кетинг. Муҳаббатда омадингиз кулади. Турли йўллар ва усуллар ёрдамида оиласизлар ўз муҳаббатини мустаҳкамлай олишади. Бахтингизга бахт қўшила боради. Асабларни эҳтиёт қилинг.

ҚИСҚИЧБАҚА (22. 06 — 23. 07)

22 феврал куни аввало иш графигингизни яна бир карра кўздан ўтказиб олинг. Бунинг учун вақтингиз мўл бўлади. Дангасалик, иккиланишларни ўзингиздан қувиб солинг. Бугун ҳар қандай кўринишдаги ижодий ишлар ва профессионал касбингиз билан боғлиқ ишлар доирасида малака ошириш фойдали кечади. Молиявий муаммоларни ҳам ўта фаоллик билан бартараф этинг. Ана шунда пулингизга пул қўшилади. Кечқурун тоза ҳавода сайр қилинг. Тўғри овқатланинг. Омон бўлинг.

АРСЛОН (24. 07 — 23. 08)

Бугунги кунингизни хаёлпарастлик ва эйфория қуршовида ўтказишингиз тавсия қилинади. Ишларингиз хаёлпарастлик ёрдамида янада унумли кечади. Косметик муолажалар ва сурункали хасталикларни даволаш муваффақиятли кечади. Кечқурунги тоза ҳаво сайри эса қалб безовталигингизни нари ҳайдайди. Кечқурун хонадонингизга кутилмаган меҳмонлар ташриф буюриши мумкин. Тайёр туринг. Ҳасадгўйларга сўзингизни бериб қўйманг. Имкон доирасида улардан нари бўлинг.

ПАРИЗОД (24. 08 — 23. 09)

22 февралда биринчи навбатда шахсий ҳаётингиз билан шуғулланишингиз талаб этилади. Пул, мартабанинг кетидан қувиб жуфтингиз, яқинларингизни унутиб қўйгандексиз. Молиявий муаммоларни бартараф этишда йиллар давомида тўплаган тажрибангиз жуда керак бўлади. Шуни унутманг. Хушомадлардан йироқ бўлинг. Бўлар-бўлмас харидларга барҳам беринг. Кечқурун баъзилар машина ёки рўзғор жиҳозларидан бирини таъмирлаш билан банд бўласиз. Ўзингизни эҳтиёт қилинг.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza

ТАРОЗИ (24. 09 — 23. 10)

Кунингиз идеал тарзда ўтади деб бўлмайди. Бироқ фалокат ва жиддий кўнгилсизликлар ҳам кўзга ташланмайди. Барча ишлар силлиқчасига адо этилади. Режаларингизни зинҳор ўзгартира кўрманг. Куннинг иккинчи ярмида тадбиркорлар янги учрашувлар, шартномаларга имзо чекиш амалларини бошдан кечиради. Оммавий тадбирларни бошқа кунга қолдиринг. Кечқурун оила даврасида вақт ўтказинг. Сурункали хасталикка йўлиққан бўлсангиз, муолажалар бошлаш ҳақида қайғуринг.

ЧАЁН (24. 10 — 22. 11)

21 феврал куни режаларни тамоман ўзгартириб юборишни истаб қоласиз. Аммо тақдир сизга кутилмаган ҳадяларни юбориши мумкин. Шошилманг. Ишхонангизда ишларингиз бароридан келиши тайин бўлиб турибди. Тушдан кейин янги ишга жойлашган ходим сизни дафъатан танқид остига олиши мумкин. Бу воқеа раҳбарлар қаршисида содир бўлиши сизга алам қилади албатта. Муҳаббатда оиласизлар бўлғуси жуфтини кафе ёки ресторанга таклиф этсалар, мақсадга мувофиқ бўларди.

ЎҚОТАР (23. 11 — 21. 12)

Бугун идеал кетидан қувманг. Ҳатто, иш жойингизда ҳам камтар бўлинг. Айниқса, яқинда бу жамоага келиб қўшилган бўлсангиз, сиз учун камтарлик жуда муҳим. Молиявий муаммолар кун интиҳосига етмай туриб ижобий ҳал бўлади. Бу ишда сизга интернет орқали дўстлашган инсон яқиндан кўмак беради. Кечқурун тўғри овқатланишга эътибор қаратинг. Режимни бузманг. Тоза ҳавода сайр қилгачгина ухлашга ётинг. Ўзингизни эҳтиёт қилинг.

ТОҒ ЭЧКИСИ (22. 12 — 20. 01)

21 февралда кутилмаганда омад сизга кулиб боқади. Азбаройи қувонганингиздан, бу бахтни ҳатто рақобатчи ва ҳасадгўйлар билан ҳам бўлишгингиз келиб қолади. Лекин бу қадар ишонувчан бўлишингиз тавсия қилинмайди. Акс ҳолда борингиздан ҳам айрилиб қолишингиз ҳеч гап эмас. Саломатликни халқона йўллар билан мустаҳкамлаш имкони туғилади. Бу имкониятдан унумли фойдаланинг. Айниқса, бел ва оёқ оғриғидан халос бўлишда халқона усуллар катта ёрдам беради.

ҚОВҒА (21. 01 — 19. 02)

Кунингиз жуда ажойиб бошланади ва сиз ҳар бир вазиятни ўз хоҳишингиз бўйича ташкил этиш имконига эга бўласиз. Асосийси, қўрқманг. Дадил ва мардона олдинга қадам ташланг. Зарарли одатлар анчадан бери сизга қийинчиликлар туғдираётган бўлса, бугун улардан халос бўлиш пайти етди. Оиласизлар олис сафарга отлансалар, бу сафар уларга бахт ато этади. Сафар давомида орзуингиздаги инсон билан танишасиз. Серқатнов йўлларда ниҳоятда эҳтиёт бўлинг. Ёмон кўзлардан нари бўлинг.

БАЛИҚ (20. 02 — 20. 03)

21 феврал куни кайфиятингиз тушкун ҳолатда бўлиши мумкин. Бундай кайфиятдан сизни фақат яқинларингизгина халос эта олади. Ўзингизни ёлғиз ҳис этишдан тийилинг. Ҳаётга реал кўз билан боқинг. Жуда бўлмаса, аламингизни ишдан олинг. Суюкли инсонингизга кўпроқ меҳр кўрсатинг. Кечқурун сизни дўстлар билан учрашув ва қизиқарли суҳбатлар кутиб қолади.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza

ҚЎЙ (21. 03 — 20. 04)

Бугун шошма-шошарлик билан қарорлар қабул қилишингиз тавсия этилмайди. Чунки вазият кун давомида юзлаб маротаба ўзгариши мумкин. Шундай экан, бардош қилишингиз ва кузатувчи сифатида атрофга боқишингизга тўғри келади. Молия билан боғлиқ ҳар бир операцияни ҳуқуқшунослар ёрдамидагина амалга оширинг. Жуда бўлмаганда, ўзингизга нисбатан тажрибалироқларнинг маслаҳатига қулоқ тутинг. Негаки, айнан молиявий масалада катта йўқотишлар ва инқироз хавфи бор.

БУЗОҚ (21. 04 — 21. 05)

21 февралда табиатингизга хос бўлмаган жиҳатлар пайдо бўлади. Сиз жуда сергак ва эътиборли одамга айланасиз. Молиявий муаммолар сизнинг фойдангизга ҳал бўлади. Агар йўл-йўлакай пайдо бўладиган имкониятларни қўлдан чиқармасангиз, шахсий иш билан отланадиган сафарингиз бароридан келади. Иммунитетингиз паст. Ўз вақтида ухлаш ва керакли витаминлар ичиб юришни унутманг. Кечқурунги тоза ҳаво сайри ҳам сиз учун фойдадан холи бўлмайди.

ЭГИЗАКЛАР (22. 05 — 21. 06)

Куннинг биринчи ярмида дўстларингиздан қайсидир бири билан орангизда келишмовчиликлар юзага келиш эҳтимоли бор. Сиз ўйлаб кўринг, ўша дўстингизнинг ўрнига ўзингизни қўйиб боқинг. Жанжални бас қилинг. Сабаби, жанжаллар, баҳслар ҳаётингизнинг бошқа жиҳатларига ҳам салбий таъсир кўрсатиши ҳеч гап эмас. Айниқса, асабингиз чарчаган бўлса, саломатлик ҳам жабр чекиши мумкин. Кечқурун ёши улуғ қариндошлар билан сен-менга бориб қолишдан сақланинг.

ҚИСҚИЧБАҚА (22. 06 — 23. 07)

21 феврал куни дўстлар ва қондошлар қаршисида бошингизни баланд кўтарган ҳолда муносабат юритинг. Улар орасида кимлардир сизга қарши нималардир қилиб юрган кўринади. Сиз билмасликка, сезмаганликка олинг. Кун давомида ён бериш масаласига алоҳида эътибор қаратинг. Ишхонангизда сизни мамнун эта оладиган ёрқин бир ҳодиса содир бўлиши кутилади. Ҳойнаҳой, сизга янги лавозим таклиф этсалар керак. Муборак бўлсин!

АРСЛОН (24. 07 — 23. 08)

Бугунги кунингиз алоҳида аҳамиятга эга бўлади. Сиз катта ишларга қўл уришингиз мумкин. Бу ишда сизга ҳамкасблар ҳам, дўстлар ҳам яқиндан ёрдам беришади. Душманларингизнинг ҳеч бири халал бера олмайди. Моддий аҳволингизни яхшилаш йўлида ҳам муаммо бўлмайди. Пул ортиғи билан келиб чўнтагингизга тушади. Саломатликни тиклаш учун танани чиниқтирувчи муолажалар олинг. Сузиш машқлари ҳам зиён қилмайди.

ПАРИЗОД (24. 08 — 23. 09)

21 февралда эрталаб ҳамкасблардан бири ҳақида ғалати бир хабарни эшитасиз ва ҳайратдан тош қотасиз. Бундай лаҳзаларда хотиржамликка эрк беринг, бардошли бўлинг. Бусиз вазиятни кескинлаштириб қўйишингиз мумкин. Тадбиркорлар кун давомида янги ҳамкорлар билан фойдали шартномага имзо қўйишлари кутилмоқда. Энди ҳаракатни тезлаштиришингиз керак. Катта пул тикишингизга тўғри келади. Акс ҳолда ҳамкорлар қаршисида уялиб қолишингиз мумкин.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza

ТАРОЗИ (23. 09 — 23. 10)

19 феврал куни худди йўлда кетаётганингизда олдингиздан қора мушук ўтиб кетган каби тушкун кайфиятда, иллюзия етовида қолиб кетишингиз кутилмоқда. Агар шундай бўлиб чиқса, ишларингиз ҳам чаппасидан кетди деяверинг. Чунки тушкун кайфият биринчи навбатда ишингизга салбий таъсир ўтказа бошлайди. Куннинг иккинчи ярмида анчадан бери кўришмаган дўстлар билан учрашиб суҳбат қурасиз. Кечқурун сафарга отлана кўрманг. Бугунги сафар хавфли кечиши мумкин.

ЧАЁН (24. 10 — 22. 11)

Ишхонадаги ҳамкасбларга ўз ҳуқуқларингизни пеш қилишдан тийилинг. Бу орангизга совуқчилик солиши мумкин. Яхшиси, ишдан вақтлироқ чиқинг-у, дам олинг. Баъзилар оилада ҳам катта жанжалларга гувоҳлик қилиши эҳтимолдан холи эмас. Пул масаласида керагидан ортиқ харажатлар қилишингиз тавсия этилмайди. Банкдан кредит олишни-ку, хаёлингизга ҳам келтирманг. Тўғри овқатланинг. Кўча таомини еманг. Заҳарланишингиз эҳтимоли бор.

ЎҚОТАР (23. 11 — 21. 12)

19 февралда кўпроқ ухлашни, кўпроқ овқат истеъмолини ихтиёр эта бошлайсиз. Бу мумкин. Лекин дўстларга берган ваъдангизни эсдан чиқариб қўйишингиз кечирилмас хатога айланиши мумкин. Ишда, шахсий ҳаётда масъулият талаб этилади. Ишни ташлаб қўйиб фақат истироҳатга ўтиб олсангиз, даромаддан умид қилмасангиз ҳам бўлади. Тадбиркорлардан кимдир кечқурун хориж сафарига жўнаб кетиши мумкин. Сафар омадли кечади.

ТОҒ ЭЧКИСИ (22. 12 — 19. 01)

Бугунги кун тоғ эчкиси буржи вакиллари учун оғир ва қизиқарсиз туюла бошлайди. Ҳатто, организмингиз ҳам қўзғолон қилади. Сиз вужудингизда кучли ҳорғинлик ҳис этасиз. Лекин ўзингизни тонусда ушлаб туришга мажбурсиз. Иш кайфиятига эришишингиз керак. Ёлғизлар бўлғуси жуфтидан очиқ изҳорларни эшитиш бахтига муяссар бўлади. Тўй яқин деяверинг. Бахтингизни берсин!

ҚОВҒА (20. 01 — 18. 02)

19 феврал куни ижод кишилари қимматли вақтини тўс-тўполонларда ўтказиши кутилади. Сиз миянгизни чулғаб олган ғояларни илҳом париси кўмагида ҳақиқатга айлантиришга уринасиз ва бунга эришасиз ҳам. Фақат катта куч йўқотасиз. Тадбиркорлар ҳам кунни музокаралар, учрашувлар, келишувлар билан кечиришлари мумкин. Саломатликни мустаҳкам тутиб қолиш учун йога ва медитация ёрдам беради. Бу имкониятдан фойдаланинг.

БАЛИҚ (19. 02 — 20. 03)

Бугун сиз кўплаб керак-нокерак харажатларга йўл қўйишингиз кутилмоқда. Кейин бу ишларингиз учун албатта афсус чекасиз. Лекин бундан фожиа ясаб ўтириш ҳам шарт эмас. Тез орада киссангиз яна пулга тўлади иншооллоҳ. Ҳаётингиздаги қайсидир муҳим бир ҳодиса сабаб бўлиб пул топишда сезиларли эркинликларга эришасиз. Дўстларингиздан бири сизга сюрприз ҳозирлаб қўяди. Бироқ буни лаганбардорликка йўйманг.

｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza

ҚЎЙ (21. 03 — 20. 04)

19 феврал куни ишда, шахсий ҳаётда қандай режа тузсангиз, бу ой охиригача ўз таъсирини йўқотмайди. Кун давомида сизни нафақат майда ишлар, балки катта қаҳрамонликлар ҳам кутиб туради. Ёлғиз бўлсангиз, муҳаббатда куйиб-ёнишдан тийилинг. Бугун сизга янги танишувлар умуман фойда бермайди. Қариндошлардан кимнидир соғинган бўлсангиз, қўнғироқ қилинг, суҳбатлашинг, кўришинг. Шунда руҳан енгил тортасиз.

БУЗОҚ (21. 04 — 20. 05)

Бугун ишда ўта фаолликдан сақланишингиз керак. Шундоқ ҳам ҳар куни ўз вазифангизни аъло даражада адо этасиз. Бироз секинлашинг ва шу баҳонада дам олинг. Дўстлардан бири сердаромад ишда шериклик таклиф қилиши мумкин. Дарров рад жавобини бериб қўйманг. Жуфтингиз билан муносабатларда орангизга бироз совуқчилик тушиши эҳтимолга яқин. Эмоцияни назоратда тутинг. Кечқурун маданий дам олинг. Китоб ўқинг, фильм томоша қилинг ёки тоза ҳавода сайр қилинг.

ЭГИЗАКЛАР (21. 05 — 21. 06)

19 феврал куни зиммангиздаги вазифаларни бажаришдан бўйин товлай бошласангиз, режаларингиз улгуржисига барбод бўлишига гувоҳлик қиласиз. Кечаси айримлар уйқусизликдан қийнала бошлаши мумкин. Асаб томирларингиз янада таранг тортилмаслиги учун тинчлантирувчи дори ичишингиз тавсия этилади. Оила аъзоларингиз билан баҳслашишга тўғри келса, ўзингизни олиб қочганингиз маъқул. Шу нарса сабаб бўлиб уйқусизлик баттар забтига олиши мумкин. Жуда бўлмаса ён беринг, вассалом.

ҚИСҚИЧБАҚА (22. 06 — 22. 07)

Агар оила қурмаган, кимнидир қаттиқ севиб қолган дўстларимиз ғурурнинг етовида қоладиган бўлса, бўлғуси жуфтини ўзидан совита бошлайди. Бунинг ўрнига ҳазил-ҳузулга эрк беринг. Токи учрашув онларингиз қувноқликда кечсин. Бировлардан қарз сўрашни хаёлингизга ҳам келтирманг. Моддий аҳволингизга путур етади. Ўзингизни ишда ҳам, кўчада ҳам камтар тутишингиз сўралади. Рўзғорда эса мулоҳаза билан иш тутганингиз маъқул. Акс ҳолда муаммо кўпайиб бораверади. Худо асрасин!

АРСЛОН (23. 07 — 23. 08)

19 февралда Арслон буржи остида таваллуд топганлардан фақат фаоллик талаб қилинади. Ишда, ўқишда, оилада, спортда фақат фаоллик туфайлигина мақсадга етишингиз мумкин бўлади. Башарти қариндошлардан бири уни безовта қилмасликни сўраса, адо этинг. Баъзилар учун бугунги кун ҳаддан ташқари қувончли кечади. Уларнинг хонадонида чақалоқ йиғиси жаранглай бошлайди. Умри билан берган бўлсин! Саломатликни назорат этиб бориш ҳам эсингиздан чиқмасин.

ПАРИЗОД (24. 08 — 22. 09)

Илгари ҳаётингиз учун ўта муҳим ҳисобланган воқеалар, суҳбатлар, одамларни рўйхатдан ўчирманг. Улар яна корингизга яраб қолиши мумкин. Хасталикдан халос бўлишда бугун халқона даволаш усуллари кўпроқ фойда бериши кутилади. Имкон доирасида тоза ҳавода кўпроқ пиёда юринг. Молия билан боғлиқ амалларни эътибордан четда қолдирманг. Сурункали хасталикка чалинганлар ўзларини эҳтиёт қилишлари керак. Оллоҳ сизга ёр бўлсин! Кечқурун қўлингизга кимдир бир даста пул тутқазиши мумкин.


｡ﾟﾟ･｡･ﾟﾟ｡
ﾟ。reaksiya qoldiring🔥❤️❣️
　ﾟ･｡･
                    Kanalga aʼzo boʻling👇

@Tikuvchilik_chevar_Gullar_Andoza