Farg‘ona viloyati Qo‘riqlash boshqarmasida idoraviy jihatdan tegishli bo‘lmagan harbiylashtirilgan qo‘riqlash va qorovullik bo‘linmalari ishchi-xizmatchilari o‘rtasida xizmat intizomi, xizmat vazifalari, majburiyatlari hamda huquqlari yuzasidan o‘quv seminari tashkil etildi.
Mazkur seminar davomida xodimlarning kasbiy mahoratini oshirish, xavfsizlik choralarini yanada mustahkamlash hamda xizmat intizomini yuqori darajada ta’minlash masalalariga alohida e’tibor qaratildi. Tadbirda tajribali mutaxassislar tomonidan amaliy tavsiyalar berilib, xizmat faoliyati bilan bog‘liq muhim jihatlar muhokama qilindi.
Seminar yakunida qatnashchilar o‘zlari uchun zaruriy bilim va ko‘nikmalarga ega bo‘lib, xizmat majburiyatlarini yanada samarali bajarishlari uchun kerakli tavsiyalar oldilar. Bu kabi tadbirlar tizim xodimlarining malakasini oshirish va ularning samarali faoliyatini ta'minlashga xizmat qiladi.
@Milliygvardiya_Fargona