"Robaxon Maxmudova" — @Maxmudova_Robaxon Telegram-kanali

Robaxon Maxmudova

21 Dec, 10:56

ЭЪТИРОФ ФАОЛЛИККА УНДАЙДИ

Repost.uz интернет нашри томонидан ўтказилган "Халқ рейтинги – 2024" танловида энг фаол партия раҳбари сифатида эътироф этилганлик ҳолати биз учун юксак шараф, шу билан бирга, улкан масъулиятдир.

Танлов жараёнида фаол иштирок этиб, партиямиз фаолиятига муносабат билдирган барча ватандошларимизга самимий миннатдорчилик билдирамиз.

Мазкур эътироф партиямиз ва унинг жамоаси томонидан олиб борилаётган ишларнинг, шунингдек, халқ манфаатларини илгари суришда кўрсатилаётган камтарона фаолиятимизнинг юқори баҳоси, деб ҳисоблаймиз.

Албатта, бу эътироф партиямиз ғояларини аҳоли орасида кенг тарғиб қилиш ва фаолиятимизни янада кучайтиришда биз учун янада илҳом бағишлайди.

«Адолат» социал-демократик партиясининг фаоллари ва депутатлари келгусида ҳам аҳоли фаровонлиги ва мамлакатимиз тараққиёти йўлида бор куч ва имкониятларини сафарбар этиб, янги ташаббуслар, самарали лойиҳалар орқали амалий натижаларга эришишни мақсад қилганмиз.

1.1k 14 34

Robaxon Maxmudova

20 Dec, 16:48

#Муносабат

Кучли тадбиркорлик сектори иқтисодиёт ривожини таъминлашда асосий омил бўлиб хизмат қилади

Мамлакатимизда тадбиркорликни ривожлантиришга йўналтирилган кенг кўламли ислоҳотлар амалга оширилиб, уни давлат тараққиётининг марказий омилларидан бирига айлантириш мақсад қилинган. Бугун Президентимиз раислигида тадбиркорликни ривожлантириш, молиялаштириш ва 2025 йилга мўлжалланган устувор режалар юзасидан видеоселектор йиғилиши ўтказилди. Йиғилишда 2024 йил давомида эришилган натижалар таҳлил қилиниб, янги вазифалар белгилаб берилди.

352 1 7

Robaxon Maxmudova

20 Dec, 10:35

#депутат_муносабати

Ижтимоий ҳимоянинг янги йўналишлари имконияти чекланган фуқароларнинг ҳуқуқларини тўлақонли ҳимоя қилишга қаратилди

Ҳар бир жамиятнинг тараққиёти унинг инсонпарварлик тамойиллари ва ўз фуқароларига тенг имкониятларни яратишга қаратилган саъй-ҳаракатлари билан ўлчанади. Шу боисдан ҳам мамлакатимизда ногиронликнинг оғир турларига дучор бўлган болаларга ғамхўрлик кўрсатиш борасида ҳам кенг кўламли ишлар амалга оширилмоқда, имконияти чекланган шахсларнинг ҳуқуқ ва манфаатларини ҳимоя қилиш, уларнинг жамият ҳаётига фаол интеграциясини таъминлашга алоҳида эътибор қаратилмоқда.

345 1 4

Robaxon Maxmudova

17 Dec, 06:43

#Муносабат

АСОСИЙ МАҚСАД –
ОИЛАЛАР ФАРОВОНЛИГИ

Давлатнинг иқтисодий қудрати, аввало, ҳар бир оиладаги фаровонликдан, оилаларнинг даромад манбалари барқарорлигидан бошланади. Шу боис, мамлакатимизда аҳоли фаровонлигини ошириш, камбағалликни қисқартириш масаласи айни даврдаги устувор ижтимоий вазифага айланди.

Президентимиз раислигида ўтказилган видеоселектор йиғилишида банк хизматларини маҳаллалар даражасигача етказиш орқали ушбу вазифани ҳал этишда эришилган натижалар муҳокама қилинар экан, тизимни янада такомиллаштириш бўйича долзарб таклифлар ўртага ташланиб, муҳим вазифалар белгиланди.

Йиғилишда, айниқса, банк хизматларининг маҳалла даражасигача туширилиши орқали одамларнинг даромадини ошириш ва камбағалликни қисқартиришдаги самарали натижалар таъкидланди. Бунга мисол тариқасида Сайхунобод, Уйчи, Зарбдор ва Ғиждувон туманлари кўрсатилди. Хусусан, Уйчи туманида банклар 3 минг 200 та фаол мижоз билан ишлаб, муаммоларни ҳал қилиши натижасида 9 минг нафар фуқаро иш билан таъминланди, камбағаллар сони 6 мингга қисқарди. Сайхунободда 3 минг 200 та хонадонда лойиҳалар ишга туширилди ва 12 минг киши ўз томорқасида даромад топиш имкониятига эга бўлди.

Шунингдек, Зарбдорда 13,5 минг, Ғиждувонда 28 минг иш ўрни яратилди, бу орқали 10,5 минг аҳоли камбағалликдан чиқарилди. Йил бошидан бери ушбу тажриба доирасида 3 миллион 300 минг аҳоли доимий даромадга эга бўлди, хонадонларнинг ўртача ойлик даромади 7,5 миллион сўмдан 10,5 миллион сўмга ошди. Бундай кўрсаткичлар фаровон ҳаёт сари ташланган аниқ қадамларнинг ёрқин намунасидир.

Булар янгилик эмас, балки воқелик. Энг муҳими, бугунги натижалар келажакда кўпроқ иш ўринлари яратилиши ва даромадлар ошиши учун янги тизимнинг пойдеворига айланмоқда. Йиғилишда таъкидланганидек, Ўзбекистонда банклар тадбиркорликни фаол қўллаб-қувватловчи асосий тизим бўлиб шаклланмоқда. Бунда "Кичик бизнесни қўллаб-қувватлаш" дастури доирасида тадбиркорларга шартсиз 300 миллион сўм кредит ажратиш тизими жорий этилмоқда. Бу нафақат тадбиркорлар даромадини оширади, балки келгуси йилларда яна 1,5 миллион кишини иш билан таъминлашга имкон яратади. Ушбу ёндашувда тажриба асосида синовдан ўтган механизмлар мавжуд: мижозларни кредит бериш жараёнидан тортиб, маҳсулотни бозорга чиқаришгача бўлган қўллаб-қувватлаш тизими жорий этилади.

Президент маҳаллалар даражасида ҳокимлар, банклар ва ҳоким ёрдамчиларининг ўзаро ҳамкорлигини кучайтириш кераклигини алоҳида таъкидлади. Энди ҳар бир маҳаллада туман банклари тадбиркорлик лойиҳалари учун инфратузилма ва молиявий ёрдам кўрсатади.

Маҳалла банкирлари эса аҳолининг ғояларини тадбиркорлик лойиҳаларига айлантириб, бутун жараёнга ҳамроҳлик қилади. Бугунги муваффақиятли мисоллар нафақат маҳаллалар, балки бутун мамлакат бўйлаб янги ижтимоий-иқтисодий стратегиянинг асосига айланмоқда. Ҳар бир хонадонда даромадли фаолиятни йўлга қўйиш, ҳар бир оиланинг иқтисодий фаровонлигини таъминлаш – бош мақсаддир. Шу боис, янги йил учун белгиланган устувор йўналишлар нафақат камбағалликни қисқартириш, балки ҳар бир хонадоннинг иқтисодий мустақиллигини таъминлаш йўлидаги яна бир муҳим қадамдир.

“Адолат” социал-демократик партияси ушбу ташаббусларни ҳар томонлама қўллаб-қувватлайди. Биз партиямиз фаоллари ва депутатлари билан биргаликда ислоҳотларни амалга оширишда фаол иштирок этишга тайёрмиз. Зеро, партиямиз адолат принципларига асосланиб, ҳар бир ҳудуд, ҳар бир маҳалла аҳолиси учун муносиб турмуш даражаси яратилишини устувор вазифа, деб билади.

Давлатимиз раҳбари таъкидлаганидек, барча даражада шахсий масъулият ва интизомни кучайтириш орқали мамлакатимизнинг ҳар бир ҳудудида фаровонликка эришиш ва ҳар бир оилага мустақил даромад манбаини яратиш мумкин. Бу йўлда бирлашиб, албатта, эзгу мақсадларимизга эришамиз.

Робахон МАХМУДОВА,
"Адолат" СДП Сиёсий Кенгаши раиси

496 2 9

Robaxon Maxmudova

16 Dec, 09:02

#Табрик

ТИНИМСИЗ МЕҲНАТ — ЮКСАК МУВАФФАҚИЯТЛАР КАЛИТИ

Муқаддас Ватанимиз байроғининг халқаро майдонларда баланд кўтарилишига муносиб ҳисса қўшган қаҳрамон спортчиларимиз яна бир шонли ғалабалари билан барчамизга чексиз фахр ва ифтихор бахш этдилар.

Жаҳон чемпионатида оғир атлетика бўйича ҳамюртимиз Руслан Нуриддинов томонидан қайд этилган янги жаҳон рекорди — 424 кг — юртимиз спорти тарихида ўчмас из қолдириб, бугунги ислоҳотларимиз, тараққиётимиз ва имкониятларимизнинг ёрқин ифодасига айланди. Паҳлавон ўғлонимиздаги Ватанга муҳаббат, матонат ва ирода нафақат ёшларимиз учун, балки ҳар биримиз учун чинакам ибрат намунаси бўлди.

Шу билан бирга, ушбу жаҳон биринчилигида Шарофиддин Амриддинов ҳам олтин медални қўлга киритиб, жамоамиз шарафини янада юксалтиргани, умумий натижалари билан биринчилар сафидан жой олгани барча юртдошларимизда чексиз фахр уйғотди.

Терма жамоамиз 3 та олтин, 1 та кумуш ва 2 та бронза медали билан мусобақани муваффақиятли якунлаб, юртимиз спортчиларининг юқори салоҳиятини яна бир бор дунёга намоён этди.

Бу ютуқлар ортида мамлакатимизда спортни ривожлантириш, истеъдодли спортчилар учун муносиб шарт-шароитлар яратиш ҳамда адолат тамойили асосида ҳар бир иқтидор эгасига имконият эшиклари кенг очилаётганининг ёрқин ифодаси мужассамдир.

Руслан Нуриддинов ва Шарофиддин Амриддинов каби мард ўғлонларимиз спорт оламидаги чўққиларни забт этиш орқали нафақат спортчиларимиз, балки мамлакатимиз тараққиёти учун масъул бўлган барча соҳа вакилларига интилиш, қаттиқ меҳнат ва ишонч билан ҳар қандай маррага эришиш мумкинлигини кўрсатиб беришди.

Уларнинг юксак муваффақияти яқинлашиб келаётган Янги йил арафасида Янги Ўзбекистонга муносиб байрам туҳфаси бўлиб, ҳар бир ватандошимизга илҳом бағишламоқда.

Шу муқаддас юрт ва азиз халқимиз манфаати учун сидқидилдан ҳаракат қилсак, биз учун забт этиб бўлмайдиган чўққи йўқлигини яна бир бор тасдиқлаган фидойи спортчиларимизга раҳмат айтар эканмиз, келгусида ҳам байроғимиз дунё майдонларида баланд кўтарилиши учун интилишларимиз бардавом бўлишига тилакдошмиз.

Эришилган тарихий ғалаба билан барча ҳамюртларимизни яна бир бор самимий табриклаймиз!

Робахон МАХМУДОВА,
"Адолат" СДП Сиёсий Кенгаш раиси

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

306 1 2

Robaxon Maxmudova

15 Dec, 18:02

#Халқ_сўзи_газетаси

"Халқ сўзи" газетасининг 259 сонида Олий Мажлис Қонунчилик палатасидаги "Адолат" СДП фракцияси раҳбари Робахон Махмудованинг муносабати эълон қилинди.

Батафсил танишиш учун👇

"Халқ сўзи"

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

336 1 5

Robaxon Maxmudova

15 Dec, 07:12

#Муносабат

ЭНЕРГЕТИКА ТИЗИМИ ТАКОМИЛЛАШУВИ
аҳоли турмуш даражаси ошишига хизмат қилади

Куни кеча давлатимиз раҳбари бошчилигида энергетика соҳасида янги лойиҳалар ва қувватларнинг ишга туширилиши энергетика соҳасидаги навбатдаги улкан ютуқ, бинобарин, мамлакатимиз ижтимоий-иқтисодий ривожланишида янги саҳифа очаётган тарихий воқеалардан бири эканлиги алоҳида таъкидланди.

Энергия ишлаб чиқаришда инновацион технологияларни жорий этиш, энергия сақлаш тизимларини барпо этиш ва “ақлли бошқарув”ни йўлга қўйиш кундалик ҳаётимизда, яъни ҳар бир хонадон, ҳар бир маҳаллада ўз самарасини бериши айни ҳақиқат. Боиси, энергетика саноати давлат иқтисодиётининг асосий ўзаги, мамлакат тараққиётида етакчи ўрин эгалловчи муҳим тармоқ ҳисобланади. Шуниси аҳамиятлики, юртимиз бугун нафақат энергия ишлаб чиқариш, балки унинг қайта тикланувчи манбаларини кенгайтириш орқали глобал экологик муаммолар ечимига ҳам ҳисса қўшиб келмоқда.

Масалан, кеча ишга тушган қувватлар ва янги лойиҳалар келгуси йилларда қўшимча 9,5 миллиард киловатт-соат электр ишлаб чиқариб, 2,5 миллиард куб метр табиий газни тежаш ва ҳавога 4,6 миллион тонна зарарли газлар чиқарилишини олди олиши билан аҳамиятлидир. Энг муҳими, улар ёрдамида 4 миллиондан зиёд хонадон узлуксиз экологик тоза энергия билан таъминланади.

Яна бир ўзига хос томони шуки, юртимизда илк бор йирик энергия сақлаш тизимлари фаолияти йўлга қўйилгани келажакда энергетика тизимининг узлуксиз ишлашини кафолатлайди. Қолаверса, Бухоро, Навоий, Наманган ва Тошкент вилоятларида салкам 2,3 минг мегаватт қувватга эга 5 та қуёш ва шамол электр станцияси ҳамда 5 та юқори кучланишли подстанция ишга туширилаётгани ҳудудий ривожланиш учун улкан имкониятлар очиб беришини алоҳида қайд этиб ўтиш мумкин.

Давлатимиз раҳбари томонидан маросимда билдирилган фикрлар, амалга оширилаётган ва амалга ошиши режалаштирилган йирик лойиҳалар Янги Ўзбекистоннинг “яшил” иқтисодиёти учун аҳамияти юқори ва самарали бўлиши муқаррар. Чунки энергетика барқарорлиги иқтисодий тараққиётнинг асосий шарти, халқ турмуш даражаси яхшиланишининг муҳим омилларидан биридир.

Бу саъй-ҳаракатларнинг натижасида энергетика соҳасида рақобатбардош тизим яратилиб, иқтисодиётимизнинг барқарор ривожланиши янги босқичга кўтарилади. Негаки, энергетика тизимидаги ҳар бир ўзгариш мамлакатимизнинг иқтисодий ривожини таъминлаш билан кифояланмасдан, аҳоли турмуш даражаси ошишини кафолатлаш учун ҳам хизмат қилади.
Робахон МАХМУДОВА,
“Адолат” СДП Сиёсий Кенгаши раиси

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

394 2 3

Robaxon Maxmudova

13 Dec, 18:25

Oliy Majlis Qonunchilik palatasi dan repost

#munosabat

🏢 Ona Vatanimizning bebaho boyligi – uning xalqidir. Shu bois, yurtimizda har bir fuqaro aziz va mukarram. Yurtdoshlarimiz azaldan bir-biriga mehribon, g‘amxo‘r, boshiga tashvish tushganlarga esa hamisha yelkadosh bo‘lib kelgan.

Bugun, 13-dekabr kuni Prezidentimiz raisligida ijtimoiy himoya sohasidagi natijadorlik va kelgusi vazifalar muhokamasiga bag‘ishlangan yig‘ilishda bu haqiqat yana bir bor o‘z isbotini topdi. Mamlakatimiz yetakchisi aholining kelgusi yil uchun ehtiyojmand qatlamini qo‘llab-quvvatlash, jumladan, inklyuziv ta’lim sifatini yanada yuksaltirish, shuningdek, kambag‘allikni qisqartirish bo‘yicha aniq chora-tadbirlarni amalga oshirishga doir ustuvor yo‘nalishlarni belgilab berdi.

Qalbni to‘lqinlantiradigan bir holat. Yig‘ilish davomida tikuvchilik korxonasi ochib, 40 nafar xotin-qizni ish bilan ta’minlagan hamda dunyoning eng ruhlantiruvchi “Top-100” ayoli ro‘yxatiga kirgan surxondaryolik Dilorom Yo‘ldoshevani “Mardlik” ordeni bilan taqdirlandi! O‘zbek ayolining cho‘ng irodasi, matonati yuksak darajada e’tirof etildi.

Zero, Dilorom singlimiz bundan ikki yil avval baxtsiz hodisa oqibatida ikkala oyog‘idan ayrilgan edi. Tadbirkorimiz ushbu holatda tushkunlikka tushmadi. Qo‘lidagi guldek hunari sir-asrorlarini hududdagi xotin-qizlarga o‘rgatdi. Mana uning tashabbusi ko‘plab ayollarning ishli bo‘lishiga, pirovardida, qanchadan-qancha xonadonlarga quvonch, baraka keltirishiga yo‘l ochdi. Davlatimiz rahbari uning fidokorona faoliyatini yuqori baholab, “Mana shunday irodali, matonatli insonlarni hammaga o‘rnak qilib ko‘rsatsak, ular bilan har qancha faxrlansak arziydi”, deya ta’kidladi.

Darhaqiqat, yig‘ilishda o‘rtaga tashlangan qimmatli tashabbuslar ijtimoiy himoyaning muhim tarkibiy qismi sifatida partiyamiz tomonidan ham to‘liq qo‘llab-quvvatlanadi. Biz ijtimoiy himoyani kuchaytirish, har bir fuqaroga teng imkoniyatlar yaratish va ularni sifatli ta’lim va ijtimoiy xizmatlar bilan ta’minlash uchun bor kuchimiz hamda imkoniyatimizni ishga solamiz.

Veb-sayt| Telegram |Facebook | YouTube| Instagram| X| ParlamentTV_RADIO

332 0 1

Robaxon Maxmudova

10 Dec, 20:06

#Фракция

Конструктив фикрлар ва асосли таклифлар ўртага ташланди

Олий Мажлис Қонунчилик палатасидаги Ўзбекистон “Адолат” социал-демократик партияси фракцияси йиғилишида йўлларда ҳаракатланиш хавфсизлигини таъминлаш, жамоат транспортидан фойдаланиш самарадорлигини ошириш, алкоголь ва тамаки бозорини тартибга солишга қаратилган қонун лойиҳалари кўриб чиқилди.

376 1 2

Robaxon Maxmudova

10 Dec, 09:52

03:10

Video oldindan ko‘rish uchun mavjud emas

Telegram'da ko‘rish

10 декабрь — Ўзбекистон Республикаси Давлат мадҳияси қабул қилинган кун

1992 йил 10 декабрь куни “Ўзбекистон Республикасининг Давлат мадҳияси тўғрисида”ги Ўзбекистон Республикаси Қонуни қабул қилинган.

Қонунда мадҳиямиз давлат суверенитетининг рамзи, унга эҳтиром билан муносабатда бўлиш ҳар бир юртдошимизнинг ватанпарварлик бурчидир, деб белгилаб қўйилган. Ўзбекистон фуқаролари, шунингдек, мамлакатимизда яшаб турган бошқа шахслар ҳам мадҳиямизни ҳурмат қилиши шартлиги алоҳида таъкидланган.

Давлат мадҳиясининг муаллифи Ўзбекистон Қаҳрамони, Ўзбекистон халқ шоири Абдулла Орипов. Мадҳиямиз мусиқасини Ўзбекистон халқ артисти, атоқли бастакор Мутал Бурҳонов яратган. Мадҳиямизда халқимизнинг эзгу орзу-умидлари, келажакка мустаҳкам ишончи теран ифодаланган. Унда мардона ва шарафларга бой ўтмишимиз, миллий анъана ва қадриятларимиз, тинчлик, осойишталик, миллатлараро тотувлик ва биродарлик каби умуминсоний туйғулар тараннум этилган.

Ўзбекистон Республикаси мадҳияси ёшларда Ватанга муҳаббат, бой тарихимизга, миллий ўзлигимизга чуқур ҳурматни шакллантиришда, фарзандларимизнинг ҳар томонлама баркамол ва етук инсонлар бўлиб вояга етишида муҳим тарбиявий восита бўлиб хизмат қилмоқда.

“Адолат” СДП Ватанимиз мадҳиясининг 32 йиллик байрами билан барча юртдошларимизни самимий табриклайди.

Серқуёш ўлкамизга ҳеч қачон кўз тегмасин!

adolat.uz | Facebook | Telegram | Instagram | Twitter | YouTube

756 0 5

Robaxon Maxmudova

9 Dec, 12:10

Адолатли ва коррупциясиз жамият сари йўл

“Адолат” СДП адолат ва қонун устуворлигини таъминлашни ҳамиша асосий қадрият сифатида кўриб келган. Ёшларнинг ҳуқуқий саводхонлигини ошириш, уларда коррупцияга қарши муросасиз муносабатни шакллантириш мақсадида қатор лойиҳаларни амалга ошираяпмиз. Бу ташаббуслар келажакда юртимизда коррупциянинг ҳар қандай кўринишини бартараф этишга қаратилган қатъий ва изчил ҳаракатлардир.

528 2 5

Robaxon Maxmudova

8 Dec, 09:38

#Табрик

Қадрли қишлоқ хўжалиги соҳаси ходимлари, миришкор деҳқонлар ва фидойи фермерлар!

Сизларни касб байрамингиз – Қишлоқ хўжалиги ходимлари куни билан самимий муборакбод этаман.

Юртимиз тараққиёти, иқтисодиётимиз равнақи ва халқимизнинг фаровон ҳаётида Сизларнинг ҳалол меҳнатингиз, саъй-ҳаракатларингиз беқиёсдир. Сиз, азиз деҳқонларимиз томонидан етиштирилаётган юқори ҳосил, фермерларимизнинг яратилаётган имкониятлардан унумли фойдаланиши мамлакатимиз аграр салоҳиятини юксалтириш билан бирга, аҳоли турмуш даражасини ошириш, дастурхонимиз тўкин бўлишида муҳим аҳамиятга эга.

«Адолат« социал-демократик партияси Сизларнинг фаолиятингизни ҳар доим эътироф этади ва қўллаб-қувватлайди. Партиямизнинг Сайловолди дастурида қишлоқ хўжалигини жадал инновацион ривожлантириш, ишлаб чиқаришни илмий асосда ташкил этиш ва фан билан амалиёт уйғунлигини таъминлаш орқали аграр соҳадаги улкан имкониятларимизни рўёбга чиқариш устувор мақсадлардан бири сифатида белгиланган. Шу орқали мамлакатимизда озиқ-овқат хавфсизлигини таъминлаш, камбағалликни қисқартириш ва аҳоли турмуш фаровонлигини оширишда янги имкониятлар яратиш кўзда тутилган.

Қолаверса, Сайловолди дастуримиздаги қишлоқ хўжалигида ортиб бораётган табиат инжиқликлари, сув танқислиги, ер шўрланиши каби муаммоларни бартараф этишда аграр суғурталашнинг янги механизмларини яратиш, соҳанинг ҳуқуқий асосларини такомиллаштириш, жумладан, «Қишлоқ хўжалиги таваккалчиликларини суғурталаш тўғрисида»ги қонунни қабул қилиш каби ташаббусларимиз Сиз азизларнинг иш шароитларингизни яхшилаш, моддий манфаатдорликни ошириш ва соҳанинг барқарор тараққиётини таъминлашга қаратилгандир.

Касб байрамингиз муносабати билан Сизларга мустаҳкам соғлиқ, оилавий бахт-саодат ва фаолиятингизда катта муваффақиятлар тилайман. Доимо ҳосилингиз мўл бўлиб, хирмонларингизни файзи-баракасини берсин!

Робахон МАХМУДОВА,
“Адолат” СДП Сиёсий Кенгаши раиси

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

515 2 10

Robaxon Maxmudova

8 Dec, 05:30

#Табрик

Конституция – тенг ҳуқуқ ва имкониятлар кафолати

Азиз ҳамюртлар!
Қадрли ватандошлар!

Бугун биз сизлар билан юртимиздаги барча фуқаролар учун тенг ҳуқуқ ва имкониятлар кафолати бўлган Бош Қомусимиз қабул қилинганлигининг 32 йиллик байрамини нишонламоқдамиз. Ушбу қутлуғ айём билан барчангизни самимий муборакбод этаман!

2023 йил 30 апрель куни ўтказилган референдумда янги таҳрирдаги Ўзбекистон Республикаси Конституцияси қабул қилинди. Бу эса жамиятимиздаги ижтимоий-иқтисодий ва сиёсий жараёнларнинг янги босқичини бошлаб бериши, халқимиз илк бор Бош Қомусимиз шаклланишига бевосита иштирок этиши орқали демократик жараёнларнинг янада чуқурлашишига замин яратди.

Энг муҳими, 6 бўлим, 27 боб ва 155 та моддадан иборат янги таҳрирдаги Бош Қомусимизнинг давлат қурилишининг янги стратегик мақсади — демократик, ҳуқуқий, ижтимоий ва дунёвий давлат қуриш эканлиги белгилаб берилди. Шубҳасиз, мазкур Бош Қонун мамлакатимизнинг узоқ муддатли тараққиёт стратегияси, умуман, юртимиз ва халқимизнинг эртанги фаровон ҳаёти учун мустаҳкам ҳуқуқий асос ҳамда ишончли кафолат яратишга қаратилгани ҳақида узоқ гапириш мумкин.

Муҳтарам юртдошлар!

Шу ўринда алоҳида қайд этиш лозимки, “Адолат” социал-демократик партияси учун инсон ҳуқуқларини ҳимоя қилиш, қонун устуворлигини таъминлаш ва адолатпарвар жамият қуришдаги асосий йўналишдир. Партиямиз ёшлар ўртасида ҳуқуқий онг ва ҳуқуқий маданиятни оширишда фаол иштирок этиб келмоқда. Бу борада ҳар йили байрам олдидан партия томонидан ташкил қилинаётган “Конституция билимдони” кўрик-танлови минглаб ёшларимизнинг ҳуқуқий билимларини синовдан ўтказишда муҳим платформага айланганини таъкидласам, ўринли бўлади.

Аҳамиятлиси, “Адолат” социал-демократик партияси ўз Сайловолди дастурида аҳолининг ҳуқуқий саводхонлигини ошириш, барча фуқароларнинг Конституциядан фаол фойдаланишини таъминлаш мақсадида ҳар бир ҳудудда “Конституция хиёбони” барпо этиш таклифини илгари сурди.

Мазкур хиёбонлар фақат рамзий ёдгорлик эмас, балки ҳар бир фуқаронинг ҳуқуқий билимларини ошириш, Конституцияда белгиланган ҳуқуқ ва бурчларни фаол тарғиб қилишга хизмат қиладиган ижтимоий майдон бўлади. Бош Қомусимизга ҳурмат орқали жамиятимизда қонун устуворлигини таъминлашни мақсад қилганмиз. Сабаби, Конституция уларнинг ҳаётда мустаҳкам ҳуқуқий ҳимоясини таъминлайдиган асосий қўлланмадир.

Конституцияни ҳурмат қилиш ҳар бир фуқаронинг бурчи ва масъулиятидир. Зеро, қонун устувор бўлган жойда адолат ҳукм суради, адолат ҳукм сурган жойда эса тараққиёт ва фаровонлик барқарор бўлади.

Азиз ватандошлар!

Ўзбекистон Республикаси Конституцияси қабул қилинган кун билан яна бир бор қутлаб, қонун устуворлиги, адолат ва бирдамлик йўлидаги саъй-ҳаракатларимиз бардавом бўлишини тилайман!

Робахон МАХМУДОВА,
“Адолат” СДП Сиёсий Кенгаши раиси

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

374 0 6

Robaxon Maxmudova

7 Dec, 18:28

01:38

Video oldindan ko‘rish uchun mavjud emas

Telegram'da ko‘rish

309 0 2

Robaxon Maxmudova

7 Dec, 18:25

00:42

Video oldindan ko‘rish uchun mavjud emas

Telegram'da ko‘rish

🔴 - Соғлиқни сақлаш соҳасига ажратилган маблағлар тўлиқ сарфланмаган. Жумладан “Ташаббусли бюджет” лойиҳасида 1.5 мингдан ортиқ овоз тўплаган лекин ғолиб деб топилмаган лойиҳаларни молиялаштириш учун 60 млрд сўм ажратилган бўлса ҳам харажат қилинмаган, - Робахон МАХМУДОВА, “Адолат” СДП фракцияси раҳбари

310 0 2

Robaxon Maxmudova

5 Dec, 11:52

🟢#ОНЛАЙН
#Конституция_билимдони
#Республика_босқичи

Шундан сўнг иштирокчиларга беллашувда эътибор қаратиш керак бўлган айрим жиҳатлар бўйича тавсиялар берилди ва ҳакамлар ҳайъати таркиби таништирилди.

Маълум қилинганидек, танловда иштирокчилар белгиланган учта шарт асосида ўз билим ва иқтидорини синовдан ўтказади.

Жараённи Ўзбекистон Республикаси Бош прокуратураси, Адлия вазирлиги, Судьялар ассоциацияси ва Ёшлар ишлари агентлиги вакиллари ҳамда Қонунчилик палатасидаги "Адолат" СДП фракцияси аъзоларидан иборат ҳакамлар ҳайъати талабчанлик билан, одил ва холисона баҳолаб борадилар.

Жараённи биз билан бирга кузатинг. 😊

🌐 Adolat.uz |🔵 Facebook | 🚀Telegram |📷 Instagram |🐤 Twitter | 🎬 YouTube

281 0 1

Robaxon Maxmudova

5 Dec, 10:57

🟢#ОНЛАЙН
#Конституция_билимдони
#Республика_босқичи

Танловни кириш сўзи билан очган "Адолат" СДП Сиёсий Кенгаш раиси Робахон Махмудова мамлакатимиз Конституциясининг тарихи ва аҳамиятига алоҳида урғу берди. Шу билан бир қаторда партия томонидан бугунги “Конституция билимдони” республика кўрик-танлови, унинг қонунчилик соҳаларига қизиқадиган ёшлар ҳаётидаги аҳамияти хусусида сўз юритди.

— Ҳаммамизга маълумки, ўтган 30 йилдан ортиқ давр мобайнида мамлакатимиз Конституцияси шундай улкан вазифани бажарди. Конституциядан келиб чиққан барча қонунлар, давлат сиёсатининг асосий йўналишлари ва ислоҳотлар инсон қадрини улуғлашга, унинг ҳуқуқ ва эркинликларини таъминлашга қаратилди. Юртимиздаги бугунги тараққиётнинг, ҳар бир соҳадаги юксалишнинг бош омили — Конституциямизда ўрин олган ҳуқуқий нормалар, десам ўринли бўлади, - деди Сиёсий Кенгаш раиси.

Шунингдек, Робахон Махмудова танловнинг жорий йилги ҳудудий босқичларида иштирок этган иштирокчилар янги таҳрирдаги Конституциямиз билан бир қаторда қонунчилигимиздаги ислоҳотлар бўйича ҳам билим ва иқтидорини намоён этганини алоҳида эътироф этди.

— Бизнинг ягона мақсадимиз — сиз каби билимдон, ўз ҳуқуқларидан унумли фойдалана оладиган ёшларнинг ҳуқуқий онгини янада юксалтириш, давлат ва жамият ҳаётида фаол иштирок этишини қўллаб-қувватлаш, Конституциямизда белгиланган тамойилларни аҳоли орасида кенг тарғиб қилинишига кўмаклашишдир. Айтиш жоизки, ўтган йиллардаги танловимиз иштирокчилари таълим, фан, спорт ва бошқа соҳаларда юқори натижаларга эришдилар. Улар ўз билим ва қобилиятлари билан нафақат ўзлари, балки бутун мамлакатимиз учун фахр-ифтихор олиб келмоқдалар. Бу эса танловимизнинг самарадорлиги ва аҳамиятини яққол намоён этади, - дея таъкидлади партия етакчиси.

206 0 1

Robaxon Maxmudova

5 Dec, 10:52

283 0 0

uz Зеленые проекты: новости

Что такое малые АЭС?

Новости Ферганской области

Robaxon Maxmudova

Kanal geosi va tili

Toifa

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

Robaxon Maxmudova

12 762

Kanalda mashhur

Sayt tili

uz Зеленые проекты: новости

Что такое малые АЭС?

Новости Ферганской области

Robaxon Maxmudova

Kanal geosi va tili

Toifa

12 762

Kanalda mashhur