МАЪРУФА СОЛИЕВА | Норасмий|

Бугун Мажбурий ижро бюроси Фарғона вилояти бошқармасида Бюро ходимлари томонидан 2024 йил давомида амалга оширилган ишлар юзасидан
Матбуот анжумани бўлиб ўтди.
Унда вилоятимизда фаолият кўрсатаётган ОАВ вакиллари, журналист блогерлар, бошқармалар ахборот хизмати раҳбарлари иштирок этишди.

Мажбурий ижро бюроси Фарғона вилояти бошқармаси томонидан судларнинг мулкий ва номулкий ундирувлар билан боғлиқ қарорлари ижросини сўзсиз таъминлаш, шу жумладан, ваколатли органлар томонидан давлат фойдасига ундирилиши белгиланган маблағларни мажбурий ундириб боришга қаратилган барча чора-тадбирлар ўз вақтида амалга ошириляпти.

Хусусан, 2024 йил давомида жами 6,9 трлн. сўмлик ижро ҳужжатларининг ижроси тамомланиб, шундан 2,8 трлн. сўмлик 537 мингта ижро ҳужжатлари амалда ундирилиши таъминланди.

Ўтган давр мобайнида давлат фойдасига 1,1 трлн. сўм,
юридик шахслар фойдасига 1,6 трлн. сўм, жисмоний шахслар фойдасига эса 114 млрд. сўм қарздорликлар ундириб берилди.

Ундирувларнинг ортиши ўз навбатида фуқаролар, ҳўжалик юритувчи субъектлар ва давлат манфаатларига ижобий таъсир кўрсатяпти.

2024 йилда асосан эътиборни маъмурий жарима ундириш билан боғлиқ ижро ҳужжатлари ижросига қаратилинганлиги сабабли натижада жами 142.732 та 73,1 млрд. сўм маблағлар ундирилишига эришилган

"Мажбурий ижро ҳаракатлари натижасида тижорат банклари фойдасига ундириш билан боғлиқ жами 21.195 та 939,7 млрд. сўм ундирилиб,. қолдиқдаги ижро ҳужжатлари бўйича жами 1.247 та 665 млрд. сўмлик мол-мулклар хатланиб, ҳозирда 152 та 203 млрд. сўмлик мулклар сотиш учун аукцион савдоларига чиқарилган.

Қайд этиш керакки, давлат фойдасига ундирувлар билан боғлиқ 6 та йўналишдаги ижро ҳужжатлари бўйича 2024 йилда 102 млрд. сўм маблағ ижтимоий ҳимояга олиниб, “Темир дафтар”, “Ёшлар дафтари” ва “Аёллар дафтари”га киритилган фуқароларни қўллаб-қувватлаш учун ўтказилган.

Жамиятда яна бир долзарб масала бу алимент ундирувлари билан боғлиқ ишлардир. Айни вақтда давлат ижрочиларининг иш юритувида қолдиқда бўлган 377 мингдан ортиқ ижро ҳужжатларининг 36 мингтаси ёки 10 фоизи алимент масаласига оид ишларни ташкил қилади.
Алимент ундириш билан боғлиқ ижро ҳужжатлари юзасидан алоқадор ташкилотлар билан оилаларни ўзаро яраштириш борасидаги ўзаро ҳамкорлик натижасида 13.813 нафар оилалар яраштирилди.
Ишсиз алимент тўловчиларни иш билан таъминлаш борасида олиб борилган тадбирлар натижасида 6.280 нафар алимент тўловчиларни ишга жойлаштирилишига кўмаклашилди"~дея маъруза қилди Бюро раҳбари Отабек Салмонов



Маъруфа СОЛИЕВА





https://t.me/Marufa_Soliyeva

УЗУК СОТУВЧИ
(ҳаётий воқеа)

Бир неча киши Мисрга бордик. Дўконга кирдик. Бир узук ёқиб қолиб нархини сўрадик.
– 1400 жунайҳ, – деди. Бир оз нархини тушириб беришини илтимос қилдик.
– Қаерликсизлар? – деди.
– Ўзбекистонлик,  Бухорий юртидан, – дедик.
– Бухорий юртидан экансиз, сизларга 20 фоиз чегирма қилиб берамиз, – деди. Бизга ёқиб кетди.
– Яна қандай олимлар бўлган? – деб сўради.
– Имом Термизий, – дедик.
– МашаАллоҳ, у киши ҳам сизларданми? – деди бири ишонқирамай.
– Ҳа, биздан кўплаб алломалар чиқишган, – дедик.
– Яна ким?
– Имом Замахшарий, – дедик.
Сотувчи “МашаАллооооҳ” деди-да, қўллари билан кўзларини ёпди. Панжалари орасидан ёш оқа бошлади. Кейинроқ билдик, у киши Имом Замахшарийнинг ашаддий мухлислари экан. Бир оз суҳбатлашгандан кейин:
– Сизлардан фойда олмайман. 620 жунайҳга тушган, шуни берсангиз бўлди, – деди. Шу пайт орамиздагилардан фақат ўзбеккагина хос бўлган «гап» чиқди: “Шундан икки дона беринг…”
Мен уялиб кетдим. “Майли, бераман” деди. Узукни бераётганда ёнда турган кишилардан бирлари «намоз ўқишармикин?» деб қолди. Сотувчи қўлини узатаётганча тўхталиб қолди. “Ҳа, намоз ўқийсизларми?” деди. Савол билан жавоб орасида узилиш пайдо бўлди. Чунки, жавоб айтарли йўқ эди…
Бир оз сукутдан кейин “Жумъа намозига чиқиб турамиз” деди кимдир. “Бошқа намозларничи?” деди ҳайрон бўлиб. Зўрғагина “Йўқ” дея олдик. Сотувчининг қўли муаллақ туриб қолди. Бироз сукут қилди-да, ачиниш билан “Майли, мен мусулмонман, айтган нархимга бераман, аммо сизлар қайтиб Имом Бухорийни тилингизга олманг, ҲАҚҚИНГИЗ ЙЎҚ!” – деди…

Дарҳақиқат, бугун биз бенамозликдан қўрқмайдиган, ҳаромдан ҳаё қилмайдиган уммат бўлдик. Бизнинг ҳеч бир уламомизни тилга олишга ҳаққимиз йўқ!!!



Қўқон шаҳар Отинойиси Санобархон Алимованинг телеграм каналидан олинди.






https://t.me/Marufa_Soliyeva