Marketer Davronbek

Targetda sizdan ko'p pul tikkan raqobatchini yengishni faqat bitta yo'li bor

Reklama kreativi — bu hamma narsa. Jamoam bilan doim takrorlayman, chunki kreativsiz reklama ishlamaydi. Ha, sozlamalarni to'g'ri qilish ham san'at, lekin ko'pchilik shuni ham to'g'ri qilolmaydi.

Endi qanday qilib yuqori byudjetli raqobtchini yutib chiqish haqida gapiraman

Facebook faqat byudjetga qarab emas, balki quyidagi uch omilga qarab reklama ko‘rsatadi:

1. Byudjet (bid): Siz reklama uchun qancha pul tikdingiz?
2. Reklama sifati (ad quality): Reklama dolzarbligi va qiziqarliligi. Facebook 1 dan 10 gacha baholaydi.
3. Kutilayotgan natija (Estimated Action Rate)
: Sizning reklamangiz odamlarni qanchalik jalb qiladi?

Aytaylik siz reklamaga $5 sarflayapsiz, raqobatchingiz esa $8.

Agar reklama faqat pulga qarab belgilanganda kichik bizneslar va byudjeti kam bo'lganlar hech nima qila olmay qolishardi, shuning uchun ham facebook faqat pulga emas reklama sifati va kreativ keltiruvchi tahminiy natijaga qarab qaysi reklamani ko'rsatishni tanlab oladi.

Yuqorida aytilganidek siz reklamaga $5 tikdingiz, raqib esa $8. Bundan keyin siz berayotgan reklama kreativi sifatiga e'tibor qaratiladi.

Reklama kreativi sizda yaxshiroq qilingan bo'lsa unda sizga 6 ball raqibga esa 4 ball qo'yadi. Keyin esa reklama berishi mumkin bo'lgan tahminiy natija hisoblanadi. Sizni reklamangiz facebook hisob kitoblariga ko'ra yaxshiroq natija bersa unda yana sizga 7 ball raqibga esa 5 ball beradi.

Reklama mana shu 3 bosqichda baholanadi va qaysi biri yaxshiroqligi aniqlanadi.

Keling hisoblaymiz

Furmula: Umumiy ball = (bid) x (ad quality) x (Estimated Action Rate)

Bizdagi misolga ko'ra sizda

($5) * (6) * (7) = 210

Raqobatchingizda

($8) * (4) * (5) = 160

Ko'rinib turibdiki siz 50 ballga oldinlab ketdingiz va sizni reklamangiz auktsionda yutib chiqdi, demak sizni reklamangiz ko'proq ko'rsatiladi.

Facebook shunchaki ko‘proq pul taklif qilgan reklama emas, balki odamlar ko‘rishni xohlagan va bosishga tayyor bo‘lgan reklamani ustun qo‘yadi! 😊

Kreativ bilan shug'illanuvchilar shuning uchun ham kerak.

Aytgancha byudjet muhimmas ekan deb o'ylamang, byudjet har doim muhim, lekin agar kreativ yaxshi bo'lmasa unda u kulga aylanadi.

Qiziq bo'lgan bo'lsa ❤️‍🔥 reaksiya bosing, shunaqa aniq postlar chiqarishim uchun motivatsiya bo'ladi.

@marketerbilan

Reklama byudjeti qanday aniqlanadi?

Aniq maqsad va strategiya bo‘lmasa, har qanday byudjet havoga uchadi. Balki siz ham reklama byudjeti belgilashda qaysidir payt qiynalgansiz. Keling, bu jarayonni sodda va amaliy tarzda tushuntirishga harakat qilaman.

Har doim ish oldidan maqsadlar qo’yib olish kerakligi haqida gapiraman. Hozir ham shunday, birinchi navbatda siz o’zi reklama orqali nimaga erishmoqchi bo’layotganingizni aniqlab olishingiz kerak. Chunki agar siz faqat sotuvlarni xohlasangiz unda reklamaga yondashuv ham boshqacha bo’ladi, yoki faqat brend tanitishni xohlasangiz ham shunday farq qiladi. Shuning uchun ham maqsadni aniq qilib olish birinchi darajali ish.

Ko’p joyda uchratgan byudjet hisoblash texnikam

Byudjet = LTV x mijozlar soni x 10%

LTV - bitta mijoz umri davomida sizga beradigan foydasi. Misol uchun sizni mahsulotingiz $10 bo’lsa va bitta mijoz sizdan umri davomida 12 marta sotib olsa demak bu 12 x $10 = $120, agar mijoz sizdan bir marta sotib olsa unda faqat shuni hisoblaysiz. Endi sizga nechta mijoz kerak? 100 tami, unda $120 x 100 = $12,000 bo’ladi, buning 10% esa $1,200 bo’ladi.

Foizlar va sonlar biznes turi va imkoniyatidan kelib chiqib moslashtiriladi.

Bundan tashqari ROI ni ham doim kuzatib boring. ROI ni hisoblasahni esa kommentariyada formulasini qoldiraman.

E’tibor qiling, biznes aniq fan emas, lekin undagi raqamlarni o’qiy olish va to’g’ri qaror qilish qaror chiqarish aniqligini oshiradi.

@marketerbilan

Oʻzbekiston yaqin kelajakda Oʻrta Osiyodagi raqamli texnalogiyalar va investitsiyalar markaziga aylanishi mumkin

Birgina e-commerce oʻsishi oddiy bozorga nisbatan deyarli 5x koʻproq. 2027-yilda bu koʻrsatkich onlayn savdo uchun $2.2 mlrd ni tashkil qilishi mumkin.

Bu esa oʻz oʻrnida marketolog va ayniqsa targetologlarga talabni oshiradi.

Ana endiyam oʻqib oʻrganmagan odamni oʻzida ayb.

Aytgancha koʻp katta IT kompaniyalar xizmatlarini Oʻzbekistonda sinab koʻrishni reja qilishyapti, bu shunchaki emas. Chunki yurtimiz aholi soni boʻyicha Oʻrta Osiyodagi eng katta bozor hisoblanadi.

@marketerbilan

Har kuni har doim ijtimoiy tarmoq va messenjerlarimni tekshirib javob berib chiqishni odat qilib olish ustida ishlayapman.

Ho'sh kim birinchi qor haqida story qo'ydi?

@marketerbilan

Hozir yana bir mijoz oldidaman

Reklama uchun 4 oyda yetarlidan koʻproq pul sarflashgan lekin deyarli hech narsani ushlab qola olishmagan.

Bundan avval ishlagan agentlik uchun yaxshigina pul toʻlangan ammo ishlar aniq ochiqlanmagan va maʼlumotlar, reklama accountlar korxona tarkibida yuritilmagan. Buni oqibatida agentlik bilan ish toʻxtatilgach (chunki ular natija qilib berisholmagab) kompaniya hammasini yana noldan boshlashi kerak.

Agentliklar proyektlar bilan kelishuvda hammasini aniq gaplashib olishmaydi. Biznes accountlar, reklama accountlar bularni biznes egasi tushunishi qiyin boʻgani uchun tushuntirib boshini oʻgʻritib oʻtirishmaydi va oʻzlari hammasini qilishadi.

Keyinchalik ish tugatilganda esa hamma maʼlumotlar agentlikni oʻzi bilan ketadi. Biznes esa shuncha pul sarflab ishini yana noldan boshlashi kerak boʻlib qoladi.

Bizni ustun jihatimiz ham shunda, adify agentligi biznesmenlar uchun eng yaxshilarini qiladi va har bir detalni chuqur tushuntirib beradi.

Hullas bozorda agentliklarni aksariyati tushuntirib berishga kelganda dangasa, biznesmenlar uchun ishingni qil deb oxirida hech narsasiz qolishadi.

Tushuntiring, koʻrsating va kelishuvni mayda detallargacha aniq qilib oling. Hayrlashayotgan vaqt oʻzingizga oson boʻladi.

@marketerbilan

Oʻquvchilarimning 90% qismi kursni bitiriboq ishli boʻlishdi

10-sinfligimdan beri dars beraman, maktabda ham(norasmiy), oʻquv markazda ham, katta davralarda ham, biznes maktabda va online ham dars berdim. Dars berishning hamma uslublarida darslar oʻtdim. Yakka tartibdami yoki guruhlarga boʻladimi hammasi. Bir martalik yoki uzoq muddatli darslar ham.

Hullas dars berish boʻyicha yetarli boʻlmasa ham anchagina tajribam bor. Dars bergan sohalarim va auditoriyaning almashib turishi esa meni har xil odamlar bilan ishlash koʻnikmamni shakllantirgan.

Sizga nima uchun bularni aytib berdim?

Statistikaning eng katta yolgʻoni bu maqsadga qarab qoʻllanilishida. Kimdir sarlahvadagidek qilib 90% oʻquvchilarim proykekt olishdi desa ishonib ketmang. Oʻsha 90% oʻquvchilar proyektlari bilan nechi oy ishlashdi, keyin yana ishlay oldimi?

Bozorda xor boʻlib yurgan SMMshik, Targetolog va boshqa kasb egalarini taniyman. Ular UZB ning eng zoʻr kurslarida oʻqib chiqishgan. Boshida zoʻr topishgandur lekin keyinchalik baribir ularni bozor siqib chiqarib yubordi.

Qaysidir taniqli kursda bir kishi oʻqiydi va kurs taniqliligi uchun ham korxonalar oʻsha kursni bitirgan oʻquvchini ishga oladi, lekin 2 oy oʻtgach uni hali hech nimaga arzimasligini his qilib boʻshatib yuborishadi. Bunaqa holatlar bozorda juda koʻp boʻlgan.

Oʻzim ham butun UZB taniydigan katta oʻquv markaz oʻquvchilarini ishga olishda juda qattiq soʻroq savol qilaman. Chunki bir necha martalab oʻsha yerni oʻquvchilarini qanchalik bilimsizligini koʻrdim.

Oʻquvchilar kursni bitirgach oʻz narsani oʻrganib ham hursand boʻlib men roziman, zoʻr dars boʻldi deb yuraveradi. Chunki oʻsha oʻquvchi avval hech nimani bilmagan boʻladi, lekin ishga topshirganda yoki ozroq ishlagach hali uni bilimlari hech narsa ekanligini his qiladi. Oʻquvchida ham ayb yoʻq, chunki u sotib olgan kursda oʻqituvchisi men eng zoʻriman, sizlar eng yaxshi oʻqituvchidan eng yaxshi bilimlarni oʻrganyapsiz deb miyasiga quyib qoʻyadi.

Yaqinda bir yozishmaga koʻzim tushdi. U yerda bir kishi boshqasiga kurs sotib olishni maslahat beryapti va aytyaptiki "mana shu ustozni hamma shogirdlari moshina olib natijaga chiqqan, zoʻr oʻqituvchi"
Demak biz ham yaxshi oʻqituvchi boʻlishimiz uchun hamma shogirdlarimiz mashina olishi kerak ekan.

Shunchaki oʻqituvchi yoki kursga toʻgʻri baho bering. Shogirdlarini ishli qilgani yoki mashina olgani haqidagi gaplar hozir sifat haqida hech nimani gapirmayapti.

Shuncha narsani odamlarni oʻylab yozdim, oʻzin deganimda man ham kurs sotardim.

@marketerbilan

Qanday mavzuda blog yuritishim kerak va nimani sotaman?

"Davronbek blog yuritishim kerakligini bilaman lekin qaysi mavzuda yuritishimga ikkilanyapman. Texnika haqida gapiraymi, hayotiy videolar qilaymi yoki marketing haqidami? Blog ochdim ham deylik, undan qanday qilib pul topaman?"

Bu kabi savollar bilan tez-tez odamlar menga chiqishadi. Odamlar har xil, kimdir doktor boʻladi, yana kimdir Targetolog. Lekin men hammasiga bir xil javob qaytaraman "Siz nimani eng yaxshi qilasiz?".

Blog mavzusini tanlash koʻpincha qiyin, qaysidir maʼnoda qoʻrquvlaringizni asosli deb ayta olaman. Chunki bu jarayonni oʻzim ham boshimdan oʻtkizganman. Lekin agar uyingizda mototsikl turgan boʻlsa yana velosiped yaratmagan ma'qulroq.

Odamlar uchun yangi muammolar yaratish emas, hozirgi muammolariga unikal va tezkor yechimlar kerak. Siz ham shuni qiling, eng yaxshi biladigan sohangizni tanlang va shu boʻyicha videolar olishni boshlang.

Qanday qilib pul topaman yoki nima sotaman?

Sotish uchun product tayyorlash biroz keng jarayon, lekin toʻgʻrisini aytsam bu unchalik qiyin ham emas.

Sizga kelib tushayotgan eng koʻp savollarni toʻplang va ularga yechim tayyorlab sotuvga qoʻying. Ishoning, haridorlar tezda sizni topib kelishni boshlashadi.

Koʻpincha bu mavzuga konsultatsiyalarimda chuqurroq kiramiz. Lekin asosini siz bilan boʻlishishga harakat qildim.

@marketerbilan