Musofirlar | Migrant | Turkiyada | Koreyada

Россия ИИВ назоратдаги шахслар реестрининг шакллантирилиши ва фаолияти тартибига ойдинлик киритди

2025 йил 5 февралдан бошлаб, Россия Федерацияси ҳудудида ноқонуний тарзда бўлиб турган хорижий фуқароларга нисбатан чиқариб юбориш режими (режим высылки) қўлланилади. Бу режим айрим ҳуқуқ ва эркинликларни чеклаш ҳамда миграция соҳасида федерал давлат назоратининг (тадбири) бошқа чораларини ўз ичига олади.

Хорижий фуқаролар ҳақидаги маълумотлар қуйидаги ҳолатларда назоратдаги шахслар реестрига киритилади:


• вақтинча бўлиш муддати, вақтинча яшаш рухсатномаси (шу жумладан таълим олиш мақсадида), яшаш учун рухсатнома, патент, ишлаш рухсатномаси, меҳнат шартномаси муддати тугаганида ёки вақтинча бўлиш муддати қисқартирилганда;

• хорижий фуқароларнинг реадмиссия бўйича Россияга қайтарилиши, Россияда қонуний бўлиш учун асослар мавжуд бўлмаганида;

• виза (шу жумладан электрон виза), вақтинча яшаш рухсатномаси (шу жумладан таълим олиш мақсадида), яшаш учун рухсатнома бекор қилинганда;

• қочқинлик мақомига оид аризани кўриб чиқишдан бош тортиш, қочқин деб тан олишдан бош тортиш, вақтинча бошпана беришдан бош тортиш, вақтинча бошпанадан ёки қочқинлик мақомидан маҳрум қилиш, вақтинча бошпананинг ёки қочқинлик мақомининг йўқолиши тўғрисида қарор қабул қилинганда;

• круиз кемаси ёки паром бортида йўловчи сифатида бўлган хорижий фуқаро 72 соат бўлиш муддати тугаганида;

• Россия фуқаролиги тугатилганда ва Россия ҳудудида бўлиш учун қонуний асослар мавжуд бўлмаганида;

• маъмурий жазо сифатида маъмурий чиқариб юбориш белгиланганда;

• депортация, реадмиссия, бўлиш (яшаш) исталмагани, киришга рухсат берилмагани ёки чиқишга чеклов белгиланганида;

• Россия Федерациясининг давлат чегарасини ноқонуний кесиб ўтганда;

• хорижий фуқаронинг жиноят содир этгани учун айбдор деб топилган суд ҳукми кучга кирганда.

Чиқариб юбориш режими қўлланилган хорижий фуқаролар Россия Федерацияси ҳудудидан чиқариб юборилишидан (депортация ёки мустақил тарзда чиқиб кетиш) ёки уларнинг ҳуқуқий мақоми ҳал этилгунига қадар назоратдаги шахслар реестрига киритилади.

👉 @Musofirdauz

❗️🇵🇸 Исроил Ғазо секторини АҚШга топширади — Трамп

Трампнинг айтишича, Исроил можаро тугагач, Ғазо секторига эгалик қилишни АҚШга топширади, фаластинликлар эса "яхшироқ ва хавфсизроқ" ҳудудларга кўчирилади.

@Musofirdauz

❗️Қозоғистон қидираётган ўзбекистонлик Россияда ушланди

Москва вилоятининг Люберцы шаҳрида 36 ёшли Ўзбекистон фуқаросини қўлга олинди. У 2014 йилда чимкентлик аёлга тегишли бўлган ер участкасини фирибгарлик йўли билан сотган. Жабрланувчига етказилган зарар 14 минг долларни ташкил этади.

Обуна бўлинг 👉🏻 @Musofirdauz

👦🏻 Рус тили тестидан ўтолмаган ва мактабга қабул қилинмаган муҳожир болаларнинг ота-оналари жавобгарликка тортилиши мумкин

Бу ҳақда Россия Таълим вазирлиги лойиҳасида қайд этилган.

Шунингдек, агар боланинг рус тили билими мактабда ўқиш учун етарли бўлмаса, уни қайта имтиҳонга юборишлари мумкин.

👉 @Musofirdauz

❗️5 февралдан бошлаб Россияда "режим высылки" тартиби кучга киради.

Тартибга кўра, Россияда бўлишини қонуний равишда рўйхатдан ўтказмаган барча хорижликлар назорат қилинадиган шахслар реестрига киритилиши шарт. Улар Россиядан чиқариб юборилмагунча (депортация қилинмагунча ёки мустақил равишда тарк этгунига қадар) ёки мамлакат ҳудудидаги ҳуқуқий мақоми ҳал этилгунга қадар ушбу рўйхатда қолади.

Реестрга киритилган назорат остидаги шахсларга нисбатан қуйидаги чекловлар қўйилади:

— яшаш жойини ёки турган жойини ички ишлар органининг рухсатисиз ўзгартириш;

— Россия ичида бошқа регионга кўчиб ўтиш;

— кўчмас мулк ва транспорт воситаларини олиш, ушбу мулкни давлат органларида рўйхатдан ўтказиш.

Бундан ташқари, бундай шахсларга транспорт воситаларини бошқариш, никоҳ тузиш, юридик шахс ташкил этиш, якка тартибдаги тадбиркор сифатида рўйхатдан ўтиш, банк ҳисобварағини очиш ва бошқа банк операцияларини амалга ошириш ҳуқуқидан фойдаланишда чекловлар қўйилади.

Ноқонуний муҳожирларга фақат мажбурий тўловларни тўлаш учун пул ўтказмалари бўйича молиявий операцияларни амалга оширишга, шунингдек, жўнаб кетгунга қадар яшаш харажатлари учун тўлов қилишга ҳамда 30 минг рублдан кўп бўлмаган пул ўтказишга рухсат берилади.

5-февралдан бошлаб мигрантларни суд қарорисиз полиция ўзи мустақил  депортация қилиши мумкин. Депортация қилинадиган фуқаролар назорат қилинадиган шахслар реестрига киритилади. Рўйхатдаги хорижликларга ноқонуний хизмат кўрсатган фуқаролар – 5 минг, мансабдор шахслар – 50 минг, юридик шахслар – 500 минг рублгача жаримага тортилади.

Ҳурматли мусофир юртдошлар! 5 февралдан бошлаб ўз ҳуқуқий мақомингизни тўғрилатиб олинг! Бунга имкон бериб турганда фойдаланиб қолиш керак!

👉 @Musofirdauz