Kozimxon To'rayev

📌 Yapon menejmentidan dars: "Muammo chiqishini kutmang, uni oldindan bartaraf qiling!"

Sizning biznesingizda muammolar qachon hal qilinadi? Xatolik yuzaga kelgachmi yoki undan oldinroqmi?

Yapon menejmentida ikki muhim yondashuv mavjud:

🔹 Occurrence Prevention (Hodisani oldini olish) – muammo kelib chiqmasdan oldin sabablarini yo‘q qilish.
✅ Masalan, xodimlar xatolarga yo‘l qo‘ymasligi uchun aniq SOP (standart operatsion protseduralar) yaratish.

🔹 Outflow Prevention (Tashqariga chiqishning oldini olish) – xatolik sodir bo‘lsa ham, u mijozga yetib bormasligi uchun nazoratni kuchaytirish.
✅ Masalan, savdo jarayonida noto‘g‘ri mahsulot mijozga yetkazilmasligi uchun qo‘shimcha tekshiruv bosqichlari joriy qilish.

🚨O‘zbek bizneslari uchun saboq: Ko‘pchilik muammolarni yuzaga chiqqandan keyin yechishga harakat qiladi. Ammo eng muvaffaqiyatli kompaniyalar muammolarni oldindan oldini olishga sarmoya kiritadi!

Sizning biznesingizda bu yondashuvlar qanchalik qo‘llanmoqda? Fikrlaringizni kommentda yozib qoldiring! ⬇️

🔻 Muvaffaqiyatli yapon kompaniyasi haqida tayyorlangan video darsligimizni quyidagi havola orqali BEPUL formatda ko'rishingiz mumkin

https://youtu.be/-rwkiGZtJYY?si=-q152m9SB5E1VX4b

🇯🇵 YAPON KOMPANIYALARIDA NIMA UCHUN HAR BIR XODIM BOSHQA BO‘LIMLARNI HAM O‘RGANISHI SHART?

O‘zbekistonda “Bu mening ishim emas” degan ibora tez-tez uchraydi. Lekin yaponlar bu tamomila noto‘g‘ri yondashuv deb hisoblashadi!

📌 Yapon kompaniyalari har bir xodimga boshqa bo‘lim ishlarini ham o‘rganishni majburiy qiladi. Nega?

✅ Ishni chuqur tushunish – Xodim butun jarayonni bilsa, o‘z ishini ham mukammal bajaradi.
✅ Moslashuvchanlik – Agar kadr yetishmasa, har kim muammosiz o‘rnini bosa oladi.
✅ Rahbarlikka tayyorgarlik – Ko‘p sohada tajribaga ega odam tezroq rahbar bo‘ladi.
✅ Innovatsiyalar – Har xil bo‘limlarni tushungan odam yaxshiroq taklif bera oladi.
✅ Jamoaviylik – “Mening ishim” emas, “bizning umumiy maqsadimiz” tamoyili bo‘yicha ishlashadi.

🔴 Yapon kompaniyalari xodimlarini bir yo‘nalishga qamab qo‘ymaydi – ular hamma sohani tushunadigan, kuchli mutaxassis va yetakchi yetishtirishga harakat qilishadi. O‘zbekiston kompaniyalari ham shunday yondashsa, qanday natijalarga erishish mumkin?

💬 Sizningcha, bizda ham bu tizimni joriy qilish mumkinmi? Fikringizni kommentda yozib qoldiring! 👇

https://t.me/KozimxonTuraev

🚀 JUST IN TIME – BIZNESINGIZ UCHUN IDEAL TIZIM!

📌 "JIT (Just in Time)" – ishlab chiqarish va yetkazib berish jarayonlarini optimallashtirish tizimi bo‘lib, keraksiz zaxiralarni yo‘q qilish va samaradorlikni oshirish** uchun ishlatiladi.

💡 JIT qanday ishlaydi?
✔️ Buyurtma bo‘lsa – ishlab chiqarish boshlanadi
✔️ Omborda ortiqcha mahsulot qolmaydi
✔️ Ish samaradorligi oshadi
✔️ Sifat va moslashuvchanlik yaxshilanadi

🔴 MUHIM: Yetkazib berishda kechikish bo‘lsa, ishlab chiqarish to‘xtashi mumkin! Shuning uchun ishonchli hamkorlar va aniq rejalashtirish zarur.

🏭 Kimlar foydalanadi?
✅ Toyota – Dunyoga JIT tizimini olib kelgan
✅ McDonald's – Buyurtmaga qarab ovqat tayyorlaydi
✅ Zara – Tezkor moda ishlab chiqaradi
✅ Dell – Kompyuterlar buyurtmaga binoan yig‘iladi

📊 JIT – "tezlik, samaradorlik va xarajatlarni kamaytirish" degani! Sizning biznesingiz ham bunga tayyormi?

https://t.me/KozimxonTuraev

📍GEMBA – Biznesingizni O’stirishning Haqiqiy Kaliti!

Ko‘pchilik rahbarlar biznesni ofisdan boshqarishga harakat qiladi. Lekin, "haqiqiy muammolar qog‘ozda emas, jarayonlarning o‘zida yashirin bo'ladi".

GEMBA – bu "haqiqat joyi", ya’ni biznesingizning haqiqiy ishlash jarayonlari kechadigan maydon. Ishlab chiqarish sexi, savdo do‘koni, mijozlar bilan aloqa nuqtalari – bularning barchasi GEMBA hisoblanadi.

👣 "Gemba Walk" – bu rahbarning jarayonlarga bevosita tushib, xodimlar va mijozlar bilan muloqot qilib, muammolarni joyida aniqlashi va hal qilishidir.

🔹 GEMBA biznes o‘sishiga qanday ta’sir qiladi?

✅ Haqiqiy muammolarni aniqlash va tez hal qilish
Qog‘ozdagi hisobotlar muammolarning faqat natijasini ko‘rsatadi. Sabablarni esa faqat joyida tushunish mumkin!

✅ Ish samaradorligini oshirish
Ortacha harakatlar, vaqt yo‘qotishlar va xodimlar motivatsiyasining pasayishi – bularning barchasini Gemba Walk orqali bartaraf etish mumkin.

✅ Xodimlarni jalb qilish va mas’uliyatini oshirish
Rahbar jarayonga yaqinlashsa, xodimlar o‘zlarini qadrlangan his qiladi va ishga bo‘lgan munosabatlari o‘zgaradi.

✅ Mijozlar ehtiyojlarini yaxshiroq tushunish
Mijozlar bilan bevosita muloqot qilish orqali ularning talab va muammolarini chuqur tushunish imkoniyati paydo bo‘ladi.

🚀 Agar biznesingizda yuqori samradorlikka erishmoqchi bo‘lsangiz – "ofisni tark etib, haqiqat joyiga boring!" GEMBA sizga biznesingizni yangi bosqichga olib chiqishga yordam beradi!

https://t.me/KozimxonTuraev

Doim ham achchiq choy ustida soatlab majlis qilish foyda beravermaydi.

🇯🇵 Yaponlar buning o'rniga har kunlik 5-15 daqiqa vaqt oladigan majlislarni afzal ko'rishadi.

Tartibli va aniq tuzilgan formatda o‘tkaziladigan bu majlislar odatda Chorei (朝礼) deb ataladi va har kuni ertalab 5-15 daqiqada amalga oshiriladi. Quyida yapon kompaniyalarida kundalik majlislar qanday tartibda o‘tishini ko‘rib chiqamiz.

📌 1. Majlis oldidan tayyorgarlik
🔹 Majlisning aniq boshlanish vaqti belgilangan bo‘ladi (odatda 8:30 yoki 9:00).
🔹 Xodimlar oldindan kerakli hujjatlar, ma’lumotlar yoki rejalashtirilgan hisobotlarni tayyorlab kelishadi.
🔹 Barcha ishtirokchilar o‘z o‘rinlarini oldindan egallaydi.

📌 2. Majlisning boshlanishi (1-2 daqiqa)
🔹 Barcha xodimlar saf bo‘lib turishadi yoki joylarida tartibli o‘tirishadi.
🔹 Rahbar qisqacha kirish so‘zini aytadi – majlisning asosiy maqsadini eslatadi.
🔹 Shior yoki ilhomlantiruvchi gaplar aytilishi mumkin (ba’zi kompaniyalarda an’anaviy motivatsion so‘zlar takrorlanadi).

📌 3. Kechagi ishlarning qisqacha natijasi (2-3 daqiqa)
🔹 Har bir bo‘lim kechagi asosiy ish natijalarini tezkor hisobot shaklida aytadi.
🔹 Yuzaga kelgan muammolar va ularning qanday hal qilingani haqida ma’lumot beriladi.
🔹 Agar jiddiy muammo bo‘lsa, batafsil muhokama keyinroq, alohida yig‘ilishda o‘tkaziladi.

📌 4. Bugungi kun rejalari (3-5 daqiqa)
🔹 Rahbar yoki bo‘lim boshliqlari bugungi asosiy vazifalar haqida ma’lumot beradi.
🔹 Har bir bo‘lim yoki loyiha jamoasi bugungi kun uchun aniq vazifalarini bildiradi.
🔹 Muhim topshiriqlar va muddatlar belgilab olinadi.

📌 5. Diqqat talab qiladigan muammolar (2-3 daqiqa)
🔹 Agar kechadan yoki oldingi kunlardan hal qilinmagan muammolar bo‘lsa, ular qisqacha eslatib o‘tiladi.
🔹 Qanday harakatlar amalga oshirilayotgani va qanday yordam kerakligi aytiladi.
🔹 Katta muammolar bo‘lsa, ularni chuqur tahlil qilish uchun alohida majlis rejalashtiriladi.

📌 6. Xavfsizlik va sifat nazorati haqida eslatma (1-2 daqiqa)
🔹 Ishlab chiqarish yoki xizmat ko‘rsatish kompaniyalarida xavfsizlik bo‘yicha qisqacha ma’lumot beriladi.
🔹 Shisa Kanko (指差喚呼) – “Ko‘rsat va gapir” texnikasi orqali xodimlar xatoliklarning oldini olish bo‘yicha eslatma olishadi.

📌 7. Motivatsion qism va yakun (1-2 daqiqa)
🔹 Rahbar xodimlarni ilhomlantirish uchun qisqa nutq qiladi.
🔹 Ba’zan yapon kompaniyalarida "Baribir g‘alaba qozonamiz!" yoki "Bugun ham ajoyib ish qilamiz!" kabi motivatsion shiorlar baravariga aytiladi.
🔹 Majlis "Gambare!" (頑張れ) – “Harakat qilaylik!” yoki shunga o‘xshash jamoaviy shior bilan tugaydi.

📌 8. Majlisdan keyingi harakatlar
🔹 Xodimlar darhol o‘z ish joylariga tarqalishadi.
🔹 Agar alohida muhokama yoki qo‘shimcha uchrashuv zarur bo‘lsa, qatnashuvchilar shu zahoti belgilab olinadi.

https://t.me/KozimxonTuraev

🔥 HR MUTAXASSISLARI UCHUN AJOYIB IMKONIYAT! 🔥
TAJRIBALI HR DIREKTOR / HR MENEDJER IZLAYAPMIZ!

🎯 NIMA TAKLIF QILAMIZ?
💰 Oylik maosh: $1000 – $2500 (sizning tajribangizga qarab)
📈 Professional va shaxsiy rivojlanish imkoniyatlari
🏢 Zamonaviy ofis va innovatsion muhit
🎁 Xodimlar uchun kuchli imtiyozlar va rag‘bat tizimi
🚀 HR jabhasi bo‘yicha o‘z salohiyatingizni to‘liq ochish imkoniyati

🏢 QAYSI KOMPANIYALARDA ISHLASH IMKONIYATI?
✅ Buxgalteriya autsorsing kompaniyasi
✅ Margarin, saryog‘, toplyonka, mayonez ishlab chiqaruvchi zavod
✅ Qayta tiklanuvchi energiya sohasida EPC (Engineering, Procurement, Construction) loyihalarini amalga oshiruvchi kompaniya

Bu sohalardan birida HR jarayonlarini yuqori darajaga olib chiqishga tayyormisiz?
Unda biz sizni izlayapmiz! ✨

💡 IDEAL NOMZOD KIM?
✔️ HR sohasida kamida 3 yillik tajribaga ega
✔️ Ishga qabul qilish, xodimlarni boshqarish va motivatsiya tizimlarini mukammal yurita oladigan
✔️ Xodimlarning kasbiy rivojlanishini qo‘llab-quvvatlash va o‘sishiga hissa qo‘shadigan
✔️ Ichki kompaniya siyosati va mehnat intizomini nazorat qila oladigan
✔️ Mehnat shartnomalarini tayyorlash va kadrlar hujjatlarini yurita oladigan
✔️ Konfliktlarni boshqarish va xodimlar bilan samarali aloqa o‘rnata oladigan
✔️ O‘zbek va rus tillarida ravon gapira oladigan (Ingliz yoki turk tili bilish afzallik)
✔️ Zoho People, 1C yoki boshqa HR dasturlarida ishlash tajribasiga ega bo‘lishi

🚀 ASOSIY VAZIFALAR:
🔹 HR strategiyasini ishlab chiqish va joriy etish
🔹 Ishga qabul qilish tizimini to‘liq boshqarish (e’lon, suhbat, test, baholash)
🔹 Xodimlarning malakasini oshirish bo‘yicha treninglar va kurslar tashkil etish
🔹 Xodimlarning adaptatsiya tizimini ishlab chiqish va kuzatib borish
🔹 KPI tizimini yaratish va samaradorlikni oshirish
🔹 Motivatsiya va mukofotlash tizimlarini ishlab chiqish
🔹 Korporativ madaniyatni shakllantirish va HR jarayonlarini modernizatsiya qilish
🔹 Konfliktlarni boshqarish va xodimlar bilan mustahkam aloqa o‘rnatish

👥 KO‘NIKMALAR VA SHAXSIY SIFATLAR:
✅ Muloqot va ishbilarmonlik etikasi yuqori darajada bo‘lishi
✅ Analitik fikrlash va muammolarni hal qilish qobiliyati
✅ Mas’uliyatlilik va mustaqil ishlash qobiliyati
✅ Jamoaviy birdamlikni ta’minlash va boshqaruv ko‘nikmalariga ega bo‘lish
✅ Maxfiylikni saqlash va HR etikasiga rioya qilish

⏳ ISH GRAFIGI:
🗓 Hafta: 6/1
🕘 Ish vaqti: 09:00 – 18:00

📞 Aloqa uchun: 77 120 05 06
📩 Telegram orqali resume yuborish: @ameenrecruit

💥 HR sohasidagi bilim va tajribangizni yangi bosqichga olib chiqishga tayyormisiz?
💼 Unda ushbu ajoyib imkoniyatni qo‘ldan boy bermang!

👉 Biz sizni kutmoqdamiz! 🚀

Bu texnikadan to'g'ri foydalansangiz, bir xil muammaoga qayta-qayta duch kelishdan qutulasiz.

✅ Kundalik muammolarni osonlik bilan hal qilish uchun KPT (Keep, Problem, Try) formulasi:

- Boʻsh oq qogʻozga 3 ta qismdan iborat jadval chizing;

- 3 ta boʻlimni quyidagi soʻzlar bilan nomlab chiqing Keep (saqlab qoʻyish), Try (harakat qilish), Problem (muammo);

- “Problem” boʻlimiga siz duch kelayotgan muammolar va ogʻriqli masalalarni yozing;

- Ushbu muammolarga qilmoqchi boʻlgan yechimlaringizni aniqlab olib, “Try” boʻlimiga yozing;

- Agar yechimlaringiz muammoni hal qilolmasa, yana “Problem” boʻlimiga qayting va erishilgan natijani yozing;

- Endi masalaning boshqa yechimlarini sinab koʻring;

📌 Toʻgʻri yechimga yetib kelganingizda bu yechimni “Keep” boʻlimiga yozing va bu usuldan foydalanishni odat tusiga kirgazing.

https://t.me/KozimxonTuraev