O'rtoq ateist, agnost, deist va boshqa "murtadlar", bemalol yuravering. Islomda dindan chiqqanga o'lim jazosini qo'llash haqida hech qanday konsensus mavjud bo'lmagan, emas, va bo'lmaydi ham. O'rta Asrlarning monokonfessional davlatlar sharoitida "jumhur ulamolar" bildirgan fikr 21 asrga umuman taalluqli bo'lmasligi ham mumkin. Post-kommunist, post-musulmon O'zbekistoniga esa umuman taalluqli emas.
Bu ihtilofli mavzuni, masalan, Taha Jabir Alalwani o'zining "Apostasy in Islam" kitobida tahlil qilgan. Uning, dalillar bilan keltirishicha, inson dinini o'zgartirishi yoki dindan chiqishi o'sha inson va Alloh o'rtasidagi masala bo'lib, hech kim o'rtaga tiqilishga (ayniqsa, jazolashga) haqqi yo'q. Shu fikrda sobit turgan ulamolar doimo bo'lgan va ular bu fikrni sekulyar qatlam yoki G'arbga yoqish uchun emas, aynan Islomiy qadriyatlardan kelib chiqqan holda aytgan.