KASALLIKLAR.UZ

@KASALLIKLAR_UZ

Kanal geosi va tili: O‘zbekiston, O‘zbekcha

Toifa: Tibbiyot

Каналимизда турли хил касалликлар ҳақида маълумотлар, видеодарслар ва тиббиёт соҳасидаги янгиликлар бериб борилади.
Каналдаги маълумотлар индивидуал даволаниш учун асос ҳисобланмайди!
Реклама учун: @Medik_reklama

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Tibbiyot

Statistika

Saralanganlar

Postlar filtri

O‘chirilganlarni yashirish

Repostlarni yashirish

KASALLIKLAR.UZ

16 Mar, 14:26

Anatomiya.uz | Tibbiy ta‘lim dan repost

Assalomu alaykum.

O‘quv kursimizda yangi guruhlar uchun qabulga start berildi:

😀 STEP-1 (osteologiya):
Dars vaqti: Seshanba, payshanba va shanba kunlari.

😀 STEP-2: (artrologiya-miologiya):
Dars vaqti: Dushanba, chorshanba va juma kunlari.

➡️ Batafsil ma'lumot

➡️ Kursga qo‘shilish uchun

😀 @ANATOMIYA_UZ - TIBBIY TA'LIM

343 0 0

KASALLIKLAR.UZ

16 Mar, 07:25

Monov video esimga tushib ketdi. 😁

1.2k 0 0 15

KASALLIKLAR.UZ

16 Mar, 07:17

00:34

Video oldindan ko‘rish uchun mavjud emas

Telegram'da ko‘rish

Opamiz qolgan oyligini nimaga ishlatishni bilmay maslahat so‘rayapti. Nima deb aytsak bo‘ladi?

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

1.3k 1 18 10 13

KASALLIKLAR.UZ

15 Mar, 11:33

00:20

Video oldindan ko‘rish uchun mavjud emas

Telegram'da ko‘rish

Shifokorlar daromadini solishtirib chiqishibdi. Talabalar, soha tanlashda adashmang! 😉

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

5.2k 1 103 6 21

KASALLIKLAR.UZ

15 Mar, 11:06

O‘TKIR CHAP QORINCHA YETISHMOVCHILIGI

O‘tkir chap qorincha yetishmovchiligi - yurak mushaklari qisqarish qobiliyatining buzilishi hisoblanadi. Chap qorincha yetishmovchiligi yurak astmasi xuruji bilan namoyon bo‘ladi va o‘pka shishi bilan yakunlanishi mumkin.

Batafsil quyida o‘qing:

🩺 Etiologiyasi:

✓ chap qorincha miokard infarkti
✓ inspirator bo‘g‘ilishining paroksizm ko‘rinishi
✓ gipertonik kriz
✓ o‘tkir diffuz glomerulonefritning shish-gipertonik turi
✓ yurak nuqsoni
✓ eklampsiya
✓ nafas a’zolari kasalliklari (o‘tkir zotiljam, pnevmotoraks).

🩺 Patogenezi:

O‘tkir chap qorincha yetishmovchiligi o‘ng qorincha faoliyati saqlangan yoki kichik qon aylanish doirasiga qon kelishi ko‘payishi va undan qon haydalishi qiyinlashishi bilan ifodalanadi va o‘pka tomirlarining keskin to'lishiga olib keladi.

Patogenezning muhim omillari - bronxlar shilliq qavatining shish va spazmi hamda markaziy nerv sistemasi qon bilan ta’minlanishining buzilishi, o'pkada gaz almashinuvining buzilishi bilan birga nafas markazi qo‘zg‘aluvchanligi oshishini vujudga keltiradi.

🩺 Klinik ko‘rinishi:

🔍Xuruj odatda to‘satdan, ko'pincha tunda rivojlanadi - havo yetishmovchiligi sezgisi, o‘lim vahimasi va yo‘tal paydo bo‘ladi.

🔍Ter qoplaydi, majburiy holat: oyoqlarini pastga tushirib, qo‘llariga tayangan holda o‘tirib nafas oladi. Yuzi jafo chekkandek ko‘rinadi, teri qatlami bo‘zaradi, lablari ko‘karadi, bo‘yin venasi bo‘rtadi.

🔍Hansirash inspiratorli, nafas olish daqiqasiga 30 tadan ortiq, yo‘talganda ko‘p miqdorda ko‘pikli suyuq balg'am ajraladi.

🔍Ko‘krak qafasi kengaygan, o‘mrov usti chuqurchasi yassilanadi. O‘pka ustida qutichasimon tovush. Auskultatsiyada o‘pkaning pastki qismlarida susaygan xirillashlar. Bronx spazmi natijasida quruq xirillashlar eshitiladi.

🔍Yurak tovushlari bo‘g‘iq, o‘pka arteriyasi sohasida II ton kuchaygan. Tomir urishi tezlashgan, to‘liqligi sust.

🔍Astmaning og‘ir kechishida o‘pka shishi manzarasi: nafas xirillashi; pushti rangli, ko‘piksimon, suyuq balg‘am ajraladi.

🩺 Shoshilinch yordam:

Davolash gemodinamika buzilishini tiklash va kasallik sabablarini bartaraf qilishga qaratilgan:

➡️ Bemorga yarim o‘tirgan yoki to‘shakda o‘tirgan holat yaratiladi, oyoqqa vena chirmovi qo'yiladi va har 30 daqiqada bo‘shatib turiladi (shishda, tromboflebitda chirmov qo'yilmaydi).

➡️ Miokard qisqaruvchanligini faollashtirish: 0,05% strofantin eritmasi 0,25-0,5 ml yoki 0,06% korglikon eritmasi 0,5-1,0 ml 0,9% NaCl eritmasida sekin v/i ga yuboriladi.

➡️ Yurak astmasi xurujini to‘xtatish: morfin gidroxlorid eritmasi 2% -1 ml yoki promedol eritmasi 1 ml yuboriladi (nafas markazi qo‘zg‘aluvchanligini kamaytiradi).

➡️ Aylanib yuruvchi qon hajmini kamaytirish, o'pkada dimlanishni pasaytirish maqsadida siydik haydovchi vositalar: laziks (furosemid) 60-120mg dan 200mg gacha miqdorda, uregit 20mg dan 100 mg gacha.

➡️ Homiladorlar o‘tkir chap qorincha yetishmovchiligida kompleks davolash yarim o'tirgan holatda bo‘lishi kerak; qo‘l-oyoqlariga navbatma-navbat 15-20 daqiqada chirmov (rezina bog‘ich) bog‘lab,
yurakka kelayotgan qon hajmi kamaytiriladi. Kislorod yoki azot oksidi va kislorod aralashmasidan nafas oldiriladi.

➡️ Agar gipotoniya kuzatilmasa nafas markazi qo‘zg‘aluvchanligini pasaytirish va hansirashni kamaytirish: 2% promedol eritmasi (1-2 ml) m/o ga va 0,25% droperidol eritmasi (2 ml) m/o ga yuboriladi.

➡️ O‘pkada qon aylanishini yaxshilash: 2,4% - 5-10 ml eufillin eritmasini 10 ml - 0,9% NaCl bilan v/i ga juda sekin yoki tomchilab quyiladi.

➡️ O‘pka shishida o‘pka kapillyarlari o‘tkazuvchanligini kamaytirish: v/i ga sekin yoki tomchilab, 10% kalsiy xlor eritmasi (20 ml), 5% askorbin kislota eritmasi 5 ml - 0,9% NaCl da yuboriladi yoki 10% kalsiy glyukonat eritmasi m/o ga yuboriladi.

➡️ Arterial gipertoniyada Taxiben 10-50 mg tomir ichiga tomchilab, boshlanishida 2 mg/minutiga AB nazorati ostida yuboriladi. Arterial bosimni asta-sekin (140/90 - 130/80mm sim.ust.gacha) pasaytirish kerak.

Maʼlumotlar professional intensiv terapiya amaliyoti darajasida taqdim qilindi!

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

1.8k 0 10 2

KASALLIKLAR.UZ

15 Mar, 07:52

00:59

Video oldindan ko‘rish uchun mavjud emas

Telegram'da ko‘rish

Bir daqiqada yurak auskultatsiyasi nuqtalarini o‘rganib oling | MALTA mnemonikasi

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

1.7k 0 45 6

KASALLIKLAR.UZ

14 Mar, 20:37

🩺 KOLLAPSDA SHOSHILINCH YORDAM

KoIlaps (tushib ketish) — klinik jihatdan arterial qon bosimining o‘tkir va keskin pasayishi bilan xarakterlanadigan va zudlik bilan hamda kechiktirib bo‘lmaydigan yordamni talab qiladigan holat hisoblanadi.

Quyida batafsil o‘qing:

🩺 Arterial qon bosimi o‘tkir pasayishining 3 turi tafovut etiladi:

➡️ 1-turi: Kardiogen gipotoniya bevosita yurak kasalliklari bilan
bog‘liq bo‘Iib, ko‘pincha miokard infarktida kardiogen shok tipida kechadi. Undan tashqari o‘tkir miokardit va o‘pka tomirlari emboliyasida ham уuzaga kelishi mumkin.

➡️ 2-turi: Tomir kollapsi periferik qon tomirlarning kengayishi bilan
xarakterlanib, ko‘pincha o‘tkir infeksion kasalliklarda kuzatiladi. Undan tashqari pnevmoniya, sepsis, qorin tifi va boshqa kasalliklarda kelib chiqadi. Bu turga barbituratlardan intoksikatsiya, gipotenziv preparatlarni qabul qilganda (ushbu preparatlarga yuqori sezuvchi bo‘lganda) hamda tezkor allergik reaksiya (anafilaktik shok) zaminida arterial qon bosimining tushishini ham kuzatish mumkin.

➡️ 3-turi: Gemorragik kollaps aylanib yuruvchi qon hajmining kamayishi bilan bog‘liq. Bunday gipotoniyaning sababi ko‘p miqdorda massiv qon yo‘qotish hisoblanadi.

🩺 Klinikasi:

Kollapsda AQB tushishi bilan bir qatorda (diastolik bosim ko‘pincha 50-40 mm.sim.ust gacha tushadi) bemorning tashqi ko'rinishida ham xarakterli o‘zgarishlar kuzatiladi:

✓ yuz qirralarining o‘tkirlashuvi
✓ rangparlik
✓ atrofdagilarga befarqlik
✓ tashqi ta’sirlarga reaksiyaning yo‘qligi.

🩺 Kechiktirib bo‘lmaydigan yordam:

Nokardiogen tomir kollapslarida
davolash asosiy kasallikni davolashga qaratilgan hamda tomir tonusini va arterial bosimni ko'tarishga qaratilgan simptomatik choralar olib boriladi.

Intoksikatsiya holatlarida 5% - 1000 ml glyukoza yoki izotonik natriy
xlor eritmasini vena ichiga tomchilab quyish tavsiya etiladi. Kollapsni
davolashda mushak ichiga yoki teri orasiga 1 ml - 1% mezaton eritmasi kiritiladi. Og‘ir holatlarda ayniqsa narkotiklar bilan zaharlanganda 0,2% - 1-2 ml noradrenalinni 500 ml 5% glyukoza bilan vena ichiga tomchilab o‘tkazilsa samara yaxshi bo‘ladi.

Hushdan ketganda shoshilinch yordam choralari haqida mana bu postda o‘qishingiz mumkin.

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2k 0 16 7

KASALLIKLAR.UZ

14 Mar, 15:48

🙂 MEN KUTGAN KELDI!

Xullas, joriy yildan boshlab kontraktdagi talaba yaxshi o‘qisa, grantga o‘tadi, grantdagilarning o‘zlashtirish ko‘rsatkichi past bo‘lsa, kontraktga tushadi.

Grantdagi talabaning GPA ko‘rsatkichi 3,5 dan past bo‘lsa, avtomat ravishda kontraktga tushadi. Lekin 3,5 dan baland bo‘lsa, granti 100% davom etadi, degani emas. Bunda u har yili qaytadan tanlovda qatnashadi. Agar kontraktda o‘qiydigan ko‘pchilik talabaning natijalari yaxshi bo‘lsa, GPA 3,5 dan baland bo‘lgan grantdagi talabalar ham kontraktga tushib qolishi mumkin.

Grant uchun tanlovda GPA 3,5 dan baland bo‘lgan istalgan talaba qatnashishi mumkin. Bunda nafaqat o‘zlashtirish ko‘rsatkichiga qaraladi, balki ijtimoiy faollik ham inobatga olinadi.

Jarayon qiziq bo‘larkan. Ko‘ramiz, ushbu tizim amalda qanaqa ishlaydi deya habar bermoqda Xushnudbek Xudoyberdiyev.

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

1.8k 0 8 14 14

KASALLIKLAR.UZ

13 Mar, 21:08

Gadayev kitoblari | Muallif ruxsati bilan dan repost

🔥 Grupavoy boʻlib kitob olishmoqda.

🫣 Siz boʻlsa, bitta shimni puliga beradigan kitobdan pulingizni qizg'anib yuripsiz.

❗️Buyurtma qilish: @Gypothalamus

👀 Eng birinchi va eng katta tib original do'kon @tib_book

1.9k 0 3 2 6

KASALLIKLAR.UZ

13 Mar, 19:06

TIBBIY LUG‘AT dan repost

00:15

Video oldindan ko‘rish uchun mavjud emas

Telegram'da ko‘rish

NISTAGM

Nistagm — bu koʻzning ixtiyoriy boʻlmagan, tez-tez takrorlanadigan harakatlari boʻlib, odatda gorizontal (chapga-oʻngga), vertikal (yuqori-pastga) yoki aylana (aylanma) yoʻnalishda kuzatiladi. Bu holat koʻpincha markaziy yoki periferik nerv sistemasi (miya, orqa miya yoki ichki quloq) bilan bogʻliq muammolar natijasida yuzaga keladi.

Batafsil quyida o‘qing:

✅ Nistagm turlari:

➡️ Fiziologik nistagm normal holatda kuzatiladigan koʻz harakatlarini anglatadi. Masalan, optokinetik nistagm deb ataladigan turi harakatlanayotgan narsalarga koʻzning avtomatik moslashuvi natijasida yuzaga keladi. Shuningdek, vestibulyar nistagm bosh harakatlanishida ichki quloqning taʼsiri natijasida paydo boʻladi. Bu holatlar odatda bemor uchun noqulaylik tugʻdirmaydi.

➡️ Patologik nistagm kasallik yoki shikastlanish natijasida yuzaga keladi. Misol uchun, tug‘ma nistagm bolalarda koʻrish muammolari bilan birga kuzatilishi mumkin. Bundan tashqari, orqaga qaytariluvchi nistagm miya poyasidagi muammolar natijasida paydo boʻladi va bu holat koʻpincha jiddiy nevrologik kasalliklar bilan bogʻliqdir.

✅ Nistagm sabablari:

Nistagmning kelib chiqishiga turli omillar sabab boʻlishi mumkin:

➡️ Ichki quloq muammolari bu holatni keltirib chiqarishi mumkin. Masalan, Meniere kasalligi yoki labirintit kabi vestibulyar sistemadagi buzilishlar nistagmga olib keladi. Shuningdek, ichki quloqning shikastlanishi yoki infeksiyalari ham koʻz harakatlarining buzilishiga sabab boʻlishi mumkin.

➡️ Markaziy nerv sistemasi kasalliklari nistagmning yana bir muhim sababidir. Miya poyasi yoki miyachadagi muammolar (masalan, insult, miya shishi yoki skleroz) bu holatni keltirib chiqarishi mumkin. Bundan tashqari, miya travmalari yoki tugʻma nuqsonlar ham nistagmga sabab boʻlishi mumkin.

➡️ Koʻrlik yoki koʻrish muammolari nistagmni keltirib chiqarishi mumkin. Masalan, tugʻma katarakta yoki boshqa koʻrish nuqsonlari boʻlgan bemorlarda nistagm kuzatilishi mumkin.

➡️ Dori va boshqa moddalarning taʼsiri ham nistagmga sabab boʻlishi mumkin. Baʼzi dorilar (masalan, antiepileptiklar) yoki spirtli ichimliklar koʻz harakatlarining buzilishiga olib kelishi mumkin.

➡️ Irsiy omillar ham nistagmning kelib chiqishida muhim rol oʻynaydi. Tugʻma nistagm koʻpincha irsiy boʻlishi mumkin.

✅ Tashxislash va davolash:

Nistagmni aniqlash uchun bir qator tibbiy tekshiruvlar oʻtkaziladi:

Birinchidan, nevrologik tekshiruv orqali koʻz harakatlari va reflekslar baholanadi. Ikkinchidan, vestibulyar testlar yordamida ichki quloq funksiyasi tekshiriladi. Uchinchidan, koʻrish testlari orqali bemorning koʻrish qobiliyati baholanadi. Bundan tashqari, MRT yoki KT kabi tasvirlash usullari yordamida miya va ichki quloqning holati aniqlanadi. Shuningdek, elektronistagmografiya (ENG) yordamida koʻz harakatlari yozib olinadi va tahlil qilinadi.

✅ Nistagmni davolash uning sababiga qarab belgilanadi. Agar nistagm ichki quloq muammolari bilan bogʻliq boʻlsa, vestibulyar reabilitatsiya yordamida muvozanatni tiklash mumkin. Agar nistagm koʻrish muammolari bilan bogʻliq boʻlsa, koʻrishni tuzatish orqali holatni yaxshilash mumkin. Bundan tashqari, dori-darmonlar yordamida nistagmni kamaytirish mumkin. Masalan, benzodiazepinlar vestibulyar nistagmni kamaytirishda samarali hisoblanadi. Agar nistagm jiddiy boʻlsa, jarrohlik orqali koʻz mushaklarini operatsiya qilish mumkin.

Nistagm bemorning koʻrish qobiliyatini pasaytirishi, muvozanatni saqlash qiyinchiliklariga olib kelishi va umuman hayot sifatiga salbiy taʼsir koʻrsatishi mumkin. Shu sababli, bu holatni erta aniqlash va uning sabablarini toʻgʻri tushunish shifokor uchun muhim bilimdir.

━━━━━━━━━━━━━━━━━━━
@TIBBIY_LUGAT - tibbiyotga oid atamalarning izohli baza-kanali!

1.9k 0 21 7

KASALLIKLAR.UZ

13 Mar, 14:38

3_УАШ_учун_амалий_куникмалар_туплами.pdf

18.1Mb

Kitob javoningizga:

🩺 Umumiy amaliyot shifokorlari uchun amaliy ko‘nikmalar to‘plami (A.Gadayev)

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2k 0 75 1

KASALLIKLAR.UZ

13 Mar, 10:30

13:41

Video oldindan ko‘rish uchun mavjud emas

Telegram'da ko‘rish

📹 Ko‘krak sohasi palpatsiya, perkussiya va auskultatsiyasi

👨🏽‍⚕ Mirilhom Salixov

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2.5k 0 65 15

KASALLIKLAR.UZ

12 Mar, 19:06

🩺 Hushdan ketganda shoshilinch yordam ko‘rsatish choralari

Hushdan ketish - o‘tkir tomir yetishmovchiligining yengil turi bo‘lib,
miyada qon aylanishining qisqa vaqt buzilishi natijasida bemor qisqa
vaqt hushdan ketadi.

🩺 Patogenezi asosida parasimpatik nerv tizimining qo‘zg‘alishi yoki simpatik innervatsiyaning susayishi natijasida bosh miyaning o‘tkir anoksik ishemiyasi yotadi. Funksional sabablariga - jismoniy va ruhiy zo‘riqish, stress holatlari, kuchli qo'rquv yoki hayajon, medikamentoz terapiya, ortostatik holat, dezadaptatsion holatlar kiradi. Organik sabablariga esa serebral va somatogen (kardiogen, neyrogen, anemik, dissirkulyator, intoksikatsion, gipovolemik, gipoksik, respirator va boshqa) holatlar kiradi.

🩺 Klinikasi:
Bosh aylanishi, o‘zini yomon his qilish, quloqlarida shang‘illash, ko‘z oldi qorong'ilashuvi, kuchayib boruvchi holsizlik zaminida bemor birdan hushidan ketadi. Nafasi yuzaki, teri ranglari oqargan, ba’zi hollarda bradikardiya, gipotoniya, umumiy mushak gipotonivasi kuzatiladi. Ba’zan esa, ixtiyorsiz siyish va defekatsiya ham kuzatilishi mumkin. Hushdan ketishning davomiyligi ko‘pincha 20-40 sekund, ba’zi hollarda 1-2 daqiqagacha davom etadi. Postsinkopal davrda bemor asta-sekin o‘ziga kela boshlaydi, biroz chalkashish va amneziya kuzatilishi mumkin. Gorizontal holatda bemor hushining tiklanishi hushdan ketish diagnozini qo‘yishda ahamiyatga ega.

🩺 Shoshilinch yordam chora-tadbirlari:
Eng avvalo, ta’sirlovchi omil bartaraf qilinadi. So‘ngra hayotiy muhim funksiyalar holati (nafas, qon aylanish tizimi) kuzatilib, baho beriladi. Bemorga toza havo kelishini ta’minlash (siqib turgan kiyim tugmalarini yechish, derazani ochish) lozim. Bemor chalqancha yotqiziladi, bosh qismini pastga qilib, oyoqlari ko'tariladi, 1% -1 ml mezaton eritmasi mushak orasiga qilinadi.

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

3k 0 47 4 17

KASALLIKLAR.UZ

12 Mar, 16:07

UCHTA UCHLIK QOIDASI

Shoshilinch tibbiy yordam ko‘rsatayotganda O.Eshonov quyidagi uchta uchlik qoidasiga rioya qilishni maqsadga muvofiq deb hisoblaydi:

✅ Birinchi uchlik:
1. Bilish
2. Bajara olish
3. Bo'lish (kerakli anjomlar va dori moddalarining boiishi)

✅ Ikkinchi uchlik:
1. Tez bajarish
2. To‘g‘ri bajarish
3. To‘liq bajarish

✅ Uchinchi uchlik:
1. E’tibor qilib bajarish
2. Ehtiyot bo'lib bajarish
3. Eng oson va qulay usulni bajarish.

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2.3k 0 30 23

KASALLIKLAR.UZ

12 Mar, 12:37

Shoshilinch holatlar tez tibbiy yordam. O. Eshonov.pdf

16.2Mb

Kitob javoningizga:

Shoshilinch holatlarda intensiv tez tibbiy yordam (Eshonov O.)

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2.7k 0 127 4 6

KASALLIKLAR.UZ

12 Mar, 09:34

Yopiq sahifamizda shu kabi maʼlumotlarni ko‘proq o‘qiysiz. Siz ham qo‘shiling.

✅QO‘SHILISH UCHUN HAVOLA

2.6k 0 0 2

KASALLIKLAR.UZ

12 Mar, 09:03

Endokrinologiya.uz dan repost

INKRETINLAR

Inkretinlar — bu ovqat hazm qilish tizimida ishlab chiqariladigan gormonlar bo‘lib, ular insulin sekretsiyasini oshirish orqali qondagi glyukoza miqdorini boshqarishda ishtirok etadi. Inkretinlar asosan ichak hujayralaridan ovqat iste’moli vaqtida ajralib chiqadi va oshqozon osti bezining beta hujayralariga insulin sekretsiyasini rag‘batlantirish signalini beradi.

Batafsil quyida o‘qing:

✅ Inkretinlarning asosiy turlari:

1. GLP-1 (glukagonga o‘xshash peptid-1) – insulin ajralishini kuchaytiradi, oshqozon bo‘shashini sekinlashtiradi va ishtahani kamaytirishga yordam beradi.

2. GIP (gastrik ingibitor peptid yoki glyukozaga bog‘liq insulinotrop peptid) – bu gormon ham insulin ajralishini rag‘batlantiradi, ammo uning ta’siri GLP-1 ga qaraganda biroz kamroq.

✅ Fiziologik funksiyalari:

1. Insulin ajralishini rag'batlantirish:
Inkretinlar, ayniqsa GLP-1, me'da osti bezining beta hujayralarini rag'batlantirib, insulin chiqarilishini oshiradi. Bu effekt faqat qonda glyukoza miqdori yuqori bo'lganda amalga oshadi, bu esa gipoglikemiya xavfini kamaytiradi.

2. Glukagon chiqarilishini pasaytirish: GLP-1 me'da osti bezining alfa hujayralarini ingibirlaydi. Bu esa jigarda glukoneogenez (glukoza ishlab chiqarish) jarayonini sekinlashtiradi.

3. Ovqat hazmini sekinlashtirish:
GLP-1 me'da bo'shashini sekinlashtirib, to‘qlik hissini uyg'otadi. Bu esa vazn yo'qotishga yordam beradi.

4. Neyroprotektiv ta'sir:
GLP-1 markaziy asab tizimida neyronlarning o'limini kamaytiradi va kognitiv funksiyalarni yaxshilashi mumkin.

✅ Inkretinlarning klinik ahamiyati:

Inkretinlarning diabetni davolashdagi roli 21-asrda kashf etilgan eng muhim yutuqlardan biridir. 2-tur diabetda inkretin effekti pasayadi, bu esa insulin chiqarilishi yetishmovchiligiga va qonda glyukoza midqorining nazoratsiz oshishiga olib keladi. Shu sababli, inkretinlarni qo'llash diabetni davolashda yangi yo'nalishlarni ochdi.

✅ Inkretin bazali dori preparatlari:

1. GLP-1 retseptor agonistlari:
Bu dorilar GLP-1 gormonining ta'sirini takrorlaydi; insulin chiqarilishini rag'batlantiradi, glukagon chiqarilishini pasaytiradi va vazn yo'qotishga yordam beradi. Ular odatda yordamchi terapiya sifatida ishlatiladi va insulin bilan birgalikda qo'llanishi mumkin.

2. DPP-4 ingibitorlari:
DPP-4 (dipeptidil peptidaza-4) fermenti inkretinlarni parchalaydi. DPP-4 ingibitorlari esa bu fermentni bloklab, GLP-1 va GIP ning faolligini uzoq vaqt saqlaydi.

✅ Inkretin terapiyaning afzalliklari:

1. Gipoglikemiya xavfini kamaytirish: Inkretin bazali dorilar faqat qonda glyukoza miqdori yuqori bo'lganda ishlaydi, bu esa gipoglikemiya xavfini kamaytiradi.

2. Vazn yo'qotish: GLP-1 agonistlari to'yinganlik hissini oshiradi va ovqat hazm qilishni sekinlashtiradi, bu esa vazn yo'qotishga yordam beradi.

3. Yurak-qon tomir tizimiga foydali ta'sir: Ba'zi tadqiqotlar shuni ko'rsatadiki, GLP-1 agonistlari yurak-qon tomir tizimi uchun foydali bo'lib, yurak xurujlari va insult xavfini kamaytiradi.

✅ Inkretin terapiyalarining cheklovlari:

1. Yon ta'sirlar: GLP-1 agonistlari ko'ngil aynishi, qusish va diareya kabi ovqat hazm qilish tizimi bilan bog'liq muammolarga olib kelishi mumkin.

2. Narx: Inkretin bazali dorilar an'anaviy diabet dorilariga qaraganda qimmatroq.

3. Inyeksiya talabi: GLP-1 agonistlarining aksariyati inyeksiya orqali qabul qilinadi, bu ba'zi bemorlar uchun noqulay bo'lishi mumkin.

✅ Kelajakdagi istiqbollar:

Inkretinlarni tadqiq qilish diabetni davolashda yangi yo'nalishlarni ochmoqda. Masalan, oral GLP-1 agonistlari rivojlantirilmoqda, bu esa inyeksiyalarga bo'lgan ehtiyojni kamaytiradi. Bundan tashqari, inkretinlarning neyroprotektiv va kardioprotektiv ta'sirlarini o'rganish davom etmoqda.

Sahifamizni kuzatib boring. Eng sara maʼlumotlarni ulashishda davom etamiz.

━━━━━━━━━━━━━━━
ENDOKRINOLOGIYA.UZ - gormonlar dunyosi sirlarini bizda o‘rganing!

2.4k 0 13 10

KASALLIKLAR.UZ

12 Mar, 07:50

21:57

Video oldindan ko‘rish uchun mavjud emas

Telegram'da ko‘rish

📹 Ko‘z ichki bosimini o‘lchash (tonometriya) turlari | Bek olimjon

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2.2k 0 31 3

KASALLIKLAR.UZ

11 Mar, 14:03

2025_ПаназияИнфПисьмо.docx

188.6Kb

😭 OSIYO OLIMPIADASI | Akusherlik va ginekologiya

🚩Tashkilotchi: Novosibirsk tibbiyot instituti

📶 Boʻlib oʻtadi: 12-16 aprel 2025-yil.

Qizlarimiz borsin, ustozingiz bilan birga ham oʻrganib kelasiz, ham sayohat qilasiz.

Juda zoʻr imkoniyat. Faqat shu yerdagi olimpiadalarga qatnashmasdan, chetni ham koʻringlar!

━━━━━━━━━━━━━━
FOYDALI TIBBIY BLOG:
✅ @KASALLIKLAR_UZ

2.5k 0 7 5 5

KASALLIKLAR.UZ

11 Mar, 10:40

TIBBIY LUG‘AT dan repost

ENDOSKOPIYA

Endoskopiya — bu bemorning ichki organlarini koʻrib chiqish va ularni tekshirish uchun qoʻllaniladigan tibbiy usul. Bu usulda endoskop deb ataladigan maxsus asbob yordamida ichki organlarning holati toʻgʻridan-toʻgʻri koʻrib chiqiladi. Endoskop ingichka, egiluvchi trubka shaklida boʻlib, uning uchida kichik kamera va yorugʻlik manbai mavjud. Bu asbob bemorning tanasiga ogʻiz, burun, toʻgʻri ichak yoki boshqa tabiiy teshiklar orqali kiritiladi.

Batafsil quyida o‘qing:

🩺 Endoskopiya turlari:

Endoskopiya turli organlarni tekshirish uchun qoʻllaniladi va tekshiriladigan organga qarab quyidagi turlarga boʻlinadi:

1. Gastroskopiya — oshqozon va oʻn ikki barmoq ichagini tekshirish.
2. Kolonoskopiya — yoʻgʻon ichakni tekshirish.
3. Bronxoskopiya — nafas yoʻllari va oʻpkani tekshirish.
4. Sistoskopiya — siydik pufagini tekshirish.
5. Laparoskopiya — qorin boʻshligʻidagi organlarni tekshirish (bu holda endoskop kichik kesma orqali kiritiladi).

🩺 Endoskopiya qachon qoʻllaniladi?

Endoskopiya quyidagi holatlarda tavsiya etiladi:

✈️ Ichki organlarda shish, yara, yalligʻlanish yoki boshqa patologiyalarni aniqlash.
✈️ Bemorning shikoyatlari (masalan, qon qusish, ich ketishi, ogʻriq) sababini topish.
✈️ Biopsiya uchun toʻqima namunalarini olish.
✈️ Baʼzi kichik jarrohlik amaliyotlarini bajarish (masalan, poliplarni olib tashlash, qon ketishni toʻxtatish).

🩺 Endoskopiyaning afzalliklari:

🔍 Minimal invaziv: Katta kesmalarsiz amalga oshiriladi.
🔍 Aniqlik: Ichki organlarni toʻgʻridan-toʻgʻri koʻrish imkoniyati.
🔍 Tez tiklanish: Bemor tezda tiklanadi va kasalxonada uzoq vaqt qolish shart emas.
🔍 Koʻp maqsadli: Diagnostika va davolashni bir vaqtda amalga oshirish mumkin.

🩺 Endoskopiyaning tayyorgarlik bosqichlari:

▶ Parvarishlash: Bemorga endoskopiya oldidan ovqat yoki suv ichish ta'qiqlanishi mumkin.
▶ Sedatsiya: Koʻpincha bemor ogʻriq yoki noqulaylik his qilmasligi uchun yengil sedatsiya (uyqu dorilari) qoʻllaniladi.
▶ Infeksiyadan himoya: Asboblar steril holatda boʻlishi va bir marta ishlatiladigan materiallardan foydalanish zarur.

🩺 Endoskopiyaning mumkin boʻlgan asoratlari:

Endoskopiya xavfsiz usul boʻlsa-da, baʼzi hollarda quyidagi asoratlar yuzaga kelishi mumkin:

🩺 Organlarning shikastlanishi (juda kam).
🩺 Qon ketish.
🩺 Infeksiya.
🩺 Sedatsiyaga reaksiya (masalan, allergiya).

Endoskopiya zamonaviy tibbiyotda muhim oʻrin tutadi, chunki u ichki organlarning holatini aniq va tezda aniqlash imkonini beradi. Bu usul yordamida koʻplab kasalliklar erta bosqichda aniqlanadi va samarali davolash imkoniyati yaratiladi.

━━━━━━━━━━━━━━━━━━━
@TIBBIY_LUGAT - tibbiyotga oid atamalarning izohli baza-kanali!