Jurnalistlar.uz

#Ҳудудлардан_хабарлар

📚 Самарқандлик журналистнинг янги китоби тақдимоти

🔺 Пушкин номидаги вилоят ахборот-кутубхона марказида моҳир таржимон, журналист ва шоир Фозил Шукуровнинг “Қалам” нашриётида чоп этилган “Дилрўшнои” китоби тақдимотига бағишланган адабий учрашув бўлиб ўтди.

Ўзбекистон Журналистлар уюшмаси ва Ёзувчилар уюшмаси вилоят бўлимлари ҳамда “Овози Самарқанд” газетаси таҳририяти ҳамкорлигида ташкил этилган тадбирда самарқандлик журналистлар, шоир ва ёзувчилар, СамДУ талабалари иштирок этди.

🖥  Батафсил: Ўзбек (кирилл) | Oʻzbek (lotin)

✅ Бизни кузатиб боринг
Telegram | YouTube | Instagram |Facebook

Ўзбекистон Республикаси Президенти Шавкат Мирзиёев Малайзия Бош вазири Анвар Иброҳимнинг таклифига биноан расмий ташриф билан ушбу мамлакатга жўнаб кетди.

✅ Бизни кузатиб боринг
Telegram | YouTube | Instagram |Facebook

#Янги_Ўзбекистон_газетаси 📰

‼️ ДЕЗИНФОРМАЦИЯ ёхуд танлаб ўқиш зарурати

Замонавий телефон совға қилганимдан бери уйда ота-онам, айниқса, отам янгиликларни кузатиб боришнинг ҳадисини олган. Билиб-билмай қайсидир телеграм гуруҳлари, Facebook ва Youtube каналларида “сайр қилади”. Тунов куни оқшом ишдан келсам, маъюс тортиб ўтирибди. Сабаби билан қизиқдим.

– Фалончи оламдан ўтиб қолибди, – деди отам анча таниқли хонанданинг исмини айтиб. Юрагим “шув” этди. Бу санъаткорнинг қўшиқларини оиламиз билан севиб тинглаймиз.

– Ким айтди?
– Ана, телефонга шундай хабар келди.

Доим шу. Кунда-кунора телефонга келган хабарлардан юрак безиллаб қолган: ё кимдир вафот этган, ё қамалган бўлади. Яна кимдир фалокатга учрагани, комага тушиб қолгани каби уйдирмалар тарқатилади. Даҳшатлиси, уни оддий, содда истеъмолчи ҳақиқат, деб қабул қилади. Ётиғи билан навбатдаги “тушунтириш ишлари”ни олиб бордим.

🖥  Батафсил: Ўзбек (кирилл) | Oʻzbek (lotin)

✅ Бизни кузатиб боринг
Telegram | YouTube | Instagram |Facebook

Ўзбекистон Республикаси Президенти, Қуролли Кучлар Олий Бош қўмондони Шавкат Мирзиёев раҳбарлигида мамлакатимиз мудофаа қобилиятини мустаҳкамлаш масалалари муҳокамасига бағишланган йиғилиш бўлиб ўтди.

✅ Бизни кузатиб боринг
Telegram | YouTube | Instagram | Facebook

❗️Диққат, профилактика

✔️ Жорий йилнинг 3-24 февраль кунлари соат 01:00 дан 06:00 гача вақт оралиғида ҳудудлар бўйича босқичма-босқич профилактика ишлари амалга оширилади.

📌 3-24 февраль кунлари ҳар бир ҳудудда навбатма-навбат давлат, нодавлат ва хорижий телеканалларда узатиладиган рақамли телеузаткичларда жадвал асосида профилактика ишлари ўтказилади. Профилактика ишлари ўтказилаётган вақтда абонент ускунаси созламаларини ўзгартириш тавсия этилмайди.

✅ Бизни кузатиб боринг
Telegram | YouTube | Instagram |Facebook

#Қутлов

Бугун Ўзбекистон Журналистлар уюшмаси аъзоси Баҳринисо Норжигитованинг таваллуд куни

Баҳринисо Норжигитова 1964 йил 3 февралда Сирдарё вилояти Гулистон туманида туғилган. 1990 йилда Тошкент давлат университети (ҳозирги ЎзМУ)нинг журналистика факультетини тамомлаган.

Илк журналистик фаолиятини 1984 йилда “Гулистон ҳаёти” газетасида мухбирликдан бошлаган. 2008 йилдан буён мазкур газетада бош муҳаррир лавозимида самарали меҳнат қилиб келмоқда.

Баҳринисо Норжигитованинг кўп йиллик меҳнатлари муносиб эътироф этилиб, 2009 йилда “Шуҳрат” медали, 2015 йилда “Эл-юрт ҳурмати” ордени ҳамда 2023 йилда “Мўътабар аёл” кўкрак нишони билан тақдирланган.

Унинг “Дашт тўрғайи” номли ҳужжатли қиссаси (1996) чоп этилган.

🇺🇿 Ўзбекистон Журналистлар уюшмаси жонкуяр журналист Баҳринисо Норжигитовани таваллуд айёми билан самимий қутлаб, унга сиҳат-саломатлик, узоқ умр, ижодий ва касбий фаолиятида улкан муваффақиятлар тилайди.

💐 Табриклаймиз!
Telegram | YouTube | Instagram |Facebook

#Ҳудудлардан_хабарлар

💐 Уюшманинг Бухоро вилояти бўлими собиқ раиси, устоз журналист Бахтиёр Асадов хотирасига эҳтиром

🔰 Журналистика фидойиларидан бири, узоқ йиллар Ўзбекистон Журналистлар уюшмаси Бухоро вилояти бўлимига раҳбарлик қилган Бахтиёр Асадов хотирасига бағишланган “Мудом қалбимизда яшайсиз, устоз” номли хотира тадбири бўлиб ўтди.

Тадбирда сўзга чиққанлар фидойи журналист, самимий инсон Бахтиёр Асадовнинг ҳаёт йўли ва ижоди, сермазмун фаолиятини юксак эҳтиром билан эсга олди.

Бахтиёр Асадов ўз меҳнат фаолиятини 1980 йилда “Ёш ленинчи” (ҳозирги “Ёшлар овози”) газетасида мусаҳҳиҳ сифатида бошлаган. Йиллар давомида турли нашрлар ва телевидениеда фаолият юритиб, ўзининг тажрибаси, маҳорати ва садоқати билан эл эътиборини қозонди. Унинг журналистикага бағишланган йиллари ёш авлод учун ибрат намунаси бўлиб қолди.

🖥  Батафсил: Ўзбек (кирилл) | Oʻzbek (lotin)

✅ Бизни кузатиб боринг
Telegram | YouTube | Instagram |Facebook

#Қутлов

Бугун таниқли журналист Миродил Абдураҳмоновнинг таваллуд куни

Миродил Абдураҳмонов 1964 йил 3 февраль куни Фарғона вилояти Марғилон шаҳрида туғилган. 1989 йилда Тошкент давлат университети (ҳозирги ЎзМУ)ни тамомлаган.

Меҳнат фаолиятининг дастлабки йилларида турли ҳудудий ва марказий газеталарда мухбир, бўлим бошлиғи, бош муҳаррир ўринбосари вазифаларида ишлаган. Кейинчалик “Мулкдор” иқтисодий газетаси бош муҳаррири, ЎзЛиДеП Тошкент шаҳар Кенгаши аппаратининг Жамоатчилик билан алоқалар бўлими бошлиғи, “Туркистон-пресс” ахборот агентлиги бош директори ўринбосари, “XXI asr” газетаси бош муҳаррири каби лавозимларда самарали меҳнат қилган.

2019 йилдан “Миллий тикланиш” демократик партияси Марказий кенгаши раисининг Мафкуравий масалалар ва ОАВ билан ишлаш бўйича ўринбосари, “Миллий тикланиш” ижтимоий-сиёсий газетаси бош муҳаррири лавозимларида фаолият олиб бормоқда.

Миродил Абдураҳмоновнинг кўп йиллик меҳнатлари эътироф этилиб, 1997 йилда “Шуҳрат” медали билан тақдирланган.

🇺🇿 Ўзбекистон Журналистлар уюшмаси устоз журналист Миродил Абдураҳмоновни таваллуд айёми билан самимий қутлаб, унга сиҳат-саломатлик, узоқ умр, ижодий ва касбий фаолиятида улкан муваффақиятлар тилайди.

💐 Табриклаймиз!
Telegram | YouTube | Instagram |Facebook

#Қутлов

Бугун таниқли журналист Шарофиддин Тўлагановнинг таваллуд куни

Шарофиддин Тўлаганов 1964 йил 2 февраль куни Қозоғистон Республикаси Чимкент вилоятида туғилган. 1989 йилда Тошкент давлат педагогика институтини тамомлаган.

Ижодий фаолиятини 1995 йилда радиодан бошлаган. Ўзтелерадиокомпанияси “Ижтимоий ҳаёт” эшиттиришлар муҳарририятида муҳаррир, сиёсий шарҳловчи, катта муҳаррир, бош муҳаррир, “Ахборот” бош муҳарририяти бош муҳаррир ўринбосари, “O‘zbekiston” радиоканали гуруҳ раҳбари, “Халқаро ҳаёт” бўлимининг мудири вазифаларида самарали меҳнат қилган.

Истеъдодли журналист, ўткир қалам соҳиби, ижтимой-сиёсий, таҳлилий мавзулардаги қатор эшиттиришлар, мақолалар муаллифи сифатида жамоатчиликнинг эътирофига сазовор бўлган.

2017 йилдан буён “O‘zbekiston-24” радиоканали Халқаро маълумотлар бўлимининг мудири лавозимида фаолият олиб бормоқда.

Ш.Тўлагановнинг “Турбат тарихи”, “Турбат йўлидаги қайдлар”, “Бу сирли дунё”, “Туркия менинг нигоҳимда” номли китоблари чоп этилган.

2006 йилда “Олтин қалам” Миллий мукофоти учун халқаро танловнинг илк совриндорларидан бири бўлган.

💐 Ўзбекистон Журналистлар уюшмаси серғайрат, фаол журналист Шарофиддин Тўлагановни таваллуд айёми билан самимий қутлаб, унга сиҳат-саломатлик, узоқ умр, ижодий ва касбий фаолиятида улкан муваффақиятлар тилайди.

💐 Табриклаймиз!
Telegram | YouTube | Instagram |Facebook

Ўзбекистон Республикаси Президенти Шавкат Мирзиёев Малайзия Бош вазири Анвар Иброҳимнинг таклифига биноан 4-5 февраль кунлари расмий ташриф билан ушбу мамлакатда бўлади.

✅ Бизни кузатиб боринг
Telegram | YouTube | Instagram |Facebook

#Қутлов

Бугун таниқли журналистлар Ҳасан-Ҳусан Нишоновларнинг таваллуд куни

Ака-ука Нишоновлар 1974 йил 1 февраль куни Самарқанд вилояти Нуробод туманида туғилган. Низомий номидаги Тошкент давлат педагогика университетини тамомлагач, меҳнат фаолиятларини “Кўзгу” газетасида бошлаган.

Журналистик фаолиятлари давомида газета ва журналларда турли лавозимларда самарали меҳнат қилган.

Ҳасан Нишонов 2019 йилдан Ўзбекистон Республикаси Бош прокуратураси қошидаги “Ҳуқуқ” газетаси бўлим муҳаррири, Ҳусан Нишонов (Ҳусан Карвонли) 2017 йилдан “Маърифат” – “Учитель Узбекистана” бирлашган таҳририяти бош муҳаррири лавозимида фаолият олиб бормоқда

Ҳасан Нишонов 2009 йилда, Ҳусан Нишонов 2014 йилда “Шуҳрат” медали билан тақдирланган.

💐 Ўзбекистон Журналистлар уюшмаси матбуотдаги дадил чиқишлари билан ажралиб турган, ўтюрак эгизак журналистлар Ҳасан-Ҳусан Нишоновларга узоқ умр, мустаҳкам саломатлик, оилавий бахт ва касбий фаолиятида улкан муваффақиятлар тилайди.

💐 Табриклаймиз!
Telegram | YouTube | Instagram |Facebook

#Қутлов

Бугун Ўзбекистонда хизмат кўрсатган журналист Маматқул Ҳазратқулов таваллуд топган кун

Маматқул Ҳазратқулов 1947 йил 1 февраль куни Самарқанд вилояти Ургут туманида туғилган. 1970 йилда Тошкент давлат университети журналистика факультетини тамомлаган.

Устоз журналист Маматқул Ҳазратқулов узоқ йиллар Ўзбекистон Миллий ахборот агентлиги – ЎзА бош директори лавозимида фаолият олиб борган. Ўзбекистон Республикаси Президенти Администрациясида масъул лавозимда ишлаган. Кўплаб ёшларга, ижодкорларга устозлик қилган.

М.Ҳазратқуловнинг “Оқ қуш”, “Чўли ироқ”, “Ҳаётнинг бир парчаси”, “Интизор”, “Қуёш мен томонда”, “Қўзичоқнинг кўз ёшлари”, “Журъат”, “Эшиклар очиқ”, “Кўккўл”, “Дийдор”, “Севги сози” каби ҳикоя ва қиссалар тўпламлари чоп этилган.

Айни пайтда “Гулистон” ва “Театр” журналлари бирлашган таҳририяти бош муҳаррири ўринбосари лавозимида фаолият олиб бормоқда.

Маматқул Ҳазратқулов 1988 йилда “Ўзбекистон Республикасида хизмат кўрсатган журналист” унвони, 2011 йилда “Меҳнат шуҳрати”, 2017 йилда “Фидокорона хизматлари учун” орденлари, 2021 йилда I даражали “Меҳнат фахрийси” кўкрак нишони билан тақдирланган. 2023 йилда “Энг улуғ, энг азиз” танлови ғолиби бўлган.

💐 Ўзбекистон Журналистлар уюшмаси устоз журналист Маматқул Ҳазратқуловга узоқ умр, мустаҳкам саломатлик, оилавий бахт ва касбий фаолиятида улкан муваффақиятлар тилайди.

💐 Табриклаймиз!
Telegram | YouTube | Instagram |Facebook

📌 "Журналист Ўзбекистоннинг амалдаги қонунлари ва халқаро ҳуқуқ нормаларига асосланиб иш олиб боради, медиа маконда ижтимоий масъулият муҳитини яратган ҳолда соҳада ўзини-ўзи бошқариш тизимини вужудга келтириш ва мустаҳкамлашга муносиб ҳисса қўшади, журналист обрў-эътибори ва шаънини ҳимоя қилади."

📖 Ўзбекистон журналистларининг касб этикаси кодексидан

✅ Бизни кузатиб боринг
Telegram | YouTube | Instagram | Facebook