Jomboy.uz || Rasmiy kanal

📌 Pensiya tayinlashda “ish staji kam chiqish” muammosiga duch kelmaslik uchun nima qilish kerak?

Masalan, siz biror tashkilotda ishlagansiz, lekin pensiya hisoblash vaqtida ushbu davr stajingiz tizimdan chiqmayapti.

Bu muammo o‘sha vaqtda ishlaganligingiz to‘g‘risidagi ma’lumotlar yagona milliy mehnat tizimi (my.mehnat.uz)ga kiritilmaganligidan kelib chiqadi.

Bunday hollarda ishga qabul qilish va ishdan bo‘shatish haqidagi buyruq ko‘chirmalarini olgan holda va mehnat faoliyati yuritganlik faktini tasdiqlatishingiz kerak bo‘ladi.

Biror tashkilotga ishga joylashayotganda yoki u yerdan bo‘shaganingizda kadrlar bo‘yicha xodimdan ma’lumotlaringizni my.mehnat.uz bazasiga to‘liq kiritilganini aniqlashtirib oling.

Ulaning va ulashing:
Veb-sayt | Facebook | Telegram | Instagram

📌 2025-yil budjeti sessiyaga kiritildi

Xalq deputatlari tuman kengashining 7-chaqiriq, 5-sessiyasi joriy yil 27-dekabr kuni o‘tkaziladi.

Kun tartibiga tumanimizning 2025-yilgi mahalliy budjetini tasdiqlash to‘g‘risidagi masala kiritilgan.

Shuningdek, “Kambag‘allikdan farovonlik sari” dasturi doirasida tanlangan mahallalarda tomorqa yerlarini sug‘orishni yaxshilash bo‘yicha takliflar ko‘rib chiqiladi.

Ulaning va ulashing:
Veb-sayt | Facebook | Telegram | Instagram

📌 Hurmatli jomboylik tadbirkorlar!

Sohadagi muammo va takliflaringizni birgalikda muhokama qilish hamda ularga yechim topish maqsadida joriy yil 25-dekabr kuni ochiq muloqot o‘tkaziladi. 
Tadbirda tuman hokimi va soha mutasaddilari ishtirok etadi.

Muloqot “Sof expo Samarkand” ko‘rgazmalar markazida soat 9:00 da boshlanadi.

Savdo-sanoat palatasining +998915437844 telefon raqami orqali ro‘yxatdan o‘tishingizni so‘raymiz.

Ulaning va ulashing:
Veb-sayt | Facebook | Telegram | Instagram

📌 “Yettilik” faoliyati sarhisob qilindi

Mahallani qo‘llab-quvvatlash kengashining tahliliy yig‘ilishi o‘tkazildi. Tadbirda tuman hokimi o‘rinbosarlari Akram Sa’dullayev, Jo‘rabek Rajabov, Hilola Rahimova hamda kengash tarkibiga kiruvchi tashkilot rahbarlari qatnashdi. Kambag‘allikni qisqartirish va bandlikka ko‘maklashish, Oila va xotin-qizlar, Yoshlar bo‘limlari hamda “Inson” ijtimoiy xizmatlar markazi rahbarlarining hisoboti tinglandi.

Tanqidiy ruhda o‘tgan muhokamada yo‘nalish kesimida yutuq va kamchiliklar tahlil qilinib, faollarga minnatdorlik bildirildi. Faoliyati qoniqarsiz bo‘lgan mahalla xodimlariga nisbatan belgilangan tartibda ta’sir choralari ko‘rilishi ta’kidlandi.

Mahallada rais, hokim yordamchisi, yoshlar yetakchisi, xotin-qizlar faoli, ijtimoiy xodim, profilaktika va soliq inspektorlari bir musht bo‘lib harakat qilishi zarurligi, aks holda ko‘zlangan natijaga erishish mushkul ekani aytildi. Kelgusi vazifalar belgilab olindi.

Ulaning va ulashing:
Veb-sayt | Facebook | Telegram | Instagram

📌 Farzandlarimizni zo‘ravonlikdan asraylik

Bolalarga nisbatan zo‘ravonlik jamiyatda jiddiy muammo bo‘lib, bolaning jismoniy, ruhiy va ma’naviy rivojlanishiga salbiy ta’sir ko‘rsatadi. Joriy yil 14-noyabr kuni “Bolalarni zo‘ravonlikning barcha shakllaridan himoya qilish to‘g‘risida”gi qonun qabul qilindi. Ushbu hujjat bolalarning hayoti, sog‘lig‘i va huquqlarini himoya qilishni maqsad qiladi.

Qonunga ko‘ra, zo‘ravonlik jismoniy, jinsiy, ruhiy, bulling kabi turlarga bo‘linadi. Ayniqsa, bolalarga nisbatan zo‘ravonlikka bizning jamiyatda toqat qilinmasligi kerak. Zotan, o‘zbekday bolajon xalq dunyoda yo‘q. Qadriyatlarimizda ham bola mehr va hurmatga loyiq hilqat sifatida qaraladi. Ularning huquqlari va manfaatlarini himoya qilish – barchamizning burchimizdir.

Alisher XOLBOYEV,
viloyat sudi jinoyat ishlari bo‘yicha sudlov hay’ati sudyasi.

Ulaning va ulashing:
Veb-sayt | Facebook | Telegram | Instagram

📌 Oila zo‘ravonlik emas, mehr qo‘rg‘oni bo‘lishi kerak

Mamlakatimizda huquqbuzarliklar profilaktikasi bo‘yicha kompleks chora-tadbirlar, xususan aholining huquqiy ongi va madaniyatini yuksaltirish, bu borada davlat organlari va fuqarolik jamiyati institutlarining hamkorligini takomillashtirish maqsadida keng ko‘lamli islohotlar amalga oshirilmoqda.

Shaxs hayoti va sog‘lig‘iga qarshi jinoyatlarning 40 foizi, har to‘rtta qotillikning bittasi, qasddan badanga shikast yetkazishlarning beshdan biri, haqorat qilish va tuhmatning sakkiztadan bittasi aynan oila-turmush sohasida sodir etilmoqda. Prezidentimizning “Oilalarda nosog‘lom munosabatlar, qaynona-kelin, er-xotin o‘rtasidagi janjallar, xotin-qizlarimiz orasida o‘z joniga qasd qilish holatlari borligi shaxsan meni qattiq iztirobga solmoqda“ degan fikrlari mavzuning qanchalik dolzarb ekanini yaqqol ko‘rsatib turibdi.

Ichki ishlar organlari tazyiq va zo‘ravonlikdan himoya qilishda birinchi bo‘g‘in bo‘lib, xodimlarning malakasi va zo‘ravonlik sodir etilgan hollarda amalga oshirilgan dastlabki harakatlari katta ahamiyatga egadir. Zo‘ravonlikdan jabrlangan ayolning profilaktika inspektori davlat himoyasini ta’minlab berishiga ishonchi kelgusi harakatlar bilan bog‘liq.
Zo‘ravonlikdan erkaklar ham jabrlanishi mumkin, lekin xotin-qizlarning zo‘ravonlikdan jabrlanish ehtimoli yuqoriligi, zo‘ravonlik turlari, og‘irlik darajasi va kelib chiqadigan oqibatlar keskin farqlanishini inobatga olgan holda islohotlar aynan ularni himoya qilishga qaratilgan.

Milliy qonunchiligimizda inson huquq va erkinliklarini himoya qilish, uning hayoti, sog‘lig‘i, qadr-qimmati va boshqa qonuniy manfaatlarini himoya qilish masalalari ustuvorlik kasb etadi. Xususan, Konstitusiyamizning 26-moddasida “Hech kimning qiynoqqa solinishi, zo‘ravonlikka, shafqatsiz yoki inson qadr-qimmatini kamsituvchi boshqa tarzdagi tazyiqqa duchor etilishi mumkin emas“, deb qayd etilgan.

“Xotin-qizlarni tazyiq va zo‘ravonlikdan himoya qilish to‘g‘risida“gi qonunining maqsadi ham xotin-qizlarni tazyiq va zo‘ravonlikning barcha shakllaridan himoya qilish sohasidagi munosabatlarni tartibga solishdan iborat. Jamiyatda huquqiy ong va madaniyatni yuksaltirish, tazyiq va zo‘ravonlikka doir murosasizlik muhitini yaratish bo‘yicha say-harakatlarni doimiy ravishda izchil amalga oshirish sodir etilayotgan zo‘ravonlikning kamayishiga olib keladi.

Alisher XOLBOYEV,
Samarqand viloyat sudining jinoyat ishlari bo‘yicha sudyasi.

Ulaning va ulashing:
Veb-sayt | Facebook | Telegram | Instagram

📌 Yil sarhisob qilindi

Yil yakuni bilan tumanimizdagi mahallalarda ishlab kelayotgan xotin-qizlar faollarining faoliyati sarhisob qilindi.

Unda soha mas’ullarining oldiga qo‘yilgan vazifalar hamda ularning ijrosi yuzasidan tahliliy ma’lumotlar o‘qib eshittirildi. Yo‘l qo‘yilgan kamchiliklar tahlil qilinib, kelgusida faoliyat samaradorligini yanada oshirish yuzasidan fikrlar bildirildi.

Shuningdek, 2025-yilda xotin-qizlar faollari oldiga qo‘yilayotgan vazifalar, xususan, erta nikoh, oilaviy ajrimlarning oldini olish, xotin-qizlar bandligini ta’minlash, kasb-hunar hamda ta’limga yo‘naltirish, oilalarda ijtimoiy-ma’naviy muhitni yaxshilash borasidagi vazifalar hamda kutilayotgan natijalar xususida so‘z yuritildi.

Yakunda yil davomida faol mehnat qilgan bir guruh xotin-qizlar faollari tashakkuronoma va esdalik sovg‘alari bilan rag‘batlantirildi.

Ulaning va ulashing:
Veb-sayt | Facebook | Telegram | Instagram

📌 Lanchjoulik tadbirkor tumanimizga sarmoya kiritmoqchi

Tumanimizda Xitoy Xalq Respublikasining Lanchjou shahrida joylashgan “Mendly” xorijiy korxonasi ishtirokida qo‘shma korxona tashkil qilinmoqda. Sarmoyador Syu Xinxan ushbu masalada tumanimizga tashrif buyurib, tuman hokimi o‘rinbosari – investitsiyalar, sanoat va savdo bo‘limi boshlig‘i Shohrux Xasanov hamda jomboylik tadbirkor “Og‘abbek qurilish stroy” mas’uliyati cheklangan jamiyati rahbari Bektosh Abdualimov bilan muzokara o‘tkazdi.

Ikki korxona hamkorligida qurilish materiallari uchun rangli bo‘yoqlar ishlab chiqarish loyihasini ro‘yobga chiqarish yuzasidan qator masalalar muhokama qilindi. Yakunda kelishuv memorandumi imzolandi.

Ulaning va ulashing:
Veb-sayt | Facebook | Telegram | Instagram

📌 Shaxmat bahsida g‘alaba

Joriy 12-22-dekabr kunlari poytaxtimiz mezbonlik qilgan shaxmat bo‘yicha “Tashkent chess” respublika musobaqasi yakunlandi. Toshkent shahar hokimi kubogi uchun tashkil qilingan nufuzli bahsda tumanimizning 7-umumta’lim maktabi o‘quvchilari Islombek Husanov 1-o‘rin, Shukrona Sobirova 2-o‘rinni egalladi.

Ulaning va ulashing:
Veb-sayt | Facebook | Telegram | Instagram

📌 Sevinch – navbatdagi sertifikat sohibasi

17-umumta’lim maktabi o‘quvchisi Sevinch Mavlonova ingliz tilini bilish bo‘yicha milliy sertifikat sohibi bo‘ldi. Bilim va malakalarni baholash agentligi ularning test natijasini “B2” darajaga baholadi.

Iqtidorli o‘quvchilarimizning kelgusi ishlariga omad tilaymiz.

Ulaning va ulashing:
Veb-sayt | Facebook | Telegram | Instagram

💥 Eng so‘nggi 70 🛍gacha CHEGIRMA!

“Ishonch”da yilning oxirgi mega chegirmalariga start berildi. Uy uchun eng kerakli belgilangan mahsulotlarni 70🛍 gacha arzon narxda xarid qiling.

❗️ Shoshiling! Chegirma barcha “Ishonch” do‘konlarida atigi 3 kun – 23, 24, 25-dekabr kunlari amal qiladi.

Batafsil:
📞 +998735152222
🤖 @ishonch_chatbot

Barcha aksiya va yangiliklardan xabardor bo‘lish uchun @ishonch kanaliga obuna bo‘ling!

Ulaning va ulashing:
Veb-sayt | Facebook | Telegram | Instagram