Futbol, sevgi, qasos...
Jose Mourinho murabbiy sifatida futbolchilar orasida mojaro yaratishni yoqtiradi. Hozirgi klubi Tottenhamda ham bu kuzatilyapti.
Bir vaqtlar Chelsea murabbiyi bo'lganida ham hozirda boshqa klublarda yulduzga aylangan Kevin De Bruyne, Muhammad Salah, Romeru Lukaku kabi futbolchilarni zaxiraga "mixlab" qo'ygan.
Bizning qahramonimiz: Kevin De Bruyne.
Balki, bu mojaroga Mourinhoning aloqasi yo'qdir, lekin, aynan Mourinho Chelsea bosh murabbiyi bo'lgan vaqtda shu hodisa sodir bo'lgan.
Chelsea tarkibidagi ikki belgiyalik: yarimhimoyachi Kevin De Bruyne va darvozabon Thibaut Courtois o'rtasida futboldan tashqarida ham kelishmovchilik bo'ladi.
Kevin De Bruynening sevgan qizi Kurtua bilan uchrasha boshlaydi. Vaziyat shu darajaga yetadi-ki bir kuni qiz De Bruynega shunday deydi: "Sen bir necha yillar davomida ololmagan ko'nglimni, Tibo bir necha soatda oldi".
Sevgilisidan ayrilgan, zaxira futbolchisiga aylanib qolgan De Bruyne bir qarorga keladi: "Chelsini tark etish kerak".
O'sha vaqtda uning imkoniyatini yetarlicha baholay olmagan klub mutasaddilari ketishiga qarshilik qilishmaydi.
Oqibatda Kevin unchalik tomoshabop bo'lmagan Germaniya Bundesligasiga o'rtamiyona Wolfsburg klubiga o'tadi. O'z ustida tinimsiz ishlashi natijasida kuchli yarim himoyachi bo'lib yetishadi va Angliya Premier Ligasiga qaytadi.
Chelsiga emas, katta pul sarflanib uzoq yillik reja tuzayotgan Manchester City safiga o'tadi.
Manchester Cityga endi kelganida bosh murabbiy Pep Gvardiola unga shunday deydi:
"Kevin, agar o'zing buni istasang, dunyoning eng kuchli yarim himoyachisi bo'la olasan. Balki, eng kuchli bo'la olmassan, lekin, kuchli beshlikka kirishing aniq".
Kevin De Bruyne Manchester City safida asosiy futbolchiga aylanadi. Ketma-ket 2 mavsum chempion bo'ladi.
Tibo Kurtua esa Ispaniyaga, Real Madrid tarkibiga borib qo'shildi, De Bruyne esa Chelsidan qasos olishda davom etmoqda...
👨🏻💻
@Javohirbek_uz
