Qo'shrabot gazetasi ''Istiqbol Sari''📰 | Rasmiy Kanal!

❗️ Endi, jarima ballari oshib ketsa, haydovchi transport vositasini boshqarish huquqidan mahrum qilinadi

Ma'muriy javobgarlik to‘g‘risidagi kodeksga kiritilgan qo‘shimchalarga ko‘ra, yo‘l harakati qoidalarini buzgan haydovchilarga jarima ballari hisoblanadi. Agar bu ballar 12 dan oshsa, haydovchi transport vositasini boshqarish huquqidan mahrum qilinadi.

Quyidagi holatlar uchun ma'muriy javobgarlik belgilandi:

🔹 Siqilgan tabiiy gazda, suyultirilgan neft gazida yoki dizel va gazsimon yoqilg‘i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

🔹 Transport vositasida odam tashish qoidalarini buzganlik uchun;

🔹 Transport vositalarini quvib o‘tish qoidalarini buzganlik uchun;

🔹 Yo‘l bezoriligi uchun;

🔹 Huquqni muhofaza qiluvchi organlar xodimlarining foto- va (yoki) videotasvirini ularning obro‘sizlanishiga olib keladigan tarzda buzib tarqatganlik uchun.

Yo‘l harakati qoidabuzarliklari bo‘yicha hisoblanadigan jarima ballari belgilangan miqdordan oshganligi uchun ma'muriy jazo qo‘llanilanadi. Bunda:

➖ Belgilangan huquqbuzarliklar sodir etilganligi uchun transport vositasi haydovchisiga mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima ballining eng yuqori miqdori 2 balldan oshmasligi kerak.

➖ Jarima ballari belgilangan huquqbuzarliklardan biri birinchi marta sodir etilgan kundan boshlab bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o‘tgach transport vositasi haydovchisidan avtomatlashtirilgan tarzda yechiladi.

➖ Hisoblangan jarima ballari bir yil davomida 12 balldan oshgan holatlarda, oxirgi sodir etilgan huquqbuzarlik uchun belgilangan tartibda qo‘shimcha jazo sifatida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo‘lmasligi belgilandi.

Kanalga ulanish:
👉@Istiqbol_sari

Viloyat Kengashi sessiyasida:

Viloyat hokimi o’rinbosari Oybek Hamroyevning ma’lum qilishicha, Qo‘shrabot tumanida xitoylik tadbirkorlar bilan hamkorlikda “salyut” ishlab chiqarish loyihasini amalga oshirish rejalashtirilgan.

Viloyat va hududlar rahbarlarining joriy yil yanvar oyida Xitoyga xizmat safari davomida 1,1 milliard dollarlik loyihalar shakllantirilgan.

Kanalga ulanish:
👉@Istiqbol_sari

Bugun 21-fevral haftaning juma kuni. Ushbu kunda ro‘y bergan muhim voqealar bilan tanishing.

#bayramlar
🇺🇳Xalqaro ona tili kuni.
🌏Xalqaro sayyohlik gidlari kuni.
🇮🇷Eron – Yoshlar kuni.

#muhim_voqealar
🔹1784 – Sevastopol shahriga asos solindi.
🔹1953 – Jeyms Uotson va Frensis Krik DNK ning ikki spiralli modelini taklif qilishdi.
🔹1992 – O‘zbekiston Tashqi iqtisodiy aloqalar vazirligi tashkil etildi. 
🔹1992 – Oʻzbekiston Malayziya davlati bilan diplomatik aloqalar oʻrnatdi.

#tavalludlar
🔹1927 – Jo‘ra Abdullayev – energetik olim, O‘zbekiston Fanlar akademiyasi akademigi, O‘zbekistonda xizmat ko‘rsatgan fan arbobi.
🔹1946 – Alan Rikman – britaniyalik aktyor va rejissyor.
🔹1962 – Chak Palаnik – zamonaviy amerikalik yozuvchi, jurnalist. 
🔹1965 – Evair Aparekido Paulino – braziliyalik futbolchi.
🔹1996 – Sofi Tyorner - Ingliz aktrisasi.

Kanalga ulanish:
👉@Istiqbol_sari