Пахтаобод тумани ,, Имматали Хожи ,, жомеь масжиди .

Намоз одоблари

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Одоб - адабнинг кўплик кўринишидир.  
Расулуллоҳ соллаллоҳу алайҳ васаллам доимий тарзда қилмаган феъллари - одобдир. Одобни тарк қилиш билан, суннати завоидни тарк қилиш каби,  гуноҳкор бўлинмайди ва итоб ҳам қилинмайди. Лекин уни қилиш - афзалдир. 
Намоз одоблари:

1.  Қиёмда - сажда ўрнига қараш.
Ойша розияллоҳу анҳодан ривоят қилинади: “Расулуллоҳ соллаллоҳу алайҳи васаллам намоз ўқисалар, бошларини эгиб, кўзларини ерга тикиб турар эдилар” (Ҳоким ривояти).
Бошқа бир ҳадисда ривоят этилишича, Набий соллаллоҳу алайҳи васаллам Каъбага кирганларида то чиққунларича кўзлари сажда ўрнидан нарига ўтмаган (Ҳоким ривояти). 
Ташаҳҳудда ўтирганларида эса, назарлари кўрсатгич бармоқларидан нари ўтиб кетмаган (Имом Аҳмад ва Имом Абу Довуд ривояти).
Фақиҳ уламоларимиз бу масалаларни ўз китобларида баён қилишган. Қиёмда турганда сажда ўрнига, ташаҳҳудда ўтирилганда кўкракка, сажда пайтида буруннинг учлари ёнларига, рукуъда оёқлар орасига ёки устига қаралади ("Жомиъ ур-румуз").

2.  Имкон қадар йўтални қайтариш. 
Бу ҳолатда намознинг фосид бўлиш хавфи бўлади. Чунки, узрсиз эснаб, ундан икки ҳарф ёки кўпроқ ҳарфлар пайдо бўлса, намоз фосид бўлади.
Қироатда овозни чиройли қилиш ёки намоздалигини билдириш - узрлардан ҳисобланади.

3.  Кекиришни қайтариш.
Бу феъл намоздан ташқарида ҳам макруҳ бўлади. Шундай экан, намозда  уни қилмаслик авлодир. 
Абу Ҳужайфа розияллоҳу анҳу айтади: Расулуллоҳ солаллоҳу алайҳи васалламнинг ҳузурларида кекириб юбордим. Расулуллоҳ солаллоҳу алайҳи васаллам: "Кекиригингни бизлардан тийгин! Сизларнинг дунёда узоқ вақт қорни тўқ бўлганларингиз, охиратда кўп қорни оч бўладиганларингиздир", дедилар.

4.  Намозда эснамаслик.
Эснаш одобсизлик бўлиб,  ланжлик ва лоқайдлик аломатидир.  Намозда эснаш эса, банданинг Робби ҳузурида турганини ҳис этмаслик, Унга нисбатан беҳурматликдир. Шунингдек, бу холат шайтонга йўл бериш ҳамдир. 
Набий соллаллоҳу алайҳи васаллам айтдилар: “Қайси бирингизга намозда эсноқ келса, қодир бўлгунича уни қайтарсин, чунки шайтон киради” (Имом Термизий ривояти).
“Намозда эснамоқ шайтондандир. Қайсингизни эсноқ тутса, иложи борича қайтармоққа уринсин” (Имом Термизий ривояти).
Уламолар намозда эснашни макруҳ санашган, ўзлари ҳам бу ишдан тийилишган.
Қудурий раҳимаҳуллоҳ айтадилар: “Кўп марта синадик, киши Пайғамбаримиз соллаллоҳу алайҳи васаллам ҳаргиз эснаган эмаслар, деб кўнгилга келтирса, эсноқ қайтар экан”. Ибн Обидин раҳимаҳуллоҳ ҳам шу гапни айтганлар.
Намозда пастки лаблар ичи тишланса, эсноқ қайтади (Сўфий Аллоҳёр. “Маслак ул-муттақийн”).
Агар эсноқни қайтаришни ҳеч иложини қила олмаса, қўлининг сирти билан оғизни тўсади.

5.  Шошилмаслик
Яъни, намозда хотиржам туриш. Намозга турганда фикру хаёлини жамлаб, Аллоҳнинг зикрига боғлаб, хотиржам бўлган ҳолда Яратганга юзланиш ҳам комил мусулмонларга хос фазилатдир. Чунки Пайғамбаримиз соллаллоҳу алайҳи васаллам намозда ниҳоятда хотиржам турганлар. Бошқаларни ҳам шунга буюрганлар. 
Расулуллоҳ соллаллоҳу алайҳи васаллам бир куни: “Ўғриларнинг энг ёмони - намозидан ўғирлайдиганидир”, дедилар. Абу Қатода розияллоҳу анҳу сўрадилар: “Эй Аллоҳнинг Расули, намозидан қандай қилиб ўғирлаши мумкин?”. Шунда у зот: “Рукуъ ва саждаларини тўла адо этмасдан”, деб жавоб бердилар. 

Ҳадис тўпламлари, Намоз одоблари, китобидан.

🌱 Aссалому алайкум. Шаъбон ойи.  Чоршанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   05. 02.2025-й (Февраль ойи )
06.1446-й (Шаъбон ойи )
       ⏳ АЗОН  ВАКТЛАРИ ⏳

🕌 Бомдод - 6: 00
🕌 Пешин   - 12:45
🕌 Аср         - 15:50
🕌 Шом       - 17:40
🕌 Хуфтон   - 19:00


     🌙 НАМОЗ ВАКТЛАРИ☀️

⏰ Бомдод -- 6:35
⏰ Пешин   -- 13:00
⏰ Аср         -- 16:00
⏰ Шом       -- 17:40
⏰ Хуфтон   -- 19:20
31-Январъдан 06-Февральгача
🕌 НАМОЗГА ШОШИЛИНГ

ДУО МАҚБУЛ БЎЛМАСЛИГИ ВА НУСРАТ БЕРИЛМАСЛИГИ.

Ушбу мавзумизга, яъни амри маъруф ва наҳий мункар мавзусига тааллуқли ишлардан яна бири қуйидаги ҳадисда ифода этилади. Расулуллоҳ соллаллоҳу алайҳи ва саллам айтганлар: «Аллоҳ азза ва жалла айтади: Дуо қилганингизда ижобат қилмайдиган, сўраганингизда бермайдиган, нусрат сўраганингизда нусрат бермайдиган бўлишимдан олдин маъруфга буюриб, мункардан қайтариб қолинглар!».

Ҳузайфа ибн ал-Ямон розияллоҳу анҳудан ривоят қилинган ҳадисда Пайғамбар соллаллоҳу алайҳи ва саллам айтганлар:
«Жоним Қўлида бўлган Зотга қасамки, сизлар ё яхши ишларга буюрасизлар ва ёмон ишлардан қайтарасизлар, ёки бўлмаса Аллоҳ таоло устингизга Ўзи тарафидан бир қаттиқ азоб туширади-да, ундан кейин дуо қилсангизлар дуоингизни ижобат қилмайди»
(Имом Аҳмад ривояти).

Амри маъруф ва наҳий мункар юқорида айтганимиздек, энг муҳим ишлардан. Имом Аҳмад, Абу Довуд ва Термизийлар Абдуллоҳ ибн Масъуд розияллоҳу анҳудан ривоят қилган ҳадисда Расулуллоҳ соллаллоҳу алайҳи ва саллам айтганлар:

«Бану Исроил маъсиятларга берилганида уламолари уларни қайтарди, бироқ улар маъсиятдан тийилмадилар. Шундан сўнг уламолар ҳам улар мажлисларида иштирок этадиган, улар билан бирга ****, бирга ичадиган бўлишди. Аллоҳ таоло улардан бу ишни кўргач, уларнинг қалбларини бир-бирига қарши қилиб қўйди. Сўнг уларни пайғамбарлари Довуд ва Ийсо ибни Марям тилида лаънатлади. «Чунки улар осий бўлиб, ҳадларидан ошган эдилар» (Бақара: 61)».

Бир лафзда: «Бану Исроилга илк нуқсон кириб келиши шундай бўлганди: бир киши бир кишига йўлиқиб, унга: «Эй фалончи, Аллоҳдан қўрқ, қилаётган маъсиятларингни тарк қил!», дерди. Кейин эртаси куни унга йўлиққанида унда кўраётган (маъсиятлар) уни у билан бирга ўтириш ва бирга -ичишдан тўсмас эди. Аллоҳ таоло улардан бу нарсани кўргач, қалбларига ноиттифоқликни солди, сўнг уларни лаънатлади».

Ҳазир бўлайлик, бизга ҳам уларга етган нарса етиб қолмасин.

Юқоридаги ҳадисларда келганидек, ушбу вазифани – яъни амри маъруф ва наҳий мункарни – эътиборсиз ташлаб қўйиш ва унга аҳамият бермаслик дуо мақбул бўлмаслиги ва нусрат келмаслиги сабабларидандир.

Шубҳасиз, бу жуда катта мусибатдир.

Мусулмонларнинг ёрдамсиз ташлаб қўйилишлари, парчаланиб кетишлари, душманларини уларга ғолиб қилиниши, дуолари ижобат қилинмаслиги мана шу вазифани тарк қилишларига жазо ўлароқ келди. Ла ҳавла ва ла қуввата илла биллаҳ.

Савлат тўккан тоғинг бўлмас,
Яшнаб турган боғинг бўлмас,
Бу дунёдан кўнглинг тўлмас,
Ота-онанг ўтгандан сўнг..

Кўзинг бежо, дўст излайсан,
Дўст қидириб ҳўп музлайсан,
Тополмай ҳўнг-ҳўнг йиғлайсан.,
Ота-онанг ўтгандан сўнг..

Кўкка боқсанг кўк йиғлайди,
Юлдузлар пўк-пўк йиғлайди,
Ой йиғлайди, сой йиғлайди.,
Ота-онанг ўтгандан сўнг.

Саратонда соянг қани,?
Тоғингдаги қоянг қани,?
Фақат армон қийнар сани.,
Ота-онанг ўтгандан сўнг..

Суратларда қолиб кетар,
Бор дардини олиб кетар,
Ўткандан сўнг бўзлаб қолма.,
Тирик бўлса бошда кўтар..

Савлат тўккан тоғинг бўлмас,
Яшнаб турган боғинг бўлмас,
Бу дунёдан кўнглинг тўлмас,
Ота-онанг ўтгандан сўнг...

Ажойиб_факт
2025-Февраль ойида:
4 та якшанба,
4 та душанба,
4 та сешанба,
4 та чоршанба,
4 та пайшанба,
4 та жума,
ва
4 та шанба
келади. Бунақаси бутун ҳаётимиз давомида бошқа бўлмайди.
Чунки, бу холат 823 йилда бир марта бўлар экан..

Аллоҳ таоло узи хайрли килсин.
Барчамизга бу Шаъбон ойини барокатли килсин

🌱 Aссалому алайкум. Шаъбон ойи.  Сешанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   04. 02.2025-й (Февраль ойи )
05.1446-й (Шаъбон ойи )
       ⏳ АЗОН  ВАКТЛАРИ ⏳

🕌 Бомдод - 6: 00
🕌 Пешин   - 12:45
🕌 Аср         - 15:50
🕌 Шом       - 17:40
🕌 Хуфтон   - 19:00


     🌙 НАМОЗ ВАКТЛАРИ☀️

⏰ Бомдод -- 6:35
⏰ Пешин   -- 13:00
⏰ Аср         -- 16:00
⏰ Шом       -- 17:40
⏰ Хуфтон   -- 19:20
31-Январъдан 06-Февральгача
🕌 НАМОЗГА ШОШИЛИНГ

ҚАЛБНИ ЁМОНЛИКЛАРДАН ТОЗАЛАШ

Росулуллоҳ соллоллоҳу аълайҳи ва саллам шундай деганлар: «Диққат қилинглар! Баданда бир луқма гўшт (парчаси) борки, агар у яхши бўлса, бутун бадан яхши бўлади, агар у ёмон бўлса, бутун бадан ёмон бўлади. Билингларки, у қалбдир».

«Аллоҳ таоло сизларнинг ташқи кўринишингизга ва молларингизга эътибор бермайди. Фақат қалбларингиз ва амалларингизга эътибор беради».

Умму Салама разияллоҳу аънҳо онамиз шундай деганлар: «Росулуллоҳ соллоллоҳу аълайҳи ва салламнинг энг кўп қилган дуоларидан бири: «Я муқаллибал-қулуб, саббит қолбии аъла диника» дуоси эди». (Маъноси: Эй қалбларни ўзгартирувчи Аллоҳим! Менинг қалбимни динингда собит қил).

Эрзурумлик Иброҳим Ҳаққи роҳматуллоҳи аълайҳи шундай деганлар:

Билиш керакки, Аллоҳнинг дўстлари шундай деганлар: Ирфон талаб қилганлар учун аввало керакли нарса, Жаноби Ҳақнинг назаргоҳи бўлган қалбини ёмон хулқлардан тозалаб, гўзал хулқлар билан безашдир. Бунга ниҳоятда эътибор ва аҳамият бериш керак. Ёмон хусусиятларнинг энг бошдаги тўртаси:

Тул'и амал (тугамайдиган, бир умрга сиғмайдиган дунёвий орзулар), шошиш, ҳасад (ҳасадгўйлик) ва кибр.

Бу тўрт нарса инсонга ва ақлига зарар етказади, ғам-қайғуга солади ва қалб хотиржамлигини бузади. Булар барча офатлар ва ёмон одатларнинг онасидир.

Бу тўрт ёмон хусусиятнинг зидди бўлган тўртта гўзал хусусият борки, қалбни улар билан безаш керак. Бу тўртта гўзал хусусият: қасрул амал (дунёвий истак ва орзуларни озайтириш), таанний (ишларида эҳтиёт бўлиб ақллилик билан ҳаракат қилиш ва шошилмаслик), нусҳ (инсонларга ростгўй ва самимий бўлиб насиҳат қилиш) ва ҳаммага нисбатан тавозе кўрсатиб, камтар бўлишдир. Чунки булар қалбга кийдириладиган каромат либосларидир. Дунё ва охират саодатига етиш учун қимматли воситалардир.

Шаъбон Қуръон тиловати ва закот ойидир

Ибн Ражаб Ҳанбалий раҳимаҳуллоҳ: «Анас айтади: мусулмонлар Шаъбон ойи кирса, мусҳафлари устига мук тушганча қироатга тушиб кетардилар ва Рамазон рўзаси вақтида заиф ва мискинларга қўллаб-қувватлов бўлиши учун молларидан закотларини чиқарар эдилар», дедилар.

«Латоифул маъориф» асаридан.

Изоҳ:  Ҳубайб ибн Собит шаъбон ойи кирса: «Бу ой қорилар ойидир», дер эди.
Ҳасан ибн Саҳл: «Шаъбон айтаркан: «Эй Робб, мени икки улуғ ойнинг ўртасида қилдинг, менга нима (улуш) бор?», Аллоҳ унга: «Сенда Қуръон қироатини (кўп ўқилишини жорий) қилдим», дер экан», дедилар.

Мисрлик олим, Ислом ишлари олий ҳайъати аъзоси шайх Холид Жундий DMC фазовий йўлдош телеканалида эфирга узатиладиган «Лаъаллаҳум яфқоҳуун»номли кўрсатувда жумладан: «Закот чиқаришнинг энг афзал вақти шаъбон ойидир. Бу ҳолат саҳобаларнинг ҳаётларида очиқ-ойдин зоҳир бўлган. Шунинг учун ҳам закот чиқаришда улкан ажр-савоблар бор бўлиб, уни комил бажаришда савоблари бир неча баробар зиёда бўлади», деди, ҳамда «...закот фарз ибодат бўлиб, Ислом арконларининг учинчи рукнидир», дея қўшимча қилди.

🌱 Aссалому алайкум. Шаъбон ойи. Душанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   03. 02.2025-й (Февраль ойи )
04.1446-й (Шаъбон ойи )
       ⏳ АЗОН  ВАКТЛАРИ ⏳

🕌 Бомдод - 6: 00
🕌 Пешин   - 12:45
🕌 Аср         - 15:50
🕌 Шом       - 17:40
🕌 Хуфтон   - 19:00


     🌙 НАМОЗ ВАКТЛАРИ☀️

⏰ Бомдод -- 6:35
⏰ Пешин   -- 13:00
⏰ Аср         -- 16:00
⏰ Шом       -- 17:40
⏰ Хуфтон   -- 19:20
31-Январъдан 06-Февральгача
🕌 НАМОЗГА ШОШИЛИНГ

намоз

Ёмон хаёлларнинг муолажаси

Хаёл ва васвасаларни муолажа қиламан десангиз, уларга эътибор қаратманг. Эътибор қилмасангиз, инша Аллоҳ, бу хаёллар ўз-ўзидан йўқ бўлиб кетади. Балки ишингизга диққат қилинг, намозга турсангиз, бутун диққатингизни намозга қаратинг.

Ҳакимул уммат, Мавлоно Ашраф Али Таҳонавий қуддиса сирруҳу бир мавъизаларида шу нозик нуқтани очиб берганлар: «Намоз – талаб қилинган ва буюрилган амал. Агар намоздалигингизда беихтиёр бошқа хаёллар келаётган бўлса, у сабабли намозингизнинг қадрини пасайтирманг. Намозхонлар кўпинча шундай савол беради: «биз намоз ўқиймиз, лекин маза ва лаззат топмаймиз» ёки «олдин жуда маза қилиб намоз ўқир эдим, энди ўша маза ва лаззат тугаб қолгандек».

Бу гапларнинг жавоби шуки, эй биродар, намоз сизга фақат маза ва лаззат бериши учун фарз қилинмаган. Балки бу амал Аллоҳ таолога ибодатдир, бандалик-қулликнинг бир кўринишидир. Мабодо, намозда маза ва лаззат келса, у ҳолда бу ҳолат Аллоҳ таолонинг бир неъматидир. Агар намозда маза ва лаззат келмаса, унинг сабабидан намозга заррача нуқсон етмайди. Агар сиз намознинг арконлари ва шартлари ҳамда одобларини тўла-тўкис адо этаётган ва суннатга мувофиқ бажараётган бўлсангиз, у ҳолда агар бутун умр маза ва лаззат келмаса ҳам, бунда сизнинг айбингиз йўқ. Ибодат чоғи маза ва лаззат келса ҳам, келмаса ҳам намоз ўқишингиз керак».

🌱 Aссалому алайкум. Шаъбон ойи. Якшанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   02. 02.2025-й (Февраль ойи )
.03.1446-й (Шаъбон ойи )
       ⏳ АЗОН  ВАКТЛАРИ ⏳

🕌 Бомдод - 6: 00
🕌 Пешин   - 12:45
🕌 Аср         - 15:50
🕌 Шом       - 17:40
🕌 Хуфтон   - 19:00


     🌙 НАМОЗ ВАКТЛАРИ☀️

⏰ Бомдод -- 6:35
⏰ Пешин   -- 13:00
⏰ Аср         -- 16:00
⏰ Шом       -- 17:40
⏰ Хуфтон   -- 19:20
31-Январъдан 06-Февральгача
🕌 НАМОЗГА ШОШИЛИНГ

Дунёга ҳеч нарсасиз келдинг, ҳамма нарсага эришиш учун ҳаракат қиласан

Бисмиллаҳир Роҳманир Роҳийм

Инсон дунёга ҳеч нарсасиз келади, сўнгра ҳамма нарсага эришиш учун ҳаракат қилади... Кейин эса ҳамма нарсани қолдириб, ҳеч нарсасиз дунёдан кетади... Сўнгра у ҳамма нарса учун ҳисоб-китоб қилинади.


Аллоҳ таолонинг бундай деган сўзи бор: “Инсонга фақат ўз қилган ҳаракатларигина мансубдир. Унинг ҳаракатлари яққол кўрсатилади. Кейин унга тўлиқ мукофот берилади” (Нажм сураси, 39-41 оятлар).

Аксарият инсонлар, уларга юклатилган вазифаларни тарк этиб, Аллоҳ улар учун кафолат берган нарсалар билан машғул бўлиб қолишади.

Ҳаётингизни кўриб чиқинг, дунёвий, фоний ишлар учун қанча вақт сарфлаяпсиз? Охиратингизга зарур бўлган ишлар учун қанча вақт ажратмоқдасиз?

Аллоҳ таоло айтди: “Ким дунё мукофотини хоҳласа, унга шундан берамиз. Ким охират мукофотини истаса, унга шундан берамиз. Ва биз шукр қилувчиларни албатта мукофотлаймиз” (Оли Имрон сураси, 145-оят).

Аллоҳ таоло дунё неъматларини охират неъматларидан афзал кўрганларни қоралаб бундай деган: “Ким дунё мукофотини истаса, унга берамиз”.

Яъни, кимки амалларини фақат дунёвий манфаатлар учун қилса, унга дунёнинг бир қисмини берамиз, аммо охиратда унга ҳеч қандай улуш берилмайди.

Шу билан бирга, Аллоҳ таоло амалларини охират мукофоти учун қилганларни мақтаб айтади:

“Ким охират мукофотини истаса, унга шундан берамиз”.

Яъни, ким охиратдаги буюк мукофотни истаса, унга шундан берамиз.

Давомида: “Биз шукр қилувчиларни мукофотлаймиз”, дейди.

Бу оят шукр қилувчиларга Аллоҳнинг мукофотлари ҳақида ваъда.

“Ким шукр қилса, уни дунёда ҳам, охиратда ҳам Аллоҳ рози қилади ва уни неъматлар билан сийлайди”

Бу оят инсонларни дунё неъматларига алданмасликка, балки охират неъматларига кўпроқ интилишга чақирган.

Аллоҳ яна бундай деган: “Ким охират ҳосилини истаса, унинг ҳосилини зиёда қиламиз. Ким дунё ҳосилини истаса, унга бир қисмини берамиз, лекин охиратда унинг ҳеч қандай улуши бўлмайди” (Шуро сураси, 20-оят).

Бу оятда шукр қилганларга Аллоҳнинг раҳмати ва уларни охиратда буюк мукофотлар билан сийлаши ҳақида айтилади.

Расулуллоҳ соллаллоҳу алайҳи васаллам бундай деганлар:

“Қиёмат кунида инсон тўрт нарса ҳақида сўралмагунча икки қадами силжимайди:

1. Умрини қандай ўтказганлиги ҳақида.
2. Танасини нималарга ишлатганлиги ҳақида.
3. Илми билан нималар қилганлиги ҳақида.
4. Молини қаердан топганлиги ва қаерга сарфлаганлиги ҳақида”.

Бу ҳадис инсоннинг ҳаётидаги ҳар бир амал ҳисоб-китоб қилиниши ҳақидаги огоҳлантиришдир.

1. Умр – инсондан, Аллоҳнинг буйруқларини қай даражада бажаргани ва тақиқларидан сақлангани сўралади.
2. Танаси – агар у Аллоҳнинг итоати йўлида ишлатилган бўлса, нажот топади, акс ҳолда, ҳалокатга учрайди.
3. Илм – инсон ўз билганига амал қилиб нажот топади, лекин илмига амал қилмаган ёки уни тарк этган одам ҳалок бўлади.
4. Мол – инсон уни ҳалол йўлда топганми ва ҳалол йўлда сарфлаганми, деб сўралади. Агар молини ҳалол йўлда топиб, ҳалол ишларга сарфлаган бўлса, нажот топади. Аммо уни ҳаром йўлларда топиб ёки сарфлаган бўлса, ҳалокатга учрайди.

Бу ҳадис ҳар бир инсонни ҳаёти ва неъматлари учун масъулиятли бўлишга чақириб, охиратга тайёргарлик кўришнинг зарурлигини уқтиради.

Ҳомиджон қори ИШМАТБЕКОВ