#Islom_va_iymon
#Nazm
💠
MENI TABRIKLAMANG YANGI YIL BILAN...Meni tabriklamang yangi yil bilan,
Mo‘min ekanimga shubha uyg‘otmang.
Uzoqlashib ketmay dil yaqin bilan,
Meni bir tilakka alishmang, sotmang.
Buzmangiz uyqumni cho‘kkanida tun,
Cherkov zangisidek urilmasin bong.
Kecha shovqinlarga bo‘lmasin tutqun.
Oddiygina otsin ertangi u tong.
Qorbobo yubormang bolamga atab,
Shirin tushlarini buzmang, iltimos.
Ko‘zi-yu ko‘nglini Qur'onga qadab,
Bazo‘r yolg‘onlardan etyapman xalos.
Archa keltirmadim hovlim sahniga,
Shifo bo‘lsa hamki muattar hidi.
Yashnagan novdani kesayin nega,
Ko‘ngil istaklari podshomi edi!?
Meni tabriklamang yangi yil bilan,
O‘tgan bu umrimdan quvonay nechun?
Gunohkor vujudu shunday dil bilan,
Tarixim yozildi, do‘stginam, tushun.
Qordayin oqlikni tilamang aslo,
Oyoqlar ostida qolmoqchimasman.
Yaxshi niyat ila bersangiz hatto
Bu kun hadyalarni olmoqchimasman...
Meni tabriklamang yangi yil bilan...
📝 O‘tkirbek Muhammadsobir
Ⓜ️anba: Internetdan olindi.
•••┄┄┄┄┄•❁••❁••❁•┄┄┄┄┄•••
Ilmiy-ma'rifiy blog:
@Ibratli_Dunyo_Nur