IHMA Farg‘ona viloyati

“Inson” markazi psixologiga Agentlik direktorining sovg‘asi topshirildi

🟢 Ijtimoiy himoya milliy agentligi direktori Mansurbek Olloyorov Farg‘ona viloyatiga xizmat safari chog‘ida “Inson” markazlari mas’ullari va ijtimoiy xodimlari bilan uchrashdi. Suhbat davomida sohaga oid bilim va tajribani oshirish, muammolarni hal etishda fidoyilik va tashabbuskorlik muhimligi ta’kidlandi.

— Muammoning tubiga yetgan, ishini sevgan xodim taklif bildiradi, yangi rejalar ishlab chiqadi va ularni amalga oshirish mexanizmini shakllantiradi, — dedi Agentlik direktori.

👥 Uchrashuvda Qo‘shtepa tumani “Inson” ijtimoiy xizmatlar markazi psixologi Muharramxon Uzoqova markazda kutubxona tashkil etish niyatini bildirib, fuqarolar muammolarini kitob mutolaasi orqali bartaraf etish rejasini bayon qildi.

✅ Ushbu tashabbus Mansurbek Olloyorov tomonidan qo‘llab-quvvatlanib, M.Uzoqovaga direktor sovg‘asi – 200 dona eng sara badiiy adabiyot jamlanmasi boshqarma boshlig‘i Abdunazar Salimov tomonidan tantanali ravishda topshirildi.

🟢 IHMA Farg‘ona viloyati boshqarmasi Axborot xizmati.

Agentlik direktori ijtimoiy xodimlar bilan uchrashdi

🟢 Ijtimoiy himoya milliy agentligi direktori Mansurbek Olloyorov Farg‘ona viloyatiga xizmat safari yakunida “Inson” ijtimoiy xizmatlar markazlari mas’ullari hamda ijtimoiy xodimlar bilan uchrashdi.

👥 Uchrashuvda fuqarolarning ijtimoiy himoyaga oid huquqlarini ta’minlash, ijtimoiy xizmatlar va yordamlar sifatini tubdan oshirish, aholiga kompleks yondashuvga asoslangan professional ijtimoiy xizmatlar ko‘rsatish bo‘yicha fikr almashildi.

💻 Shuningdek, og‘ir hayotiy vaziyatga tushib qolgan va tushib qolish xavfi yuqori bo‘lgan oilalar bilan isglash, mavjud resurslardan oqilona va samarali foydalangan holda murakkab keyslarga ijobiy yechim topish bo‘yicha ijtimoiy xodimlarning tajribalari o‘rganildi, takliflar muhokama qilindi.

🤝 Uchrashuv yakunida, ijtimoiy himoyaga muhtoj aholi qatlamining davlat tomonidan kafolatlangan ijtimoiy xizmat va yordamlarni olishida, ularning ijtimoiylashuvi va jamiyatga qo‘shilishida fidokorona mehnat qilgan ijtimoiy xodimlar Agentlik direktori tomonidan munosib rag‘batlantirildi.

🟢 IHMA Fargʻona viloyati boshqarmasi Axborot xizmati.

#xizmat_safari

Kunduzgi qatnov xizmati faoliyati o‘rganildi

🟢 Ijtimoiy himoya milliy agentligi direktori Mansurbek Olloyorov Fargʻona shahridagi “Chekshoʻra” mahalla fuqarolar yigʻinida tadbirkor tomonidan xonadon tipida tashkil etilgan kunduzgi qatnov xizmati faoliyati bilan tanishdi.

🧮 Maskanda xizmat oluvchilar uchun barcha zarur maishiy qulayliklar yaratilgan. Shuningdek, bu yerda madaniy xordiq chiqarish, mutolaa bilan yoki sport mashg'ulotlari bilan shug'ullanish, umuman olganda, bo'sh vaqtni mazmunli va unumli o'tkazish mumkin. Xizmat oluvchilar maskanda bo'lib turgan vaqtlarida ularning parvarishi bilan muttasil band bo'lgan yaqinlari ishga joylashib, oilaga qo'shimcha daromad olib kelish imkoniga ega bo'ladilar.

↗️ Tez orada viloyatning Farg'ona va Qo'shtepa tumanlarida ham shu kabi maskanlar faoliyatini yo'lga qo'yish bo'yicha jadal ish olib borilmoqda. Joriy yil yakuniga qadar viloyatning barcha tuman-shaharlarida 2 ming 222 nafar o'zgalar parvarishiga muhtoj fuqarolarni ushbu yangi xizmat turi bilan qamrab olish maqsad qilingan.

💻 Avvalroq, sinov tariqasida, “Keksalar reyestri”da turuvchi o‘zgalar parvarishiga muhtoj shaxslarga tibbiy-ijtimoiy reabilitatsiya xizmatini ko‘rsatishni yo‘lga qo‘yish maqsadida Ijtimoiy qo‘llab-quvvatlash markazi va Nogironligi bo‘lgan shaxslarni reabilitatsiya qilish markaziga 5 nafardan fuqaro yo‘naltirilgan. Ayni muassasalar mas`ullari tibbiy-ijtimoiy reabilitatsiya xizmatiga zarurat yuqori ekanini ko‘rsatuvchi aniq keyslarga asoslangan taqdimot qildilar.

🟢 IHMA Fargʻona viloyati boshqarmasi Axborot xizmati.

Kunduzgi parvarishlash guruhlari ogʻir nuqsonli bolalarda ijobiy oʻzgarishlarga sabab boʻlmoqda

🟢 Ijtimoiy himoya milliy agentligi direktori Mansurbek Olloyorovning Fargʻona viloyatiga xizmat safari davomida “Muruvvat” nogironligi boʻlgan bolalar uchun inernat uyida tashkil etilgan kunduzgi parvarishlash guruhlari faoliyati ham oʻrganildi.

👫 4-18 yoshgacha boʻlgan ruhiyatida sezilarli yoki ancha sezilarli nuqsoni boʻlgan 32 nafar bola qamrab olingan kunduzgi parvarishlash guruhlarida ijtimoiy, tibbiy, psixologik va pedagogik xizmatlar koʻrsatiladi.

🧮 Qisqa vaqt ichida:

✅ 4 nafar bolada diqqat va xotirani jamlash, oʻz oʻziga xizmat koʻrsatish koʻnikmalari paydo boʻldi, ijtimoiy moslashuv shakllandi;
✅ 5 nafar bolada tibbiy reabilitasiya olib borilib, ularning 2 nafarida mustaqil harakatlanish dinamikasida ijobiy oʻzgarishlar kuzatildi.
✅ Shuningdek, yotoq bolalarda emaklash va mustaqil ovqatlanish koʻnikmalari rivojlandi.

🤝 Ijtimoiy himoya milliy agentligi hamda Turk hamkorlik va muvofiqlashtirish agentligi (TIKA) o‘rtasida tuzilgan shartnomaga asosan 2024-yil yakunida ushbu muassasaga 67 turdagi zamonaviy reabilitatsiya jihozlari topshirilgan edi. Umumiy qiymati 110 ming AQSh dollarini tashkil qiluvchi mazkur jihozlar bolalarning muolaja va ta'lim olish sharoitlarini yanada yaxshilash imkonini beradi.

↗️ Agentlik direktori muassasada bolalarni reabilitatsiya qilish va erishilayotgan natijalar bilan qiziqdi. Ma`lum qilinishicha, yangi jihozlar yordamida 90 nafar bola jismoniy reabilitatsiya qilingan bo‘lsa, ularda o‘ziga bo‘lgan ishonch mustahkamlandi, mustaqil harakatlanish ko‘nikmasi shakllandi, uyqusi va xotirasi yaxshilandi, hazm qilish va qon aylanish tizimlarida ijobiy o‘zgarishlar kuzatildi, qabziyatdan xoli bo‘ldi.

🟢 IHMA Fargʻona viloyati boshqarmasi Axborot xizmati.