IB va KT fakulteti | AndMI

Andijon davlat texnika instituti rektori talabalar bilan uchrashdi

Andijon mashinasozlik institutida "Rektor va yoshlar" uchrashuvi o‘tkazildi.

Unda Andijon davlat texnika instituti rektori vazifasini bajaruvchi, fizika-matematika fanlari bo‘yicha falsafa doktori Suhrobjon Aliyev mamlakatimizda olib borilayotgan yoshlarga oid davlat siyosatining mazmun-mohiyati va uning maqsadi, muhandislik oliy ta’lim muassasalaridagi ta’lim va tarbiyaga oid o‘zgarishlar haqida gapirib, islohotlar zamirida yoshlardan talab qilinadigan narsa bu shijoat, bilim va harakat ekanini ta’kidladi.

Shuningdek, yoshlarning tashabbuslari va takliflarini amalga oshirishga doimo tayyorligini bildirdi.

Institutda ular uchun barcha sharoitlar yaratilgani, ustozlar va xodimlar doimo ularga xushmuomalalik bilan munosabatda bo‘lib, bilmaganlarini o‘rgatib kelayotganini aytib o‘tishdi.

Ochiq-oshkora va samimiy ruhda o‘tgan muloqot davomida talaba-yoshlarning taklif va mulohazalari, ularning ta’lim, sport, ijtimoiy-iqtisodiy va boshqa sohalardagi muammo va takliflari eshitildi.

Rektor talabalarni institut hayotida faol ishtirok etish va oliy o‘quv yurtining yetakchi yoshlari qatoridan o‘rin olishga chaqirdi.

Uchrashuv davomida talabalar o‘zlarini qiziqtirgan barcha savollarga javoblar olishdi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube

«Kitob va kitobxonlik – inson ma’naviyati ko‘zgusi»

Andijon mashinasozlik instituti Axborot-resurs markazida «Buvijonlar maktabi» a’zolari ishtirokida «Kitob va kitobxonlik – inson ma’naviyati ko‘zgusi» mavzusida davra suhbati o‘tkazildi.

Avtomobilsozlik va transport fakulteti professor-o‘qituvchilari tashabbusi bilan tashkil etilgan tadbirda 1-son talabalar turar joyida istiqomat qilayotgan qizlar ishtirok etdi.

Tadbirda Andijon shahar Nuroniylar jamiyati qoshida tashkil etilgan "Buvijonlar maktabi" jamoatchilik kengashi a’zolari Adolat Niyozova, Mahsumaxon Jamoldinova, Muhabbatxon Qo‘chqarova va Ro‘zixon Soliyevalar so‘zga chiqdi.

Uchrashuvda buvijonlar qizlarga go‘zal tarbiya, odob, axloq, milliy qadriyatlar, urf-odatlar, kitob mutolaasi, alla aytish, oiladagi sog‘lom munosabatlar haqida o‘zlarining qimmatli maslahatlarini berdilar.

Shuningdek, kitobxonlik madaniyatini shakllantirish orqali turli yot g‘oyalar ta’siridan himoyalanish, shu sababli ham ko‘proq kitob o‘qish va bilim olish lozimligi qayd etildi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube

Millatlararo totuvlik va dinlararo ichki va tashqi tahdidlarning oldini olish muhim vazifa

Andijon mashinasozlik instituti Avtomobilsozlik va transport fakultetida “Millatlararo totuvlik va dinlararo ichki va tashqi tahdidlarning oldini olish” mavzusida ma’naviy-mafkuraviy targ‘ibot-tashviqot tadbiri tashkil etildi.

Tadbir talabalarning ekstremizm, radikalizm va boshqa shu kabi buzg‘unchilik ruhidagi yot g‘oyalarning faol turlaridan ogoh bo‘lishini ta’minlash, millatlararo totuvlik va dinlararo bag‘rikenglikka qarshi qaratilgan adovatning avj oldirishga sabab bo‘ladigan huquqbuzarlik, giyohvandlik, terrorizm, odam savdosi va jinoyatchilik hamda shu kabi qator ichki va tashqi tahdidlarning oldini olish hamda ularning buzg‘unchi mafkuralarga qarshi immunitetini mustahkamlash maqsadida tashkil etildi.

Tadbirda respublika "Ma’rifat" targ‘ibotchilar jamiyati a’zosi, institutning yoshlar bilan ishlash, ma’naviyat va ma’rifat bo‘lim boshlig‘i Muhtaramxon Xaliqova, Andijon shahar ichki ishlar organlari faoliyatini muvofiqlashtirish boshqarmasi terrorizmga qarshi kurashish bo‘limi katta tezkor vakili, mayor Umidjon O‘tbosarov, Diniy ishlar bo‘yicha qo‘mitaning Andijon shahri bo‘yicha bosh mutaxassisi Muhammada’zamxon Muzrobxonov hamda profilaktika katta inspektori, kapitan Baxtiyor Xo‘jayevlarlar so‘zga chiqib, mavzuga oid ma’ruzalari bilan ishtirok etdi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube