Humoyun Math

Buvayda tumanining ayrim hududlari 12.03.2025 yil kuni elektr ta’minotidan vaqtincha uziladi 

35 kV “L-Buvayda” havo tarmog‘ida ta’mirlash ishlari olib borish munosabati bilan quyidagi 10 kVli elektr uzatish tarmoqlari 12.03.2025 yil kuni 09:00 dan 17:00 gacha elektr ta’minotidan vaqtincha uziladi: 

- 10 kV “Gul” havo tarmog‘idan (Buvayda, Ozod, Elobod, Bumozor MFY hududlari) 
- 10 kV “Yangiyo‘l” havo tarmog‘idan (Chotaka, Shodlik, Beshtarak, Xo‘jaobod, Hakimtura MFY hududlari) 
- 10 kV “Jilva” havo tarmog‘idan (Elobod, Sho‘rqishloq, Urganji, Jilva MFY hududlari) 

35 kV “L-Yangiqo‘rg‘on-Sanobod” havo tarmog‘ida ta’mirlash ishlari olib borish munosabati bilan quyidagi 10 kVli elektr uzatish tarmoqlari 12.03.2025 yil kuni 09:00 dan 17:00 gacha elektr ta’minotidan vaqtincha uziladi: 

- 10 kV “Tol” havo tarmog‘idan (Beglar, Ingirchoq MFY hududlari) 
- 10 kV “Baliqchi” havo tarmog‘idan (Hasanqo‘rg‘oncha, Qoraqum, Poshsopirim, Begobod, Oltinqo‘rg‘on MFY hududlari) 
- 10 kV “Bo‘yoqchi” havo tarmog‘idan (Oqtepa, Xonobod, Qo‘rg‘onobod, Ponsod, Yangiqishloq MFY hududlari) 
- 10 kV “Fayzaobod” havo tarmog‘idan (Hasanqo‘rg‘oncha, Begobod, Poshsopirim MFY hududlari) 
- 10 kV “Yangiqadam” havo tarmog‘idan (Yangiqadam MFY hududlari) 

Shu o‘rinda olib borilayotgan qurilish va ta’mirlash ishlari vaqtida yuzaga kelayotgan elektr ta’minotidagi uzilishlar uchun uzr so‘raymiz. 

Yetishmovchilik qadrlanadi

Yetishmovchilik har doim qadrli bo‘ladi - bu narsalarga ham, odamlarga ham tegishli. Bu oddiy, lekin chuqur haqiqat, inson tabiatiga singib ketgan. Bir o‘ylab ko‘ring: noyob tosh oddiy toshdan qimmatroq, chunki u kam uchraydi. Vaqt, e’tibor va munusobatlar ham huddi shunday. Odamlarga ko‘p vaqt bersangiz, ular buni qadrlamay qo‘yadi. Odamlar sizga ko‘nikishi ularni beparvo qilib qo‘yishi mumkin. Agar siz doim har qanday chaqiruvga tayyor tursangiz, har doim ularni yonida bo‘lsangiz, odamlar sizning qadringizni kamroq his qiladi va bu yomonlikdan emas, odatdan.

Shuning uchun qachon ketishni bilish kerak. Uzoqlashish, masofa qo‘yish - bu o‘yin emas, bu o‘z qadringizni saqlash usuli. Yo‘qligingiz odamlarga sizni ko‘proq qadrlashga yordam beradi.

Siz har qanday uchrashuvlarga, gaplarga tayyor emasligingiz, odamlarga ham, o‘zingizga ham vaqtingiz qimmat ekanini eslatib turadi.

Jasorat

Umar ibn Abdulaziz halifa bo‘ldi. Turli mamlakatlardan qutlashga odamlar keldi. Hijozdan kelgan jamoaga rahbar 10 yoshdan o‘tmagan bola edi. Tabriklash navbati Hijozga kelganda, bola turib gapirmoqchi bo‘ldi.

Halifa:
— Sen o‘tir, kattarog‘i yo‘qmi gapirishga? — dedi.

Bola shoshmadi, yig‘lamadi, o‘tirmadi:
— Alloh amirni isloh qilsin. Kishining qadri ikki narsa bilan bo‘ladi: qalbi va tili bilan. Yoshi yoki bo‘yi bilan emas, — dedi. — Agar siz aytgandek, faqat yosh muhim bo‘lganda edi, podshohlikka sizdan ko‘ra yoshi kattaroq, loyiqroq odamlar bor edi dedi.

Ha, to‘g‘ri tarbiya topgan bolalar butun davlatlar amiriga ham haqiqatlarni gapira olganlar.

Hayotimdagi o‘zgarish nuqtasi onam menga oynayi jahonni ko‘rishni man qilib kitob o‘qishga majburlagan kundan boshlangan.

Ben Karson.
Dunyodagi eng mashhur bolalar jarrohi.

P.s. bugungi kunda “oynai jahon”ni smartfonlar deb o’qilsin…

@Humoyun_Math

“Alo, dunyo!..”

Bugun – 10-mart! 1876-yilning aynan shu kunida Aleksandr Bell tarixdagi birinchi telefon qo‘ng‘irog‘ini amalga oshirgan! O‘sha kuni u shogirdi Tomas Uotsonni chaqirib shunday degan:

“Janob Uotson, iltimos, bu yerga keling, sizga gapim bor!”

Bu oddiy jumlami? Yo‘q! Bu tarix! Bu innovatsiya! Bu insoniyat muloqot uslubini o‘zgartirgan ulkan qadam edi.

Endi tasavvur qiling: agar Bell telefonni ixtiro qilmaganida, siz bu postni o‘qib, do‘stingizga jo‘nata olarmidingiz?

Vijdonan

Agar chiqarayotgan mahsulotingizni oilangizga iste’mol qildirmasangiz, demak, u sifatsiz va zararli!

Agar reklama qilayotgan xizmatingizdan o‘zingiz foydalanmasangiz, demak, u samarasiz va foydasiz!

Agar ota-onalarga berayotgan tavsiyalaringizni o‘z farzandlaringizga ravo ko‘rmasangiz, demak, siz ikkiyuzlamachisiz!

Bu – yolg‘on biznes, yolg‘on xizmat, yolg‘on maslahat! Bunday ish bilan band bo‘lgan kishi na ishonchga, na hurmatga, na barakaga ega bo‘ladi. Chunki odamlarni aldagan inson oxir-oqibat o‘zini ham aldaydi va qachonlardir bu yolg‘onining ostida qolib halok bo‘ladi.

Agar chin dildan halol ishlamoqchi bo‘lsangiz, avvalo, o‘zingiz ishlab chiqargan narsani iste’mol qiling, o‘z xizmatlaringizdan foydalaning, o‘z maslahatlaringizga o‘zingiz amal qiling. Aks holda, sizning har bir so‘zingiz va harakatlaringiz puch bo‘lib, oxir-oqibat fosh bo‘lishi muqarrar!

Устоз-шогирд ва 'трамплин' стратегияси

Ҳозирги кунда кўп ёшлар устоз олдига шогирд бўлиб кирганда энг асосий мақсад – тезроқ пул ишлаш, тезроқ натижа олиш бўлиб қолган. "Олдим-кетдим" стратегияси! Лекин натижа-чи? Йўқ!

Бирор устоз олдига кирмоқчимисиз?
Аввало, ўзингиздан сўранг:

- Мен нимани ўрганмоқчиман?
- Бу устоздан қандай билимларни оламан?
- Менинг ниятим холисми?

Шундан кейин устоз олдига ниятни тўғри қилиб кириш керак. Бўлмаса, ҳаммамиз кўряпмиз – Space Academy'га кирганлар орасида кўплари “трамплин стратегия” билан кирган. Яъни, "тезроқ олиб, тезроқ чиқиб кетиш". Натижа-чи? Йўқ! Қанчасини кўрдик, результат ололмаганлар жуда кўп.

- Устоз берган вазифаларни охиригача бажаринг!
- Устоз бир нарсани айтса, бекорга эмас!

Одам "ўз йўлим бор" деб юрса, ҳеч нарса чиқмайди. Устозни танладингми – демак, унинг тизимига тўлиқ кириш керак!

Устоз ҳаёт тарзи – натижанинг аксидир!

Ёшлар кўпинча устозни ҳозирги ҳолати билан солиштириб қўяди.
"У мана бундай яшаяпти, демак, мен ҳам шунақа яшашим керак!"
Йўқ! У одам 10-15 йил меҳнат қилиб, бу даражага келган!

Мен 17-18 ёшимдан ишлай бошлаганман. 20 ёшимда офисда ишлаганман. 11 йилдан бери меҳнат қиляпман. Ҳозирги ёшлар эса, 23 ёшида ҳали йўлини топмаган бўлса ҳам, "мошина қилишим керак, квартира қилишим керак" деб юради. Холбуки, 11 йил меҳнат қилган одамдаги тажриба унда йўқ, йўлни ҳам босиб ўтмаган!

Бир тепсанг, химир ҳам тушмайди, лекин юриш-туриши билан бутун дунёга керакдек юради!

Устозга ҳурмат – натижанинг асоси!

✅ Устоздан розилик олганлар – кучли йўл олишяпти.
❌ "Олдим-кетдим" стратегияси билан чиққанлар эса натижа кўрмайди.

- Биринчи ўринда мақсад тўғри бўлиши керак.
- Иккинчи ўринда устозга итоат ва сидқидилдан ўрганиш.
- Шундагина реал натижа бўлади!

Фикрингиз қандай? Устоз олдига қандай ният билан кириш керак деб ўйлайсиз? Комментарийда ёзиб қолдиринг

Nega bolalarimizda jur’at yo’q?

Rasululloh (s.a.v) bir majlisda o’tirayotganlarida, ularga ichimlik olib kelinadi. Ichganlaridan so’ng, sunnat bo’yicha o’ng tarafga uzatish kerak. O’ng tarafda kichik yoshli Abdulloh ibn Abbos, chapda esa Abu Bakr Siddiq o’tirgan edilar.

Ichadilar va Ibn Abbosdan so’raydilar: “Ichimlikni chap tarafdan uzatsam, maylimi?” Bola: “Sizdan keyin ichish imkoniyatini hech kimga bermayman. Menga uzating ichimlikni,” deydi.

Kichik yoshli bolaga katta odamlardek muomala qiladilar. Kim? Rasululloh (s.a.v), nega biz qilmasligimiz kerak? Hatto Abu Bakrdek zot o’tirsalar ham ularga uzatmasdan shu boladan fikr so’radilar, haqqini berdilar.

Kichik yoshli boladagi jur’atni, gaplardagi qat’iyatni qarang. Nega bizning bolalarda kattalar oldida bunday jur’at yo’q? Chunki biz mensimaymiz, fikrlar so’ramaymiz, so’rasak ham amal qilmaymiz. Ruhiyatini sindiramiz.

Juma ayyomi hayri va barokati barchamizga barobar bo’lsin!

Рўза

Саҳарлик қилиш учун иссиқина кўрпангдан кечиб уйғонасан. Кун бўйи ҳеч нарса емай сабр қиласан. Пешиндан сўнг очлик сабаб оғзингдан ёқимсиз ҳид сабаб ноқулай бўласан. Шу тартибда 30 кун рўза тутасан.

Кундуз кунлари эса ғийбат қиласан, ҳақоратли сўзларни ишлатасан, нолийсан. Биродарларингни устидан кулиб, "бу ҳазил эди" деб ўзингни овутасан.

Бунақа рўза билан фақат оч қолиб ўзингни қийнаганинг қолади. Ўзингни алдама.

Jumada yoshlikda mahallada birga katta bo’lgan akani ko’rib qoldim. Mendan ikki yosh katta. Katta bola bo’pqopsanu dedi.

Qahramon Aslanov

@Humoyun_Math

Assalomu alaykum. Yaxshimisizlar.

Propoganda videosini ko’rib chiqqanimdan keyin bir narsa esimga tushdi. Oldinlari OTM ga topshirgan yillarda iks variant degan super javob bo’lar edi.

Ya’ni siz imtihonga kirib oldidan tayyor javoblarni falon pulga sotib olib, belgilab chiqish mumkin edi. Miyyangizni ishlatmaysiz test yechib, shunday tap tap belgilab qo’ya qolasiz. Natijada ballar ham baland bo’lar edi. Bilim bilan buncha ball olish mushkul ish.

Xullas, 2009-yilda avgust oyi kirish imtixonlarida iks variant shunaqagi birga bir tushadiki savollarni 85%ini to’g’ri topgan abiturient kontraktga ham kira olmagan.

Ana o’sha yili o’qishga kirganlarni ko’pchiligi hozir o’qishni bitirib, yuqori lavozimda ishlashyapti. G’alati eshitilishi mumkin lekin bu fakt.

@Humoyun_Math