IT Education Association dan repost
AyTini o‘rganganim hayotimni yaxshi tomonga o‘zgartirdi
Boburjon Parmonqulov, 1-guruh nogironi, u mustaqil harakatlana olmaydi. Shunga qaramay u bugun “CONSTRUCTIVE METAL” korxonasida menejer lavozimida faoliyat yuritadi... Qanday qilib deysizmi?
Boburjon hayotga qiziquvchan, xushchaqchaq va bilimga chanqoq edi. Ammo 19 yoshida og‘ir dardga chalingani oqibatida yura olmay qoldi. Bir dunyo orzular bilan yashayotgan yigitning ko‘ziga dunyo qorong‘u bo‘lib ko‘rinib ketdi. Kayfiyati tushdi, ruhi cho‘kdi, butun vujudini tushkunlik kayfiyati qamrab oldi. Ammo onasi Sayyora opaning qo‘llab-quvvatlashi, Sergeli tuman “Nogironlar jamiyati” raisi Gulnoza Saidovaning mehnatlari besamar ketmadi.
Tumandagi “CONSTRUCTIVE METAL” korxonasi rahbari Abdurasul Mahmudov hamda korxona ish yurituvchisi Shahnoza Mirtolipova Boburjonga “Kompyuter savodxonligi” kursini tamomlashiga ko'mak berib, kompyuterda ishlashni, hisobotlar tayyorlashni o‘rgatishdi. Shunday qilib Boburjon yangi bilimlarni tezda o‘zlashtirib, masofadan onlayn ishlovchi xodim sifatida ishga qabul qilindi...
“CONSTRUCTIVE METAL” korxonasi nogironligi bo‘lgan shaxslarga to‘siqsiz muhit yaratadigan mahsulotlar ishlab chiqarishga ixtisoslashgan. Ya’ni, bu yerda umumiy turar joylari korxonamiz tomonidan nogironligi bo‘lgan shaxslar uchun mo‘ljallangan maxsus vositalar va moslamalar (pandus) bilan jihozlanadi.
Korxonada menejer sifatida faoliyat yuritayotgan Boburjon mijozlar bilan muloqot qilib, ulardan buyurtmalar qabul qiladi, so‘ngra ularni qayta ishlab, korxonaga yuboradi.
Boburjon faoliyat yuritayotgan korxona rahbariyati tomonidan unga noutbuk, stol-stul, shkaf, mebel jamlanmasi berib, uyiga Wi-Fi ham o‘rnatib berilgan. Sergeli tuman “Nogironlar jamiyati” raisi Gulnoza Saidova esa unga erkin harakatlana olishi uchun elektron aravacha ham bergan.
, — deydi Boburjon.
Boburjon mustaqil yura olmasada tinmay o‘z ustida ishlab, hayotda o‘z o‘rnini topishga intilayotgan yoshlarimizdan. Yaqinda u O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabida Kasb-hunar va tadbirkorlikka o‘qitish dasturining “Marketing xizmatlari hamda tovar va xizmatlar reklamasini tashkil etish” yo‘nalishi bo‘yicha o‘quv kurslarini muvaffaqiyatli tugatdi. O‘z oldiga katta-katta maqsadlarni qo‘ygan Boburjonning barcha orzulari ushalishiga tilakdoshmiz.
Qahramonimiz bilan suhbat Shveysariya taraqqiyot va hamkorlik agentligi moliyaviy qo‘llab-quvvatlovida “O‘zbekistonda IT va raqamli ta’lim landshaftini takomillashtirish” loyihasi doirasida tayyorlandi.
Mazkur Loyiha kelajakda yoshlarning IT savodxonligini oshirish, malaka oshirish imkoniyatlarini yaratish, shuningdek, qishloqlarda yashovchi yoshlar va ayollarni ish bilan ta’minlashni nazarda tutadi. Loyihaning dastlabki bosqichida hududlarda IT savodxonligi va ko‘nikmalari bo‘shliqlarini tahlil qilish, bunda maqsadli auditoriya sifatida yoshlar, qishloq aholisi, ayollar va qizlar, kam ta’minlangan oilalar, nogironlar qamrab olinadi.
Boburjon Parmonqulov, 1-guruh nogironi, u mustaqil harakatlana olmaydi. Shunga qaramay u bugun “CONSTRUCTIVE METAL” korxonasida menejer lavozimida faoliyat yuritadi... Qanday qilib deysizmi?
Boburjon hayotga qiziquvchan, xushchaqchaq va bilimga chanqoq edi. Ammo 19 yoshida og‘ir dardga chalingani oqibatida yura olmay qoldi. Bir dunyo orzular bilan yashayotgan yigitning ko‘ziga dunyo qorong‘u bo‘lib ko‘rinib ketdi. Kayfiyati tushdi, ruhi cho‘kdi, butun vujudini tushkunlik kayfiyati qamrab oldi. Ammo onasi Sayyora opaning qo‘llab-quvvatlashi, Sergeli tuman “Nogironlar jamiyati” raisi Gulnoza Saidovaning mehnatlari besamar ketmadi.
Tumandagi “CONSTRUCTIVE METAL” korxonasi rahbari Abdurasul Mahmudov hamda korxona ish yurituvchisi Shahnoza Mirtolipova Boburjonga “Kompyuter savodxonligi” kursini tamomlashiga ko'mak berib, kompyuterda ishlashni, hisobotlar tayyorlashni o‘rgatishdi. Shunday qilib Boburjon yangi bilimlarni tezda o‘zlashtirib, masofadan onlayn ishlovchi xodim sifatida ishga qabul qilindi...
“CONSTRUCTIVE METAL” korxonasi nogironligi bo‘lgan shaxslarga to‘siqsiz muhit yaratadigan mahsulotlar ishlab chiqarishga ixtisoslashgan. Ya’ni, bu yerda umumiy turar joylari korxonamiz tomonidan nogironligi bo‘lgan shaxslar uchun mo‘ljallangan maxsus vositalar va moslamalar (pandus) bilan jihozlanadi.
Korxonada menejer sifatida faoliyat yuritayotgan Boburjon mijozlar bilan muloqot qilib, ulardan buyurtmalar qabul qiladi, so‘ngra ularni qayta ishlab, korxonaga yuboradi.
“Axborot texnologiyalarni o‘rganganim – hayotimni yaxshi tomonga o‘zgartirdi. Mijozlar bilan, xaridorlar bilan muloqot qilishim – hayotimga mazmun olib kirdi. Korxonaning bir bo‘lagi ekanligimni his qildim. Jamiyatga kerakligimdan xursandman. Meni qo'llab-quvvatlashgani uchun korxona rahbariyatidan minnatdorman. IT sohasi men kabi tayanch-harakat tizimida muammosi bo‘lgan insonlar uchun jamiyatda o‘z o‘rinlarini topishlari uchun juda yaxshi imkoniyat deb hisoblayman. Bu sohani o‘rgangan insonlar albatta o‘zini hayotga bo‘lgan qiziqishlari ortib boradi.
Boburjon faoliyat yuritayotgan korxona rahbariyati tomonidan unga noutbuk, stol-stul, shkaf, mebel jamlanmasi berib, uyiga Wi-Fi ham o‘rnatib berilgan. Sergeli tuman “Nogironlar jamiyati” raisi Gulnoza Saidova esa unga erkin harakatlana olishi uchun elektron aravacha ham bergan.
“Kelajakda orzularim ko‘p. Shulardan biri sog‘ayib, hamkasblarim bilan bir xonada birgalikda ishlash. Bundan tashqari kompyuterda dasturlash tilini o‘rganib, chiroyli saytlar, dasturlar yaratish. Irodamni qo‘lga olib, kuchim yetgancha harakat qilaman va nasib qilsa yetakchi dasturchi bo‘lishni niyat qilayapman va albatta maqsadimga yetishimdan umidvorman”
, — deydi Boburjon.
Boburjon mustaqil yura olmasada tinmay o‘z ustida ishlab, hayotda o‘z o‘rnini topishga intilayotgan yoshlarimizdan. Yaqinda u O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabida Kasb-hunar va tadbirkorlikka o‘qitish dasturining “Marketing xizmatlari hamda tovar va xizmatlar reklamasini tashkil etish” yo‘nalishi bo‘yicha o‘quv kurslarini muvaffaqiyatli tugatdi. O‘z oldiga katta-katta maqsadlarni qo‘ygan Boburjonning barcha orzulari ushalishiga tilakdoshmiz.
Qahramonimiz bilan suhbat Shveysariya taraqqiyot va hamkorlik agentligi moliyaviy qo‘llab-quvvatlovida “O‘zbekistonda IT va raqamli ta’lim landshaftini takomillashtirish” loyihasi doirasida tayyorlandi.
Mazkur Loyiha kelajakda yoshlarning IT savodxonligini oshirish, malaka oshirish imkoniyatlarini yaratish, shuningdek, qishloqlarda yashovchi yoshlar va ayollarni ish bilan ta’minlashni nazarda tutadi. Loyihaning dastlabki bosqichida hududlarda IT savodxonligi va ko‘nikmalari bo‘shliqlarini tahlil qilish, bunda maqsadli auditoriya sifatida yoshlar, qishloq aholisi, ayollar va qizlar, kam ta’minlangan oilalar, nogironlar qamrab olinadi.